نصيحة لمن تود الزواج خارج ولايتها

[ام ايمان16]

السلام عليكم

نصيحة لمن تود الزواج خارج ولايتها

اختي حبيت نقولك انو الزواج مكتوب ربي لكن اذا كتبلك الزواج خارج ولايتك وبعيد على اهلك مسافة بعيدة وسواء سكنتي مع زوجك فقط او كان اهل زوجك معاك لكن مايعاملوكش مليح ا او مافيهمش رحمة ربي عرفي الاتي

نهار تمرضي تلقاي روحك وحدك وواحد مايسقسي عليك كليتي او ماكليتيش

نهار تتوحمي تسخفي على طبسي ماكلة يجيك سخون على غفلة لكن للاسف ماكانش لي يجيبولك

نهار تولدي ماكانش لي يقوم بيك في نفاسك او حتى يطل عليك


يعني تقريبا راح تجيك اوقات تكرهي اليوم لي تزوجتي فيه خارج ولايتك وبعيد على اهلك


اليكم التعليق

[ouissamak]

je confirme ma cherie

راكي قلتي كل شئ حبيبتي
اكديلي على المرض تمرضي حتى واحد مايطل عليك بالعكس يطلو يزيدولك الوجع والستر

ولكن الزواج مكتوب ربي
الحمد لله على كلشيء

[أثيلة]

صحيح أختي و الله هذا مشكل و أنا اعترض على هذا و ايضا ليس ما ذكرتي فقط بل وحدة تتزوج بوليد ولايتها تعرفو وتعرف عقليتو و التقاليد تاعهم اما خارج الولاية راح توقع في مشاكل بزاف خاصة لو كانت مع العايلة فالتقاليد مايتشابهوش خلاص

[إكليل]

السلام عليك و رحمة الله تعالى و بركاته

أختي أم إيمان بعض هذه الأمور تحدث حتى و لو تزوجتي قريبا في ولايتك يعني إذا تزوجتي شخص من نفس ولايتك لكنه يسكن في مدينة أخرى أهلك راح يحضرولك اللازم .

المهم في الزواج عقلية الرجل و دينه و أخلاقه

[optimism]

السلام عليكم
اولا ,,,,,,,,,,,شكرا على النصيحة
ولكن الامور لاتحسب هكذا ,,,,,,,ولايجب ان نراها بهذا الشكل ,,,,,,,,بمعنى ,,,,,كل شخص وحياته وقدره ,,,,,,,وان حدث هذا لك ليس بالضرورة ,,,,,,,ان يحدث هذا لاخريات
وكذلك ,,,,,,,لايوجد شخص يخلو من المشاكل ,,,,,,,ولكن الاختلاف يكمن في تفكير الاشخاص ورؤيتهم للامور وكيفية التعامل معها ,,,,,,,فمن ارادا ان يعقدها ,,,,,,,,سيعقدها ,,,,,,,,,,,ومن اراد ان يبسطها ,,,,,,سيبسطها
ربي يهنيك ويسعدك

[عائشة 88]

السلام عليكم
اريد ان اقول لكي مش دائما يحدث هذا احنا والله عدنا لي تكون مش من ولا يتنا نتهلاو فيها احسن من لي منا مؤخرا سكنت جارة بحذانا كارية فقط عروس جديدة ومن لي سمعناها بالحمل كامل الجيران كل يوم يطيبولها ونتفقدو فيها وكاين لي قال لزوجها سيارتي تحت امرك لي تحتاجها رانا هنا وانا زوجت اخي من ولاية اخرى والحمد لله منشكرلكش بصح هذا الامور ترجع لكل واحد واصلو انا في نظري لي تكون مش من ولايتها هذي لي تحتاج اهتمام اكثر وحنانة سواء من الزوج او من الاهل نحاولو نعوضولها فراق الاهل بالاهتمام

[حـــــــــــــــــوِيتَة]

السلام عليكم ورحمة الله تعالى.
أنا رايحة لولاية بعيدة
هذا الكلام سمعتو وكرهتو واحفظتو بصح علاه ياك مايحبوهاش لبنتهم. ....

[سفيان01]

سلام...لماذا هذا التشاؤم اختي عائشة....تجربة واحدة فاشلة لاتعني فشل التجارب الأخرى...عن نفسي فاني طيب جدا بشهادة من يعرفونني و أهلي طيبون ايضا ولا أقبل أن أظلم زوجتي إن شاء الله تعالى...لا أخيتي فليس كل الناس لديهم نفس الأخلاق والتربية...ربي يهنيك مع زوجك الكريم...أخوك سفيان

[لحن الحياة.]

احنا عندنا بنات (صادرات ) خارج الولاية و عايشييييييييييييييييييين بسعادة كبييييييييرة تع افلام و عندهم الكثير من الذراري
و جايبين كناين (واردات ) من ولايات اخرى و مقلشين عندنا و كي يقولو هاذ الهدرة قدامي ........... بصراحة نقولهم لوكان جا البعد مش مليح ماراكمش عندنا ............... نبهدلهم .......لان كي يكتبلك ربي في ناس ملاح و تكوني مليحة (انت تبادري بالملاحة ) ما تلقاي حتى بروبلام
احترامي

[ammar64]

الزواج قسمة ونصيب

[mehdi179]

نعيب المكان والزمان والعيب فينا...وما للمكان من عيب سوانا

كثيرات من فتيات الشمال متزوجات في الصحراء حيث تختلف البيئة الجغرافية والاجتماعية ..ومنهم من نجح والعكس
لانعطي صورة سوداء الى هذا الحد

[ام عبدو و ملاك]

انا مزوجة لولاية بعيدة على ولايتي بالسيارة تقريبا 7 سوايع مرات نحس روحي وحدي برغم انو عندي 10 سنين زواج بصح اوقات نحتاج لاهلي كيما قلتي في مرض او كي واحد من اولادي يدخل المستشفى ما نلقى حتى واحد و راجلي مسكين يشيط بين الخدمة و الدار و السبيطار بصح هادا كامل ننساه كي نعودو متلايمين انا و زوجي و اولادي الحق هو ماشي منقص معايا يديرلي واش نسحق و اكثر بصح يقعد الحنين لدارنا و لاهلي و ربي يجيب اللي فيه الخير

