مشكلة صديقي

[مشكلتي]

انا عمري خمسة وثلاثين سنة وصديقي اثنان وثلاثين سنة
وصديقي هدا مثل اخي
دائما يحكي لي مشاكله وانا بمثابة دراعه الايمن
كل مرة يوقع في مشكله نحاول نساعدو فيها
لكن هده المرة يمر بضرف جد صعب
ندخل فلموضوع
صديقي هدا كان يعرف وحدة ويبغيها جنون وما يقدرش نهار يصبر بلا مايشوفها ولا يكلمها
لكن كان يتصرف معها بطريقة مجنونة
كل مرة يزعفها ويحاول يرضيها
وهو ناويها تكون زوجتو
دايمن يزعفها وتتقلق ومن بعد يرجعها ويرجعو نورمال
حتى وحد النهار زعفها للدرجة انها بكات وقاتلو كل مرة تجبدلي خرطة من لون
يا اما تمدلي كلمتك يا اما كل واحد فطريقو
وكا ن كل مرة يجبدلها سبب من راسو غير باش يشوفها كيفاش تزعف ويقلها بلي طردوني ملخدمة مانقدرش نكمل معاك غير بالتمسخير
المهم المخلوقة ملت من هدا التمسخير وكنت دايمن نحدرو بلي ادا زاد الشيء عن حده انقلب الى ضده
ماخضائ رايي وقعد يتمسخر بالطفله وهي تستنى فيه باش يقلها بلي نجي نخطبك قدام لعالم
لكن هو واصل التمهبيل ديالو
حتى تطرطقت الطفله وليكيداتو
سكرت عليه كامل الطرق باش تئيفيتيه ومتهدرش معاه وراحت تخدم وقاطعاتو للابد
راه في شهرين وهو من وراها ويحلل فيها باش ترجع
بصح قاتلو خلاص منزيدش نعاود اللعب مع واحد مهبول
صديقي مسكين راه فحاله ماكلتو دخان ودموعو مايحبسوش
راهو كيما الطفل يبكي عليها ليل نهار
دايمن نفكر اني نرجعهالو بصح نخاف نفشل
شهرين وهو فحاله مايمشط شعرو ما يرازي لحيتو مايلبس مليح والندم قاتلو
كيفاش نديرلو راه قسملي قلبي
وصاحبي ومنقدرش نشفو يبكي قدامي
كرهت حياتي فبلاصتو
لانها رفضاتو بعد لي كانت تحبو وولات تكرهو
خطرات نديرو على صدري وهو يبدا غير يدمع
مايحبسش خلاص
كرعت فبلاصتو
دبرو عليا كيفاش نسكتو

[~أمة الله~]

الجزاء من جنس العمل
باش يعرف صديقك أنّ بنات النّاس ماشي لعبة يقعد يتمهبل بيها ...
المهم إن أردت مساعدته ، فانصحه أن يتوب إلى الله لأنّ قلوب العباد بين أصبعين من أصابع الرحمن يقلبها كيفما شاء ، لذلك يتوب بصدق ،ويخلي عليه الدخان ولا أدري ماذا ...ويذهب إلى أب الفتاة يخطبها رسميا ، وهي بعدها تقرر إن شاء الله ...أظنّه الحلّ الوحيد والله أعلم
ربي يهديه ويوفقه

[الجواهر]

كون ندري واحد يبكي عليا.. و الله نديه من غدوا
و المهر10دج مادام يحبني بزاااااااااف علي

[samy algerien]

لازم يداوي نفسه اولا . لانه يفعل في اشياء اطفال صغار . يااخي قولهالو في وجهو لازم يكون مسؤول عن تصرفاته اولا. ولما يعدل نفسو يروح يخطبها باش تعرف انه اصبح مسؤول.

