ممكن تساعدوني سيداتي

[ام فروحة]

السلام عليكم اريد ان اشتغل في هذا رمضان لانه وبكل صراحة اريد ان اعين زوجي ممكن تعطوني افكار انا جاتني فكرة اني نطيب الخبز ونبيعه واش رايكم ولي عندها فكرة ياريت تساعدني

[غزالة الصّحراء]

السلام عليكم اريد ان اشتغل في هذا رمضان لانه وبكل صراحة اريد ان اعين زوجي ممكن تعطوني افكار انا جاتني فكرة اني نطيب الخبز ونبيعه واش رايكم ولي عندها فكرة ياريت تساعدني

وعليكم السلام ورحمة اللّه وبركاته.
اختي فروحة كلّ عمل شريف يساعدنا علي تحسين حياتنا فلا عيب فيه. وكلّ عمل ترينه لايجذب لك المشاكل والتعب الكثير فهو عمل شريف.
إذا شفتي تقدري اتطيبي الخبز وليس على حساب صحّتك. . يعني رايح تعجني طول ايام رمضان ، زيادة عن ذلك لك اشغال البيت . وكذلك أنظري إلى الكمّ . يعني أشحال من خبزة رايح تعجني. فهذا عمل شريف يستحّق التّطبيق.
شوفي ثاني قدراتك. واش تقدري ثاني اتديري من غير تطيباب الخبز. ربّما الأخوات الأخريات رايحين يعطوك فكرة أحسن من فكرتي. تحياتي لك. على أمل أن يلقى موضوعك تجاوبا وتجدين الجواب الشّافي لسؤالك. أعانك اللّه وصانك وحفظك. :mh31::mh31:

[ام فروحة]

راني تكلت على الله وشديت العزم باذن الله غادي نولي نعجن الخبز وانشاء الله ربي يوفقني

[غزالة الصّحراء]

راني تكلت على الله وشديت العزم باذن الله غادي نولي نعجن الخبز وانشاء الله ربي يوفقني

أهلا ومرحبا بك مرّة اخرى أختي أم فروحة. وَنِعْمَ من اتّكلتي عليه. إنّه اللّه الّّذي لا إله إلاّ هو.، أعانك وفتّح عليك ابواب رزقه من حيث لاتحتسبين. وفّقك اللّه في كلّ عمل شريف تقومين به.

[ام عبدو و ملاك]

يا اختي تقدري تتفاهمي مع كاش واحد تاع باتيسري تخدميلو القطايف و البقلاوة و قلب اللوز و تتحاسبو كاين واحدة نعرفها في رمضان تخدمهم و تدخل منهم مصروف مليح و ربي يعينك و يعيننا

[ام فروحة]

مشكورة غزالة الصحراء على كلامك الذي يفوح بعطر العنبر الله يخليك ويفرحك ويسعدك ويهني بالك مشكورة كذلك المعلمة الجديدة على تشجيعاتكم لي بوريكتم وجعل الله شهر رمضان يدخل عليكم بالصحة والهناء والفوز بالدرجات العليا

[غزالة الصّحراء]

مشكورة غزالة الصحراء على كلامك الذي يفوح بعطر العنبر الله يخليك ويفرحك ويسعدك ويهني بالك مشكورة كذلك المعلمة الجديدة على تشجيعاتكم لي بوريكتم وجعل الله شهر رمضان يدخل عليكم بالصحة والهناء والفوز بالدرجات العليا

ألف شكر على الدّعاء اختي أم فروحة. راهي الاخت المعلمة الجديدة اللّه ايطوّل في عمرها ذكرتني بواحد الموضوع ممكن ايساعدك. راجلي اللّه ايخليه في السنة الماضية كان خبرني عن مقهى كان يقصده الكثير من الرجال ، لتواضعه . كان واحد الراجل الزوجة أنتاعو كانت تعمل الحلويات باش أتساعد عائلتها.وصاحب المقهى يشريها عليه. واللّه غير كانت تتلقى مقابل هايل. بصّح دائما كانت تعمل.
وثاني وحد ة نعرفها عندها شهادة الليسانس. واللّه غالب مالقاتش خدمة. صبحت تعمل الحلويات بمساعدة أختها . والزوج انتاعها ايوزعهم على المقاهي. تعرفي بارك اللّه لها في خدمتها . واشراوا سيارة.
ياله أم فروحة اتكلي على ربّي واخدمي. اللّه ايعاونك. فقط لازم الاتقان والنظافة هذه الأمور من شروط نجاح أيّ عمل. موفّقة بإذن اللّه.

