مشكلتي

[مشكلتي]

خطيبي البخيل
السلام عليكم ورحمة الله تعالى وبركاته
مشكلتي قد تبدو عادية لكنها تؤرقني حقا،،فتاة مخطوبة من مدة ليست بالبعيدة،،تعارفنا كان سطحيا بعد تقدمه للعائلة،،حكينا في التلفون وعقدنا بعد مدة،،خطيبي بخيل للغاية ويموت على الدراهم،،كلشي يديرلو الحساب يظل يحكيلي غير على الدين لي فيه،انا خدامة ومن نهار لي هدر معايا وهو يقولي انا نبغي ندي الخدامة،،عايلتو بزاف كبيرة وهو المسؤول في دارهم رغم لي كاين باباه،،تخيلو في حياتو مافاجأنيش ودارلي هدية مثلا حتى في عيد ميلادي راح تقولو طماعة بالصح والله العظيم والو بالصح طول حياتي نستنى في نهار عيد ميلادي لي نفوتو مع طيبي ويديرلي هدية حتى ولو كان وردة اصطناعية،،رغم لي درتلو انا وتفكرتو،،في هاذ النهار نقصد في عيد ميلادوقتلو ارواح ادي هديتك قالي لالا نحشم ارواحي نخرجو مع بعض خرجت معاه تخيلو غير ندورو في السيارة ماشراليش حتى حبة حلوى نتاع 1دينار،غاضتني عمري مانكذبش عليكم،،كل مرة كي يحكيلي واش شرا قش يقولي انت واش راكي رايحة تجيبي كي نقولو نجيب اللبسة يقولي خلينا من لبستك وذهبك قوليلي على قش الدار،،هذا سؤال يسألولي بعدا؟؟نتقرف منو في هذيك اللحظة صدقوني،،الفاليزة نتاع الحنة قالي نعطيلك دراهم شري لروحك كي قتلو اعطيهملي قالي ما عنديش ضروك اصبري عليا شوية معليش راني صابرة عليه وعرسنا مور رمضان مباشرة ماقدرتش نعاود نقولو عطيلي،،مرة حكالي على صاحبو وخطيبته لي دارتلو جاست خلاتو يبغيها كثر تخيلو واش هو الجاست سلفتلو دراهم،،قتلو للاسف انا مانشبهلهاش اذا بغيت تبغيني بغيني غير بلا دراهم

والله ماكنت نعرف البخل بالصح ضروك وليت نعرفو،،صدقوني ولا مرة قالي نفليكسيلك رغم لي عندي والحمد لله،،عمرهم ما فكرو هو وعايلتو يقيموني ولا يجيبولي حاجة من لي خطبني غير نقول ارواح تتعشى خصوصا كي يجي خويا البعيد يقولي نحشم،،المهم قلتلكم كي يشري حبة حلوى ب1 دينار يديرلها حسابها،،كي عطاولي المهر بديت نشري في الذهب تخيلو قالي قاع الذهب لي عندك وتحوسي تزيدي،،المهم مهري وانا حرة فيه علاه يقولي كلمة كيما هذيك


خبروني نصارحو ونقولو خفف بخلك شوية؟؟
ولا واش نديرو خبروني

[غير هام]

السلام عليكم

صح ختي البخل صعيب فهميه من درك انو الراجل هو لي يصرف على المرا مشي العكس لكن بطريقة مليحة ومرة على مرة معنيله ما تخرجيهالهش طاي طاي

[sinna]

اتركيه و ارتاحيييييي

[*ام بثينة*]

كيما قالت الاخت اتركيه و ارتاحي خير من تدي راجل تولي تخدميرعليه و على اهلو

[tahar_baron]

ربما يكون خطيبك بخيلا كما تقولين و صعب العيش معه
لكنك في المقابل انسانة طماعة للاسف لو لم تكوني كذلك لما تكلمتي عن هذه التفاهات... لم لم يرك كذلك لكان صرف عليك
ما يتزاوجة حتي يتشابهو
المهم ربي يهنيك او اجبدي روحك خلي غرك يتزوج

[* الحلم سكر *]

ربما يكون خطيبك بخيلا كما تقولين و صعب العيش معه
لكنك في المقابل انسانة طماعة للاسف لو لم تكوني كذلك لما تكلمتي عن هذه التفاهات... لم لم يرك كذلك لكان صرف عليك
ما يتزاوجة حتي يتشابهو
المهم ربي يهنيك او اجبدي روحك خلي غرك يتزوج

