۞ ʚïɞرمضان الفراشات ، يزهو بألوان الطاعات و البركاتʚïɞ ۞

[حبيييبة]

http://up.3dlat.com/uploads/3dlat.com_14040370361.gif

حبيبات قلبي

كل سنه وكل لحظة تمر عليكم وانتم فى صحه وهناء

كل سنه و يدخل رمضان علينا أحسن من اللى فات

كل سنه ولمة رمضان ...دفء رمضان... وأنوار رمضان تحيطنا من كل مكان

كل سنه و بلادنا الجزائر وأهلها بخير و أمان

http://up.hawahome.com/uploads/14039494691.gif

حبيباتي

هلّ علينا شهر الخير

شهر البركة و الطاعة و الطمئنينة و السكينة

هو مناسبة من اجمل المناسبات و اطولها

لنجعله هذه السنة عيدا لنا

شهر رمضان اطول عيد يمر علينا حوالى 40 يوم أو أكثر

مابين الاستعداد لرمضان من قبله باكثر من اسبوع + شهر رمضان كله + العيد معاه

لنجعل كل يوم منه عيدا خاصا

لنعط لكل يوم منه حقه الخاص به

لنستمتع به بكل تفاصيله

لنفرح به لنسعد به لنعشه بكل غبطة و تفاؤل

كلما فتحنا أعيننا صباحا من النوم

لنستشعر فرحة العيد و نقفز من أسرتنا بكل حماسة و حيوية

نفتح نوافذ بيوتنا ليتجدد هواؤها و نستنشق هواءا جديدا رمضانيا ايمانيا ينعش الفؤاد و يربي النفس

http://auto.img.v4.skyrock.net/2070/84352070/pics/3180078255_1_2_AFjI9rcM.jpg

لننظف اركان بيوتنا فتتنظف معها قلوبنا

لنعطرها بعطر أفواهنا الصائمة الذاكرة الشاكرة لربها

لنجهز لاسرنا الحبيبة كل ما لذ و طاب مما رزقنا خالقنا جل في علاه

لنسعدهم بما تشتهي نفوسهم و يشفي ظمئهم و جوعهم و نفرحهم عند افطارهم

https://wordsmith360.files.wordpress.com/2012/08/iftar.jpg

لنشارك فرحتنا بما رزقنا خالقنا من أكل أو مال أو صحة أو علم أو أو.. مع غيرنا من المحرومين منها

لنجعل تعاملاتنا بين أفراد أسرنا و مع أفراد محيطنا كلها تراحم و مودة و تآزر و احسان و عطف و ليونة و لطف و تسامح

http://www4.0zz0.com/2015/06/16/00/835051543.gif

حبيباتي ربات البيوت الأمهات

لنغتنم هته الأيام المفترجة و نأخذ بناتنا تحت أجنحتنا لنحتويهن و نحسن تربيتهن و تعليمهن

http://pad2.whstatic.com/images/thumb/9/91/Fast-During-Ramadan-%28for-Kids%29-Step-10.jpg/670px-Fast-During-Ramadan-%28for-Kids%29-Step-10.jpg

لنجمع شمل أولادنا و نوطد علاقاتنا الأسرية

لنبث فيهم روح العبادة و الطاعة و حب الله و رسوله صلى الله عليه و سلم

http://www.fashioncentral.pk/images/living-lifestyle/Activities_For_Toddlers_During_Ramadan.jpg

ادعوكن حبيبات قلبي

الى تجديد عهودنا مع مولانا عز و جل

لنرجع اليه تائبين نائبين

لندعو من ربنا سبحانه و تعالى أن يرزقنا التوبة لنتوب اليه

و أن يتقبلها منا

أيام رمضان هي ايام الإنابة، فيها تفتح أبواب الإجابة

هي أيام محو ذنوبنا فلنستغث إلى مولانا من عيوبنا

لندعو ربنا سبحانه و تعالى أن يرحمنا و يجعلنا من المعتوقين من النار في كل يوم تغرب فيه شمس رمضان و نحن نستغفر و نتضرع

http://www.maxforums.net/gallery/files/6/2/7/0/4/p76.jpg

لندعو ربنا سبحانه و تعالى أن يستجيب لدعواتنا

و يوفقنا لطاعته و عبادته ايمانا و احتسابا

لندعو ربنا سبحانه و تعالى أن يتقبل منا صالح الأعمال و يوفقنا اليها

http://i40.servimg.com/u/f40/16/60/74/75/klshe_14.gif

لنبدأ على بركة الرحمن الكريم العفو الغفار

طبعتنا الجديدة من دورة الفراشات

تحت شعار

۞ ʚïɞرمضان الفراشات ، يزهو بألوان الطاعات و البركاتʚïɞ ۞

لنجعل صفحاتها عيدا متجددا كل يوم في هذا الشهر الكريم

لنحتفل بشهرنا و بأنفسنا و بايماننا و بحياتنا وبوجودنا في هذا الكون المسخر لخدمتنا

لنتعلم مع بعض أن نخدم أنفسنا و نخدم احبتنا و اهلنا و عباد الله المحيطين بنا

فنكون ممن استخدمهم الله العزيز الودود ليكونوا من أهل البر و الخير

http://t1.gstatic.com/images?q=tbn:ANd9GcSN9JmFRxYwONRhcG16B7mwPWkX4GOxG AroLuF8EHwAI7bq_H4Q

http://n4hr.org/up/uploads/n4hr_14030333592.jpg

[omselma]

ساكون انا اول من توقع حضورها حابة نستفاد منكم بزاف هذا رمضان

[*ام بثينة*]

شكرا للاحت حبيبة

انا متشوقة لابدا معكم هذه الدورة

بارك الله فيكم

[أم فاطيمة]

شكرا حبيبة رمضان كريم

[الدر المكنون 7]

السلام عليكم ورحمة الله وبركاته
اللهم بلغنا رمضان لا فاقدين ولا مفقودين
اللهم اعتق رقابنا في هذا الشهر المبارك
أسأل الله تعالى أن تكون هذه الدورة فاتحة خير لكل جادة ومجتهدة
ودافعا قويا لجعل رمضان موسما دينيا حافلا بالعبادات والطاعات والقربى من الله
وأن تعم الفائدة علينا جميعا
باركك الله أختي حبيبة وبارك لك في وقتك وفي مجهوداتك
مميزة كعادتك ننتظر منك الكثير في هذا الشهر المبارك

[chouchou w]

السلام عليكم حتي انا اريد الانضمام لكن

وشكرا علي الموضوع

[سرور2]

بارك الله فيك على الموضوع اود الانضمان فقد كنت اود ان ابقى معكي في مواضيعك الاخرى لكن لضروف صحية لم استطع ان شاء الله نكمل معاكم ونستفيد منكم في هذا رمضان

انا معكم ان شاء الله

[رقية الناجحة]

سنكون معا باذن الله

[أم عبد الله ياسين2]

بارك الله فيك أريد الإنضمام

[أم تغاريد]

جزاك الله خيرا أختي حبيبة ونفع بك
معك إن شاء الله

[h_hakima08]

بارك الله فيك أختي حبيبة وبارك لك في وقتك وفي مجهودك

[ام مؤمن]