[أم أمين2007]

ربي يعينك اختي ويبارك فيك وفي عملك
كيما قالت الاخت غزالة الصحراء كل عمل شريف ربي يبارك فيه
وطياب الخبز وبيعه ما فيهش خروج وشقى عليك اعملي في بيتك واكثري من التسبيح والاستغفار اثناء عملك يباركلك ربي ويضاعف اجرك
ورمضان مبارك ليك ولعائلتك ولغزالة الصحراء(لان لها معزة خاصة في قلبي روحها المرحة تنشر التفائل وين تروح)

[غزالة الصّحراء]

ربي يعينك اختي ويبارك فيك وفي عملك
كيما قالت الاخت غزالة الصحراء كل عمل شريف ربي يبارك فيه
وطياب الخبز وبيعه ما فيهش خروج وشقى عليك اعملي في بيتك واكثري من التسبيح والاستغفار اثناء عملك يباركلك ربي ويضاعف اجرك
ورمضان مبارك ليك ولعائلتك ولغزالة الصحراء(لان لها معزة خاصة في قلبي روحها المرحة تنشر التفائل وين تروح)

أهلا بك أختي غفرانك اللّهم. اللّه ايخليك ليّ ولكل ألي ايحبّوك. تسلميلي يالغاليّة. اللّه يحفظك ويسترك من كلّ مكروه. آمين.ومشكروة ايضا على الاقتراح الّذي اقترحتيه على الأخت أم فروحة. اللّه اينوّر لها طريقها ويرزقها من حيث لاتحتسب. تحياتي الخاصّة لكن جميعا. :mh31::mh31::mh31::mh31:

[ام فروحة]

مشكورة الاخت غفرانك اللهم انا كذلك غزالة الصحراء عندي ليسانس ولكن زوجي مايبغيش لي تخدم وبمانه صنع الخبز يكون غير في الدار خلاني نديره

[أم أمين2007]

والله يا اختي غزالة نفرح كثير بمشاركاتك نحسها من القلب للقلبربي يخليك ويبارك فيك

[أم أمين2007]

اختي فروحة ولي ما هيش ليسانسيي ما هيش انسانة
المهم الانسان يشوف لربي وهو لي يفتح عليه
لوكان كنتي جارتي كل يوم نشري عليك

[ام فروحة]

وبالنسبة لقب اللوز راني نتفنن فيه وهذا بفضل السيدة صليحة بسكري تاع قناة سميرة والله غير روعة ربما اذا قلعت الخوف ندير كذلك قلب اللوز

[ام فروحة]

مشكورة غفرانك اللهم على كلامك الطيب وتشجيعك الله يحفظك ويهنيك يارب

[أم أمين2007]

قلب اللوز جربي تاع اللبن من اول تجربة فعلا رائع
جربتو العام الماضي ونجحلي لكنو حلو ياسر(اختك عاملة رجيم)
ابحثي في قسم الحلويات تلقايه كثير جربوه ونجحلهم

[غزالة الصّحراء]

وبالنسبة لقب اللوز راني نتفنن فيه وهذا بفضل السيدة صليحة بسكري تاع قناة سميرة والله غير روعة ربما اذا قلعت الخوف ندير كذلك قلب اللوز

يعطيك الف عافيّة مرّة اخرى تسلم أياديك ألي تعرف تتفنّن. . اما عن قلب اللّوز . راني اعطيت طريقة الأخت الأمل القادم اللّه ايذكرها بالخير. في صفحة الأخت أم حمزة اللّه ايطوّل في عمرها. راهي الطريقة سهلة وغير مكلفة وناجحة 100/100. ياربّ تستفدن منها أنتنّ أيضا.

[غزالة الصّحراء]

والله يا اختي غزالة نفرح كثير بمشاركاتك نحسها من القلب للقلبربي يخليك ويبارك فيك

اللّه ايفرحك في أولادك وفي صحتّك كيما راكي فرحتيني بردّك المشجع والمحفّز. تسلميلي يالغاليّة ويسلم تشجيعك للأخت أم فروحة. جزاك اللّه الجنّة.