[khadouj_1985]

السلام عليكم انا صاحبة تجربة و نقولك الشي اللي راكي تحكي فيه صحيح و لكن مكتوب ربي فوق كلشي و الراجل كي يكون وليد حلال تصبري معاه و ترفدي و هذي هي الدنيا كل واحد و قسمتوا

[sabine 1988]

بالعكس تماما نحن في ولاية بسكرة العرايس اللي يجيبوهم من خارج الولاية يحطوهم فوق روسهم حتى العروس تتمادى واللي ما داراتوش في ولاياتها سابقا ديرو في دار راجلها وعندي امتلة عديدة على ذلك حتى تخمم تجيب اخواتها عرايس لسلافها واقارب راجلها وتحاول بكل الطرق لفعل ذلك

[لمسة ابداع]

اختي انتي و زهرك لكان ما طحتيش في عايلة اصل لابغا تكونو في نفس المنطقة و رايحة تعاني
وكون تكوني مع عايلة ناس ملاح واصل لبغا تكوني مزوجة في بلاد و عيلتك في بلاد و ماكيش رايحة تحسي بزااف

[ام ريتاج الجزائرية]

وااااااااااااااغربتاه!

[sampaolo82]

علاش هاذ المشاكل غير عند البنت الجزائرية بدلوا العقلية كي تبقا تخمم في المشاكل يكثروا عليك توكلوا على الله

[سجل أنا جزائري]

لماذا عندك كل هذا التشائم من نساء و يشتكين من البعد

الرجل ثاني كانت عندو عائلة و كبر فيها لكن هذي سنة الحياة كي وجد خبزتو برى راح يجبها و يجتهد و يعمل كل هذا باش يوفر حياة كريمة و ينشىء عائلة

هكذا و ما يشكيش على البعد !!

[ام ايمان16]

لماذا عندك كل هذا التشائم من نساء و يشتكين من البعد

الرجل ثاني كانت عندو عائلة و كبر فيها لكن هذي سنة الحياة كي وجد خبزتو برى راح يجبها و يجتهد و يعمل كل هذا باش يوفر حياة كريمة و ينشىء عائلة

هكذا و ما يشكيش على البعد !!

ماناش نشكيو على البعد في حد ذاتو المشكلة موش في البعد
الراجل كي يكون في الغربة توقف زوجتو معاه وكي يمرض يلقى زوجتو معاه تعتني بيه
لكن رانا نهدرو في حالة مرض الزوجة زوجها مايلقى مايديرلها(هكذا يقلللها ماعندي مانديرلك) وماكانش عايلتها بقربها تجي ليها ففي حالة اذا كانو اهل الزوج مايتحيروش فيها ودمهم بارد وخلي من الرحمة

[لحن الحياة.]

بصراحة انا اؤمن بحاجة وحدة فقط و ليحصل ما يحصل بعدها

كاين .................ربي

[doua arij]

صحيح ان كل الامور التي قلتها صحيحة خاصة انني مجربتها علما انني متزوجة بعيدا عن ولايتي 5 ساعات بالسيارة لكن الامر يهون امام الزوج الذي اخترت والدنيا مكتوب وشخصيا لدي جارة رائعة كانها اهلي تماما تحكملي الاولاد و تسقسي علي دائما

["أم بلقيس"]

عن تجربة كل ما قالت الاخت هو حقيقي بل أسوء من ذلك
و الهردة الكبيرة لما تسكني مع أهل زوجك
ما كانش قد وليد بلادك حتى لكان يكون ماشي مليح على الأقل تكوني قريبة لاهلك و ماليك
راح تحسي بهذا في اول يوم تزوجتي فيها وراح يزيد كل يوم حتي لكان يكون شعرك شايب

[قمر 77]

انا معاك اختي سال مجرب و لا تسال طبيب
البعد على الاهل خصوصا فالمرض يحسس الوحدة باليتم و الراجل غعلا يقلها ما عندي ما نديرلك ترفد روحها و لا تطيح ما عندهاش الحق باش تمرض و هو لو كان غير شوية زكام تعلن الطوارئ
و كي تصرالها مشاكل ما تحكيش تقول غير نحيرهم مع البعد يعني تكون غير لداخل بالطول ترجع برانية على دارهم
لكن كيما قالت ماما لوكان جيتي قدامي و مع المشاكل وش نديرلك عملية نسبية السعادة الكاملة مستحيلة ايمالا الوحدة تخير و تدعي ربي يسخرلها ناس يعاونوها على غربتها

[آمِيْرَتُه]

السلام عليك
كل شي بمكتوب ربي
كاين لي تسكن بجنب عايلتها و تعاني هذو المشاكل

[rayhana malak]

عندك الحق انا بعيدة على دارنا ب 30كم وحسيت بهاذ الشيئ فما بالك خارج الولاية

[لحن الحياة.]

............كاين ربي .........................
لم هاذا التشاؤم؟!!!!!!!!!!

[hamza islam]

يوجد ناس ملاح يحسنون معاملة بنات الناس

[jiji17]

أختي كلش بالمكتوب تسكني جيران أهلك ومتتهنايش وتسكني بعيد بلاك تتهناي

[سلمى_2008]

خوفتوني البنات انا مزلت مدخلتش قريب ان شاء الله والبعد عن ولايتي زوح سوايع مي الصح الامور هاذي ديما دور في راسي حتى امي مسكينة ديما تقولي كون زوجتي قدامي خير على الاقل تسخفي على حاجة نبعثهالك ولا تسخف هي نبعثهالها زيد انا الكبيرة في الدار قريبة ليا بزاااف .... ما عساي ان اقول او افعل سواء الدعاء لله ان شاء الله ربي يجيب الي فيه الخير ويهنينا ويكون زوجي ناس ملاح ويعوضني على البعد عن اهلي واحبابي .....ان شاءالله

[TOFNINE]

من الاحسن الصبر و الزواج خارج الولاية غلطة جربناها ورانا نادمين تبعدي حبابك و وتحوسي تشوفيهم ومتقدريش وعلاه رجالنا داخل مدينتنا والا ولايتنا مكانش

[ابراهيم داود]

كثروا المدللات

[ام ايمان16]

