مشكلتي

[مشكلتي]

السلام عليكم
فانا في حيرة كبيرة ارجوكم انصحوني
انا بنت عمري 25سنة مخطوبة من عام و نصف من ابن عمي عمره 28سنة انا جامعية و هو عسكري عندما اتكلم معه احس بفارق كبير في الثقافة لكنه طيب و يحبني و الجانب الديني متوسط زعما في الصلاة يصلي و يبطل و هدا الشيئ مخوفني و في النقاش نهبل معاه نحسو ميفهمنيش من مدة ابي سقسى على العرس و السكن لانو لحد اليوم محددش وختاه العرس و السكن قالي تسكني فوق دارنا لانو عسكري منقدرش نروح معاه و انا وافقت في البداية لاني كنت نقول انو يحبني هدا اهم شيئ لكنه قال لي انه ليس واجد للزواج لاسباب مالية لكن الان صراحة اصبحت متخوفة جدا لانني ساكون وحيدة وبعيدة عن مدينتي لانه عسكري لا يستطيع ان ياخدني معه ابي نصحني ان افكر جدا لكني حاشمة ان افسخ خطوبتي بعد عام ونصف و زيادة اننا اقارب ....
في الوقت الحالي صارحت خطيبي لكن قلق بزاف قالي تمسخرتي بيا .... حتى اهله قلقو بزاف .. قلتلهم نزيد نخمم صح راهو غايضني بزاف لكن افكر في مستقبلي لاني ساسكن في قرية و انا موالفة بالمدينة ..
صليت صلاة الاستخارة كثيرااا فتقدم لي شاب اخر يخدم معايا لكنه كبير 38سنة انا لم اتكلم معه في الموضوع لكنه تكلم مع صديقتي في العمل احسه انسان رزين و خلوق لكن فارق العمر خوفني صراحة انصحوني ارجوكم

[مراد سابقا]

واش من زواج عند جماعة العسكر

سمانة معاك وشهرين بعيد عليك

نصيحتي لك غير بطلي

انا شفتهم في العسكر

بعد الدوام الكيف والخمر والنساء

اخطيك واستناي مكتوبك

[houssem zizou]

و عليكم السلام

يصلي و يحبس..!

و ما يدريك بلاكش من بعد الزواج يحبس خلاه نسأل الله أن يهديه

أختاه أعيدي التفكير في الأمر و ما تحشميش !

فهذه حياتك و حياة أولادك

أيهما خير تجيبي واحد يعينك في دينك و في تربية أولادك

أو واحد هو بعد مش قادر على نفسه؟؟

لا تتسرعي، و اجعلي معيار الاختيار على أساس الدين و الأخلاق

و جماعة العسكر يخوفو شوي لأن العسكر يعلم غير دعاوي الشر نسأل الله العافية

و بالنسبة للثاني لا أجد مشكلا في فارق العمر

إنما القضية قضية دين و أخلاق و خدمة بالتأكيد

و في الأخير أسأل الله أن يرزقك زوجا صالحا

[سهيلة2013]

شوفي انت ادا تحبيه
و عادي عسكري قادر يقربوه لوين يسكن يولي يجي كل يوم عندي بنت عمتي راجلها عسكري عايشين غاية

[..بسمة أمل ..]

عليكي بصلاة الاستخارة والله مشكلتك صعيبة

لانك متقدريش تبطلي بعد عام ونص واللع عيب

في حقهم من الاول وكان فكرتي هذي وجهت نظري

تقبليها للاسف تسرعتي كي قبلتي المرة الاولى وكيما قال

الاخ زواج العسكري ماهوش زوااااااج صعيب بزاف متقدري تروحي معاه

متقدري تقعدي وحدك والا قعدتي وحدك الناس متخليكش بالهدرة

ربي يسهلك وخمي مليييييييييح مليييييييييح مليييييييييح قبل ما تتسرعي

[amina bonoise 23]

عليكي بصلاة الاستخارة والله مشكلتك صعيبة

لانك متقدريش تبطلي بعد عام ونص واللع عيب

في حقهم من الاول وكان فكرتي هذي وجهت نظري

تقبليها للاسف تسرعتي كي قبلتي المرة الاولى وكيما قال

الاخ زواج العسكري ماهوش زوااااااج صعيب بزاف متقدري تروحي معاه

متقدري تقعدي وحدك والا قعدتي وحدك الناس متخليكش بالهدرة

ربي يسهلك وخمي مليييييييييح مليييييييييح مليييييييييح قبل ما تتسرعي

نعم اختي تسرعت بزاف راني نادمة و في حيرة كبيرة ادعيلي

[amina bonoise 23]

و عليكم السلام

يصلي و يحبس..!