[ام فروحة]

غزالة الصحراء راني روحت لصفحة ام حمزة لكني ماوجدتهاش في اي صفحة الله يجازيك

[غزالة الصّحراء]

غزالة الصحراء راني روحت لصفحة ام حمزة لكني ماوجدتهاش في اي صفحة الله يجازيك

آسفة حنونتي كنت رايح أنرد عليك مباشرة . بصّح اللّه غالب النت أنقطعت.الموضوع راه في الصفحة 264 في الموضوع أنتاع الأخت أم حمزة اللّه ايطوّل في عمرها تحت عنوان : إلى أم أسيد وكل وحدة حاصلة واش اتطيّب. هناك من الأخوات من جربنه ونجحن فيه . تصفحي الصفحات الأواخر تجدين التطبيقات . وهناك أيضا مواضيع جدّ شيّقة ودردشات نافعة. أتمنّى أن تستفيدي كثيرا من الصّفحة. وتمنياتي لك بالنّجاح والتّوفيق في حياتك. وايضا في تطبيق طريقة القلب اللّوز الواردة على صفحتنا المميّزة. سلامي الحّار لك. :mh31::mh31:
وماشاء اللّه عليك بما أنّك عندك ليسانس اكيد رايح اتسلكيها. اللّه ايعينك. ويسّر أمورك. حنونتي الشهادات المدرسيّة أو العلميّة لوحدها غير كافيّة. على المرأة أن تتسلّح بشهادات حيّة من الواقع لكيّ تتمكّن من مواجهة مصائب الحياة. لأنّه لا وجود لحياة لم تحركها زوبعة قد تعكّر الأجواء العائليّة لسبب من الأسباب . والمرأة المتمكنّة هي التّي تتمكّن من كسر الحواجز التّي تعرقل حياتها لتصل إلى تحقيق طموحاتها. طبعا الطّموحات الشّريفة.

[sara ab]

يعطيك ربي ما تتمناي

[الوهرانية الجديدة]

الله يكون في العون

[ام فروحة]

مشاء الله عليك ياغزالة الصحراء وعنبر المنتدى والله غير كلماتك لا استطيع وصفها غير اني اقول انها اكيد تعبر عن سيدة متالقة وشجاعة وفي القمة بوريكتي وسدد الله سعيك واسعد حياتك وحفظك من كل اذى وكل مكروه

[غزالة الصّحراء]

مشاء الله عليك ياغزالة الصحراء وعنبر المنتدى والله غير كلماتك لا استطيع وصفها غير اني اقول انها اكيد تعبر عن سيدة متالقة وشجاعة وفي القمة بوريكتي وسدد الله سعيك واسعد حياتك وحفظك من كل اذى وكل مكروه

أختي أم فروحة. اللّه يسعدك ويهنيك وينجحك في حياتك الزوجيّة وتصبحي كاليوم إن شاء اللّه من السّيدات المتألقات. فلا مستحيل حين يكون الإيمان باللّه قويا والإدراة والعزيمة متواجدتنان. فإلى الأمام ولاتستسلمي أبدا. تمنياتي لك دوما بالتّوفيق والنّجاح. :dj_17::dj_17::mh31::mh31:

[ام فروحة]

سلام غزالة الصحراء وبعد طول غياب خطرش النت راهي تروحلي بزاف راني نبيع في الخبز بالقمح وكسرة الخميرة التعب غير هو ولكن الارادة متواجدة

[غزالة الصّحراء]

سلام غزالة الصحراء وبعد طول غياب خطرش النت راهي تروحلي بزاف راني نبيع في الخبز بالقمح وكسرة الخميرة التعب غير هو ولكن الارادة متواجدة

وألف سلام أختي ام فروحة. واللّه غير أفرحتلك من قلبي ياحنونة. ربّي يعطيك القوّة ويكون سندك الدائم. ربّي ينجحك ويحقّق لك كلّ أحلامك. بالمناسبة رايح نعطيك لما تتحسّن النت طريقة صنع البريوش. يخرجلك روعة وثاني كميّة ماشاء اللّه.
اللّه ايبارك لك في عملك ولاتستسلمي ابدا. صحيح فيه تعب. وكلّ عمل فيه تعب نحسّ بالراحة لمّا نحقّق فيه نجاحات.
صحّ فطوركم. :mh31::mh31:

[ام فروحة]

سلام اختي غزالة الصحراء ان شاء الله تكوني بخير رمضان مبارك ممكن تعطيني الوصفة تاع البريوش لي قلتيلي عليه ولك الف شكر سيدتي

[salamon kalou]

merciiiiiiiiiiiiiiiiiiiiiiiiiiiiiiiiiiiiiiiiiiii

[غزالة الصّحراء]

سلام اختي غزالة الصحراء ان شاء الله تكوني بخير رمضان مبارك ممكن تعطيني الوصفة تاع البريوش لي قلتيلي عليه ولك الف شكر سيدتي