كثروا المدللات

ان شاء الله مايكونش رجال مدلين ايضا نهار يمرضو او يديرو عملية جراحية يقومو برواحهم وحدهم كي يخرجو من العملية الجراحية ومايستناوس نساهم يقومو بيهم

[master2/2012]

وعلاه فاميليا تاع الزوج حاسبينهم كفار؟ ياك رانا الكل مسلمين وزيارة المريض واجب

[زرابة]

اختي الله وعلاه رحمة ربي وين راها اختي مهما كانو اهلك قراب ليك مغديش يكونو ارحم من رب العالمين ديري ربي في قلبك انا عمتي من وهران ومشات منطقة في الحدود التونيسة الحمده راها غاية عندها 3 اطفال والحمد للله كلشي علا راجل

[MERILLA]

هذا الموضوع يعتبر الهاجس الاكبر للفتيات حين يتقدم اليهن من ولايات اخرى لكن المكتوب هو مايفصل في القضية
لا يمكن التعميم او التخصيص بما ان العقليات تختلف و "الزهور " تختلف ايضا

[ام البنوتة]

الزواج خارج ولايتك كيتو كية و سالو المجرب
تزيدي وحدك
تمرضي وحدك
تقلقي تحبي تبدلي الجو وحدك
تخرجي برة وحدك
تروحي للاعراس وحدك
تربي ولادك وحدك ماكانش لي يحكمهملك حتى ساعة للضرورة
و زيدلها اختلاف العادات و التقاليد بصورة يصعب معها التاقلم
و خلي و خلي و خلي........فتحتيلي جرح بهذا الموضوع

[مخانية]

العكس صحيح اختي كل هذا مكانش منو لبعيد هو غير لبعيد على ربي كاين الخير دير الخير تلقى الخير و العكس الناس خارج البلاد ماش غير الولاية و الحمد لله

[nadiatlemcenia]

من جهة كلامك صح وراني عن تجربة نحكي لكن حتى وحدة ما تختار نصيبها قضاء وقدر
الحنين للوالدين والاهل مرات يقتل
ربي يعوضنا خير

[( شموخ رجل )]

جزاكى الله خيرا

[حليم1980]

السلام عليكم

نصيحة لمن تود الزواج خارج ولايتها

اختي حبيت نقولك انو الزواج مكتوب ربي لكن اذا كتبلك الزواج خارج ولايتك وبعيد على اهلك مسافة بعيدة وسواء سكنتي مع زوجك فقط او كان اهل زوجك معاك لكن مايعاملوكش مليح ا او مافيهمش رحمة ربي عرفي الاتي

نهار تمرضي تلقاي روحك وحدك وواحد مايسقسي عليك كليتي او ماكليتيش

نهار تتوحمي تسخفي على طبسي ماكلة يجيك سخون على غفلة لكن للاسف ماكانش لي يجيبولك

نهار تولدي ماكانش لي يقوم بيك في نفاسك او حتى يطل عليك


يعني تقريبا راح تجيك اوقات تكرهي اليوم لي تزوجتي فيه خارج ولايتك وبعيد على اهلك


اليكم التعليق


يا سلام على هذا التفكير

أختي أقول لك كلمتين:

أنا و زوجتي من نفس الولاية، و لكن أهلها ما يسقسيوش عليها تمرض ولا تتوحم ماعلابالهمش بيها أصلا

إذن رجاءا كفاكم من وضع قوانين للزواج ما أنزل الله بها من سلطان

و كل شيء بتقدير من الله و ليس قفازة من عند البشر

[حليم1980]

السلام عليكم

نصيحة لمن تود الزواج خارج ولايتها

اختي حبيت نقولك انو الزواج مكتوب ربي لكن اذا كتبلك الزواج خارج ولايتك وبعيد على اهلك مسافة بعيدة وسواء سكنتي مع زوجك فقط او كان اهل زوجك معاك لكن مايعاملوكش مليح ا او مافيهمش رحمة ربي عرفي الاتي

نهار تمرضي تلقاي روحك وحدك وواحد مايسقسي عليك كليتي او ماكليتيش

نهار تتوحمي تسخفي على طبسي ماكلة يجيك سخون على غفلة لكن للاسف ماكانش لي يجيبولك

نهار تولدي ماكانش لي يقوم بيك في نفاسك او حتى يطل عليك


يعني تقريبا راح تجيك اوقات تكرهي اليوم لي تزوجتي فيه خارج ولايتك وبعيد على اهلك


اليكم التعليق


حسب آراء الفتيات الجزائريات :

إذا كان الزواج خارج الولاية فهو منبوذ و رايحة تكرهي حياتك و و و و ( لمجرد أنك تسكنين في الجزائر )

أما إذا كان الزواج و السكن في أمريكا أو جزر هاواي عندئذ : راكي مهنية معاه و ماتلقايش كيفو و اصبري تلقاي الجزاء عند الله و ماكيش غير أنت في الغربة و ما عندك ما ديري بالأهل

[بيزة الشاوية]

مالي قريت كلامك و أنا نبكي هذا الكل صاير في وساكنة مع العائلة و يحكموا في زوجي لا رحمة ولا شفقة مريضة برجلي عندي شهر راقدة نوض نطيب لروحي تاع 4ايام واحد مايقولي واش احوالك الكل مشنف عليا و قلك تكذب ماهيش مريضة عالما أنه مرضي هوما السبب فيه كرهت و قررت نروح لدارنا كل يوم يهددني زوجي بالطلاق لأني مريضة حسبي الله ونعم الوكيل فيهم واحد واحد

[لحن الحياة.]

..............يا ختي انا نافضة الغبار على روحي و لوكان نتزوج في قندهار عندي عادي في البلادي ........ المهم يكون الراجل لاباس بيه امبعد الحوايج الاخرى كاااااامل راها في وذني ........... و دايوغ علاه نستنى الناس يشفقوا عليا ؟؟ بصراحة كي نحتاج نتميرض و لا نمرض كاين تيليفون و نقولهم اجرو ليا ........ خلعة ولا زوج في التلفون مع شوية دميعات و يكونو عندك داركم .................

