لا اثق بأحد بسبب خطيبي

[مشكلتي]

مشكلتي واضحه من الموضوع......واتمني اجد تفاعكم
مشكلتي صارت قبل 6 سنوات تقريبا منذ افترقنا انا و خطيبي حبيتو شفت الدنيا في عنيه و هو غدر بيا ظلمني فسخت خطوبتي معاه في جرتو متزوجتش و رديت شحال من ولم أثق بالرجال كرهتهم و درك في عمري 35 سنة بقيت وحيدة
ماذا أفعل حتي أسترجع ثقتي بهم

[صمت الرجوله]

مشكلتي واضحه من الموضوع......واتمني اجد تفاعكم
مشكلتي صارت قبل 6 سنوات تقريبا منذ افترقنا انا و خطيبي حبيتو شفت الدنيا في عنيه و هو غدر بيا ظلمني فسخت خطوبتي معاه في جرتو متزوجتش و رديت شحال من ولم أثق بالرجال كرهتهم و درك في عمري 35 سنة بقيت وحيدة
ماذا أفعل حتي أسترجع ثقتي بهم
امرك عجيب اختي كيفاه راكي حكمت على جميع الرجال بلي راهم قاع كيما خطيبك....الحقيقة راكي بالغتي بزاف انصحك باستشارة طبيب نفساني

[غير هام]

السلام عليكم

كيما مشي قاع النسا كيفكيف حتى الرجال مشي كيفكيف الله يهديك ويفرج عليك بزوج صالح

[sarl02]

هو خلاك وراه عايش حياتو وانت قاعدة حازنة وتندبي حظك؟؟ما هذا الهراء ؟كيف لحياة انسان ان تقف على يد انسان اخر لم يكن لك لا ابا ولا اما ولا اخا بل مجرد فرد دخل حياتك وخرج منها في فترة من فترات حياتك بمحض ارادته وليس بمحض ارادة القدر ؟؟...ايمانك باللله والقضاء والقدر ضعيف جدا وستحاسبين على ظلم نفسك بهذا الشكل ...جددي حياتك وكفاكي تبهليلا يرحم والديك.

[ام افنان48]

يا أختي كون يجيك راجل يقولك قاع النسا خداعات ومشي متربيات تقوليله لآل الآلات مشي قاع النسا كيف كيف اما انتي فاني تقبلي فكرة مشي قاع رجال كيف وسمحيلي أختي احنا النسا إيمانا ضعيف بزاف بزاف في الهدرة حنا الأولين. وفي التطبيق. صفر

[كلنا راحلون]

لا هاتف لا تواصلات لانجاح زواج وتعجيل




ولم أثق بالرجال كرهتهم
.................................................. .................................................. .......علم تناقض............................................. .................................................. ............................ أسترجع ثقتي بهم

[خالد عنابي2]

انت تعترفين ضمنيا بخطاك في التعميم على الرجال وطبعا التعميم هو قصور كبير في الفهم وظلم كبير للناس

[طرفة بن العبد 0905]

االسلام عليكم ورحمة الله وبركاته
اما بعد اختي الفاضلة اولا قلتي افترقنا انا وخطيبي ولم توضحي كيف افترقتما ام خطيبك هو الذي فسخ الخطوبة زيدي على ذلك هل كنتما على تواصل ام ماذا حتى تحكمي على جميع الرجال اختي لا تنسي ان الناس معادن فمنهم من المعدن الخالص النقي ومنهم من حثالة المعادن اختي احكمي عقلك وافتحي عينيك اراكي مخطئة وبعيدة كل البعد عن العقل والصواب يوجد رجال فيهم الكثير من الخير والحب والثقة
اسأل الله ان يرزقك بزوج صالح استعيني بالصلاة والدعاء ولا تنسي اكثري من الاستغفارفهو يجلب النعم ويبعد البلاء
زيدي على ذلك بري بوالديك واطيعيهما ففيهما مفتاح الخيرات هما سعادتك دعوة منهما زالت الهموم وتيسرت الامور باذن الله .ولا تنسي ان الله ما منعكي الا ليعطيك
ومااخطأ ليصيبك وما اصاب ليخطئك وفي الاخير اسال الله ان يحفظك ويرزقك بزوج صالح والذرية الطيبة ان شاء الله .....اخوك طرفة بن العبد (تذكري النالس معادن)

[سفير الأيام]

هدي باينة درتي حاجة ماشي مليحة معاه ايام الخطبة وضراتك بزاااف............... انتوما يلصقلكم الخاتم لا عقد لا هم يحزنون تلصقوااا في التليفون والخرجات والحكايات


ما تخلطيش كامل الرجال ياوووو حكمي روحك

وصبري 35 ماشي بزااف مازالك صغيرة الزين عقل ماشي .......................

