اسرار العقاقير المرق هيا سارعو قبل ماتشرو شوفي

[سعيدة سعيدة]

مساء الخير عليكم يا خياتي انشاء الله تكونوا لاباس انا حابة نطرح عليكم فكرة وانشاء الله تعجبكم وذي الفكر راها ماتكمل غير بيكم على بالكم بلي رانا مقبلين على شهر رمضان ان شاء الله يدخل علينا بالصحة والهناء وعلابالي بلي ماكانش امرة ماوجدش ليه من نيطواياج وشريت الماعين والمهم والاهم الي راني حابتكم تشاركوني فيه هو موضوع العقاقير انتاع المرق نبداو كل وحدة فينا توريلنا سر التتبيلة الخاصة بيها من العقاقير الخاصة بالدجاج والشريبة والطاجين الحلو والغراتان ايا وشكون الشاطرة الاولى لي تبدا معانا وتوريلنا كاش عقاقيرماراناش سامعين بيهم وتحدد لمن يجو ايا وشكون الاولى

[شمس بريكة]

راني نستنا هلمووووو

[jojo dj]

موضوعك هايل انا الارز نديرلو القرنفل والهيل والكاري curry

[سعيدة سعيدة]

انا الاولى خرجت كوراج عليكم هذا سر البنة انتاع المرق انتاعي نبدى بالعقاقير انتاع الشربة الفريك اي مسلسل رمضان او العجوز اولا ناخذ كاس راس الحانوت نصفه زريعة البسباس ملعقة كبيرة انتاع فلفل عكري بلاماننسى الاهم الشيبة تعطي مذاق رائع للشربة نخلط المقدير مع بعض وناخذ ملعقة صغيرة اما
العقاقير انتاع الدجاج قشور القارص انا نيبسهم ونرحيهم ونستعملهم تابل للدجاج اذا كان ما كانش مانطيبش الدجاج سكنجبير فلفل اسود زعفران او عرق الاصفر كبابة قرفة عود رند كروية

العقاقير انتع طاجين الحلو قرفة نجمة الارض حبات الهيل


اما الحمص انديرلو كمون يطيب معاه عقار البوزلوف ثاني الكمون راس الحانوت

[همس الحروف]

موضوع مليح غير قبيل كن نتسال الزنجبيل في واش يستعملوه في اي طبخة راني متابعة معاك بلاك نلقى اجابة يعطيك الصحة يا الشاطرة

[ام النجمين]

انا عندي واحد التوابل تتباع يسموها الذواقة امممممممممممممممممممممممم للطواجن والدجاج مام للشربة لي تحب نحطلها صو رة تشوفها

[ام حنان]

madabikoum thoutou les foto merci

[سعيدة سعيدة]

يا اخت ام سهيل منفضلك عرفينا على التوابل الذواقة وريلنا الصورة ياك حابين نستفيدو من بعضانا ماذا بينا نخلي هذه المبادرة كانها مسابقة بين الولايات ونشوفو اكثر مشاركة لمن ترجع

[..بسمة أمل ..]

شكرا على الافادة

انا ندير توايل مخلطة لشربة

كمون راس حانوت قرفة فلفل احمر

عكري حار وحلو ........الخ

والطاجين المالح ندير الكموووووووووووووون اهم حاجة

وعرق اصفر و قرفة وشوية عكري

[لجين الحبيبة]

اولا السلام عليكم ننصحكم ما تكثروش التوابل في الطاجين ندير الكركب الاصفر مش البرتقالي راه مفيد للصحة وندير الفلفل الاسود وعرق صغير قرفة هذا في الجلبانة واللوبياء

ونظيف الكمون الابيض في الزيتون والحمص فقط واعتمد على طماطم الحب والثوم في بداية القلي اما الحلو عرق قرفة مش مدقوقة والقرنفل نجمة الارض وكركب ورند

اتمنى ان تعجبكم افكاري ســــــــــــــــــلام

[rose de sable s]

احنا ندير راس الحانوت او دوا لصفر يتباع مخلط فيه اكثر من 20 مكون
يبنن ماكل و كاين دواء لحمر للمرق احمر وايضا فلفل احمر هو يتباع مهرس و لي يحب ماكل حارة

[jojo dj]

يعطيك الصحة اختي سعيدة راكي تعقري مليح الماكلة

[jojo dj]

ماذا بينا الاغواطيات والبسكريات يحطولنا طريقتهم في خلط الفاح او راس الحانوت

[ام اسولة]

مااااااااااااااشاء الله

[يسمينة البجائية]

:mad: سبحان الله درت موضوع هنا في الأطباق الرئيسية كيما الفكرة نتاعك سوا سوا , و الله العلي العظيم ما شاركوا غيييييير واحدة برك . واحد ما دار أي اهتمام . تشووووكيت . بصح واش انقول الله غالب
و الله غادني الحال . و هي فكرة رائعة بصح الله غالب هاو الرابط .
:(:(:(:(:(:(:(:(:(:(:(:(:(:(:(:(:(:(

http://www.djelfa.info/vb/showthread.php?t=1824944