و كاين ربي قبل كل شي

[massaa]

يآختى حطيتى صبعك على الجرح بصح المشكل ميش البعد المشكل فالرجل والمراه الى يتزوجوا وهوما مزال عندهم عقليه اطفال
يعني الراجل الى مزال ميعرفش معنى الآخر<زوجته< الي يمرض والي يتعب والى يحس . ويفكر بالأنا الطفولى هذا الشرع مازوجوش
وثآني المراه الى متقدرش تتهلى فى روحها وتحل مشاكلها وحدها بدون انفعالات وبكاء طفولى غير تقعد مع ماماها خير <مليحة ماماها هه<<
المهم حبيت نقول الزواج رباط مقدس ويتم عقده بين رجل كفؤ و امراه عاقله وليس بين طفلين والفاهم يفهم الى مفهمش
سلام

[(( هبة الرحمن ))]

السلام عليكم ورحمة الله وبركاته

موضوع حساس جدا أخت أم إيمان - يعني اللي معولة تتزوج خارج الولاية تبطل ولا كيفاش ؟؟؟-

بما أنك تعيشين الوضع هل برأيك السبب يرجع إلى اختلاف العادات التقاليد ؟؟

أم لأن الفتاة كانت من اختيار الابن وليس الأهل ؟؟؟
سأخبرك عن أختي والله واقع - نحن نعيش بمنطقة ساحلية غرب البلاد وهي تزوجت بولاية شبه صحرواية - في البداية أهل الزوج استغربوا الأمر وكانت لهم نظرة أن كل من يعيش قرب البحر متفتح ومتحرر وووووووووووووويظل في البحر وووووأنها لن تتأقلم مع ظروف عيشهم ....
في البداية كانت هناك حساسية في التعامل لكن بمرور الوقت والعشرة والتعارف أكثر بين الأهل ( أقصد أهل الزوجين - أصبحت الأمور جد عادية لدرجة أن بعض أقارب زوجها يطلبون منها أن تنعت لهم بنات من منطقتنا ............)
يعني دائما يكون هناك حكم مسبق عن منطقة ما لأننا نجهلها ولم نحتك بسكانها
ونقولك شيء والله والله والله أختي تأتي مرتين في السنة فقط لزيارتنا - ليس السبب الزوج أو أهله بل هي مرتاحة ونتواصل بالأنترنت وعادي جدا وهي متزوجة منذ 9 سنوات.

[Micha&Micho]

الزواج مسؤولية قبل أن يكون قفص ذهبي
الزواج صعب و سهل
الزواج تحمل و مجاهدة و كيما نقولو مساااعفة وراكي في ضمانة ربي يحفظ و يستر شدي في ربي كلشي يولي ساهل

[الاسد الابيض]

المهم في الزواج عقلية الرجل و دينه و أخلاقه

[Rahim Alger]

ربي يهديك ختي.
اذا نتي صرالك وعيشتي هذا المشكل. وعلاه دخلي لوسواس لبنات الناس. كل وحدة والظروف تاعها وكل انسانة ومكتوبها. كاين لي عايشين بعاد فدولة وحدوخرا ومهنين. وكاين لي عايشين فلحومة وراهم يعانيو
سمحيلي ختي بصح النصيحة تاعك راهي غالطة

[حليم1980]

ربي يهديك ختي.
اذا نتي صرالك وعيشتي هذا المشكل. وعلاه دخلي لوسواس لبنات الناس. كل وحدة والظروف تاعها وكل انسانة ومكتوبها. كاين لي عايشين بعاد فدولة وحدوخرا ومهنين. وكاين لي عايشين فلحومة وراهم يعانيو
سمحيلي ختي بصح النصيحة تاعك راهي غالطة


يعطيك الصحة بردتلي قلبي

[ريـاض]

قال رسول الله عليه الصلاة والسلام ( إذا أتاكم من ترضون دينه وخلقه فزوجوه إلا تفعلوا تكن فتنة في الأرض وفساد كبير ) ....

[خولة الخنشلية]

ربي يرزقنا بأزواج صالحين سواء من داخل ولايتنا او خارجها


اما المعانات فكاين حتى اللي دات جارهم و تعاني نفس معانات المرأة اللي زوجت في الغربة

[خوخة02]

والله غير عندك الحق فهاد الهدرة هي صح الزواج مكتوب وكل وحدة وقسمتها وين هي قبل الزواج تولي تقولي معليش المهم نبعدهم ونكون مع واحد نبغيه بصح التجربة خير برهان
انا الحمد لله مخصني والو مع راجلي الله يدومهما بصح داركم بعيدة عليها والله غير حاجة صعيبة
نحس روحي عايشة فالخارج من 5 اشهر باه نروح للدار نقعد يومين ولا3 ايام ونرجع تصرا حاجة ولا نكون دايمن روطار الافراح تاع لافاميلي مانحضرش
مرات نقعد نبكي غير وحدي ونسكت ولما نقولو توحشت الدار يقلي نورمالمو تروحي من العام للعام وهو يماه مايصبرش عليها نهار
كل وحدة عندها حاجة فقلبها واحنا بنات فاميليا ونصبرو والحمد لله

[Abou aimen]

كل على حسب ظروفه النصح هنا من جهتين للرجل حاول تجنب بعد المسافات لان النساب عون في الحياة و كما يقول المثل اللي بعيد على العين بعيد علي القلب و لكن بالنسبة للمراة انضري الي الرجل وخلقه و دينه و اهله و لاتضيعي الفرص بناءا علي ترهات

[privé]

مكانش منها الحكاية هذه كاينة لي مزوجة في نفس حى اهلها و تشوفهم غير فالااعياد .....حسب عقلية الزوج

[nazjo]

هده هي سنة الحياة مكتوب علينا الانفصال عن بيت اهاليينا اللي مكاش كيفها ولكن عايلة الزوج تعتبر عايلتنا الجديييدة فالفرح والقرح وبعدا مافيييهمش الرحمة لهاد الدرجة مايوقفوش مع المريض وانا يا ختي راني رايحة لخاارج ولايتي و خوفتوووووني

[الأكادمي]

شكرا جزيلا

[nadine0159]

salam ana man oum elbouaghi w tzawajt f mascara sadkouni alli thab rouhha matba3adch b3ida 3la maliha sadkouni rah tndmou wladt wahdi w twahamt wahdi w nas ydakhlou rwahom fi kol chi w rajli ghrib 3liya rani fi darna dorka habba nattalak makdartach