بارك الله فيك حبوبة و ربي يجمعنا على الخير و الطاعات

طبعا انا و كل السرب معك دائما و الله الموفق اللهم بلغنا رمضان

[0ibtissam]

جزاكي اله خير اخت حبيبة متشوق لبدء الدورة

[YASMINE SILA]

بسم الله ماشاء الله
رمضانكم بالصحة و الهنا ياااارب
راني هنا معاكم و ربي يوفقك القائدة حبيبة

[أم ريتاج زهرة]

الحمد لله لعودة اللمة الشيقة بينانتا و أنا جد متشوقة لبدئ الدورة و رمضان كريم

[منال100]

وانا معكم ان شاء الله رمضان كريم للجميع وكل عام وانتن بالف خير

[حبيييبة]

مساء الخير حبيبات قلبي
اهلا و الف مرحبا بكن في هته اللمة المباركة
الله يديمها علينا ياا رب

أهلا بكل الفراشات اللي شرفونا بانضمامهم لينا
ان شاء الله رايحين نعيشوا اجمل ايام عيد خلال شهر رمضان المبارك
و نتعاون فيه على الخير و البر و نستمتع به بكل تفاصيله

[أم أمين2007]

يشرفني الانضمام الى سرب الفراشات
ان شاء الله رمضان 1436 غير كل الاعوام الماضية
احتاج صحبة صالحة
هل من مكان بينكن

[hadjer17000]

جزاكي الله كل خير و انا معكم ان شاء الله
رمضان مبارك

[ام مؤمن]

مسائكم سعيد

هيا حركونا الحالة شوية و ديرونا جو

انا جبتلكم شوية مشتريات باش نكسر الروتين رمضان راه غذوة ان شاء الله سبقت الفرح بليلة

انا تسوقت كذا مرة و اشتريت اغراض للمطبخ كنت كاتبتلها قائمة لشهر رمضان

رمضان اللي فات شريت اواني الطبخ و هذا السنة شريت حوايج متفرقات انا نموت عليهم

صورتلكم شوية قولوا ماشاء الله

بسم الله

http://cdn.top4top.net/i_a4265c44645.jpg

http://cdn.top4top.net/i_8667a608591.jpg

http://cdn.top4top.net/i_0aeafd1f031.jpg

http://cdn.top4top.net/i_a4265c44643.jpg

http://cdn.top4top.net/i_8667a608592.jpg

http://cdn.top4top.net/i_a4265c44644.jpg

واش رايكم فيهم

انا عندي نقطة ضعف نموت على المواعين و الله ماعادش عندي بلاصة وين نخبي و هبلونا كل عام تخرج حاجة جديدة


هيا شكون تتطوع و تحطنا صور ماشي شرط مشتريات ممكن تحضيرات رمضان هيااااااااااااااااااااا

[ام مؤمن]

و هذه بعض تحضيراتي للشهر الكريم

شوطت الفلفل و الطماطم و الثوم و بيدنجان و درتهم حميص و جمدته

ايضا البصل و الطماطم و الثوم و الجلبانة و شوية قرنون و جففت شوية ثوم

جمدت ايضا عصير الليمون و مركز الليمون

و الكسرة المطلوع خبزت كمية و كونجليتها

http://cdn.top4top.net/i_dceb8e01481.jpg

جربت المثلجاث نديرها في رمضان ان شاء الله

http://cdn.top4top.net/i_e7b07e6f109.jpg

و هذه شباح الصفرة درتها و كونجليتها

http://cdn.top4top.net/i_bb2c6a181b4.jpg

و هذا مركز الليمون درت 2 كيلو و جمدته باش ندير الشاربات

http://cdn.top4top.net/i_71c55247e74.jpg (http://up.top4top.net/)


http://cdn.top4top.net/i_71c55247e75.jpg (http://up.top4top.net/)

و هذه تارتولات جربتهم ايضا

http://cdn.top4top.net/i_d542e22d121.jpg

http://cdn.top4top.net/i_d542e22d122.jpg

و وجدت الفريك و التوابل و كونجليت كمية كبيرة من الدجاج مقسم حصص و مازال اللحم ان شاء الله هذا واش تفكرت

و درت تنظيف عميييييييييييييييييييق للبيت كله

و اشتريت المواد اللازمة لتحليات و مقبلات رمضان و رتبتهم في الثلاجة ماصورتهمش

ربي بلغنا رمضان و متعنا بالصحة و العافية و لله الحمد و الشكر له ربي يوصلنا ليه بالخير و نتفرغوا للطاعات و العبادات

راني زدت تطوعت هيا شكون تتطوع بعدي

[saranor]

ماشاء الله عليك ام مؤمن الله يبارك وبصحتك واش شريتي
ولادمان تاع الماعين كامل عندنا هههههههههه
كل عام وانتم بخير

[وفاء الياسمين]

مشاء الله عليك أم مؤمن ربي يباركلك في مالك و وقتك و حياتك وكل الحبوبات الفراشات و المؤمنين أجمعين

أستاذة حبيبة و الله توحشتك و توحششت اللون الزهري و كلماتك الجميلة رغم أن الفراشات عندهم مدة وهوما غايبات عن اللمة لكن لايفوت الاوان على الاحسان
سنلتقي دائما و نير للأمام
أعتذ لأني لم أضع برامجي من قبل لأن أصلا ماكنت نقدر نخدم و كنت كي السلحفات و حشمت مالقيت واش نكتب المهم بإذن الله راني معاكم في رمضان ربي يوفقنا و يبلغنا رمضان و صيامه و قيامه

حبيباتي تحياتي و سلامي ليكم جميعا بدون استثناء

[oum sabrin]

مساؤكم سعيد فراشاتي الغاليات
شكرا حبيبتنا حبيبة على الموضوع الجديدالخاص برمضان الفراشات فكرة رائعة لكي يبقى بستاننا دائما معطر باحلى الورود
اختي ام مؤمن ما شء الله عليك راكي كفيتي و وفيتي الله يباركلك في عائلتك و مالك و خاصة في صحيحتك و بصحتك ما شريتي راني لاحقتكم بالصور

[oum sabrin]

بعدما درت حملة تنظيفية الاسبوع الماضي عاودت تنظيف سريع للبيت لانه كان نظيف مع دورة الفراشات السابقة
بسم الله ما شاء الله
هذا تنظيفي للكولوار و الهول
http://www13.0zz0.com/2015/06/17/18/976129955.jpg
http://www13.0zz0.com/2015/06/17/18/435829145.jpg
هنا كنت خدمت غطاء للمدفاة بالتزيين بالورود خاطيني فصالة و ماعنديش ماكنة خياطة بصح سلكلها هههه
http://www13.0zz0.com/2015/06/17/18/676535345.jpg

كملت غسلت كوات كانو بقاولي من الفراش
http://www13.0zz0.com/2015/06/17/18/693921813.jpg

http://www13.0zz0.com/2015/06/17/18/396109200.jpg

الان نجو للمفرزنات
اشتريت هاد الاكياس المحكمة القفل
حضرت شليطة و وضعتها بكميات قليلة في هذه الأكياس لكي لا تاخذ مكان مثل العلب
http://http://www13.0zz0.com/2015/06/17/18/576087460.jpg

http://www13.0zz0.com/2015/06/17/18/889033731.jpg
من بعد نزيد نصور الاواني لي شريت و الملابس سلام