مع احترامي ليك اخي اذا هي جبدت روحها غيرها تتزوج و خلاص ؟؟؟مازالوا بنات الرجال اللي يحبو اذا تزوجو يتزوجو راجل نتاع الصح ماشي واحد وقح يا سيدي لمرا تخدم باه تعاون راجلها على العين و الراس مي واحد يقلها تكبر في عينو مين تسلفلو دراهم هذا واحد لوكان الاخت ماشي عاقدة انا نقول و الله ما نزيد معاه نها
للاسف بعض رجال المنتدى هذا ما يشوفوش الموضوع يشوفو اذا مرا ينتقدو و خلاص
هي غلطت صح كي خمت يفليكسيلي مع انها ظاهرة موجودة مي الصح لا هو يصرف عليها لا هي تسلفلو قبل ما تكون في دارو
لكن الراجل لي يحسب للمرا واش راح تجيبلو و يغريها انو اذا سلفتلو تكبر بعينو هذا عندك انت امور تافهة ؟؟؟؟
صاحبة الموضوع لو ماكش عاقدة صراحة كنت راح نقلك تاكدي و اذا صح واش راكي تخمي ارحمي روحك و خليه مي في وضعك حاولي تكوني ذكية ناقشيه و حطي النقاط على الحروف انتي تاني نقسي شروطك و ما تضغطيش عليه و بنفس الوقت اعرفي لي ليك و لي عليك
ربي يوفقك ما لقبت ما ندبر عليك !!!

[sami_bella]

سلام
مشكلة بخل الرجل راهي شائعة و بزاف نساء راهم يشكين من هاد المشكل، ما نخبيش عليك أختي التعايش مع إنسان بخيل ما راهش ساهل و لكن نصيحتي ليك هي أنك تتريثي و jamais تخممي في la séparation في الأول و إنما حاولي إيجاد حلول أخرى خاصة إذا كان خطيبك ناس ملاح و عيبه الوحيد أنو بخيل، لأنو باش تنهي العلاقة راه أمر جد سهل و قادرة تتلاقاي مع إنسان ماشي بخيل mais تأكدي بلي رايحة تلقاي فيه عيوب أخرى ربما تكون أمر من البخل: (يجري مور النسا، يسهر مع صحابو و ما يدخلش بكري، مايحافظش على الصلوات، اللامبالاة بك....)، و الحياة الزوجية يا أختي راهي فيها العجب تاع المشاكل لأنو هاذو شخصين مختلفين في طريقة العيش رايحين يعيشو مع بعض فمن الطبيعي تكون اختلافات لذا ماتفشليش قدام أول مشكل و تعلمي تواجهي مشاكلك و تحليها بطريقة سياسية، وفيما يخص البخل حاولي تعالجي خطيبك من هاد الصفة السيئة بطريقة سلسة مثلا احكيلو عن كرم شخص ما في عايلتك أبوك مثلا و ذكريه بفضائل الصدقة، كي تكونو مع بعض اطلبي منو يشريلك حاجة مثلا قوليلو راهي في خاطري شوكولا ولا أي شيء أخر ، خلقي جو رومانسي كي تحبي تطلبي حاجة مثلا قوليلو: "مين ما نطلبش من راجلي حبيبي يشريلي و شكون يشريلي" أيضا دخلي المزاح و الفكاهة في طلباتك مثلا تقوليلو:" وليت مسمار راك في شحال ما خلعتنيش غي بحبة حلوة"(أنا هادي نقولها دائما لراجلي هههههه و الله يولي يضحك و في الغد يجيبلي حاجة معاه) و بالشوية بالشوية راح يتغير معاك surement و ما عليش لا جبتيلو هدية مرة على مرة و كي تعطبهالو قوليلو: "عجبتني بغيت نشريهالك، ماشي كيما أنت قاع ماتتفكرنيش" وقوليها بطريقة فكاهية وفيها شوية دلع و زيدي طبعيها بكلمة:"بصح قاع هاك و نحبك" هاك تحسسيه بأنو راه مقصر في حقك بصح بطريقة لطيفة، شوفي أختي نقولهالك عن تجربة تقدري تبدلي راجلك و توصلي إلى مبتغاك بالرومانسية و خلق جو من الفكاهة و المرح و الدلع، أما أنك تدخليها على الراجل غربة و تناقشيه بالزعاف و تكثري عليه التنقريش راه هاداك وين يزيد و تولي حياتك جحيم، لذا أنا نقولك تحلاي بالصبر و دخلي الأنوثة في تصرفاتك مع راجلك ما تكونيش خشينة. حاجة أخرى نوصيك عليها هي أنك تكثري الدعاء راه جد مهم في حياتنا لكن للأسف الأغلبية غافلين عليه، الله يهدينا. و أيضا كوني مليحة مع أهله لازم يحسوك وحدة منهم و يولو يموتو عليك باش تكبري في عين راجلك.