[ManouraHilwa]

احيانا فميليا يسمحوا في بنتهم هذي كانة كل الاحتمالات واردة لا حساب في قسمة الله

[oumhadjer]

انا من تيبازة و متزوجة في تيزي وزو و الحمد لله

[ام دارين]

كل ما قلتيه حبيبتي صحيح
وكيما يقولو سقسي المجرب
صح في بلادك بصح تحسي بطعم الغربة خاصة في اوقات الحمل والمرض ومايحس بيك غير لي ليك

[youcefas07]

السلام عليكم

نصيحة لمن تود الزواج خارج ولايتها

اختي حبيت نقولك انو الزواج مكتوب ربي لكن اذا كتبلك الزواج خارج ولايتك وبعيد على اهلك مسافة بعيدة وسواء سكنتي مع زوجك فقط او كان اهل زوجك معاك لكن مايعاملوكش مليح ا او مافيهمش رحمة ربي عرفي الاتي

نهار تمرضي تلقاي روحك وحدك وواحد مايسقسي عليك كليتي او ماكليتيش

نهار تتوحمي تسخفي على طبسي ماكلة يجيك سخون على غفلة لكن للاسف ماكانش لي يجيبولك

نهار تولدي ماكانش لي يقوم بيك في نفاسك او حتى يطل عليك


يعني تقريبا راح تجيك اوقات تكرهي اليوم لي تزوجتي فيه خارج ولايتك وبعيد على اهلك


اليكم التعليق

كل واحد ومكتوبو كلنا جزائريين قادر تعاني الامرين مع وليد ولايت و في نفس المنطقة تاعك

[david2011]

الزواج قسمة ونصيب

[Hillin]

نننننننننننننننننننننننننننننننننننننننننننننننننن نننننننننننننننننننننننننننننننننننننننننننننننننن ننننننننننننننننننننننننننننننن نننننننن ننن ن
وعلاه هاكا
حنا كامل ولاد جزائر لا لا
وبعدا كيبغات تتزوج بعيد علدرهم لازم تعرف بلي تقاليد و العادات فيها اختلاف وتتأقلم معاها ماشي تقول غير تقاليدينا وخلاص
سي بيان كيتتعلم حاجة جديدة لا لا
الرسول عليه الصلاة والسلام و قال " تباعدو تحابو ''
و الكبار يقولو " الي ليك غير يعييك"
مازال مجربت ختي وراني رايحة نتزوج بعيد على دارنا مي راني دايما نضرب تشيكا تاع "كل بلاصة وناسها " كل يوم هاك زعما باش نتلأقلم ههههههههه
شكرا ع الموضوع
تحياتي

[بقلاوة]

الزواج قسمة و نصيب و من تزوجت بعيدا عن أهلها تحاول التأقلم و الصبر، أما من كانت الخيار ات أمامها مفتوحة فالافضل الا تبتعد عن أهلها، فعلتها أنا... .و بالرغم من حبي لزوجي و تفاهمي معه الا .اني في مواقف كثيرة أحس كاني يتيمة، يكفي اني في الاعياد لا ازور اهلي حتى يمر أسبوع و مرات اكثر حتى يفوت العيد و تروح اللمة، هناك مواقف أسوأ لا تفهمها الا من جربتها

[david2011]

هي عادي ان تتزوج المراة خارج ولايته ولكن ... قدر الاستطاعة للزوج لانه هو الذي يعاني من التنقل

[AMINA.Z]

هذا الكلام صحيح
الابتعاد عن الاهل صعب جدا

[بتول8]

السلام عليكم

نصيحة لمن تود الزواج خارج ولايتها

اختي حبيت نقولك انو الزواج مكتوب ربي لكن اذا كتبلك الزواج خارج ولايتك وبعيد على اهلك مسافة بعيدة وسواء سكنتي مع زوجك فقط او كان اهل زوجك معاك لكن مايعاملوكش مليح ا او مافيهمش رحمة ربي عرفي الاتي

نهار تمرضي تلقاي روحك وحدك وواحد مايسقسي عليك كليتي او ماكليتيش

نهار تتوحمي تسخفي على طبسي ماكلة يجيك سخون على غفلة لكن للاسف ماكانش لي يجيبولك

نهار تولدي ماكانش لي يقوم بيك في نفاسك او حتى يطل عليك


يعني تقريبا راح تجيك اوقات تكرهي اليوم لي تزوجتي فيه خارج ولايتك وبعيد على اهلك


اليكم التعليق

100 بال 100 صح

[بتول8]

نننننننننننننننننننننننننننننننننننننننننننننننننن نننننننننننننننننننننننننننننننننننننننننننننننننن ننننننننننننننننننننننننننننننن نننننننن ننن ن
وعلاه هاكا
حنا كامل ولاد جزائر لا لا
وبعدا كيبغات تتزوج بعيد علدرهم لازم تعرف بلي تقاليد و العادات فيها اختلاف وتتأقلم معاها ماشي تقول غير تقاليدينا وخلاص
سي بيان كيتتعلم حاجة جديدة لا لا
الرسول عليه الصلاة والسلام و قال " تباعدو تحابو ''
و الكبار يقولو " الي ليك غير يعييك"
مازال مجربت ختي وراني رايحة نتزوج بعيد على دارنا مي راني دايما نضرب تشيكا تاع "كل بلاصة وناسها " كل يوم هاك زعما باش نتلأقلم ههههههههه
شكرا ع الموضوع
تحياتي

لرسول عليه الصلاة والسلام و قال " تباعدو تحابو '',.؟ تهادو تحابو

[om rym]

اااه قلبتو عليا المواجع
والي عايشة خارج الوطن واش تقول احمدوا ربي مهما كان البعد فالبلاد 2 ,,,,,,7 سوايع المهم تحتاجي والوالديك يقدرو يجو عندك يلا ماقدرتيش تروحي ماشي كيما الغربة تع الصح لي ما عندك فيها حد غير ربي سبحانو
الحمد لله على كل حال.