صنعت ايضا صلصة حمراء و قسمتها كذلك
http://www13.0zz0.com/2015/06/17/18/647194576.jpg

حضرت العجينة المورقة للمملحات و قسمتها
http://www13.0zz0.com/2015/06/17/18/296663625.jpg
خدمت عجينة الفيلو لحلوى السهرة
http://www13.0zz0.com/2015/06/17/18/378262472.jpg

شمخت شويا حمص و طيبتها نصف طياب
http://www13.0zz0.com/2015/06/17/18/419808632.jpg

وهاذا شكلهم بعدما وضعتهم في الفريزر
http://www13.0zz0.com/2015/06/17/18/866571395.jpg

خدمت عجينة السابلي باش ندير les fond de tarte من بعد نكملهم

[أم عبد الله ياسين2]

ما شاء الله عليك أم صبرين نفس طريقتي في التًفريز حتى نفس الساشيات

[حبيييبة]

مساء الخيرات فراشاتي الغاليات
ماشاء الله لا قوة الا بالله
راكم ناشطات و فحلات
اهلا و الف مرحبا بكل المشتركات الرائعات اللي انضموا الينا

جبتلكم حبيباتي جدول يومي للفراشات
لتقسيم وقتها على مدار اليوم
و حطيت فيه مختلف الاعمال الاساسية اللي ممكن تقوم بيهم المرأة المسلمة
خلال شهر رمضان كل يوم
و لكل فراشة أن تأخذ فكرة من هذا الجدول
و تصنع جدولها الخاص بها حسب ظروف بيتها ووقتها اليومي

http://www8.0zz0.com/2015/06/17/20/904208063.jpg

[سرور2]

بصحتكم لبنات المشتريات وربي يحفضلكم اياديكم وصححتكم وربي يقدرنا على صيامه وقيامه يارب

ام مؤمن الله بارك مشاء الله شفتي لماعن كل عاذم يخرج جديد املا انت اشؤيه وانا اعطني لقديم ههههههههههههبصحتك غير نزعق معاك

ام صابرين مشاء الله ربي يعاونك اختي ويقدرنا على الصيام

[سرور2]

انا للاسف مصورتش بصح درت تنضيف عميق للمنزل وغسلت الملابس وخدمت فلفل وخبيتو حصص والحمص طيبتو وخبيتو حصص والدجاج ايضا واللحم الاحمر وطيبت طاجين حلو ايضا اما الاشاء الاخرى مثل البوراك والمطلوع فلازم يومياتتخدم يعني تكون جديدة

ربي يعنا على صيامه وقيامه

[أم ريتاج زهرة]

السلام عليكن حبيباتي و الله ليكم وحشة أنا نظفت الدجاج و قطعته حصص و اللحم و اللحمة المفروم في الكونجيلاتور و درت فلفل حلو حصص أيضا و البفسبر و الكرافس نقيتهم و غسلتهم و في كيس بلاستيكي و إلى المجمد تظفت البيت و غسلت الملابس اللي بقاولي و غدوة رمضان يدخل علينا بالصحة و الهناء و عبادة الرحمان و ربي يخلينا في هذه اللمة و الله لا يحرمنا منها رمضان كريم للجميع

[حبيييبة]

أما جدول العبادات:

1/ التسبيح:

فأقترح أن نبقى نمشي على برنامجنا الأول السابق للتسبيح
الذي اعتدنا على القيام به بعد صلاة الفجر
فتسبيحة في رمضان خير من ألف تسبيحة في غيره

برنامج الذكر:

200 مرة استغفار

100 مرة الله اكبر

100 مرة الحمد لله

100 مرة سبحان الله

100 مرة لااله الا الله

100 مرة الصلاة و السلام على نبينا المختار صلى الله عليه و سلم
+ أذكار الصباح و المساء

2/ قراءة القرآن:

فاقترح أن نختم القرآن مرة واحدة على الأقل
(بالطبع هذا البرنامج سيكون للبطيئات أو ربات البيوت و الامهات و العاملات او اللواتي لهن
انشغالات كثيرة تجعل وقتهن في رمضان مضغوطا للغاية)
أما اللواتي لهن الوقت فيمكنهن أن يختمن أكثر من مرة بالطبع
حسب هممهن واجتهادهن، وعلى قدر أهل العزم تأتي العزائم

- حزب بعد صلاة الفجر

- ربع حزب بعد صلاة الظهر

- ربع حزب أيضا بعد صلاة العصر

و بهذا نتم جزء من القرآن كل يوم فنختم خلال شهر رمضان المبارك مرة واحدة باذن الله
(عدى عن ختمة التراويح)


3/ أذكار الصباح و المساء

4/ ترطيب اللسان بالذكر على مدار اليوم

و الاكثار من:
• «أستغفر الله الذي لا إله إلا هو الحيّ القيوم وأتوب إليه»
• «لا إله إلا الله وحده لا شريك له، له الملك وله الحمد، وهو على كل شيء قدير»
• «لا إله إلا الله»
• «سبحان الله والحمد لله ولا إله إلا الله والله أكبر»
• «سبحان الله وبحمده، سبحان الله العظيم»
• «حسبي الله ونعم الوكيل»
• «لا حول ولا قوَّة إلا بالله»
• «اللهم صلِّ على سيِّدنا محمد»

5/ الدعاء في الأسحار، و بعد كل صلاة، و عند الافطار

6/ الاستغفار في الأسحار

** بعض الأعمال المستحبة خلال هته الأيام المباركة اعرضها عليكن:

الجدول اليومي الرمضاني للأسرة المسلمة:

من طلوع الفجر إلى غروب الشمس :

- الصلاة لوقتها
- السنن الرواتب
- قراءة القرآن
- سنة الضحى
- ترطيب اللسان بالذكر
- الصدقة بمبلغ رمزي
- الأمر بالمعروف
- النهي عن المنكر
- استماع لشريط
- جلسة تحاور
- تفكر لدقيقة
- إعداد المائدة
- إفطار صائم
- إكرام جار
- تعجيل الإفطار و الدعاء.

من غروب الشمس إلى طلوع الفجر :

- نظافة الثوب و البدن.
- صلاة التراويح
- حضور الجماعة
- توجيه الأبناء ( أو الأخوة و الأخوات)
- حضور الدرس
- صلة الأقارب و الأحباب
- المشاركة في أعمال تطوعية
- حضور برامج إعلامية هادفة
- الإكثار من ذكر الله
- النوم المبكر
- قيام الليل
- قراءة القرآن
- الدعاء في الثلث الأخير
- تأخير السحور
- الاستغفار

هته باختصار مختلف الاعمال التي يمكن للفراشة ان تقوم بها رفقة افراد اسرتها
يمكن لكن ان تصنعن جدولا خاصا بالعبادات و تقسمن فيه هته الاعمال على ايام الشهر
و لكن الحرية في اختيار اي عمل يمكنكن القيام به
يعني ان البرنامج ليس اجباري بحذافيره بل اخترن بعضا من هته الاعمال و اثبتن عليها
و أذكركن و اذكر نفسي بهته المقولة:
"قليل دائم خير من كثير منقطع" هي حكمة مأخوذ ة من حديث النبي -صلى الله عليه وسلم-:
"أحب الأعمال إلى الله: أدومها وإن قل"

و الله المستعان و الموفق لنا لما يحبه و يرضاه

http://www.mydreambox.net/forum/imgcache/2014/223179_dreambox-sat.com.jpg

[رقية الناجحة]

مساءا لخير يا فراشات كنت وعدتكم نصور لكم الاواني لي شريتهم شوفو


إضغط هنا لرؤية الصورة بحجمها الطبيعي.




إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.



ياهذي تهبل هناتني من البصل والفلفل ترحي بكمية كبيرة

[حبيييبة]

يلا حبيبات القلب و الروح
كل وحدة تختار سجادتها و تاخذ مكانها في الصف
و لنلتقي عند كل صلاة لنصليها معا في وقتها
و نستشعر بعضنا البعض و اننا نصلي كلنا مع بعض
حين ينادي عليها المؤذن كل يوم طيلة هذا الشهر
و سووا الصفوف حبيباتي فان تسوية الصفوف من تمام الصلاة

http://t3.gstatic.com/images?q=tbn:ANd9GcTBlJCg0bpYSe-SCuJBjTFRz9vh-ePPIQWVpL0EKHPgp_wxx82xfg

[oum sabrin]

رمضان مبارك و كل عام و انتم بالف خييير
http://store1.up-00.com/2015-06/1434580270281.jpg

[ام اكرم31]

السلام عليكم حبيباتي رمضان مبارك راني معاكم ان شاء الله ربي يوفقنا على طاعته وجمع الحسنات ومحو السيئات
بارك الله فيك حبيبة قلبي حبيبة غيرتي حياتي
180 درجة والفرق كان واضحا لكل من زارني في هته الايام وطلبو مني برنامج الاسبوعي واليومي حتى يطبقوه و راح نمدلهم ان شاء الله برنامج شهر رمضان
فقط اريد ان اعرف هل نبقاو محافضين على البرنامج الاسبوعي حتى نحافض على نضافة البيت او مادا افعل وشكرا لكم

[T-Mon16]

بارك الله فيك

[amarameur]

مبارك الشهر الكريم , رمضان كريم كل عام وأنتم بألف خير

[شوشو 11]

السلام عليكم
واخييييييييييييييرا ظهرت يا حبيبتنا حبيبة توحشناك انت وخطك الوردي الرائع بما يحمل من درر وبارك الله فيك على افتتاح الدورة من جديد لانها ستجحذ الهمم وترفع مستوى طاقتنا ونشاطنا خاصة مع الشهر الكريم... وبارك الله فيك على البرنامج المقترح ومايحمل من عبادات .....والحمد لله على لم الشمل مرة اخرى

وتحية للغاليات الفراشات اللي مازالوا على العهد

رمضان مبارك للجميع ..اللهم بلغنا اياه ووفقنا لصيامه وقيامه وبدل الطاعات على قدر الاستطاعة

ان شاء الله تعالى معكن حتى ولو كان دخولي قليلا

[شوشو 11]

ان شاء الله مكاني محجوز معكن في السجادة الصفراء...خير الامور اوسطها

http://t3.gstatic.com/images?q=tbn:ANd9GcTBlJCg0bpYSe-SCuJBjTFRz9vh-ePPIQWVpL0EKHPgp_wxx82xfg

[بعيدة المنال]

السلام عليكم ورحمة الله تعالى وبركاته رمضان مبارك عليكن جميعا يا لمة الخير وألف شكر حبيبتي وتوأم روحي حبيبة على هذا العطاء اللامتناهي جعله الله في ميزان حسناتك مضاعفا ببركة هذا الشهر الكريم
حبيباتي الفراشات - كل واحدة باسمها - مبارك عليكن الشهر ومباركة عليكن خيراته وأرجو من الله أن يكون نقطة تحول في حياتنا تزيدنا من الله تقربا وخشية .
للأسف لن أستطيع المشاركة في هذه الدورة الطيبة خاصة في النصف الأول من الشهر الكريم لارتباطي بتصحيح الباكالوريا والذي يشغلنا في الغالب معظم اليوم نرجع بعده خائري القوى خاصة وأنه مسؤولية بين المصحح وربه قبل كل شيء هذا في أيام الفطر أما الآن في رمضان فالله المستعان لا نعلم بعد برنامج العمل لكن سأحرص قدر المستطاع على أن أكون معكن في الصف الأول بسجادتي وقلبي النقيين .
لكن أوصيكن بأمانة الدعاء لي قدر استطاعتكن فأنا في أمس الحاجة اليكن والى دعائكن .
رمضان كريم مشحون بالطاعات أتمناه لكن يا فراشات يا متألقات يا تقيات يا نقيات

[*ام بثينة*]

ان شاء الله مكاني محجوز معكن في السجادة الصفراء...خير الامور اوسطها



و انا خلفك في السجادة الحمراء


مبارك علينا الشهرالكريم و تقبل الله منا الصيام و القيام

باذن الله انا شحنت الهمة هذه السنة و قررت هذا العام يكون غير الاعوام الماضية

اهدافي خلال هذا الشهر حسب الاولويات

- الصلاة في وقتها

- ختم القران مرة واحدة ( ساتبع قراءة صلاة التراويح مباشرة من المنزل)

- متابعة بناتي في تحفيظ القران

- نظافة و ترتيب المطبخ يوميا

- انقاص الكلام قدر المستطاع لان كثرة الكلام تؤدي للنميمة و الغيبة


شاركوني اهدافكم


سلام

[رقية الناجحة]

صبحكم الله بالخير انا معكم على السجادة الزرقاء على يمينك حبيبتي شوشو لقد قرات 3 احزاب من القران الكريم وانا مع الستغفار والتسبيح انا واولادي

[رقية الناجحة]

حبيبتي بعيدة المنال اذا كنا نحن في العبادات المفروضة والنوافل والمستحبات اي في جهاد النفس الاصغر فانت في جهاد اكبر وفي يدك امانة كبرى وصعبة ان انت حافضت عليها ستكونين من الفائزات بالجنان خاصة واننا في رمضان والاجر مضاعف وان لم تكوني معنا في النوافل فانت اكيد معنا في الفروض وفي قلوبنا لن ننساك لا انت ولا واحدة من بنات الدورة المباركة

[رقية الناجحة]

اهدافي هذه السنة هي

الصمت عن الكلام عن الناس ومحاولة الانشغال بعيوبي وتصحيحها

ختم القران

الكثير الكثير من الاستغفار لاني اشعر ان نفسي مثقلة

الاقلاع عن التبذير

الصيام بالقلب والجوارح
الصدقة ولو بالقليل ان استطعت كل يوم وباي شيء

[أم أسامة 07]

رب يقدرنا جميعا
فانا متتبعة لكن منذ بداية الدورة
البرنامج نفسه المتبع لكن ظروفي لاتسمح هذه الايام
لاننا يوم الاحد 21 جوان نبدأ تصحيح البكالوريا على 9سا و30 د
وبماأن مادة الاختصاص علمية فأنا أعود للمنزل لاحول ولا قوة إلا بالله
أطلب منكن حبيباتي الا تنسوني بالدعاء وجزاكن الله خيرا

