الى ام اماني العزيزة ,,,,,,,جاوبيني رجاء

[joujou7]

هل استطيع تحضير تارتولات والاحتفاظ بها مدة في الثلاجة يعني تارتولات فارغين وقت الحاجة نجبد ونزينها لانو عندي نجاح السانكيام ويجي في رمضان واذا عندك اقتراحات ارجو افادتنا ربي ايجازيك

[om kamilia]

السلام عليكم ورحمة الله وبركاته دخلت على سؤالك ختي اكيد تقتدري تحتفظي بها في المجمد و نهار قبل تجبديهم والف مبرووووك النجاح مسبقا

[joujou7]

شكرا عزيزتي ام كميليا بوركت وجزاك الله كل الخير

[sabine 1988]

كيما قاتلك الاخت انا تعلمت عند مختصة في الحلويات و قالتنا تقدروا تحتفظو بيهم لمدة طويلة بلا ما تعمروهم و لما تعمريهم باي كريمة من الاحسن في نفس النهار اللي رايحين تاكلوهم لان اي كريمة تستعمليها راح تطريهم لما تبات
عذرا لاننا دخلنا و انت سالت ام اماني ولكن اردت المساعدة

[jojo dj]

نفس سؤالي اختي مي انا نحوس نستعمل عجينة الهام سهلة واقتصادية ومخدومة بالزيت برك يعني نقدر نحتفظو بيها وكم المدة ونديروها في porte mange عادي ولانفرشوها هههههه جاوبوني. ربي يخليكم

[sabine 1988]

انا نحكي على نتاع المارغرين قالتنا خبوهم في علبة محكمة الاغلاق متل اي حلوى و تخبيها في التلاجة او المجمد او برة لمدة لا تتجاوز 15 يوم

[fadila34]

مساء النور انا خدمت عجينة الهام تاع الزيت وخرجت رررررررروعة ربي يعطيلها ما تتمنا وخبيت حبة مدة 15يوم وجبتها قعدت هي هية وسقسيت لبنات قلولى تقدري تخبيها رني نوية غدو نخدم منها ونخبيها لشهر رمضان انا شاء الله فى المجمد

[طبيبة سمية]

نوفمالمون تخبيها عادي المهم تغلقي العلبة مليح و ديريها في ساشي باه ما تدلها الريحة و الندى تاع الفريجيدار

[jojo dj]

انا نحكي على نتاع المارغرين قالتنا خبوهم في علبة محكمة الاغلاق متل اي حلوى و تخبيها في التلاجة او المجمد او برة لمدة لا تتجاوز 15 يوم

يعطيك الصحة على التوضيح

[jojo dj]

مساء النور انا خدمت عجينة الهام تاع الزيت وخرجت رررررررروعة ربي يعطيلها ما تتمنا وخبيت حبة مدة 15يوم وجبتها قعدت هي هية وسقسيت لبنات قلولى تقدري تخبيها رني نوية غدو نخدم منها ونخبيها لشهر رمضان انا شاء الله فى المجمد

ايا مليح ضرك ندير لكوراج ونبدا فيها

[jojo dj]

اسمحلي اختي djoudjou طفلت على موضوعك مي والله غير طليتي على قلبي نفس تساؤل وكثر خيرهم لبنات كي فهموني

[oum radja]

شوفي اختي تقدري تكونجلي التارتولات الحلوين والمالحين
انا نديرهم في بلاطو في الكونجيلاتور وكي يتجمدو نديرهم فوق بعضهم باش مايلصقوش ويتكسرو ونديرهم في علبة تتغلق مليح ونكونجليهم
والمالحين نطيبهم نص طياب يعني يقعد لونهم ابيض ولما نحتاج نجبدهم ونعمرهم ونرجعهم يكملو طياب
اليوم خدمت كمية على جال رمضان ان شاء الله

[joujou7]

شكراااااااااااااا لجميع الاخوات على الردود بوركتن جميعا ورمضان مبارك عليكن

[رحيق الورد]

machkourine

[زينب 83]

شوفي اختي عادي تخبيهم ما يصراولهم والو و اذا كنت راح تستعمليهم للحلو حطيهم في علبة مرشوشة بالفانيلا و محكمة الإغلاق ، و ننصحك بعجينة الهام تاع الزيت رووووووووعة و تبقى مقرمشة مهما طولت فيها الكريمة و هذا عن تجربة

[ام اماني77]

اهلا غاليتي واسفة على التاخير

اولا نشكر الاخوات لي جاوبوك بارك الله في الجميع
اكيييد تقدري تحتفظي بهم في المجمد في علبة محكمة الاغلاق ولازمك تغطي العلبة بورق الالمنيوم وتغلقي العلبة جيدا
نفس الشيء بالنسبة للبات بريزي لي نستعملوها في الموالح فقط هي طيبيها على بياض يعني ما تحمرهاش

وممكن تحضري العجين ة فقط بلا ما طيبيها من بعد كي تحتاجيها ديكونجليها واعمليها في القوالب والى الفرن