و ما يدريك بلاكش من بعد الزواج يحبس خلاه نسأل الله أن يهديه

أختاه أعيدي التفكير في الأمر و ما تحشميش !

فهذه حياتك و حياة أولادك

أيهما خير تجيبي واحد يعينك في دينك و في تربية أولادك

أو واحد هو بعد مش قادر على نفسه؟؟

لا تتسرعي، و اجعلي معيار الاختيار على أساس الدين و الأخلاق

و جماعة العسكر يخوفو شوي لأن العسكر يعلم غير دعاوي الشر نسأل الله العافية

و بالنسبة للثاني لا أجد مشكلا في فارق العمر

إنما القضية قضية دين و أخلاق و خدمة بالتأكيد

و في الأخير أسأل الله أن يرزقك زوجا صالحا

شكرا اخي على النصيحة ادعيلي

[دُرَّةُ الكَوْن]

السلام عليكم ورحمة الله وبركاته
اختي بالنسبة انك تبطلي هي الصراحة فيها شوية حشمة لان المدة طويلة لكن نعرفو ناس بطلو حتى نهار العرس نفسه
انا ننصحك تفكري وصلاحك نتي وواش يخرج عليك نتي ماشي في واش يقولو الناس والاقارب لانك نتي وحدك لرايحة تعيشي المعيشة وواحد ماراح يقسمها معاك
قضية انو يصلي ويبطل انا شخصيا لو كنت مكانك ارفضه لهذا السبب لان الصلاة عمود لابد تتركز عليه الاسرة بكاملها يعني اذا لم تعيشي مع شخص يصلي بك جماعة وتقرئي عليه ويسمع منك ورد قرآن وتجيبي معاه اولاد يروحو مع ابوهم للصلاة في المسجد
اذا لم تكون هذه هي الحياة الاسرية فكيف ستكون المعيشة اكل وشرب فقط ؟؟؟
اما الثاني ففارق السن لا اره عائق ممكن تتوافقو في الافكار
آخر كلمة فكري في مصلحتك

[ام افنان48]

أختي نصيحتي ليك هادا مكتوبك ونورمال القرية. عايشين خير من المدينة والله غالب هدي خدمتو العسكري مايزوجش بلاك دارهم ناس ملاح ومتفهمين انا راني في الغربة عائشة انا وياه وأحيانا نادمة كون جئت عائشة مع عجوز تي. نهدر نخرج معاها والصلاة ان شاء الله كي تزوجو تقسيمه الخير مرا والشر مرا ماتظلميش ولد الناس وتكتبري والي يخدم معاك رآه كبير عليك مارا كمش في نفس الجيل غادي تلقهاي ساكت. بزاف انا راجلي كبير عليا والله فرق كبر نصيحتي ماتفكريش بزاف عيشي فترة خطوبتك

[مومي23]

اختي
فكري جيدا
تقطعي خطوبتك الان و يغضب من يغضب ارحم من طلاق غدا تكون نتائجه كارثية على العائلة
فكري و توكلي على الله

[ام افنان48]

يا أختي احمدي ربي كي يبغيك ويعزك الوقت الي رانا فيه البنت لازم دارها وهدا رآه شاريك خدي الي يبغيك.

[sarl02]

المشكل واضح لمن يقرا بين سطور ما كتبتي ...انت تسرعتي في القبول بهذا الشخص والان ادركت انك لا تتوافقين معه نفسيا وفكريا وحتى اجتماعيا وثاني سبب جعلك تراجعين حساباتك هو تقدم شخص اخر اليك حاله احسن من حال ابن عمك ...المشكلة في الرفض لديك اولا انه ابن عمك وثاني مشكلة ان مدة عام ونصف طويلة يعني راهي عشرة .
..لكن في كافة الاحوال عليك بمصارحة هذا الشخص وفسخ الخطبة فورا لكي لا تظلميه لاحقا اكثر فاكثر وتاكدي ان ردود الفعل ستكون قوية اتجاه رفضك لكن عاصفة وتزول افضل من تعفن الامر مستقبلا ...حتى بالنسبة اليه يخسر القليل الان افضل من الخسارة كثيرا في وقت لاحق ....لكن قصتك يجب ان تكون عبرة لباقي البنات حتى لا يتسرعن في هذا الامر ويظلمن انفسهن والاطراف الاخرى ...وفقك الله.