اهلا بك أختي ام فروحة ز ورمضانك مبارك أيضا.
مايكون غير خاطرك حنونتي.
المقادير.
3 حبات بيض ( احتفظي بصفار واحد.)
كاس سكر. أنا كيلت بكأس اينوكس الكبير.
كأس زيت
3 كؤوس حليب دافئ.
1 ملعقة كبيرة خميرة الخبز
1 خميرة نوارة. الفرينة + زاست اللّيمون + الفاني.
الطريقة
نكسر البيض داخل صحن كبير خاص ، أنا استعملت بسينة اصغيرة خاصّة بالبريوش . عندها الغطاء. ونخلط بواسطة خلاّط كهربائي. ثم نضيف السّكر ونواصل الخلط، ثم نضيف الحليب ونواصل الخلص. نجمع الكل بالفرينة التّي أضفنا إليها خميرة نوارة وخميرة الخبز والفاني. حتّى نتحصّل على عجينة لينة. ملازمش أتكون يابسة لازم أتكون ناقصة اشويا فرينة . على خاطر لما ترتاح رايح اتشد روحها. نأتي إلى الزيت نضيف للعجينة الزيت قليلا قليلا وكل مرّة نعجن حتّى أنكمل الكأس. بصّح لازم أنخلي منو غير قيس ملعقة زيت باش نستعملها لدهن الصينيات والعجينة لما نعمل كريات.
أنخلي العجينة ترتاح في مكان دافئ. رانا في وقت السخانة . ايّ مكان أتحطيها فيها رايح تخمر.
لما تخمر خذي قليلا من المارغرين في يدك وكسري بيها العجينة . وخليها تخمر . العملية أتعاوديها 2 مرات. يعني في المجموع 3 مرات . وكلّ مرة أتكسري فيها العجينة استعملي المارغرين.
ثمّ شكلي الأشكال ألي أتحبيها. أنا أنشكل دوائر فقط. . خليها تخمر. ثمّ خذي الصفار واضيفي إليه نيسكافي أو الكاكاو وزيني من الفوق بالسكر أو الجلجلال. أنا نعمل جزء بالسّكر وجزء بالجلجلال
ملاحظة 1 : تقدري تحشيهم من الداخل بالشيكولاطة.
ملاحظة 2: لازم تشعلي الفور وتسخنيه أمليح. وترفدي الصينيّة للرف الأعلى . والفرن على درجة 180. بصّح لازم اتراقبيهم مرة على مرّة لأنّ كلّ أخت والفرن أنتاعها.
ملاحظة3: السّر ألي ايخلي البريوش أخفيف كالريشة هو الزيت ألي أضفناها في النهاية واعجنا بها العجينة.
ملاحظة 4: بالنسبة للصفار الذّي نزين به البريوش، نتركه حتّى تخمر حبات البريوش، يعني إذا درتي 3 صنيات بريوش، لما يخمروا وتجي اتطيبيهم ديري الصفار فقط للصينية التّي ستضعينها داخل الفرن . أما الصينيتين المتبقيتين لما ايجي دور كلّ واحدة أعمليلها الصفار.

إلى هنا أتي إلى نهاية الوصفة. دعوة خير لأولادي تكفيني غاليتي. وربّي ايوفقك. وصحّ فطورك. وإذا مافهمتيش أيّ شيء. اسألي . :mh31::mh31::mh31:

[أم الحبايب 26]

ام فروحة رابي يقادرك معا هذي سخنا غزالة فكارتني بلماظي انا قبل منتزوج ككونت صغيرا كنت ناخدم البريوش لخويا كان عندو قاهوا كنت نديرلو بريوش ندير و ك peti pin ونحشيه بشكولا ظور كا راني كونجي معا راشتا كيلحق فطا ر رابي يفتح قالي خويا نكا ن تعالمتي ديول انا منعرف غير نتع بانس و قالي معا ر امظان را هم يدا خلو بزاف نكان تتعالملهم ام فروحة
صحا فطوركم

[غزالة الصّحراء]

ام فروحة رابي يقادرك معا هذي سخنا غزالة فكارتني بلماظي انا قبل منتزوج ككونت صغيرا كنت ناخدم البريوش لخويا كان عندو قاهوا كنت نديرلو بريوش ندير و ك peti pin ونحشيه بشكولا ظور كا راني كونجي معا راشتا كيلحق فطا ر رابي يفتح قالي خويا نكا ن تعالمتي ديول انا منعرف غير نتع بانس و قالي معا ر امظان را هم يدا خلو بزاف نكان تتعالملهم ام فروحة
صحا فطوركم

ماشاء اللّه عليك ياالحبيبة أم الحبايب راكي بزاف شاطرة ربّي يحفظك ويصونك ويخليلك خاوتك. ومليح ألي راني رجعتك للطفولة ورجعتك للذكريات الماضيّة . إن شاء اللّه ماتتذكري غير الأيام الحلوة. صح الديول ثاني فيهم الفائدة. ربّي ايسهل الأمور على الأخت أم فروحة. ويسهلها علينا كامل. آمين. صحّ فطوركم.