[ام مؤمن]

مسائكم سعيد و رمضانكم كريم ربي يعيده علين بالخير و البركات و المغفرة

اختي saranor شكرا لك على الاثراء و ربي يحفظك

ام نسيبة ربي يخليك شكرا على دعائك و لك بالمثل حبيبتي و الحمد للله على تحسن احوالك ربي يديم عليك الهناء و السعادة
سلام لكل فراشات المحبة

حبيبتي ام صابرين ربي يحفظك و شكرا على دعواتك الطيبة و لك بالمثل و بارك الله فيكي على عطائك في بيتك ربي يبارلك في زوجك وو ليداتك و بصحتك التفريز سخفتيني بلي صاشي مالقيتش كيفهم انا درت الحميص في نتاع كونجيلاصيون و الصلصة الحمراء كيفاش درتيها انا درت صلصة طماطم طازجة بدون اضافات

حبيبة الحبوبة ربي يجازيك خير صورة الجدول اليومي للفراشات ماطلعتليش ممكن تحطيهالي او اي اخت تحطهالي في رد و ان شاء الله كلنا معا في صف واحد و سجادة وحدة

حبيبة ماعلقتيش على مشترياتي و صوري ماعجبوكش هههههه امزح فقط

سرور2 حبيبتي ماشي خسارة فيك الجديد ربي يعينك المطلوع كي نديكونجليه قبل الاذان نحطو في الميكرواوند تقولي يرجع جديد الله غالب كوزينتي ضيقة و مانقدرش نخبز كل يوم و نطيب و احيانا نشعل الفرن مانلاويش السخانة مع الصيام ربي يقدرنا و ندير تاني خبز الدار مرة على مرة اما البوراك فلازم يكون جدييييييييييد

حبيبتي بعيدة المنال ربي يقدرك و يوفقك و يعطيك القوة و العافية

فراشات ديرولي معاكم مكان و الا حطولي صورة الجدول باش نختار سجادة ماطلعتليش الصورة و ربي يوفقكم لتحقيق اهدافكم و مرادكم


نورح ندير الفطور و لي رجعة في المساء ان شاء الله

[oum sabrin]

السلام عليكم و لرحمة الله و بركاته
اتمنى تكونو بالف خير في اول ايام رمضان المبارك
الحمد لله اشعر بطاقة عجيبة باكثاري من التسبيح و الاستغفار ربي يدومها علينا نعمة
قرات حزبين من القران
صليت الرواتب مع الفرائ في اوقاتها و لله الحمد

[oum sabrin]

هذه بعض الاواني التي اشتريتها
بسم الله
مقلاة ثقيلة بغطائها
http://www13.0zz0.com/2015/06/18/17/111498941.jpg

قدر للشربة
http://www13.0zz0.com/2015/06/18/17/297774333.jpg

طنيجرة صغيرة
http://www13.0zz0.com/2015/06/18/17/948574546.jpg

مول للغراتان كبير في حالة مجيء ضيوف
http://www13.0zz0.com/2015/06/18/17/359761761.jpg

مول غراتان صغير
http://www13.0zz0.com/2015/06/18/17/605156114.jpg

قطارة الخسهاذي في خاطر ام نسيبة برتقالي بالاخضر هههههه
http://www13.0zz0.com/2015/06/18/17/619089520.jpg

هادو علب شريتهم زيادة لوضع بهارات استعملها بكثرة في رمضان مثل فاح الشربة تابل خاص المثوم و اخر باللحم سانوج و حبة حلاوة

http://www13.0zz0.com/2015/06/18/17/184052490.jpg

[oum sabrin]

نبدامن السحور زوجي يحب يسحر بالبريوش راح يشريه لقاه خلاص هههدرتلو في الليل و بعثت لنسا لواسي يذوقو حاجة حلوة نبداو بيها رمضان
بسم الله
http://www6.0zz0.com/2015/06/18/18/588770481.jpg
اليوم دخلت للمطبخ على 10 بعدما خملت الغرف على السريع و جوزت نشاف خفيف فقط لاني البارح سيقت الدنيا كااااااااامل

درت الشريبة
http://www6.0zz0.com/2015/06/18/18/961304271.jpg
درت مثوم
http://www6.0zz0.com/2015/06/18/18/830407161.jpg

درت لحم لحلو
http://www6.0zz0.com/2015/06/18/18/264317168.jpg

و البقية نكمل في المساء سلاطة بوراك و نسخن شليطة و المطلوع
درت تان هاد الكيكة اليوم عيد ميلاد زوجي بعد التراويح السهرة رومنسية
http://www6.0zz0.com/2015/06/18/18/714533980.jpg

http://www6.0zz0.com/2015/06/18/18/666631289.jpg
لازم كي يجي ما نخليهش يفتح الثلاجة هههههههه

[رقية الناجحة]

مبارك على زوجك العمر كله ان شاء الله

[رقية الناجحة]

http://www.up.djelfa.info/uploads/143465084190261.jpg (http://www.up.djelfa.info/)




http://www.up.djelfa.info/uploads/143465091294231.jpg (http://www.up.djelfa.info/)




http://www.up.djelfa.info/uploads/143465097086931.jpg (http://www.up.djelfa.info/)




http://www.up.djelfa.info/uploads/143465102685541.jpg (http://www.up.djelfa.info/)


http://www.up.djelfa.info/uploads/143465142406881.jpg (http://www.up.djelfa.info/)

هذا دونتال شريتو جديد


http://www.up.djelfa.info/uploads/143465112556331.jpg (http://www.up.djelfa.info/)

وهذا مصحفي شريتو جديد ايضا

[رقية الناجحة]

http://www.up.djelfa.info/uploads/143465202637441.jpg (http://www.up.djelfa.info/)

[أم ريتاج زهرة]

رمضان كريم حبيباتي كنت حابة نحط واش شريت و واش طيبت بصح منعرفش المهم صحة فطوركم

[حبيييبة]

مساء الخيرات و البركات على احلى الفراشات
الله الله على اللمة الحلوة اللي تشرح النفس
ماشاء الله عليكم يا الحادقات الفحلات
ريحة رمضان راهي تهفهف هنا فالصفحات
ريحة الشريبات و الطواجن و الخبز على لنواع
و اكدولي على الحلاوة و حتى الكيكة راهي حاضرة في نهار رمضان
الله يدوم نعمه علينا ياا رب و يحفظها من الزوال
و يديم الهنا و الطمئنينة و السكينة و الفرح و السرور في قلوبنا
و يخلينا ديما مجموعين على طاعته و طلب رضاه
اللهم آآميييييييييييييين

[omselma]

مسااااء الانوار وصح فطوركمربي يدوم نعمه علينا

[الدر المكنون 7]

السلام عليكم ورحمة الله وبركاته
مبارك عليكن الشهر أخواتي في الله أسأل الله أن يتقبل منا ومنكم الصيام والقيام
قرأت اليوم جزءا من القرآن يعد الفجر وحزبا بعد الظهر وحفظت صفحتين من سورة آل عمران والحمد لله
سأحاول أن أصلي القيام بما أحفظه من القرآن قصد مراجعته وتثبيته
اللهم اجعلنا من عتقائك من النار