[جوهرة بلادي]

سلام اخطيك منو علا خاطر في العسكر يتعمو كل شئ عندي صاخبتي ككانت مخطوب واح عسكري مهبوك كامل كلما تقولو وقتاش العرس يتهرب من بعد قالها بطلت ما نتزوجش

[ام افنان48]

لا يا أختي الأصابع مشي كيف كيف وزاد من أقاربك

[karimo.karimo]

شاورى والديك

[amina bonoise 23]

المشكل واضح لمن يقرا بين سطور ما كتبتي ...انت تسرعتي في القبول بهذا الشخص والان ادركت انك لا تتوافقين معه نفسيا وفكريا وحتى اجتماعيا وثاني سبب جعلك تراجعين حساباتك هو تقدم شخص اخر اليك حاله احسن من حال ابن عمك ...المشكلة في الرفض لديك اولا انه ابن عمك وثاني مشكلة ان مدة عام ونصف طويلة يعني راهي عشرة .
..لكن في كافة الاحوال عليك بمصارحة هذا الشخص وفسخ الخطبة فورا لكي لا تظلميه لاحقا اكثر فاكثر وتاكدي ان ردود الفعل ستكون قوية اتجاه رفضك لكن عاصفة وتزول افضل من تعفن الامر مستقبلا ...حتى بالنسبة اليه يخسر القليل الان افضل من الخسارة كثيرا في وقت لاحق ....لكن قصتك يجب ان تكون عبرة لباقي البنات حتى لا يتسرعن في هذا الامر ويظلمن انفسهن والاطراف الاخرى ...وفقك الله.

صح يا أخي والله فهمتيني راني خايفة نكون عندي اثم عند ربي كون نبطل عليه و انا كنت عارفة بضروف من الاول ...
والثاني ما رايك في سنه هو اكبر مني ب 13سنة ؟؟ انا من عائلة محافظة لا استطيع ان اتعرف عليه قبل الخطوبة و خائفة اني اندم بعد الخطوبة ..
من كلامك راك انسان ماشاء الله يا اخي لهدا السبب راني نشاور فيك والله راني في حيرة كبيرة جزاك الله كل خير
سلام

[ام افنان48]

يا أختي والله زواج الكل يفهمه انه حب الى الأبد لكن الزواج مودة تبقى طول العمر بين الزوجين تعرفي أصبحنا مثل الغرب نفكر والله

[ام افنان48]

يا أختي انا متزوجة. زوجي. اكبر مني بخمسة عشر سنة والحمد لله عقله كبير. أني ألاحظ شباب. اليوم شباب العشرينات البعض منهم وليس الكل لايقدر معنى الزواج زواج عنده فقط رغبة ونزوة وتنتهي اما الشباب الثلاثينيات يقدر معنى الزواج انه أبدي.

[احلام قد تتحقق]

تسرعتي في الموافقة لكن نصيحتي لك الان ان تستخيري وتستشيري فماندم من استخار الخالق وشاور المخلوقين
أما عن وجهة نظري فمن الأحسن ان تقطعي خطوبتك لأنه لا يحافظ على صلاته فمن ضيع الصلاة كان لسواها أضيع

[faraday_dz]

يعني مسكين هذا قبلتي بيه ديباناج و بوش ترو
الله يفتح على هذ العسكري و يرزقه الزوجة المثالية
وانت الله يفتح عليك و يرزقك الزوج المثالي

[amina bonoise 23]

يعني مسكين هذا قبلتي بيه ديباناج و بوش ترو
الله يفتح على هذ العسكري و يرزقه الزوجة المثالية
وانت الله يفتح عليك و يرزقك الزوج المثالي
يا اخي والله ماقبلت بيه ديباناج انا من عائلة محافظة كيخطبني باه وليت ساعات نحكي معاه والله ماكانت نيتي انو يكون ديباناج لكن الضروف و شخصيته مقدرتش نتفاهم معاه والله ضميري يعدب فيا مالقيتش وش ندير خائفة نكمل وبعدها نندم و شكرا على الرد