كيف احسب معدل اولى جامعي لغة فرنسية؟؟؟

[بشرى التيسمسيلتية]

السلام عليكم انا طالبة اولى جامعي لغة فرنسية الفترة الاولى للاسف ديت 09.70 معدل و كي حسبت وحدي طاحلي10.33 ماعرفت اذا الطريقة صح او خطا لانو وحدة تقرا معايا قاتلي حسبت كيما حسبت انا وطاحلها المعدل نفسوربما كاين خطا في المعدل و اللي عندو خبرة يفهمني فالطريقة لي يحسبو بيها معدل و شكراا

[بشرى التيسمسيلتية]

16واحدمر ولا واحد قدر يفيدني :/

[سطايفية بكل فخر]

الاخت المعدل ساهل ظرك نشرحلك

[سطايفية بكل فخر]

الموديل لي مفيهش التيدي معدلو هو نفسو نقطعة الامتحان
الموديل لي فيه التيدي تحسب نقطة التيدي في 0,4 او 0,3 حسب الجامعة وتزيديلها معدل الامتحان في 0,6 او 0,7 حسب الجامعة يجرجلك معدل الموديل
الان اضربي كل معدل موديل في المعامل تاعو واجمعي واقسمي على عدد العوامل يخرجلك المعدل العام

[شـــهاب]

السلام عليكم و رحمة الله
اي جامعة تدرسين فيها ؟
كل جامعة لديها طريقة حساب معينة ،
+
بعد اعلان المعدلات من المفروض يعلنون عن طريقة الحساب و كذلك فترة الطعون بحيث يمكنك الطعن في النتيجة اذا رأيتي أن هناك خطأ في الحساب .

[سطايفية بكل فخر]

السلام عليكم و رحمة الله
اي جامعة تدرسين فيها ؟
كل جامعة لديها طريقة حساب معينة ،
+
بعد اعلان المعدلات من المفروض يعلنون عن طريقة الحساب و كذلك فترة الطعون بحيث يمكنك الطعن في النتيجة اذا رأيتي أن هناك خطأ في الحساب .

هههه اخي شهاب الطعون شكليات كاينين جامعات قليلة يخدمو بيها
اما الباقي اذا قدمت طعن اعرف روحك خسرت الليسانس تاعك لانو الاساتذة يقفوا ضدك ويعتابروها اهانة لهم

[شـــهاب]

أقصد خطأ في الحساب و ليس النقاط
القائم على حساب المعدلات يخطئ أحيانا في ادخال النقاط الى النظام ،
و لذلك الجامعة تنشر طريقة الحساب حتى يتأكد كل طالب من معدله.

[سطايفية بكل فخر]

أقصد خطأ في الحساب و ليس النقاط
القائم على حساب المعدلات يخطئ أحيانا في ادخال النقاط الى النظام ،
و لذلك الجامعة تنشر طريقة الحساب حتى يتأكد كل طالب من معدله.

اه في هذي اني معاك لكن في مسالة النقاط راك ادرى بحال الجامعات وربي يعينا

[بشرى التيسمسيلتية]

انا نقرا في جامعة تيارت
ولكن في الجامعة ماكانش حتى اعلان عن طريقة الحساب احسب وحدك ولا ريح
عذبوني اليوم انا حسبت كيما دارت الاخت و لقيت معدلي 10.23 و هوما دارولي 09.70
كي رحت قاتلي السكريتيرة بالاك problem ta3 lgiciel بلاك نساولك كاش موديل ما حسبوهش
ودوكا عمرت ورقة طعن
قالي chef département انا نشوفلك ما تتقلقيش
انا المهم الحمد لله لاني بلعت الفترة2
لانو semestre 2 يبلع لل1
شكرااا على الردود اخواني