[ام مؤمن]

صحى فطوركم حبيباتي
راني كاو غسلت المواعن و جاهدت نفسي باش صليت العشاء و جيت نطل عليكم

ام صابرين بصحتك المشتريات المقلى اخت تاعي نفسها هههه و مول الغراتان الكبير ايضا ربي يمتعك بيهم و يعطيك صحيحتك و يحميك من العين و الله يبارك ريحة طيابك وصلت عندي انا ايضا عملت تقريبا نفس الموني نتاعك و هذيك الكيكة ماشاء الله ربي يديم و يبارك في عمر زوجك و يحفظه ليك و لابنائك ماتنسايش تخلينا قطعة صغيرة

رقية بصحتك الدونتال رائع و المصحف ربي يشفعك بيه يوم القيامة

حبوبة واش احوالك دردشي معانا شوية تواحشنا تعليقاتك علينا الطويلة العريضة

ام رتاج توحشناك اذا ماتعرفيش تصوري شاركينا بالكتابة

ام سلمى كيفاش جوزتي اول رمضان والفتي شوية
الدر المكنون ماشاء الله عيك انا قرات حزب بعد الفجر مع الاذكار و الورد و صليت صلاة الضحى و ان شاء الله نبدا الحفظ

[رقية الناجحة]

مساء الخير حبيباتي صليت العشاء والتراويح وكملت صورة البقرة بحمد الله وجيت نشوفكم

[omselma]

صح فطورك حبيبتي ام مؤمن شكرا كي تفكرتيني والله والفت لاباس .ام صبرين بصحتك الحوايج وان شاء الله كل وزوجك بخير وربي يخليهولك . رقية انت ثاني بصحتك الماعن

[حبيييبة]

اليوم ما نضتش بكري
هذا قرار قررته هاذ العام أني ناخذ وقتي اللازم لي للنوم
لاني ما نرقدش فالليل نبقى فايقة حتى نتسحروا و انظف المطبخ
و نتوضا و نصلي الفجر مع قراءة القرآن و التسبيح و الأذكار و صلاة الضحى
و مبعد نقرا أذكار ما قبل النوم و الى النووووووووووووووم

برنامجي كان بسيط جدا
حاولت فيه قدر الامكان التركييييز
في كل شيء اقوم به او اقوله
حتى يحسن الصيام باذن الله
قرأت جزئين من القرآن حتى اختم مرتين باذن الله في هذا الشهر
انجزت برنامج الذكر و التسبيح المتفق عليه بعد صلاة الفجر
و اتممت تسبيح 200 مرة استغفار بعد كل الصلوات طيلة اليوم
حتى اتم 1000 مرة استغفار

عن برنامج التنظيف قمت بتنظيف يومي
كنت قريت تساؤل عن ما هو برنامج التنظيف اللي نقوموا بيه في هذا الشهر
البرنامج بسيط و يسمى برنامج اليوم المثالي
يعني ترتيب الاسرة مسح الغبار و المرايا
كنس الارضيات او تنظيفها و تعطير الغرف
تنظيف المرحاض اعزكم الله و الحمامات و تعطيرها
غسل الملابس و نشرها ولا ننسى تطبيقها و ترتيبها حتى لا تتكوم
ترتيب الصالة و كنسها او تنظيف ارضيتها و تعطيرها
تنظيف سريع للمطبخ و الفرن و غسل اي اواني تم استخدامها بعد السحور
كنس ارضية المطبخ و افضل تأخير تنظيفها حتى يقرب وقت الفطور
حتى تخرجي من مطبخك و هو نظيف
كل هذا مع ترطيب اللسان بالذكر
كان ذكر اليوم بالنسبة لي الصلاة و السلام على سيدنا محمد صلى الله عليه و سلم و على آله و صحبه أجمعين
و سماع دروس و محاضرات
اليوم بدأت بالاستماع لبرنامج "رحلة للسعادة" للدكتور عمرو خالد على اليوتوب

هذا هو اليوم المثالي
يعني لا يوجد تنظيفات عميقة
لنستغل ذلك الوقت في اداء المزيد من العبادات
أما مسح الغبار و المرايا فتوزع على ايام الاسبوع ليس ضروري تكون كل يوم
على أن نحافظ على تنظيفاتنا و تنظيماتنا خاااصة خاااصة فالخزانات و الدواليب
و الصالون الخاص بالضيوف
يعني رانا نديروا في روتيننا اليومي و عيننا على اي حاجة زاحت من مكانها او بدات فيها ملامح الفوضى
خاااصة الخزانات نرتبها على السريع و نرجع كل حاجة في مكانها

و لا ننسى ان نبقى نطبق تطبيقاتنا التي اعتدنا عليها و اصبحت جزءا من روتيننا اليومي
من تلميع الحوض و الاعتناء بالنفس بمجرد النهوض من الفراش
و تجهيز كل ما يجب تجهيزه من الليلة السابقة وووو

تنظيفاتي قمت بيها بعد صلاة الظهر لم تأخذ مني 45 دقيقة
بعدها قمت بتحضير وجبة الافطار الى آذان العصر
قلي البوراك و البطاطا
بعد العصر تنظيف سريع للمطبخ
تحضير طاولة الافطار
استراحة على النت
جلسة مع العائلة قبيل الافطار
و قبل الافطار بمدة قصيرة اختكم طار صيامها
و جاتها الضيفة الغير المرتقبة.. ماشي كااامل يومها
ماعليش قدر الله و ماشاء فعل
آلامها مازالت للآن فيا رغم اني شربت الدوا و التيزان
الحمد لله على كل حال

رايحة نعطيكم برنامجي لباقي السهرة
بما اني مارحشتش للمسجد لاداء صلاة التراويح

برنامجي الآن باذن الله
اني أستغفرت 200 مرة
بعدها تعشيت لاننا حنا وقت الافطار نتناول الحريرة و السلطة و البوراك
و بعد التراويح نتناول وجبة العشاء اللي تتكون من الطاجين و السلطة الخاصة به و التحلية
راني نحاول ما نكثرش قدر الامكان لانوا خاوتي ما ياكلوش بزااف و نخاف نبقى نرمي
ربي يسامحنا ان شاء الله
ما ننساش سنيوة القهوة حبيبة قلبي مع التحلية قلب اللوز طبعا...
ماراحش نرقد باذن الله
لان السحور نوجدوه على 02 باذن الله
على 3.30 نغسل اواني السحور و انظف المطبخ و الفرن
ارتب الصالة و اكنسها
نمسح الحمام بعد وضوء كل افراد العائلة
صلاة الفجر التسبيح و الدكر و الدعاء و قراءة ورد القرآن
و صلاة الضحى
قراءة اذكار النوم و خخخخخخخخخخخ في ساااااااابع نووووووووووومة

هذا برنامجي لهذا الشهر الكريم
بسيط و متوازن قدر الامكان حتى اتمكن من الالتزام به طيلة الشهر
بدون ان أمل أو أتهاون فيه لاي سبب من الأسباب

يبقى البرنامج الخاص بالعناية الشخصية
رايحة انزلهلكم غدا باذن الله
راه تاني برنامج يومي سهل و بسيط
و ان شاء الله يعجبكم


الآن رايحة نحط بعض الأعمال اللي ممكن تقوم بيهم المرأة في رمضان
اذا كانت حائض أو في النفاس:
فما العمل في هذا الوقت المستقطع إذن؟

إليكِ ما تيسَّر من الأفكار،
وإن كان جلّ ما سأذكره صالح لكِ طيلة أيام السنة،
لكنه في نفس الوقت وسيلة طيّبة وسهلة لكسب الأجر والثواب أثناء الوقت المستقطع

• رطبي فمك بذكر الله، ﴿ أَلَا بِذِكْرِ اللَّهِ تَطْمَئِنُّ الْقُلُوبُ ﴾ [الرعد: 28].