[dalinda nour]

السلام عليكم اختاه اولا قبل كل شئ اود ان اقول كل شئ في هذه الحياة هو مكتوب من عند لله قل لن يصيبنا الا ما كتبه لله لنا ولو جتمع الناس على ان يضروك بشئ لن يضروك الا ما كتبه لله لك لذا لا تحزني لا تيأسي وثقي بربك
اما انك لا تثقين بأحد هو شئ عادي لانك اعطيتي قيمة لشخص ربما لا يستحقها وربما علقت امالك به وخانك لكن يجب تتيقني ليس كل الناس يتشاهبون لذا يجب ان تنسي الماضي و ذلك الشخص لكي تبدأي حياة جديدة
وتحلي الصبر والصلات والصيام وخاصة صيام الايام البيض

[محبوبة ^_^]

نقولك كلمه ... الرجال بزااف و انواع و انتي للاسف طحتي في واحد مش مليح ... ودوكا راكي شغل تعقدت منهم .. عاادي ماهيش مشكل كبير .... دركا لازم انك تصفي قلبك و تصلي استخاره ... وشغل تنحي الغم ... و دوكا راطكي كبرت 35 ربي يبارك و هدا السن خطر باه يقدر يزوج ... مالا ادعي ربي باه يفرجح عنك و يهديك و يجبلك ابن الحلال ... لانوا قريب يروح الحااال ياختي


و شكرا

[لؤلؤة السّلام]

اختي في الله الحياة لا تتوقف بسبب بعض خيبات الامل فالوقت لا يتوقف عند تعطل الساعة هذا مثل طبقيه في حياتك فانها لا تتوقف عند شخص واحد وكما قال بعض الاخوة هو راه عايش حياتو عادي وانت قاعدة تندبي في الحظ وبتفكيركي هذا قد ضيعتي الدارين الدنيا وهو رفض الخطاب والاخرة وهو القنوط من رحمة الله وعدم الرضى بقضاءه وقدره ويجب ان تؤمني بمبدأ الفروق الفردية يعني الناس ماشي كيفكيف قادر تكوني انت واختك لا تشبهان البعض وطبقي هذه المقولة في نفسك وحياتك: من اعطاك عذرا زائفا للرحيل اعطيه الف تحية لعدم البقاء

[zina flower]

خير الكلام ما قل ودل اختي راكي كبيرة عليا 13 سنة يعني ماشي انا اللي نمدلك النصح بصح اسمعي مني هو راه رابح حياتو وبالاك تزوج ودار دار وانتي ابقاي تعقدي في الامور على روحك٠٠٠٠٠ياختي العمر راه يفوت ماهوش يستنى راكي علابالك واليوم خير من غدوة ايمالا اتكلي على ربي وبركايا مابكيتي على الاطلاااااال٠ربي معاك

[BLADIDZ]

اهلا اخي الكريمة ورمضانك كريم

اولا : مشكلتك انك حكمتي على قلبك وليس نفسك بالاعدام


ثانيا : هذا خطيبك كي تفارقتو على ما اضن انه متزوج ومرتاح في بيته مع زوجته واطفاله


ثالثا : عمرك الان 35 سنة ماشاء الله راكي ناضجة ومازالك عزيزة الله يبارك


رابعا : انت الان في قفص صغير لكن بابه مفتوح يعني تستطعين الخروج من المشكلة التي انت عليها الان


خامسا : عاودي بني حياتك من جديد ولا تغلقي على قلبك افتحي له الباب ودعيه يحب ويعيش النقاء والصفاء


والله ولي التوفيق