حابة ننتحر 2

[مشكلتي]

السلام عليكم انا صاحبة موضوع هذا

http://www.djelfa.info/vb/showthread.php?t=1812023

يا بنات قررت نحكيلكم مشاكلي هكذا باش تفهموني

انا شابة مشكلتي هي امي ربي يحفظها بكري كانت امي تتحدث كثيرا على اعراض الناس وعلى كل شيء انا كنت صغيرة بزاف ما كنتش ننصح فيه راني نادمة على كل شيئ على خاطر انا للراني ندفع في الثمن هذي هدرة
، امي تابت بعد موت اختي فاقت عادت ما تجمعش ما تحكيش على حتى واحد للدرجة كامل ناس عرفتها عادوا ما يحبوش يجوا للدار كيما من قبل ، راني نحمد في ربي على جال هذي خطوة ، على ماكانش القيل وقال ،
ومشكلتي اخرى وهي انا شابة على القدر كبير من جمال واخلاق عاقلة ورزينة منحكيش بزاف والكل يشهد بهذه الصفات ، ااعاني من مشكلة وهي نقص في السمع فقط وهذي مشكلة دمرتلي حياتي كامل ليجي يخطب روح سقسي اخوالي واعمامي وجيراني قوللوا ما تروحش ليها راهي ما تسمعش ،تخيلوا معايا اقرب ناس ليا قولوا عليا هذي هدرة جرحتني كلمات مشكلتي ما نعرفش نرجع الهدرة ما ندفعش على روحي على بيها ناس كلاتني ، واحيانا نقول لا حاسة ربيراهو يعاقب فيا ، ما فهمت والوا راني تائهة ومهمومة ،فوق هذي كامل كنت نقرا بزاف للحقت الباك ما جبتوش ، عندي كثر من 5سنيين وابواب كلها مغلوقة في وجهي ظل ندعي ربي يفرج عليا للحد ساعة ما استجبليش ربي
ادعولي ربي سهلي موتي كيما اختي الله يرحمه هي على اقل ريحت ماشي كيما قاعدة غير نتخبط

[Spartacuse]

ربي يهنيك و يطولك في خياتك و يرزقك باكتر ملي تتمنايه

[papino]

اختي نصيحتي ليك انو تتقربي لله عز وجل لانو على حساب هدرتك راكي امام مشكل صغير لو قارنتيه بما تعانيه البنات اليوم .تخيلي اختي كثير من البنات فاق عمرهم الاربعين سنة مزال متقدملهم حتى واحد و عايشة مع خاوتها يعني لا دار لا دوار و تلقايهم صابرين و راضيين بمكتوبهم .انتي ربما ابتلاكي الله بنقص في السمع ؟؟انظري لكثيرات معوقات غير مبصرات و راضيين بحكمة الله .صدقيني حاولي تتقربي لله عز و جل و ترضاي بالمكتوب لي عطاهلك ربي اكيد راح يعوضك متخافيش فقط اصبري و ربي يجيب الخير اختي.

[ام افنان48]

يا أختي حرام تدعي بالموت شدي في ربي والله يا أختي الدنيا مشي غير زواج عمري وقتك بص وألح وربي ما فيه غير الخير بزاف الي زوجو وماهوش هانئون في حياتهم. انا راني في الغربة والله مشتاقة ريحة الوالدين ونقول كون يرجع بيا زمان نعيش معاهم وتستغل كل وقت معاهم. لازمت حمدي ربي على نعم عطاهلك ربي وهي الأخلاق كاين الي مشتاق تربية ادعي ربي وكثير الاستغفار.