[fofol]

hadi lyaha rana fiha

fi hada zaman

jyaha zadat 3ala hadha

hado yatzawjo yawaldo irabo ajyal

allah yastar mali jay

3ibad hablo ma3lablhomch wach kaydire

allah yahdi makhlak

amin

[rafif.ra]

ربي يهديه 32 سنة و مزال جايح
قلو روح امسح دموعك ....على اساس هو بيبي....و سقم روحك و روح اخطبها رسميا كي تشوفو دار جاست تاع واحد كبير ترجعلو

[الصديق قروف]

واش يسنا ميخطبهاش
وانت عاونو في مصروف لعرس
و كي يتزوجو يحبس تمسخير تاعو ؟

[houssem zizou]

السلام عليكم

أنصحك يا أخي أن تقول لصديقك أن يتق الله في نفسه

و ادا أراد الزواج منها حقا أن يتخد الأسباب الشرعية

و يتقدم لخطبتها أما أنه يبقى في هده الألعاب الصبيانية

و التمسخير فهدا من أعظم المحرمات

و الواحد فينا يا أخي لا يرضى أن يفعل بأخته هكدا

فكيف يرضاه لبنات الناس

و الرسول صلى الله عليه و سلم يقول: (لا يؤمن أحدكم حتى يحب لأخيه ما يحب لنفسه)

[نور الفجر02]

يروح يخطبها وينتهي المشكل .......هذي اصلا ماهيش مشكلة........ تحيروااا

[خالد عنابي2]

يستااااااااااااااااااااااااااهل

خليه يهبل ويخش سبيطار المهابل وتتخلص منو

وش حاسب روحو طايح عليها غير بالاختبارات

وكي يقلها بطلوني مالخدمة في بالو رح تقلو نقعد غير معاك ؟ يعمل دار بالريح ؟

يروح يلعب بعيد

[rose de sable s]

الحل واضح يا اخي
هي حبت الحلال لو صاحبك يحبها كان كي بعدت عليها راح لبيتها
لم افهم يحبها و شهرين يتعذب ولم يخطبها لما اكيد عند سبب محبش يقولو
يروح يخطبها رابح ترجع ليه فرحانة هذا حل و حيد وان لم يرد خطبتها اذن اتركه
لي يحب يحب حلال

[بنت فاميليا]

علاش صاحبك ما يطيحش دموع على الحرام اللي كان فيه وعلى لعبه ببنات الناس ؟؟؟؟؟؟؟؟؟؟؟؟؟؟؟؟؟
الحلال طريقة سهلة وقصيرة جدا والحرام ما يجي من وراه غير العذاب والهم وطريقه طويـــــــــــــــــــــــــــــــــــــــــــــــ ــــــــــــــــــــــــلة بزاف
وصاحبك مشكلته راها مع الحلال من اللول يقصد الباب ماشي النافذة

[faraday_dz]

كي انت كي صاحبك راكم كبار بعقلية مراهقين

[noriya]

يروح يخطبها و هي تقرر و خلاص

[rose de sable s]

انت تعرف حل مشكلة وانت قلتها و هي خطبتها لما تعقد امور اذن
ننتظر الحل الذي ستقون به

[رهف هبة الرحمان]

من الاحسن يروح يخطبها ويشوف الا قبلت بيه ولالا وقلو بطل منهدا الجياح راه كبير
ربي يوفقو

[رجل من هذا الزمان]

تعرف قصة الفتى و الذئب ؟ ...هذا بالضبط الذي حدث مع صديقك و كما تعلم في اخر القصة لم يخبرونا اذا ما اكل الذئب الفتى او انقذه اهل القرية بعد كل ما فعله لهم ..ارجو ان تكون الرسالة قد وصلت

[عثمان الجزائري.]

و الله جاني الضحك و حشمت منكم اها راك كبير، واش من حب واش من بكى، جامي صرات 33 سنة مازال يعشق و يتبع في لحرام يا أخي راك بديتي تدخل فالشيخوخة وما زالك تتمسخر بي بنات الناس ربي يهديك، روح اخطبها خيرلك، و انت يا صاحبوا لكانك كيفوا غير اجري على روحك...طيحتولي المورال...

[سجل أنا جزائري]

بوه علي بوه

اذا عاشت الرجالة تبكي على طفلة صباح و عشية سورتو كي قلت نديرو على صدري و هو يبكي بالدموع هذي قتلهم ارقدو

[0ibtissam]

الحل يروح يخطبها ربي يهنهم ان شاء الله

[سحابة مسافرة]

ياخي حالة ياخي
يحط لااسو على صدرك و يبكي بالدموع ؟؟؟؟؟
راك متاكد من عمرك و عمرو ؟؟
ربي يهدي ماخلق