• أكثري من الاستغفار، ﴿ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا * مَا لَكُمْ لَا تَرْجُونَ لِلَّهِ وَقَارًا ﴾ [نوح: 10-13].

• صلّي على رسول الله صَلَّى اللَّهُ عَلَيْهِ وَسَلَّمَ، فعن أبي هريرة، أن رسول الله صَلَّى اللَّهُ عَلَيْهِ وَسَلَّمَ قال: «مَنْ صَلَّى عَلَيَّ وَاحِدَةً صَلَّى الله عَلَيْهِ عَشْرًا»[9].

• اقرئي القرآن من حفظكِ، فإن أردتِ القراءة من المصحف فاعلمي أن بعض العلماء قد أجازوا القراءة منه على أن يتوفر لديكِ حائل، فالبسي قفازا لإمساك المصحف، أو استخدمي خرقة طاهرة لمسِّ المصحف وتقليب صفحاته.

• أخيتي، تذكري أيضا: مسيرة طلب العلم و الجلسات الايمانيَّة لا تتوقف ولا تتعطّل وقت الحيض!

• الدعاءَ الدعاءَ، ﴿ وَقَالَ رَبُّكُمُ ادْعُونِي أَسْتَجِبْ لَكُمْ ﴾ [غافر: 60].

• عليكِ بأعمال الخير والبر وما أكثرها!
وليس لكِ حُجَّة في ذلك، إذ لا علاقة لما تمرين به في فترة الحيض أو النفاس من منافسة الخيِّرين على إتيان هذا الأمر،
فالقلوب تكون مهيئة للإحسان في شهر رمضان.

والله يتقبل منا و منكن صالح الأعمال

[رقية الناجحة]

اختي حبيبة لقد اضفت لك تقيما لانك تستحقين ذالك


تصبحوووووووووووووووون على خير

[soumia mkrc]

الف شكر على الموضوع

[منال100]

مساء الخير عليكم صح فطوركم رب يتقبل الصيام والقيام ان شاء الله
ام صابرين بصحتك المواعن ويعطيك الصحة على هذاك الطياب المعزز وعيد ميلاد سعيد لزوجك وهي صدفة انه يصادف عيد ميلادي ولكن انا لم اصنع طورطة لان في رمضان لا استطيع اكلها نتخم بزاف انا مريضة من معدتي وابنتي كذلك لهذا تفاديتها ولكن ابني قال لي اصنعي سنيوة قلب اللوز وهي فرات ولكن بكل صراحة لم استطع غلبني رمضان فسخني بهدلني راسي مقدرتش نرفدو والله هي الحقيقة ن شاء الله نخلفها لهم غدا
ام مؤمن يعطيك الصحة اك مرا ونص ولي راها تحفظ في القرآن تدعيلي نحفظ
لم اقرا شيئا من القرآن اليوم لكن غدا ان شاء الله أبداه
أنا لا اذهب الى المسجد مع الاسف زوجي لا يقبل مع العلم ان جاراتي كلهن يذهبن زوجي يقول لي بأن المرأة تؤجر اذا صلت في بيتها أكثر
منعرف لا عندو الحق ربما راه يتمسخر بيا المهم رب ان شاء الله يعيننا على الصيام والقيام
طولت عليكم صح سحوركم انا درت طعام بالدلاع زوجي وابني يحبانه كثيرا
تصبحون على ألف خير

[رقية الناجحة]

صباح الخير وصح سحوركم

[رقية الناجحة]

http://www.up.djelfa.info/uploads/14346801930521.jpg (http://www.up.djelfa.info/)

[منال100]

صباح الخير شكرا رقية على الجدول تؤجرين عليه بحول الله

[رقية الناجحة]

http://www.up.djelfa.info/uploads/143471065906841.jpg (http://www.up.djelfa.info/)




http://www.up.djelfa.info/uploads/143471069236131.jpg (http://www.up.djelfa.info/)

[أم فاطيمة]

مساء الخير شيرات صح رمضانكم
و بصحتكم المشتريات تستعملوهم بالصحة
شكرا حبيبة على البرنامج ربي يقدرنا

[oum sabrin]

صح فطوركم فراشاتي الرائعات

[منال100]

صح فطوركم يعطيك الصحة على الدعاء يارب يتحقق والله انا في امس الحاجة لمثل هذه الادعية
شكرا جزيلا

[رقية الناجحة]

وشراكي منال

[*ام بثينة*]

صباح الخير فراشاتي الرائعات
اليوم نضت عل 7 ن نص في الحقيقة نوضتني ابنتي الصغيرة انا كنت حابة نزيد نرقد
باذن الله اقرا 4 احزاب اليوم لاني البارح كنت كالمصروعة مقدرتش نشد المصحف
عندي بعض الملابس نطويهم و نروح ننشوف في لبلاكار كشما نفرز
ربي يعاونكم
سلام

[lylia86]

merciiiiiiiiiiiiiiiiiiiiiiiii

[رقية الناجحة]

مساء الخيرات وصح فطوركم وينكم يا فراشات غلبكم رمضان ؟

[oum sabrin]

صح فطوزكم واش راكم
حبوبة وينك اتمنى ما تكونش ضراتك العادة

[أم ريتاج زهرة]

السلام عليكن صح فطوركم حبيباتي أختي حبيبة طهورا إنشاء الله البارح ما طليتش عليكم كان عيد ميلادي ليكم وحشة و راني نلاحظ كايت بزاف غائبات ؟؟ عسى المانع لخير

[oum sabrin]

مساؤكم سعيد حبيباتي الفراشات واش راكم اتمنى تكونو كامل بخير
اليوم بعدما صحرنا صليت الفجر و قرات حزبين + الاستغفار و التسبيح
عدت للنوم حتى ال0800 نضت رتبت الغرف و سيقت و غسلت ملابس
دلرت الطبق الثاني لانو الشربة درت البارح قيس يومين
الطبق هو طاجين الزيتون بالدجاج و الزيتون محشي باللحم المفروم هذا الطبق نقدمو مع الفولوفون
http://www12.0zz0.com/2015/06/21/15/658501110.jpg
هذا هو الزيتون الذي استعملته
http://www12.0zz0.com/2015/06/21/15/866304643.jpg
صح فطوركم

وهذا طبق الغراتان بالبطاطا و اللحم المفروم كنت درتو ثاني يوم و بقالي لليوم الثالث
http://www12.0zz0.com/2015/06/21/15/113257662.jpg

[شوشو 11]

