حابة ننتحر

[مشكلتي]

السلام عليكم حابة نفرغ قلبي هناياما لقيتش عليكم انا شابة في عمري26سنة
حبيتكم تدعولي ربي يفرج عليا راني مهموم من قوة مشاكل حابة نقتل روحي نتهنا كي نتفكر ربي نخاف نغضب ربي معلابليش منين نبدأ مشاكل بزاف معندهاش الحل كامل راني مظلوم فيها وناس قتلتني بالهدرة المرة حابة نتزوج بعيد باش نتهنى من بلادي كامل

[عين الصقر]

مطفرة غير فيك
هدرة الناس مارايحاش تنفعك وكل مشكلة ولها حل
نعم إذا جاك نصيب أتزوجي وبعدي على المشاكل أحسن
الله يفرج عليك وعلى كل مهموم
أدعي الله ووكليه أمرك

[سائلة عفو ربها]

السلام عليكم حابة نفرغ قلبي هناياما لقيتش عليكم انا شابة في عمري26سنة
حبيتكم تدعولي ربي يفرج عليا راني مهموم من قوة مشاكل حابة نقتل روحي نتهنا كي نتفكر ربي نخاف نغضب ربي معلابليش منين نبدأ مشاكل بزاف معندهاش الحل كامل راني مظلوم فيها وناس قتلتني بالهدرة المرة حابة نتزوج بعيد باش نتهنى من بلادي كامل
وعليكم السلام..
تاء التأنيث مرة تظهر ومرة تغيب..شاب ولا شابة...
ربي يهديك وتنحي هاذ الفكرة من بالك ويفرج عليك ويثبت ايمانك في قلبك ويرزقك ولد الحلال اللي ينسيك همومك...صلي وادعي ...خاصة قيام الليل والله تلقاي راحة وطمأنينة وسمو روح من الليلة الأولى وتتلاشى كل الهموم والمشاكل أمام ابتسامتك ...
أما هدرة الناس..وكلي ربي وأكثري من قول حسبي الله ونعم الوكيل.والله يمهل ولا يهمل...وماكانش اللي راه عايش بلا مشاكل لكن قوة الايمان والصبر والتوكل على ربي هي الحل
ويارب يجي نهار وتولي هاذ الفكرة مجرد ذكرى...
أختك سائلة

[اسراءوفاء]

السلام اختي كاين لي كثر منك احمدي ربي و استغفري نعطيك مثال بسيط انا كل اهلي هدرو فيا ولاني بنت ابي الوحيدة وولدين يعني كنت مدللة جدا عند ابي اذن من شافو الحرية اتهموني في شرفي ومن اجلهم ومن كثرة الكلام توقفت عن الدراسة وانا الان متزوجة لم اكمل درااستي والى يومنا هدا انا في المشاكل لكن مرة ابكي واشكي ومرة استغفر وهذه هي الحياة لكن لم افكر بالانتحار انا لم اتعمق في القصة اعطيتك رؤوس اقلام اما قصتي ماسااااااة وعند زوجي طحت في حماة شمطاء والحمدلله على كل حال

[أم محمدين]

السلام عليكم اختي
راني فاهماتك هذه طريقة هدرة برك ديري ربي في قلبك و ادعيه بزاف ربي حنين كريم بالاك ربي راهو يمتاحن فيك اصبري تدي الاجر و بعدها ختامها مسك ان شاء الله
اشغلي نفسك بطاعة الله ، بحفظ كتابه العزيز ، هنا فهدا المنتدى تلقاي روحك احفظي معانا كاين قسم واسمو قسم تحفيظ القرءان كا ين اخوات هايلين
و ما تظنيش انو كاين واحد ما عندوش مشاكل بصح هدي هي الدنيا
اشغلي نفسك بالحق لكي لا تشغلك بالباطل
دعواتنا لك بالهداية و الزوج الصالح باذنه تعالى لازم اكون عندك اليقين
و تحياتي العطرة لك اختي

[melissa lola]

ربي يفرج عليك اختي

[imy 26]

ربي يفرج عليك اختي

[sunshine2013]

السﻻم عليكم
أختي و الله كلنا تفوت علينا مرحلة يكون فيها يأس من الحياة لكثرة المشاكل اللي كيما قلتي أحيانا ما يكونش عندها حل بصح أنا شخصيا كي تضيق بيا نبكي حتى نشبع و مبعد نصلي و ندعي ربي يفرج و نقرا القرآن
صدقيني نرتاح
ربي يفرج على كل مومن

[ام عبد الله01]

في امور الدنيا انظري الى من هم اقل منك درجة لكي تقنعي و تحمدي الله

و في امور الدين انظري الى من هم اعلى منك درجة في العلم لكي تتأسي بهم و تسعي دائما لما هو افضل لك

جعل الله لك من كل هم فرجا و من كل كرب مخرجا

[ابو الناصر]

ربي يهديك ويفرج عليك

[محبّة الخير]

اختي انا تاني فكرت فيه وجربتو و ما نجحتش والحمد لله ما متش مع اني عايشة لحد الان فالعذاب والذل ربي والله لا يحبنا انت مش عارفة برك