[oumhadjer]

اااااااااااااااااااه يا اختي عفستيلي على الجرح انا بوالديا و كراني بعيدة عليهم نحس روحي يتيمة

[oumhadjer]

ماراكيش وحدك انت تاني 2 ساعات بالطيارة تكوني في بلادك

الحمدلله راه كاين التاويل الانترنت تشوفيهم و يشوفوك

[Hillin]

لرسول عليه الصلاة والسلام و قال " تباعدو تحابو '',.؟ تهادو تحابو
"تباعدو تحابو" نتداولها كثيرا على انها حديث نبوي شريف هكذا تداولتها ألسنتنا واليوم فقط بعد تعليقك تراود في ذهني البحث والتأكد من صحتها وقد وجدتها من الحكم والأمثال وليست بحديث صحيح عن النبي عليه أزكى الصلاة والسلام مثلها مثل "الدين معاملة"
جزيل الشكر على التنويه أختي
بارك الله فيك وجعلها في ميزان حسناتك
أطيب التحايا

[بشـرى]

اذا كان الزوج يحب زوجتو رح يكون هو الاهل تاعها ومتحس معاه بحتى غربة سواء في ولاية بعيدة ولا قريبة ، وكي يعيشها في جحيم واش ادير بالقرب

[ahmed 31]

على حساب ماراني نشوف، بناتنا يبغوها " سمينة و ماتعلفش" ،
كل واحدة و مكتوبها، و لكن المهم الهنا والسلام،
فما فائدة الزواج من الجيران و المشاكل كل يوم، بل على الهكس عندما تكون الزوجة بعيدة حتى الزوج يتفهم هذا الأمر و يكون هو عائلتها و هو كل شيء فو هذه الدنيا.
الله يوفق الجميع.

[ام ايمان16]

على حساب ماراني نشوف، بناتنا يبغوها " سمينة و ماتعلفش" ،
كل واحدة و مكتوبها، و لكن المهم الهنا والسلام،
فما فائدة الزواج من الجيران و المشاكل كل يوم، بل على الهكس عندما تكون الزوجة بعيدة حتى الزوج يتفهم هذا الأمر و يكون هو عائلتها و هو كل شيء فو هذه الدنيا.
الله يوفق الجميع.

مافهمتش واش تقصد ب" سمينة و ماتعلفش"

والمشكلة في واش قلت باللون الاحمر
لانو ماكانش الزوج متفهم الوضع وموش محسس مرتو باللي هو عايلتها حتى كي تمرض هي او ولادها يقوللها نديك لداركم ماعندي مانديرلك اهنا((وللعلم اهلو موجودين ))

[ام ايمان16]

اذا كان الزوج يحب زوجتو رح يكون هو الاهل تاعها ومتحس معاه بحتى غربة سواء في ولاية بعيدة ولا قريبة ، وكي يعيشها في جحيم واش ادير بالقرب

ماشي كيف كيف
كيما قلت في حالة ماكانش الزوج متفهم بللي راهي في غربة بعيد على اهلها وماحستش معاه بللي راهو الاهل تاعها
الجيم لي تقولي عليه كي تحسو مع ولد جيرانها افضل
لانو الحالة الاولى راهي عايشة في جحيم الغربة وزيد ماكانش لي متفهم وضعها وزوجها اناني يهتم بروحو برك ومكانش مساعدة من اهلو يعني تعيش جحيم وحدها

لكن لما تكون الجحيم من جيرانها على الاقل تقدر تروح لاهلها تتنفس شوية واذا ماخلاهاش تروح اهلها يجيو لعندها ينفسو عليها شوية

موش كيما حالة البعد لازم مسافة كبيرة باش يمشيوها بالسيارة

[mouna kh]

الله غالب المكتوب

[MOUNASALLOUM]

الغربة صعيبة و ماهيش مربوطة بالمسافة

[Ambitious man]

والله نحير من مواضيع كيما هذو ومن ردود بعض الاعضاء هنا
بمجرد انو هي عاشت حياة مريرة في ولاية بعيدة معناها اي واحدة تتزوج لولاية بعيدة راح تكره حياتها
التعميم جني وجنو ونصيب لوكان نرمي الهاتف كي نقرى مواضيع وردود كيما البعض هنا
عندي مرت خويا من ولاية اخرى وكانت ساكنة معانا في دارنا وكانت كي الملكة ... وكانو دارهم مش دارنا انا لي وليت نشاور في امي اذا نجي للغرفة الفلانية او لا والحمد لله. وكي كانت حامل يما لي كانت متهلية فيها وهي لي يطيبلها الستاك باش تريكيبيري ونشفى زيدت سيزاريان يما لي باتت معاها وخواتاتي لي كانو يطيبو اللحم والبيون وانا بيديدتي لحميمرة كنت نديهلهم في الليل والحمد لله
في حين ختي زوجناها لواحد من منطقتنا عاشت معاه لمرار واطلقت
وفي حياتي جامي لا نصحت كش وحدة نقوللها بالاك تدي واحد وليد حومة لانو راح يطلقك وجامي لا قلت لواحدة تزوجي برا ولايتك لانو راح تعيشي لابال في
كل واحد وش قدرلو ربي وكل واحد عقليتو وتربيتو ونوع ضميرو
لذا التعميم "الساذج" هذا خليونا منو يرحم الشيخ
بصراحة موضوع كيما هذا نورمالمو يحذفو الاشراف وما يخليهش كامل
بالتوفيق

[ome yahia]

كلش مكتوب من الله

[sinda]

الغربة أأهههههههههههههههههههههههههههههههههههه منها طيبتنا صح كل واحدة ومكتوبها يقدر يكون راجلك من نفس ولايتك وتتحتم عليك تبعدي مبصح كي تلقاي روحك وحدك ماكان لي يجيك ويطل عليك تكرهي حياتك أنا بحكم عمل راجلي بعيدة على دارنا 10 نتوحشهم ديما نبكي عندي عام زواج ومازالت كي نروح لذارنا وكي نجي مروة نبكي كلي المرة الأولى لي راح نروح

[أم شهد*]

يا اختي متعرفي لا الخير في ولايتها ولا خارج ولايتها وحكاية المسافات مش مهما المهم انها تتهنا مع راجلها هذاك هو الصح

[قلبي جميل]

