كيف التخلص من حشرة لقرلوgralo

[0ibtissam]

سلام عليكم منيش عرف وين نحط الموضوع المهم موضوع راه بين من العنوان عندي لقرلو حشكم مهبلي نهار كامل وانا نقتل فيه جربت شحال من دواء لي يقتل مي مزال مخلصش حرت واش ندرلو كاش بردوي مليح تنصحي بيه او اي طريقة لي تخلص من هذه الحشرة المزعجة

[رقية الناجحة]

رانا كامل نعانيو من نفس المشكل

[ام عبد السميع]

كاين دوا غبرة يجي في ساشي اخضر مانيش عارفه اسمو بصح راه بزاف مليح داومي برك عليه الله يحسن العون

[*ام بثينة*]

انا مجربة red خاص باles cafards هايل هايل ثمنه حوالي 460 دينار
انا خرجت قاع لماعن من المطبخ و رشيت الاماكن لي يمشي فيها و الله كل يوم نلقى 3 والا 4 طايحين في المطبخ حتى و ليت كل صباح نروح نجري نحسبهم و عاد زوجي يقولي روحي شوفي بالاك خرجو اصحابك يقصد لقرلوات

[ام اماسي]

انا من تجربتي الشخصية اشري دوا لي يستعملوه في رش البطاطا للحشرات راهو ايفكاس تنساي شكل القرلو من نهار استعملناه واحد 6 سنوات ما زدتش شفت قدامي خلاص ان شاء الله افدتك

[أثيلة]

والله اختى افضل دواء للقرلو هو يتباع ب 80 دج برك ومتوفر بكثرة ساشي اخضر صغير كيما تاع تشين تشين و ففيه غبرة حاولت نشوفلك اسمو مي مالقيتوش فالدار كيما يجي باب نقولو على اسمو و نكتبهولك حنايا ملي استعملناه تهنينا منو

[shams7]

انا تبالي سيقي صباح وعشية وما تخليش الفتات
و شري وحد الساشي تاع غبرة يجي خضر وديريه في القنوتة

[imenemalak]

انا نخاف منو مانقدرش نقرب ليه هههههههههه

[إكليل]

أختي جربي أنك ما تخليش فتات الخبز و تلمي الخبز نتاعك في أكياس و تحكمي إغلاقها .

ثانيا أنا ندير الماء سخون و نرميه في أماكن تواجده طبعا بعدما نزعت كلشي من أواني و غيرها . وكاين أيضا مبيد حشرات إستعملتوا أيضا هايل من يوم درته ماوليتش نشوف أي قرلوا في المكان اللي رشيت فيه المبيد

http://im54.gulfup.com/uMYGNJ.jpg

[naiissou89]

الساشي لخضرا لي قالو عليها الاخوات هي الحل الاكيد انا مجربتها اسمها green leaf راهي فعالة جدا

[hanouna09]

الاخت انا عانيت منو بزاف وجربت كل شي الحل الوحيد اللي هناني منو والله ماعندي حتي حبة في الدار انا ماصدقتش كيما لقيتوش كاين واحد العلبة فيها 6نتاع الاقراص يلصقو في الحيط في الفايونس وين حبيتي يقضي عليهم نهائي ولازم كل 3اشهر تبدليهم عندك مرتين والله ماتزيدي تشوفيه اسمو combat ماشي المبيد مكتوب فيها الاسطوانة المبيدة للصراصير يدير 450دج ماعرفتش نحط الصورة نتاعو انا ماعادش يخطيني عندي عام ملي رتحت منو ومازلت نستعملو للاحتياط بحثي في قوقل وشوفي الصورة نتاعو

[hanouna09]

الاخت انا عانيت منو بزاف وجربت كل شي الحل الوحيد اللي هناني منو والله ماعندي حتي حبة في الدار انا ماصدقتش كيما لقيتوش كاين واحد العلبة فيها 6نتاع الاقراص يلصقو في الحيط في الفايونس وين حبيتي يقضي عليهم نهائي ولازم كل 3اشهر تبدليهم عندك مرتين والله ماتزيدي تشوفيه اسمو combat ماشي المبيد مكتوب فيها الاسطوانة المبيدة للصراصير يدير 450دج ماعرفتش نحط الصورة نتاعو انا ماعادش يخطيني عندي عام ملي رتحت منو ومازلت نستعملو للاحتياط بحثي في قوقل وشوفي الصورة نتاعو

http://20150615-103338

[0ibtissam]

والله اختى افضل دواء للقرلو هو يتباع ب 80 دج برك ومتوفر بكثرة ساشي اخضر صغير كيما تاع تشين تشين و ففيه غبرة حاولت نشوفلك اسمو مي مالقيتوش فالدار كيما يجي باب نقولو على اسمو و نكتبهولك حنايا ملي استعملناه تهنينا منو
أختي استعملتو مفدش معها اضن انو لقرلو لي عندي طور مناعة ديالو جزاك الله خير

[0ibtissam]

انا تبالي سيقي صباح وعشية وما تخليش الفتات
و شري وحد الساشي تاع غبرة يجي خضر وديريه في القنوتة
نهار كامل انا نسيق كل يوم نجبد فرجدان كوسنيار نحوس عليهم وين متخبين ونقتلهم رني في صراع كبير في ليل نوض نهز معيا لبليغ ونبد في خباط يعطيك الصحة