و في الأخير أدعو الله أن يوفقك إلى ما فيه الخير.

[رهف هبة الرحمان]

الخت ماهيش طماعة باعكس هي ماهيش حابة يكون راجلها بخيل والمراة بطبعها تحب الراجل لي يهتم بها ويفحششها مش يبخل عليها حتى في كادو نتاع عيدميلاد وادا كانت محبة الراجل للمراة تزيد كي تسلفلو دراهم قاع وفرات
المهم ربي يفرج عليك اختي من الاحسن صارحي وقوليلو راني نشوف فيك بخيل عليا لازم تتخلى على هدا التصرف ولا شوفي كيفاش تقوليلو
ربي يفرج عليك ....

[الصديق قروف]

في نضري لم تذكري شيئ يتعلق بلبخل
لاكن من طريقة كلامو تعرفي ذالك
هل كان يسئل فقط او ينتقد فيك

شيئ عادي انك تكبري في عين زوجك عند قرضه مبلغ مالي لاكن اذا كان محتاج ماشي راح يصرف وفرات

انتي تعملي وتريدي ان ياتيك رجل غير طماع او كامل

نعرف ناس ثاي يشكيو من اسراف رجالتهم

[sami_bella]

أختي فيما يخص الفاليزة تاع الحنة بلاك السيد ماعندوش الدراهم و راه حشمان باش يقولك سقسيه، أنا تبانلي la communication راهي ماكانش بيناتكم، أنا ثاني راجلي نقصو عليه الدراهم في la période تاع العرس قالي directement واش كاين، أيا قلتلو بلا علينا هاد الفاليزة أنا ندبر راسي، درتها من عندي mais واحد ماعلابالو بهاد الشي à part أنا و هو دارنا و دارهم إلى يومنا هذا حاسبين هو دارلي الفاليزة، و هو كبر فيه هاد le geste و toujours يجبدهالي، والقش تاع الدار بلاك راه يسقسيك باش يعرف واش يشري واش ما يشريش، حاولي تحلي معاه مواضيع باش تفهمي واش كاين.

موفقة أختي.

[nour amani]

اختي نصيحتي اتركيه

انا عندي مشكلة ايضا انا جديدة في المنتدى لم استطيع كتابة موضوع جديد ارجو ان تفيدوني جزاكم الله كل خير
في البداية وافقت على خطيبي و الان تراجعت هل عندما اتركه اكون مدنبة عند الله عز وجل ؟؟ والله انا ضميري يعدبني لكن الان خائفة جدا فظروفه لم تعد تناسبني انصحوني ارجوكم

[.ام زكرياء.]

اختي لماذا لاتقولي له اني اريد ترك العمل بعد الزواج وانظري لردة فعله لانو لو غضب فمعناتو انو طامع

[sarab.sarab]

s3ib ytbadel rah tt3bi m3ah

[رهف هبة الرحمان]

اختي نصيحتي اتركيه

انا عندي مشكلة ايضا انا جديدة في المنتدى لم استطيع كتابة موضوع جديد ارجو ان تفيدوني جزاكم الله كل خير
في البداية وافقت على خطيبي و الان تراجعت هل عندما اتركه اكون مدنبة عند الله عز وجل ؟؟ والله انا ضميري يعدبني لكن الان خائفة جدا فظروفه لم تعد تناسبني انصحوني ارجوكم
لماذا تركتيه هل هو فقير وانت لم يناسبك الحال ام ماذا لم افهم ؟

[omselma]

اختي انا ما نقدر نقولك والو نقدر نظلمك ونقدر نظلمو قادرة تكوني غالطة في حقو بصح ننصحك بزوج حوايج اذا كنت تحبيه اتبعي معاه اسلوب الحوار والكلام اللي قولتيهولنا قوليهولو بطريقة لبقة جربي تعرفي كيفاش يخمم . وصلي صلاة الاستخارة ديريها عدة مرات مكانش خير من ربي هو اللي تستخيريه

[نورسين.داية]

و تركبين مع خطيبك في السيارة ؟؟؟؟؟؟؟؟؟؟؟؟؟؟؟ بمفردكما ؟؟؟؟؟؟؟؟؟؟؟؟؟؟؟؟

تلعبي بروحك ؟؟؟؟؟؟؟؟؟؟؟؟؟؟؟؟؟ لا عقد لا فاتحة .......سبحان الله


مسألة البخل سمحيلي البخيل لا يليق له إلا صنفه .......إنسان يفكر بنفس عقليته ....يعني في آخر المطاف ما يتقلقش منو ..........