انا عن نفسي اتمنى زواج خارج ولايتنا واحد ما يجيب خبرك راكي في غير ولا في خير، هنا تحرك ضبانة يجيبوا خبرك هذي للكرهتها

على كل الحال زواج راهوا مكتوب كل واحد وربي واش كتبلها

[نسيمة25]

السلام عليكم
اولا الزواج مكتوب و حتى واحد ما يقدر يتدخل فيه لانو مقدر و مكتوب و الحمد لله
العيب عمروا ما كان فالمكان و لا المسافة و البعد او القرب عن الاهل لانو في النهاية ما يدوم غير الزوج و الاولاد
و الصح راه فالهنا داخل الدار فاذا كنت قدام داركم و ما تكونش مهنيا مع راجلها و صاحب مشاكل و ماشي حاسة بقيمة نفسها معاه فما فايدة الاهل قدامها ؟
المهم فالهناء سواء كانت قريبة او بعيدة ربي يهني كل واحد و ما ننساوش انو كاين ابتلاءات الدنيا هذي يختبرنا ربي سبحانو من خلالهم

ربي يدوم الملمة

[إطلالة]

أختي الكريمة ليس في كل بعد هلاك او حتى في القرب نعمة
قد يكون في بعدك هناك وفي قربك نقمة....لا تحكمي على الامور من منظور واحد بل أدرسي كافة الجوانب....أختك إطلالة.

[عائشة07]

ادا كاين التفاهم والمودة والرحمة بين الزوجين ما يهمش المكان ادا كان قريب او بعيد على ولايتك انا تزوجت مند 13 سنة فالغربة خارج الوطن وليس الولاية لكن زوجي كان ومازال ليا الام والاب والاخ والاخت وكل شي في تعامله معي الحمدلله

[ام ايمان16]

ادا كاين التفاهم والمودة والرحمة بين الزوجين ما يهمش المكان ادا كان قريب او بعيد على ولايتك انا تزوجت مند 13 سنة فالغربة خارج الوطن وليس الولاية لكن زوجي كان ومازال ليا الام والاب والاخ والاخت وكل شي في تعامله معي الحمدلله

ثما المشكلة لي خلات الفرق يبان بزاف

[riosalado]

ga33333 lihkitih ana srali 3an tajrouba
dgouli reki dekhla f galbi

[riosalado]

الغربة خارج الوطن باينة كلا زوجين غراب.........حنا رانا نحكو على زواج في ولاية اخرى بعيدة بزاف ووين يسكن اهل الزوج انت تولي في غربة و هو لا

[raghado]

سلام اخوتي انا صاحبة تجربة تزوجت من واحد خارج ولايتي ب3 ساعات ونصف عن ولايتي كما قالت الاخت عانيت كثيرا الوحدة والحصرة في الدار ساكنة وحدي سكن وظيفي كي نمرض لذنلقى روحي وحدي ماكش حتى واحد يدق الباب عليك نتوحش الهدرة مع الناس نحب غير نرقد باش ننسى راني وحدي وراجلي يخدم من 7 الى 7 خطرات نعود نهدر وحدي من الضيقة روحي وزيد اهل الزوج بعاد ومايسقشوش اصلا نعود نتمنى بطبطب الباب حتى الجيران واحد مايزورك نسمع غير الحس البرا ...........المهم واش نحكي واش نخلى واليوم الخمد الله استجاب ربي لدعوتي و راجلي حولوه الى ولايتي و ونشوف في اهلى وفي حبابي ربي يدومها ومايحولوهش ان شاء الله صح ربي يفرج سسسسسسسسسلام

[mother of maria]

لااا ليس لهذا الحد صحيح ليست الغربة سهلة و لكن لا باس أنا أسكن في ولاية بعيدة عن أهلي و أسكن مع أهل زوجي و الحمد لله



نهار تمرضي تلقاي روحك وحدك وواحد مايسقسي عليك كليتي او ماكليتيش -------- ليش يهود راكي عايشة عندهم

نهار تتوحمي تسخفي على طبسي ماكلة يجيك سخون على غفلة لكن للاسف ماكانش لي يجيبولك----- كاين ناس تحب دعوة الخير تاع الحامل قاع اذا مالقيتيهاش في أهل زوجك كاين الجيران

نهار تولدي ماكانش لي يقوم بيك في نفاسك او حتى يطل عليك -------- في النفاس باينة تروحي لداركم لعناية أفضل من جهة الامور المحرجة و العناية بالطفل و الراحة النفسية


يعني تقريبا راح تجيك اوقات تكرهي اليوم لي تزوجتي فيه خارج ولايتك وبعيد على اهلك ----- لا تأزمي الأمور اخدميها زينة تلقايها زينة لا مع زوجك أو أ هله أو جرانك ....

[أم محمد علي]

إلي خلق ما يضيع
الحمد لله نتكل على ربي وحده
والحمد لله

[ام عبد الواحد 2016]

ادا كانت دايرا الخير وامها دايرا الخير فصدقوني ربي يبعثلها شكون يعاونها حتى لو كانت في الصين

[ام ايمان16]

ادا كانت دايرا الخير وامها دايرا الخير فصدقوني ربي يبعثلها شكون يعاونها حتى لو كانت في الصين

انا دايرة الخير وامي دايرة الخير كون تشوفيها كيفاش دايرة لعرايسها في الدار خير من انا بنتها كي يولدو يرقدو في شمبرة امي 20يوم والماكلة تجيهم لفمهم وانا كنت نخدم عليهم

وانا كي تزوجت وولدت مالقيتش شكون يجيبلي كاس ما عند بيت عجوزي خرجت من السبيطار سيزاريان نضت نطيب في غدايا وحدي ومن بعد رحت كملت نفاسي في دارنا ؟

[موني.]

ادا كانت دايرا الخير وامها دايرا الخير فصدقوني ربي يبعثلها شكون يعاونها حتى لو كانت في الصين


لا فض فوك ..
البنت سر أمها ...دوما اتساءل و أنا أقرأ مثل هذه الشكاوى التي لا تنتهي أين أمها و أين محلها من شكاوى ابنتها ..
تقول أمي دائما ..ديرالخير و اانساه ..و دير الشر و تفكروا ....

