ابنتي متعلقة بي كثيرا

[*ام بثينة*]

السلام عليكم اخواتي

ارجو لمن مررن بنفس تجربتي ان يساعدنني في مشكلتي و هو تعلق الاطفال بالام

ابنتي الصغيرة ذات 13 شهرا متعلقة بي بشكل غير عادي و الاحظ ان هذا التعلق يزدادا شيءا فشيءا لدرجة انني لم اعد اتمكن من تنظيف البيت او حتى الطبخ اقوم به على صوت بكائها و صراخها المستمر و احيانا اتجاهل بكاءها لكن مرات يتعبني و يجعلني عصبية .

هذه ليست ابنتي الاولى عندي من هن اكبر منها يعني مهيش تجربتي الاولى مع الاطفال
و نقولكم شيء مهم هي مزالها ترضع من صدري عمرها ما شربت حليب اصطناعي الحمد لله لكن الان معنديش حليب كثير و هي تاكل ما شاء الله يعني نقدر نفطمها لكن منعرفش الطريقة كيفاه لانو اخواتها مرضعوش بزاف و وحدهم تخلاو عن الرضاعة الطبيعية
رجاءا لي عندها تجربة تخبرني
و شكرا

[ام عبدو و ملاك]

يا اختي هادا امر عادي انا عندي طفل قريب يكمل 3 سنوات واش نقلك كي خيالي وين نروح معايا وحتى حاشاك كي ندخل لبيت الخلاء الدنيا يقلبها بالبكاء بصح عادي اوقات نتقلق اوقات تعجبني و نضحك و مع الوقت رايحين يتبدلو وحدهم يرجعو يخرجو يلعبو و يتلهاو بحوايج اخرين ما تقلقيش روحك و ربي يعيشهالك

[oum radja]

هههههه ربي يحفظهالك
كل هاذ الشي على جال الرضاعة
انا تاني مريت بهاذ التجربة وكي بغيت نفطم بنتي كنت نرسلها لماما من الصباح باش ماتشوفنيش ونجيبها العشية تتعشا ويرقدها باباها تبكي شوية وتسكت
ونعاود النهار لاخر نفس الشي اصبري عليها ايامات ورايحة تنسا
وماتنسيش بعد 3ايام كي تبكي في الليل اعطيها ترضع على الظلمة رايحة تقنع وانت ترتاحي
ان شاء الله نكون افدتك

[*ام بثينة*]

يا اختي هادا امر عادي انا عندي طفل قريب يكمل 3 سنوات واش نقلك كي خيالي وين نروح معايا وحتى حاشاك كي ندخل لبيت الخلاء الدنيا يقلبها بالبكاء بصح عادي اوقات نتقلق اوقات تعجبني و نضحك و مع الوقت رايحين يتبدلو وحدهم يرجعو يخرجو يلعبو و يتلهاو بحوايج اخرين ما تقلقيش روحك و ربي يعيشهالك
شكرا اختي انا لي مقلقني ايضا متلعبش مع اخواتها و متحبش تقعد معاهم علابالي مسالة وقت ربي يقدرني

[*ام بثينة*]

هههههه ربي يحفظهالك
كل هاذ الشي على جال الرضاعة
انا تاني مريت بهاذ التجربة وكي بغيت نفطم بنتي كنت نرسلها لماما من الصباح باش ماتشوفنيش ونجيبها العشية تتعشا ويرقدها باباها تبكي شوية وتسكت
ونعاود النهار لاخر نفس الشي اصبري عليها ايامات ورايحة تنسا
وماتنسيش بعد 3ايام كي تبكي في الليل اعطيها ترضع على الظلمة رايحة تقنع وانت ترتاحي
ان شاء الله نكون افدتك
مشكورة على مشاركتي تجربتك
انا بناتي مولفتكم الظلمة منذ الولادة معنديش مشكل لانو ضوء خفيف تع مصباح الشارع يدخل للغرفة لذا اعتدن النوم في الظلام بالعكس كيكون الضوء ميقدروش يرقدو مسالة تعود .
زميلتي قاتلي وضعت الحناء في صدرها و كيشاف وليدها اللون مختلف عافها و توقف عن الرضاعة بصح ابنها عمرو سنتين هل ترى تنفع مع بنتي ذات 13 شهر ؟؟

[سماح 88]

قريبتي ابنها متعلق بها كثير عكس والده الي ما يحوسش عليه وينام بقربها اعتبرت الامر عادي ولما اصبح عمرو اربعه سنوات تقريباوتاخر الولد في النطق اخذاته عند طبيب اختصاصي ليخبرها انه عنده مرض التوحد فانتبهي لابنتك ولو ان الاختصاصيون يقولو يصيب التوحد الاولاد اكثر من الصبيان

[*ام بثينة*]

قريبتي ابنها متعلق بها كثير عكس والده الي ما يحوسش عليه وينام بقربها اعتبرت الامر عادي ولما اصبح عمرو اربعه سنوات تقريباوتاخر الولد في النطق اخذاته عند طبيب اختصاصي ليخبرها انه عنده مرض التوحد فانتبهي لابنتك ولو ان الاختصاصيون يقولو يصيب التوحد الاولاد اكثر من الصبيان
شكرا احتي للتنبيه
الحمد لله بنتي عادية لحد الان حتى انها تنطق كلمة زيزا هههههههه عفوا وتقول نينا مكان ماما و تغني و تصفق و ترقص و تفهم اذا طلبتي منها ان تعطيك شيءا في يدها لا تقلقي وهي مترقدش معي في الغرفة تنام مع اخواتها في غرفة مقابلة غرفتي

[هاجر سوسو]

سيدتي الكريمة لقد قمت بكتابة موضوع من اجلك

[*ام بثينة*]

سيدتي الكريمة لقد قمت بكتابة موضوع من اجلك
شكرا حبيبتي
درك نحوس عليه