لتعرف دير الديول تدخل عندي سؤال

[Ikhhanane]

مساء النور بنات
جربت اليوم الديول الوصفة هي كأس فرينة ،نصف كأس سميد ،كأس و نصف ماء،ملح ،2ملاعق زيت
و الطبخ على حمام مائي ف مقلاة
المشكل يتقطعو معلبليش علاه
و حطيتهم وحدة فوق وحدة بعد ذهنها بالزيت من فضلكم قولولي وين الخطأ
شكرا

[ايناس10]

علاش عملتي الزيت فالعجينة راه يخليها مبسا وتتفتت

[sara120]

انا عندي الوصفة وناجحة مائة بالمائة
المقادير هي كاس فرينة -2 مغارف سميد رطب - مغرف كبيرة مايزينة- شوية ملح -كاس وربع ماء دافئ .خلطو كلش بالباتور مليح
الطريقة هي ديرو كاسرونة ماء تغلي كي تغلي حطوا فوقها مقلاة نتاع التيفال كي تسخن احكموا البانسو نتاع الحلوة . اغطسو البانسو فالخليط ومسحوا بيه المقلاة كوش واحد مديروش
بزاف باش متجيش الورقة خشينة خلوها واحد 4 دقائق كي تشوفوها طابت الا بانتلكم شوية تقابي كملو ادهنوهم خلو الفرن ناقص نحو الورقة بلعقل حطوها فوق الطرشونة وغطوها
المهم بنفس الطريقة كل متحطوا ورقة ادهنوها بشوية زيت وغطواها مليح



انشاءالله تكونوا استفدتوا مني
وشكرا

[Ikhhanane]

انا عندي الوصفة وناجحة مائة بالمائة
المقادير هي كاس فرينة -2 مغارف سميد رطب - مغرف كبيرة مايزينة- شوية ملح -كاس وربع ماء دافئ .خلطو كلش بالباتور مليح
الطريقة هي ديرو كاسرونة ماء تغلي كي تغلي حطوا فوقها مقلاة نتاع التيفال كي تسخن احكموا البانسو نتاع الحلوة . اغطسو البانسو فالخليط ومسحوا بيه المقلاة كوش واحد مديروش
بزاف باش متجيش الورقة خشينة خلوها واحد 4 دقائق كي تشوفوها طابت الا بانتلكم شوية تقابي كملو ادهنوهم خلو الفرن ناقص نحو الورقة بلعقل حطوها فوق الطرشونة وغطوها
المهم بنفس الطريقة كل متحطوا ورقة ادهنوها بشوية زيت وغطواها مليح



انشاءالله تكونوا استفدتوا مني
وشكرا

انا منخليهاش 4 دقائق ،اقل م منعرفش إذا طابو و لامزال

[sara120]

لالا انا نخليها 4 دقائق وهي لازم تخليها 4 دقائق

[محبوبة ^_^]

يام يام كي تنجحلك خليلي سهمي... اسفة لاني ماعنديش الوصفة لكن اتمنى لك التوفيق

[sabine 1988]

انا عندي سنوات و انا نجرب في كل الوصفات نتاع ديول وجامي نجحتلي الا منذ 10 ايام باش عرفت سر نجاحها و جاتني روعوة ولكن ما عرفتش كيفاش نحتفظ بيها لمدة طويلة و الطريقة هي: المقادير: كيلة فرينة +كيلة ونصف ماء +قليل من الملح
تخلطي مليح بالفوي ومبعد ديري مقلاة فوق حمام مائي باش ما تتحرقلكش بالخف واول مرة ادهني المقلاة نتاعك بالزيت للاحتياط حتى ولو كانت جديدة و خليها تسخن تم اغطسي بانسو نتاع سيليكون في الخليط السابق و ادهني المقلاة مليح رايحة تلاحظي وجود فراغات كتيرة متخافيش خليها تنشف قليلا وزيدي اغطسي لبلنسو في الخليط السابق وحاولي تسدي كل الفراغات وين ما ظهرتلك وكل ماتنشف زيدي شوفي الفراغات الجديدة و سديها تبانلك تجي خشينة ولكن لملا تهزيها تلقيها كيما نتاع برة بعد ما تنشف
وهكذا راني اشبعت فضولي كي تعلمتهم وبرد قلبي
ملاحظة:هذه الوصفة لاخت هنا في المنتدى شفتها عندها بزاف ولكن ما شفيتش على اسمها باش ما تقولش الوصفة مسروقة

[joujou2014]

