استفسار/عجينة 10دقائق

[شمس بريكة]

السلام عليكم
عندي استفسار بسيط
وكما راكم تشوفو في العنوان
في ما يخص عجينة عشر دقائق
خدمت بيها ليوم
وخدمت منها كمية كبيرة كفات وفضلت
خدمت بيها واش نحتاج وبقاتلي منها بزاف

وانا ما نحتاجهاش ليوم
اسكو نقدر نخبيها واا لالا
يعني نديرها في الفريجيدار ولا لكونجيلاتور ونخليها وقت الحاجة
ولا ما نقدرش خفتها تفزدلي وحرام نطيش نعمة ربي وراني عارفة نحتاجها يوم اخر حابة نستغل الفرصة ونلقاها واجدة
شكون تعرف

[..بسمة أمل ..]

والله ماجربتها معنديش فكرة والله غير ديما

نقووول نخدمها ونشوفها ومزال مجربتهاش

ان شاء الله يفيدوك

[fleur de lili]

choufi oukhti kanjliha ma rah yssrallha wwallou
bchrete takssmi 3ajine koultarf ouihdou

[بريق الدجى]

اختي الكريمة يمكن لك تقسمي المقادير على زوج ماكانش مشكل
عوض 2 كسان ماء دافئ حطي 1
و عوض 2 مغارف خميرة حطي 1
و الفرينة تاني .. ..

[شمس بريكة]

شكرا بارك الله فيكم

[ام مهدي 03]

choufi oukhti kanjliha ma rah yssrallha wwallou
bchrete takssmi 3ajine koultarf ouihdou
العجينة فيها خميرة ما نظنش تصلح تتكونجلا
انا نكونجلى العجينة المورقة. عجينة البقلاوة.....لكن جامى كونجليت عجينة فيها الخميرة
لى مجربتها تقولنا بارك الله فيها

[شمس بريكة]

رانا نستناو شكون تجاوبنا

[ام هبة العاصمية]

شوفي عزيتي حطيها في المجمد و ما تخافيش على ضمانتي مضاريا انخبيها و نجبدها نصف ساعة قبل الاستعمال و تجي هايلة

[شمس بريكة]

شوفي عزيتي حطيها في المجمد و ما تخافيش على ضمانتي مضاريا انخبيها و نجبدها نصف ساعة قبل الاستعمال و تجي هايلة
شكرااااااااااااااااااااااااااااا عزيزتي بارك الله فيك

[almazalina22]

اذا تحتاجيها في الغد حطيها في الثلاجة واذا مازال حطيها في المجمد وكي تسحقيها اجبديها بوقت ومرة اخرى نقصي المقادير

[sabine 1988]

انا شفت هنا في المنتدى واحد واحدة قالت كونجليها نورمال ووقت الحاجة اجبديها من قبل وحليها تخمر مرة اخرى و استعمليها كانك هذا وين جربتيها لكن انا ما جربتهاش

[استبرق4]

السلام اختي
عادي تقدري تخبيها نورمال انا موالفه نخبي العجينه لي فيها الخميره وخرجيها من الصباح باه تذوب وتتخمر من جديد واخدمي بيها