اشكالية اللاتي يدعين الطيبة و عملهن الخير ..هو استعجالهن لنتيجة ما يقمن به من.عمل ...لازال العمر طويلا ..و ستحصدين نتاج أفعالك ...ان ليس اليوم فغدا ..أليس الغد بقريب..

[موني.]

.
كثيرا ما أمر على ردود بعضهن ممن سيتزوجن قريبا ..يقلن بأنهن أصبحن خائفات و متوجسات مما سيلاقيهن بعد الزواج ..مع أهل الزوج طبعا ..بمثل هذه المواضيع أصبحت لديهن برمجة سلبية لعقولهن ..و هذا ولا شك ما سيوقعهن و في مشاكل ..


توكلن على الله..فكل واحدة هنا تتحدث في حدودها الضيقة لا غير..

[أم عبد الله ياسين2]

السلام عليكم ، انا لا اشاطرك الراي انا من مدينة و تزوجت في مدينة اخرى و الله يا اختي زوجي كان ليا نعم الزوج قام بيا و رفدني رفود ، و في نفاسي عجوزتي رفدتني 20 يوم منضتش من بلاصتي و الله عاملوني خير من اهلي و خلي جيراني ما شاء الله ، للعلم عندي جارتي مغربية بعد النفاس كانت اديرلي كاش ، بصح صح انا نتوحش بزاف دارنا ولايتي نحبها بزاف بزاف و تمنيت لوكان تزوجت فيها

[fettouhi]

ربي قادر يعطيك ويرضيك لا يعلم الغيب. الا. الله كفاك. هراءا. يا اخي. فهل انت من ترسم الحياة لكن انت علي حق

[Magiic]

je ne suis pas d'accord avec toi ma soeur , koul wahed kifach mrabi 9adra tkoun la famille du mari 7nina 3la sa famille ! ida bdina nkhamou hekda manrouhouch b3id , mektoub rebi w allah yhanina inchalah

[ام عبد غفور]

السلام عليكم. الزواج رزق سواء من الولايه او خارجه انا شخصيا والان احس بالوحده والغربه. بعيده عن اهلي.لكن عزائي الوحيد هو ان زوجي جيد معي. لدرجه انني اصبحت ارفض الذهاب الى اهلي وتركه وحده. لكن البعد يبقى هو البعد.

[samale]

حسب الظروف .............

[Hamzza]

الانسان اللي يبعد خير

[أنور]

له سلبيات وله ايجابيات

[mehdi179]

السلام عليكم ، انا لا اشاطرك الراي انا من مدينة و تزوجت في مدينة اخرى و الله يا اختي زوجي كان ليا نعم الزوج قام بيا و رفدني رفود ، و في نفاسي عجوزتي رفدتني 20 يوم منضتش من بلاصتي و الله عاملوني خير من اهلي و خلي جيراني ما شاء الله ، للعلم عندي جارتي مغربية بعد النفاس كانت اديرلي كاش ، بصح صح انا نتوحش بزاف دارنا ولايتي نحبها بزاف بزاف و تمنيت لوكان تزوجت فيها


..ونعم القول

[ام سارة18]

بارك الله اختي موضوع جا على قلبي
صح انا صراتلي تزوجت خارج الوطن كي نمرض واحد مايعاوني نوض بسيف عليا نحكم في الحيط باش مانطيحش ونوجد لفطور
زيد كي توحمت ماكانش الي يطيبلك ولدي مسكين عندو وحمة كبيرة في رجلو
واحد مايجي ماكان لاعيد لاوالو
وكي ولدت قعدت 5ايام في السبيطار جيت مباشرة للميناج والطياب
والله الشيء الوحيد اللي ندمت عليه كيبعدت وكل شيء بالمكتوب

[ام ايمان16]

..ونعم القول

مايحس بالجمرة غير ليكواتو

[AMINA.Z]

الموضوع عبارة عن سرد للتجارب
و تجربة اي امراة ليست رايا يحتاج للموافقة عليه او رفضه
و انما عند قراءتنا لتجارب العضوات علينا الاعتبار و ليس النقد
موضوع مميز ..شكرا على طرح الفكرة

[سهيلة21]

عجني الموضوع اختي من وجهة نضري هدا الاحساس سببه انه كل واحد اصبح يغلق باب داره اين هو حسن الجوار الجار هنا يلعب دور كبير مرات نلقاو جارات تقول خواتات جارتي سافرت مع راجلها لولاية بعيدة كانت تسكن مع جارات جد طيبات كي كانت تتوحم راجلها الصباح كي يخرج ميغلقش الباب يجو وحدة تدي الحوايج تغسلهم ووحدة تنقي الدار والاخرى ترسللها واش طيبت بصح مرات نلقاو جوارين ميحكويش مع يعضهم وهدا نتيجة البخل تقول غير نداسرها تخليلي داري معلابلهش هديك صدقة تبعد البلا والمصائب
او تلقاها تشك تقولك تسحرني او تديلي راجلي ..................الخ
نسينا حديث الرسولصلى الله عليه وسلم "مازال جبريل يوصيني بالجار حتى ضننت انه سيورثه" فلقد اوصانا بسابع جار فكيف للجار ذي الجنب
حبيت نبين انوللجار دور كبير يخليو العائلة تتاقلم مع المنطقة الجديدة ونحيي وحدة من الاغواط عن حسن المعاملة للجيران الله يحفضكم

[meriem_82]

الزواج مكتوب انا عن نفسي نتمنى نتزوج بعيد على ولايتي و الخير متعرفي وين تلقايه لا في البعيد ولا القريب ربي يكتبنا ولد الحلال اللي يعرف قيمتك

[sidrabella]

عندك الحق اختي الفاضلة فانا عشت التجربة مرضت وانا حامل في الشهر الثامن ومالقيت حتى واحد قدامي حتى زوجي رغم انه يعلم باني مريضة راح يخدم عادي والسبب كله من نقص التغذية وخلاني مع اهله لا رحمة ولا شفقة حتى جاء بابا من ولاية اخرى بالطبع واخذني الى الطبيبة فوجدو حالتي كارثية تخيلي الانيميا حادة بنسبة 4 دخلوني فورا للمستشفى بقيت سمانة لوكان قعدت عند اهل زوجي لاقدر الله نكون في عداد الاموات. حسبي الله ونعم الوكيل