كيف ازيد وزن طفلي

[0ibtissam]

ابني عمره9 أشهر ويزن 06 كيلو رني نوكل فيه في الخظر والفواكه لاكن وزنه ثابت لا يزيد تعقدت من وزنو لي يشوف يقلي واش بيه مشيان كي دتو لطبيب قلي بدلي لحليب لاكن متغير حتى شي ولحد ساعة مزال مبدش ينبت خيف يزيد يشيان مع التنبات

[kikimnarim2]

كثريلو الحليب حتى في الليل وحتميلو الأكل ما تبعيش الشهية تاعو حتى يوالف بكمية معتبرة ودخليلو الجبن وصفار البيض طايب مليح
ولعلمك الخضر والفواكه ما تسمنش تزودو بالفيثامينات والمعادن والالياف الضرورية له فقط
ربي يجيب اللي فيه الخير

[0ibtissam]

جزاك الله خير ان شاء الله نعمل بنصائحك

[anissa90]

اختي بدليلوحليب Aptajunior انا الحمد لله خرج على وليدي لبارح راني بديت نعطيه حبوب اللقاح مليح لتقوية العظام باش اشد روحوا و المناعة و تنشيط الذاكرة فيه بزاف فوائد و كذلك ازيد في الوزن بشكل صحي مش ينفخ وليدي عندو 17شهرا يزن 10كغ طوله 80سم

[anissa90]

نسيت باش نقولك تفتح الشهية خير من الحلبة

[مريم 2012]

ميكسيلو الحليب + الموز

[0ibtissam]

جزاكم الله خير

[0ibtissam]

ميكسيلو الحليب + الموز
ان شاء الله ليوم نجربهالو يعطيك الصحة

[منال ومنير]

اختي بدليلوحليب aptajunior انا الحمد لله خرج على وليدي لبارح راني بديت نعطيه حبوب اللقاح مليح لتقوية العظام باش اشد روحوا و المناعة و تنشيط الذاكرة فيه بزاف فوائد و كذلك ازيد في الوزن بشكل صحي مش ينفخ وليدي عندو 17شهرا يزن 10كغ طوله 80سم

السلام عليكم انا تاني عندي نفس المشكل بنت ماترضعش بزاف عندها 04 اشهر
اختي نقدر اعطيلها حبوب اللقاح وهذا منين نشريه وكيفاه اجي

[anissa90]

وعليكم السلام 4 اشهر لالا مزالها صغيرة هو ابتدا من 7 اشهر نشريه عند العشاب العطار ابداي و كلها الخضر و الفواكه اختي الان متقدريش تحكمي عليها بلي ضعيفة كاين اطفال كي يلحقوا 6 اشهر باش ينزادو في الميزان

[saraz09]

اختي الا ياكل عادي وكمية مليحة متقلقيش عليه كاين بزاف حتى يكملو عام باش يبداو يزيدو. بنتي عندها تسعة اشهر ونص تشوفها تقول عليها جاجة هي ماكلتها واعرة تاكل وتلعب بصح عندي سمانة ملي بدلتها ماكلتها وليت نوكلها في كل وقت بلاك توالف. هي خفيفة بزاف بزاف وكامل يقولولي بنتك ما تصحاحس خطرش تتحرك بزاف وماترقدش النهار والليل. ربي يكون معانا

[0ibtissam]

اختي الا ياكل عادي وكمية مليحة متقلقيش عليه كاين بزاف حتى يكملو عام باش يبداو يزيدو. بنتي عندها تسعة اشهر ونص تشوفها تقول عليها جاجة هي ماكلتها واعرة تاكل وتلعب بصح عندي سمانة ملي بدلتها ماكلتها وليت نوكلها في كل وقت بلاك توالف. هي خفيفة بزاف بزاف وكامل يقولولي بنتك ما تصحاحس خطرش تتحرك بزاف وماترقدش النهار والليل. ربي يكون معانا
الحمد الله ياكل مي مشي بين فيه صح مهم كي يكون صحيح

[سارة حبيبة زوجها]

اختي نفس المشكل بصح ولدي نقصوه السنين دار 2 فوق و2 تحت بصح ولا فلوووووس راني نقول نجرب نميكسي الياغورت مع التمر ونشوف
جربتله الوصفة نتاع التمر ونغليه فالما ما بغاش يشربها

[الطائعة لزوجها]

الله يكون في العون بنتي كذلك وزنها ناقص كنت نعطيها الروز في الحليب ضعيه في الخلاط حتى ترحيه جيدا و صفيه مليح
الله يكبرهم في عز والديهم انشاء الله

[feuilleblanche17]

الجلجلان حمصيه و ارحيه و وكليهلها مع بتي سويس او ياؤورت

[0ibtissam]

الجلجلان حمصيه و ارحيه و وكليهلها مع بتي سويس او ياؤورت
أن شاء الله نجربها
ايضا لاحظت ان ابني كثير البرز حشكم يعني في النهار حولي 04 مرات شكين انو هدى سبب لي يخلاه ميسمنش

[روح مراد]

صباح الخير أخواتي كي شفت الموضوع تفكرت طريقة تقليدية يديروها للأطفال الصغار اللي ما يجيبوش روحهم
الطريقة تقليدية و هي خرافة في حد ذاتها و لكنها الجيب نتيجة بلاك النية
المهم الطريقة مضحكة
تحكمي 7 حبات فول يابس تبيتيهم في الماء برا ليلة كاملة و صباح تحكمي الفول دوره على الطفل 7 مرات و ترميه في بير أو مكان اللي يكون فيه الماء دائما مثلا بتية ماء معمرة يقولو كل ما يتنفخ الفول يتنفخ الولد و أنا شفتها قدام عيني مرت عمي دارتها لوليدها و بعد شهرين ظهرت النتيجة صدقوني حتى شكله تبدل
السؤال المطروح لحد اليوم واش هي العلاقة بين الفول و الطفل الله أعلم المهم الجيب نتيجة و مرت عمي قالت أن الطريقة كامل يديروها من قديم الزمان

[anissa90]

صباح الخير أخواتي كي شفت الموضوع تفكرت طريقة تقليدية يديروها للأطفال الصغار اللي ما يجيبوش روحهم
الطريقة تقليدية و هي خرافة في حد ذاتها و لكنها الجيب نتيجة بلاك النية
المهم الطريقة مضحكة
تحكمي 7 حبات فول يابس تبيتيهم في الماء برا ليلة كاملة و صباح تحكمي الفول دوره على الطفل 7 مرات و ترميه في بير أو مكان اللي يكون فيه الماء دائما مثلا بتية ماء معمرة يقولو كل ما يتنفخ الفول يتنفخ الولد و أنا شفتها قدام عيني مرت عمي دارتها لوليدها و بعد شهرين ظهرت النتيجة صدقوني حتى شكله تبدل
السؤال المطروح لحد اليوم واش هي العلاقة بين الفول و الطفل الله أعلم المهم الجيب نتيجة و مرت عمي قالت أن الطريقة كامل يديروها من قديم الزمان

هههه شكرا طريقة هايلة ماتكلف ماولو متخافي لان لا تاكل

[anissa90]

الجلجلان حمصيه و ارحيه و وكليهلها مع بتي سويس او ياؤورت

انا جربتوا لوليدي ولكن سبب له ا سهال

[منال ومنير]

السلام عليكم
انا عندي بنت لها 04 اشهر ونصف وبديت نوكلها
فيما يخص الخضار هل ممكن اطهو الخضار واحتفظ بيها وجبة امدة يومين