[0ibtissam]

يعطيك الصحة وجزاكم الله خير

[أم شاهين]

شوفي اختي الكريمة هذا المشكل بزاف لي رانا نعانو منو انا قالولي ندير المازوت في الابرة ونمشي بيها مع الحيط وفي لي كوان هكا في بلايص تعرفي ولا تشكي راهو يخرج منها ديري اليوم غدوة ان شاء الله سيقي وعاودي قالولي ريحتو ما تشميهاش

[ام سيراج]

ربي يكوم في العون اول حاجة لازم تشوفي اي شق صغير جدا سكريه في الكوزينة وديري كيما قالولكي الدواء ديالو انا ندير واحد الساشي صفرة اسمو miraculous مليح بزاف ديما نلقا القرلو ميت كي نديرو و سيرتو حوسي على اي شق في الكوزينة ولا اي بلاصة يخرج منها كي تغلقيه يروح على خاطر يتكاثر في الشقوق

[رقية الناجحة]

انا استعمل طبشور خاص بالقرلو تحطي بيه خطوط على الجدران والاثاث بشكل مخفي عن الاطفال رايحة تلقاي الحشرة تتساقط بشكل مدهش المهم انك تداومي عليه

[0ibtissam]

صح عندك الحق انا كوزتي فيها بزاف الشقق نحاول قع نطسهم جزاكي الله خير

[الدر المكنون 7]

الساشي لخضرا لي قالو عليها الاخوات هي الحل الاكيد انا مجربتها اسمها green leaf راهي فعالة جدا

فعلا هذ الغبرة هي الحل الوحيد لي يريحك من القرلو للأبد عن تجربة أنا استعملتها تقريبا من 4 سنين لحد الأن مازال ما شفتوش الحمد لله

المهم تكون أصلية ماهيش مقلدة

[باشق مجروح]

كاين الدوا تاعو

[احلام منال]

واش من غرولو راكم تهدر عليه الكبير ولا الصغير انا فى دار عجوزتى كان عندنا الصغير درنا الدواء اسم غرولو مات والله مازدنا اسمعنا بيه هدى عشر سنين بصح الغرولو الكبير ماعلبليش واش ادرولو

[mahmouddz]

السلام عليكم
نصيحتي هي
-عدم ترك بقايا الطعام او فتات الخبز في المطبخ
-عدم ترك منافذ دخول هذه الحشرة مفتوحة مثل البالوعة في مغسل المطبخ خاصة بعد اطفاء الانورا في الليل
بهذا لن تحتاجون لاي مبيد حشرات
جربوها

[ليلى الجزائرية1]

كيفاه يستعمل الدواء نتاع الصاشي الأخضر؟؟

[mona moni]

يليقلو النقا والمحاربة

[oum marouane]

;عندهم الصح الساشي الخضرة احس دواء حتى ادا دار البيض يتفقس ويموت

[احلام منال]

انا عمرى منشوف يزغد دايما نلقاه ميت بصح اقلق ميت ولاحى كرهت انا حابة منزدش قاع انشوفو رانى نعانى من االحساسية انتاعو

[رَكان]

السلام عليكم
مسؤولية القرلو لاتقع على النساء وحدهن فللرجال دور في القضاء عليه ..لذلك أنتن ترونني هنا .فلاتستغربوا ...
من جهتي دخلت في حرب مفتوحة لأشهر معه والحمد لله قهرت جمعه وحشوده ..
للنساء مسؤولية ..المرأة التي تترك بقايا الأكل في الأواني والمرأة الكسولة من النوع ..خلي لماعن للصباح .
المهم ..
كدت يوما أن أفرغ المطبخ ..وأغسله بالنزين ثم أشعله ..لفرط غضبي ..
من ينصح بأنواع المبيدات والسموم فهو مخطئ ..صحيح هي قاتلة لحشرة القرلو لكن ليست هي البداية في التعامل معه ..
تجربتي .
1 ــ أخليت المطبخ كله من جميع مكوناته لم أترك سوى الجدران .
2 ــ باشرت عملية سد الثقوب .الثقوب طبعا ليست كبيرة انما صغيرة جدا تسمح بأن تكون ملجأ له فيتكاثر ..استعملت .الإسمنت الأبيض ..
3 ــ بعد يوم كامل وفي الغد .قمت بعملية غسيل كاملة للمطبخ .بواسطة الصابون مخلوطا بما الجافيل .( اليوم الثاني )
4 ــ ثن استعنت بمبيد حشري ..مررته على كل مكان في المطبخ ..ليوم وليلة ..
5 ــ بعيدا عن المطبخ .غسل بالماء والصابون لكل أثاث المطبخ وتجهيزاته ..
6 ــ عملية تنظيف شاملة للمطبخ ( تسياق ) حتى الجدران ..
7 ــ اعادة الوضع كما كان عليه سابقا ..وكانت النتيجة مبهرة ..بدأ يوم جديد بلا gرلو ...
لكن احذرن ..يجب ان يكو نفي المطبخ قارورة مبيد .تستعمل مباشرة لقتل أي قرلو يمكن أنه سلم من عملية الإبادة ..نعم فقد يأتي من الفناء أو من عند الجيران ..كم هي الحياة جميلة بدو ن gرلو ........

[أم أسامة 07]

بارك الله فيك

[اسماء الصيدلانية]

اوراق الرند فعالة لطرد الحشرات