انا عندي سنوات و انا نجرب في كل الوصفات نتاع ديول وجامي نجحتلي الا منذ 10 ايام باش عرفت سر نجاحها و جاتني روعوة ولكن ما عرفتش كيفاش نحتفظ بيها لمدة طويلة و الطريقة هي: المقادير: كيلة فرينة +كيلة ونصف ماء +قليل من الملح
تخلطي مليح بالفوي ومبعد ديري مقلاة فوق حمام مائي باش ما تتحرقلكش بالخف واول مرة ادهني المقلاة نتاعك بالزيت للاحتياط حتى ولو كانت جديدة و خليها تسخن تم اغطسي بانسو نتاع سيليكون في الخليط السابق و ادهني المقلاة مليح رايحة تلاحظي وجود فراغات كتيرة متخافيش خليها تنشف قليلا وزيدي اغطسي لبلنسو في الخليط السابق وحاولي تسدي كل الفراغات وين ما ظهرتلك وكل ماتنشف زيدي شوفي الفراغات الجديدة و سديها تبانلك تجي خشينة ولكن لملا تهزيها تلقيها كيما نتاع برة بعد ما تنشف
وهكذا راني اشبعت فضولي كي تعلمتهم وبرد قلبي
ملاحظة:هذه الوصفة لاخت هنا في المنتدى شفتها عندها بزاف ولكن ما شفيتش على اسمها باش ما تقولش الوصفة مسروقة

ana 3andi pinceau ta3 silicone w9alouli mayasla7ch jawbini t3ichi

[سماح 88]

انا معجبتنيش الي فيها غير الفرينة جات تتفتت من الافضل اضافة السميد

[raboha]

شوفي في هذا الرابط أنا ملي شفتهم راني معتامدتهم هذي مدة 5 سنين
http://www.djelfa.info/vb/showthread.php?t=789633

[sabine 1988]

نعم جربتها ببانسو نتاع السيليكون ونجحتلي بعد محاولات عديدة والعيب في البانسو هو انو يخلي فراغات كيما ذكرت سابقا وراني قلت الحل هو انو لازم تخلي الخليط ينشف قليلا في المقلاة راح تظهر هديك الفراغات وانت حاولي تسديها في كل مرة حتى تختفي تماما هذا هو السر

[lilya ben ahmed]

انا جربتهم وهايلين يجوني بصح لا كيل ولا والو عيني ميزاني وادا تقطعولك ديري واحدة وساشي واحدة والاخرى حتى تكملي

[oumhana]

أنا جربت بزاف وصفات منجحوليش. هذ المره جربت الوصفة تاع أم وليد خذيتها ملفايس بوك ربي يجازيها و يفرحها.
كيلة فرينة+ كيله سميد رطب+شويه ملح +3 كيلات ماء (نفس الكيلة لي عملتي بيها الفرينه و السميد)
نخلطهم مليح في مكسور من بعد نزيد مغرف زيت و نخلط و نخليها ترتاح 30 دقيقة.من بعد الطريقة واضحةـ
انا عندي بانسو سلكون خدمت بيه جاوني روعة .في المره الأولى تقيدت بالوصفة خرجولي روعة وكي تعلمت وفهمت الدرس وليت نستغنى على كسرونة الما يعلي نحط المقله على نار متوسطة و نخدم جاوني روعـــــــــــــة.إن شاء الله تنجحي فيهم أختي

[sunshine2013]

شكرا علي اللفادة

[almazalina22]

حبيبتي شوفي انا من بكري هاذي وصفتي وحطيتها كي سجلت في المنتدى بالصور بصح نظن راحو المهم احسن وصفة هي كاس فرينة وكاس ماء وشوية ملح وممكن تزيدي ملعقة صغيرة زيت وتخلطي وحطي كرابيار على حمام مائي او مقلي تيفال وما تدهنيش بالزيت ديىي فيها ناشفة
نجو للصح لازم القدر يكون يغلي ماشي النار ناقصة وتانيا لازم القدر يكون حسب كبر المقلى وتالثا كي تطيب ماتفوتش دقيقة يطلعو الاطراف وينشفو خلاص نحيها بالعقل واخيرا لازم كي تنحيها من المقلى لازم تمسحي هذاك الفتات وتخلي المقلى تعاود تسخن وتغطيهم بطرف وفي ساشي اى وقت الاستعمال
خلي الزيت يسخن وقطريهم وبالصحة جربيهم بالنصائح هاذي وادعيلي

[&&رسيل النهر&&]

السلام عليكم
انا نستعمل في وصفة مختلفة وناجحة
تحطي حوالي 300 غرام فرينة (كيلو فرينة نخدم بيه 3 ايام ولا 4)
و بيضة كاملة و ملح
و نلموهم بالماء (بنفس الطريقة اللي نلمو بيها البغرير)
العجينة لازم نصفيوها في كسكاس باسكو رح يكون فيها كويرات صغار مايخليوش الديول يصلحو
و نسخنو مقلاة اللي ماتلصقش.انا نستعمل تاع ليكراب
و ندهنوها بالخليط
و رح يصلحولك ان شاء الله