[عبد الله 22]

السلام عليكم عفوا على ما سأقول كل تقيمك كان من الجانب المادي، اكيد البخل صفة مذمومة لكن على حد قولك هو خطيبك وليس زوجك لكي تحاسبه على ان ينفق عليك وهذا بدون النظر إلى ثقافة عيد الميلاد التي لا علاقة لها بالتصرفات الصحيحة التي فعلا تبشر ببناء عائلة تعرف قواعد الشرع ، إذا كان خطيبك أو حتى تم العقد دون إشهار و يركب معك في سيارة واحدتكم فأعتقد ان النصيحة له بأن لا يتزوج من إمراة تفكر بهذا الاسلوب وتركب مع رجل غريب عنها شرعيا و بنفس الشيء بالنسب لك إذا كان الرجل الذي تودي الارتباط به لا يأخذ امور الشرع في علاقته بك فتأكدي بانه مؤشر خطير على ضعف الوازع الديني الذي يضمن لك حسن المعاملة في كل الاحول ربما وفق شن طبقة بالتوفيق

[rafif.ra]

اسمحيلي ختي نقلك البخل راهو في قلبك ميش في خطيبك
في العادة نحكم في روحي و ما نحبش ننتقد في المنتدى هادا بزاف بصح نتي وجعتيلي قلبي
و تزيدي تقولي عيد الميلاد...
انا نعرف وحدة دير كادو لراجلها باه تفرحو...ولا كيعادت تحبو...مي باه تبقى تسنا هو تاني يردلها...هادي عقلية ما نعرف كيفاه راح تكملي بيها الزواج..لي يقولو الزواج تضحية......
نتي بنفسك و بفمك قلتي يصرف على عايلة كبيرة.ارحمييييه يا ختي من ذرك تحبي يفليكسيلك ياخي مزلتي في دار باباك و خدامة لاباس بيك علاه تحوسي يفليكسيلك..
ماكيش شابعة مثلا ؟
كل راجل و عقليتو كل راجل كيفاه يحب مرتو و التعبير عن الحب ما يكونش غير بالهدايا و حبة الحلوى كيما تقولي كل واحد كيفاه يعبر على مشاعرو
و اذا عدتي تحبي لي يبقى يديرلك في لي كادو في عيد الميلاد و تتقرفي من لي ما يديرش كيما تقولي غير اخطي الراجل مسكين

وش راح نقلك يا ختي الدار ما يعمروها الكادوات و الحوايج هاذو...كي يعود الحب و الاحترام بين الزوجين هاذاك هو

الله المستعان

[سارهـ]

هذا الانسان كان نعيش معاه انا نمووووت
اج=بد*ي روحك هذا مشي بناد*م
قيلك منه و الله نصيحة من اخت
يعيف صراحة و مقزز من طريقة تف(كيره
كل شيء ولا البخل يا لطيف

[doua arij]

اختي العزيزة انا لدي تجربة مع خطيبي مثلك تماما وتزوجته عسى ان يتغير لكن البخل صفة قد لا تزول رغم الحلول التي طبقتها لكن على ما يبدو زوجك يامل في مساعدتك له والرجال عادة ما ينسون اعياد الميلاد وتواريخ الزواج والمناسبات تحدثي معه بصراحة وضعي النقاط على الحروف

[لحن الحياة.]

حبسي الخدمة و قوليلو يصرف عليك ........................و ستذهلين بالنتيجة خخخخ ديجا مجرد انك تقوليلو رايحة نبطل من الخدمة .يقولك رايح نبطل منك

[سهيلة2013]

يا اختي كيما راه يعاملك عامليه باه يحس

[حميد.ص]

انا حسب رايي الشخصي اسوء ما في الامر ان يكون الانسان غني و بخيل في نفس الوقت

ربي يجيب الخير