السلام عليكم
ربي يتقبل من جميع الفراشات الصيام والقيام وضح رمضانكم وصيامكم وربي يشفي كل مريضة ويفرج على كل مهمومة ويسر لكل وحدة امورها وبصحتكم الاطباق وشكرا عالصور تشهييييي

[نايليةوافتخر]

صحا مضانكم وربي يتقبل منا ومنكم صالح الاعمال
يعطيكم الصحة على الصور
حبيبة عجبني برنامج اليوم المثالي رايحة نكتبو نمشي عليه انا ثاني طار صيامي فالنهار الاول تاع رمضان

[omselma]

صح فطوووووووووووووركم

[منال100]

صح فطوووركم جميعا رب يتقبل منا ومنكم صالح الاعمال قولو آمييييييييين

[غزالة1]

السلام عليكم يا احلى لمة و اخيرا وجدتكم وين رحتو
صح رمضانكم
حبيبة سلام خاص لكي:mh31::mh31::mh31:
ام نسيبة وينك توحشتك:1::1:
رقية واش راكي ام صابرين و ام مؤمن الشاطرات:19::19:
منال 100 تحياتي:rolleyes:
ياسمينة وينك يا العروسة:1::1:
ام منال راني جبت ولي امري لقيتك غايبة قلت بعد رمضان نولي توحشتك يا الغالية:D:D:D
سلامي و قبلاتي لكن واحدة واحدة القديمات و الجديدات لي نسيتها تسمحلي راني ديخانة من الفرحة كي لقيتكم و زيد من قلة النوم :cool:
لي عودة كل ما سمحت لي الفرصة باذن المولى عز و جل:mh31::mh31::mh31::mh31::mh31::mh31:

[منال100]

صباح الخيرات أهلا بك غزالة وعودة ميمونة
الحمد لله كراك لباس بعيدة المنال راها تصحح في امتحان الباك وقالت ان شاء الله كنكمل نعود ندخل للدردشة رانا نستناو باه يكتمل الجمع وانت كذلك اواحي للدردشة الخاصة بالفراشات الجماعة كامل راها هناك
صح رمضانك ورب يتقبل منا الصيام والقيام

[om wassim]

صحه رمضانكم
و صحه سحوركم

[om wassim]

صباح السعادة عليكم
عاودتو رجعتولي النشاط

[غزالة1]

السلام عليكم

صباح السعادة و الامل

اللهم اعنا على ذكرك و شكرك و حسن عبادتك

[سمراء الدنيا]

السلام عليكم و رحمة الله و بركاته و رمضانكم كريم مليء بالطاعات و العبادات
و تقبل الله منا و منكم صالح الاعمال بمزيد من الاجر و الثواب

بارك الله فيك يا حبيبة الكل على تجديد النشاط و رفع الهمة للفراشات و جزاك الله الجنة ان شاء الله

ارجو ان تعذرو غيابي و تقصيري لظروف اقوى مني و لكني دائما متابعتكم و متابعة نشاطكم و دائما نستفيد منكم

ان شاء الله نشاركم ببعض يومياتي من اهمها اني خدمت بعض حلويات العيد و حطيتها في الثلاجة لكي اتفرغ للعبادة في العشر الاواخر و لاحقا ساوافيكم ببعض الصور

ربي يدوم نشاطكم و نصيحتي ليكم اغتنمو الخيرات في الشهر الكريم و احتاسبو الاجر حتى في الاعمال المنزلية

جمعة مباركة للجميع و يومكم موفق

[بعيدة المنال]

جمعة مباركة علينا وعليكم ورمضان يعبق بنسائم الايمان وتقبل الله طاعاتكم يا فراشات يا فحلات يا ناشطات توحشتكم كامل وخاصة حبيبتي وتوأم روحي حبيبة ملكة سرب الفراشات .

[وفاء الياسمين]

السلام عليكم
واش راك استاذة حبيبة و الله ليك وحشة كبييرة بصح الله غالب وليت نحشم ندخل راني خاربتها في التنظيم
غلبني رمضان و زادتلي السخانة
بصح راجعين راجعين ليك بإذن الله ماعندنا وين نهربو من الزينة نتاعنا

غزالة واش راك و كل من سأل عنا كيف حالكم
نحن مجتمعون في قسم الدردشة

http://www.djelfa.info/vb/showthread.php?t=1811749

بقية رمضان مبارك

[oum sabrin]

السلام عليكم و رحمة الله و بركاته
واش راكم مع العشر الأواخر لنشد الهمة أكثر و نغتنم كل لحظة منها
حبيبتنا حبيبة أتمنى ان تكوني بالف خير موعدنا يتجدد بعد رمضان ان شاء الله
تحياتي للجميع وتحية خاصة لأختنا سمراء الدنيا ربي ييسر لك امرك امين

[حبيييبة]

مساء الأنوار حبيبات قلبي
مساؤكم مبارك بنسمات هذا اليوم السعيد المبارك
واش راكم حبيبات قلبي
ان شاء الله راكم كامل بخير
توحشتكوووووووووووووووووم بزاااااااااااااااااااااااف
واش راكم مع رمضان و مع السخانة
ربي يقدرنا و يصبرنا ياااا رب

ربي يبارك لكل اولادنا و بناتنا الناجحين في امتحانات الشهادات الاساسية

مازال ما قريتش واش فاتني فالصفحات السابقة

شكرا حبيبة قلبي سمراء الدنيا على تثبيت المواضيع
ربي يجازيك خيرا عنا و يفتحلك كل الابواب
و يزينك بالصحة و العافية ياا رب

حبيباتي ام صبرين و ام نسيبة
واش راكم توحشتكووووووووووووووووم
حبيبتي ام نسيبة
كنت اود ان اشكرك على التسمية الجميلة لمضوعك في قسم الطبخ
و اللي اقتبست منه العنوان ليكون شعار دورتنا
انت المبدعة و حنا نقتبسوا من ابداعك :d

واش راكم حبيباتي الفراشات كاااملين
ربي يتقبل منا و منكم الصيام و القيام و قراءة القرآن
و صالح الاعمال يااا رب
اللهم آآمييييييييييييييييين

[وفاء الياسمين]

يا حبيبة توحشنا لونك الوردي
وتوحشنا كلماتك الجميلة
اعذرينا لاننا انشغلنا عنك و لم نسأل
لكن بإذن الله سنجتمع مجددا و سنبقى احسن لمة عرفها منتدى الجلفة يا جميلة و يا طيبة

نور المندى بحضورك عسى غيابك عنا خير طولتي المرة هذي حتى ولينا ماندخلوش لاننا علابالنا بلي ماكاشك سماطتنا بلا بيك

تقبل الله منك الطاعات

[أم ريتاج زهرة]

أهلا أهلا حبيباتي حبيبة و أم نسيبة كنت فايتة منا شميت ريحة شابة دخلت نجري لقيت 2 حباباتي منورين الصفحة صح رمضانكم

[وفاء الياسمين]

أهلا أهلا حبيباتي حبيبة و أم نسيبة كنت فايتة منا شميت ريحة شابة دخلت نجري لقيت 2 حباباتي منورين الصفحة صح رمضانكم

ربي ينورك و ينور ياماتك

[أم ريتاج زهرة]

اللهم أمين