[ام افنان48]

يقولك الانسان المؤمن دعاواته تستجيب مطولا لان الله يقول اريد ان اسمع دعائه لانه لو استجبت الان لن أعد اسمع دعائه الصبر اجره عند ربه

[melissa lola]

ربي يفرج عليك ويرزقك الزوج الصالح

[دُرَّةُ الكَوْن]

السلام عليكم اختي كنت مارة من هذا القسم ورأيت العنوان حبيت ننتحر2 استعجبت ، قلت يعني كاين حبيت ننتحر1 وهذه 2 ، مالا قلت لازم ندخل نقرا ونشوف واش لي يخلي واحدة في مقتبل العمر تقول ننتحر لابد يكون الامر خطيييير جدا
لكن لما قريت موضوعك مالقيت حتى حاجة تخلي الواحد ينتحر
اذا كان مشكل السمع فهذا ابتلاء والله يبتلي كل مؤمن والحمد لله انها جات في السمع فكان ممكن تكون مثلا اعاقة او تكوني كفيفة او او او
اما اذا كان بخصوص الزواج فاعلمي ان ماكتبه الله لك لن يمنعه البشر عنك ولو اجتمعوا كلهم لذلك واستعيني بالدعاء واجعلي صلتك وثقتك بالله قوية والاهم من ذلك اعلمي اننا لم نخلق في هذه الدنيا لكي نعيش ونتمتع ونتزوج ، يا أختي ارفعي من اهدافك تأتيك الدنيا راغمة
اطلبي العلم ، اعملي الخير ، اعملي في مجال الدعوة ، كوني نفسك في عدة مجالات خياطة ، كمبيوتر ....... ولا تبكي على حالك فالدنيا مستمرة ولن يلتفت اليك أحد.
اتمنى ان اجد منك موضوعا آخر فيه معنويات مرتفعة ،رمضان مبارك

[مناد بوفلجة]

مكتوبك مازال ما لحقش

هذا ما في الأمر

[omselma]

يا اختي حطي ربي في قلبك وعيشي حياتك عادي مكانش حاجة تستهل الانتحار هذا من ضعف الايمان والشخصية شغلي نفسك بقراءة القران حتى ياذن ربي بزواجك .اما نقص السمع عادي ما هوش مشكل كاي ناس اكثر منك ومتزوجين وكاين ناس مخصهم والو ومازالو متزوجوش واقاربك ربي يهديهم. لللي كاتبولك الفوقاني ما يبدلوا حتى واحد . استغفري ربك وتوبي الى الله

[seridz]

الاخت "دُرَّةُ الكَوْن" شخصت حالتك بدقة و اعطتك العلاج بارك الله فيها و فيكي و في كامل المسلمين
تذكري لن ننال أكثر مما كتبه الله لنا ،" الحمد لله "

[قدور بن عاشور]

يالأخت أنت تقولين عندك فقط نقص في السمع و ليس غياب السمع، يعني راكي لاباس بيك و ليس لديك أي سبب حتى تفكري في الإنتحار.
أما الزواج فلا تبكي على من ذهب و لم يعد،23 أو 24 سنة مازلتي صغيرة، و الدنيا مازالها طويلة، و معدل سن الزواج ممكن راهو يدور في الـ35، لا تقلقي إن كنت جميلة و ذات أخلاق عالية كما تقولين ولد الحلال يجي يجي لأنه هذه الصفات صارت نادرة، خاصة أنك ما ترجعيش الهدرة و هذا ليس عيبا بل خلق رفيع و نادر.
ثم في الأخير لا تزر وازرة وزر أخرى و لن يعاقبك الله بما فعلته أمك سابقا.
و الله الموفق.

[karimo.karimo]

ita9i elah

[سهيلة2013]

يا اختي اذا ما تزوجناش نموتو رانا عايشين حياتنا و اللي بغاها ربي مرحبا بيها
و علاه ما تعالجيش

[سفير النوايا الحسنة]

ربي يهديك ويعيدك لجادة الصواب سبحان الله هذا الجهل بعينه انظري حولك سترين أناس أكثر منك معاناة هناك المشلولين والمعوقين والمصابين بالأمراض المزمنة ومازالو متمسكين بحظوظهم في الحياة وانت مجرد قلة السمع تريدين الانتحار لاحول ولا قوة إلا بالله

[Hichem1998]

يا اختي ربي يرزقك زوج صالح بصح انا نقولك حاجة لازم علينا نحمدو ربي شدي ورقة وكتبي نعم لي راكي فيها شوفي يماك حذاك و...امامشكلة السمع فكاين ان شاء الله العلاج وقبل كل شيئ تعلقي بربي سبحانه ومتقدريش تعرفي وين مخبيلك الخير

[مومي23]

انت قلت انك صاحبة جمال كبير و اخلاق
نقص السمع ليست مشكلة ضعي جهاز صغير في الادن يحل المشكلة لكن صارحي من يتقدم اليك
و الله معك

[nadjouta]

يا ختي لوكان جا الانتحار حل لوكان مبقا حتا واحد حي في هاد الدنيا مشكلتك صغييييييرة خلاه وحلها انك تصلي وتدعي ربي من قلبك وديري في بالك بلي غير هو لي يحس بيك ويقدر يحققلك واش تحبي والناس لي يفسدو عليك خليهم لربي واحسن كيمترديش الهدرة ربي يرد في بلاستك ويعاقبهم عاجلا او اجلا

[بشرى التيسمسيلتية]

يا اختي انا ما نلومكش و لكن نقولك خير الخطائون التوابون و نصف الطريق كي تعرفي روحك غلطتي بدعائك على نفسك بالموت
انا نقولك اللي راهم يهدرو فيك و قراب ليك قولي 4 كلمات ما فوقهم كلمة حسبي الله و نعم الوكيل لانو ربي يقولك و عزتي و جلالي لاانصرنك و لو بعد حين
و زيدي نتي ماشي نا تسمعيش ناقصة سمع و هادا ماشي عيب الكمال لله كاين اللي اسوء منك يا اختي احمدي الله على السراء و الضراء و ماتغلطيش بكلامك ربي راه يعاقب فيك
لا ربي يحبك و يبتليك و لازم نتي تكوني صبورة و تزيدي تتقربي لله اكثر و اكثر استغفري كثري من الاستغفار و انا نقولك يا حبيبتي الله يفرج عليك و يهنيك و يفرحك اما المكتوب اللي كاتبها ربي تلحقك و هو لي عارف وقتاش يبعثلك الزوج الصالح ربي وحدو عارف الوقت المناسب و الشخص المناسب و اسفة على الاطالة

[ام افنان48]

والله يا أختي نعرف واحدة ما تسمع مانهدر سبحان الله جاها مكتوب هايل زوجت في الخارج دوروك راهي عائشة كالمملكة المهم الصبر والدعاء ياخوتي السمع ماهوش عيب. احنا رانا تسمعو ومشاكل الدنيا خالتها مرات والله ما نسمعو. ما نشاوفو ديما غايصيين

[أميرة أخلاقي]

rabi yfarej 3liik khtii ad3i Rabii

[سائلة عفو ربها]

شوفي أختي الدنيا هاذي كل شيء بالمكتوب...واحد مايدي أكثر من مكتوبو...كي تقتانعي بهاذ الهدرة تروحلك هاذ الفكرة من راسك...
وربي يفرج عليك ونقلك كيما المرة الأولى ربي يهديك ويفرج عليك ويثبت ايمانك في قلبك ويرزقك ولد الحلال اللي ينسيك همومك...صلي وادعي ...خاصة قيام الليل وتعلمي ثقافة انس الهم ينساك...
أما هدرة الناس..وكلي ربي وأكثري من قول حسبي الله ونعم الوكيل.والله يمهل ولا يهمل...وماكانش اللي راه عايش بلا مشاكل لكن قوة الايمان والصبر والتوكل على ربي هو الحل
ويارب يجي نهار وتولي هاذ الفكرة مجرد ذكرى...
أختك سائلة