[dahmane42]

الله أكبر مازلتي شابة اصغيرة جاية للدنيا أنعلي ابليس

[lydiareve]

يااختي دوائك صدثيني حسب تجربتي الصغيرة والتي اعرفها هي الزواج قم الزواج قم الزواج ربما تتهناي شويا من المشاكل هدا كامل من الضغط تاع المشاكل انا نعرف وحدة كان عندها اكثر منك هموم هيا تزوجت وتهنات ون راحت لبلجيكا عبر النت مهم راحت وراها عندها ولد عندو عامين وراها متهنية حسب ماحكالي واحد يعرفها مليح
الزواج دواك صدقيني كاي مراة

[lydiareve]

الزواج ثم الزواج للنساء اللواتي يمرن بمشاكل نفسية كبيرة لان المراة كالرجل طبعا عندها غريزة الزواج

[محمد...عبد النور]

السلام عليكم ايتها الاخت الفاضلة
و الله ربما اليوم تفكيري مثل تفكيرك........لو جاء الانتحار حل لانتحرت.......لكن ....الحمد لله عندي يقين ان لا شيئ يستحق ان نستعجل عليه.....الدنيا تبقى دنيا دنية.....لا تستأهل ان نخصها بتفكير يضيق صدورنا
صح صدري في هاته اللحظة أضيق ما يكون..........و الله جد منفعل....اتمنى انني لو انام فلا افيق ابدا.....لكن .....اعلم انها فترة و ستمضي.....
حزين جدا......و ليس من عادتي هذا الامر.....لكن ...لن افكر بسلبية
الانتحار شيئ كارثي...خسارة الدنيا و الاخرة
لكن ............بعض الصبر و ايضا مراعاة احوال الناس و انهم ايضا يعانون....سيخفف عن النفس تلك الشدائد
الزواج مطلب الكثيرين و الكثيرات.........لكن ادعي الله يرزقك الزوج الصالح و اكثري و دققي في الطلب جيدا
فكم من متزوجين يعانون و ربما قد كانت عزوبتهم ارحم لهم من زواجهم.....لا اقلل من نعمة الزواج لكن ...اسرد بعض الواقع
لا ادري لكن مرات نكتئب و نحزن
لكن لا شيئستدعي العبوس ....بل لبحياة امل و حركة دؤوبة......اسأل الله ان يرزقك الزوج الطيب و الصالح عاجلا غير اجل و لنا بالمثل و لكل العزاب
الحزن لا يدوم....تفاءلي بعض الشيئ و انظري نظرة متفائلة و ان شاء الله بشرينا بالخير
ســــــــــــــــــــــــــــلام

[naamane3]

ساهلة خلاص اشربي الاسيد او روح الملح وانتحري
لكن العذاب اللي راكي فيه فالدنيا
يكون نعيم بالنسبة للعذاب اللي بعد الانتحار
وباش يبعدوك المشاكل عليك بالتالي
اذكار الصباح والمساء حل ممتاز يبعد عليك الاذي مهما كان
كثرة الاستغفار حل طارد للهم والغم وجالب للرزق
الصبر مفتاح الفرج
وري معاك

[imane mon]

wache rah tele9a ki tenetaheri nar jahanama tessetena fik kateri men de3aa rah rabi 9erib raki fi imetihan werabi habek yebetali fik yechof fi saber neta3ek walah sade9ini marina bemachakil maye3elem biha ghir rab ibetilaa mer akher bessah hamedelah bedo3a welya9ine beijaba ferijat

[منير265]

ياو اقراي القران و صلي و ادعي و ثقي بلي ربي معاك و قومي الليل و اسمعي القران بزاف و رجعيلي الخبر .... هذا يسمى ضعف الايمان يجوك أفكار الشيطان و تكبري هموم الدنيا رغم أن الاخرة هي الاكبر بكثييييييير و الاهم في حياتنا " رضاية الرحمن " أما الباقي كل شيء يهووووون

[medou medou]

قتل النفس حرام الجى الى الله

[غير هام]

السلام عليكم

ديري ربي في خاطرك

[salem1985]

السلام عليكم ربي يهديك كي نسمعك تهدري كيما هاك نقول راكي دخلتي للنار اختي رانا في الدنيا برك ربي يهديك والله خاوني البنات حمدو ربي انتم على الاقل راكم في الدار وتتسناو مكتوبكم حنا الرجال لي رانا نعانو ميزيرة كحلة وغربة وفي الاخير ما تلقى الي تقبل بظروفك كي تروح تخطب تقول ما كانش العنوسة في البلاد هادي كامل 30 و35 سنة وما زال تتقلش انا ما نروحش لبعيد انا ما نتزوجش الي ما عندوش الدار ولا الطومبيل انا ما نتزوجش زوالي وزيد انا تقريب عامين ما لقيتش الي تقبل بظروفي صحاب الشكارة هما كل شئ في البلاد الاصل والتربة ما عندهم مايديرو بيهم تتزوج سكايري غني وما تتزوجش زوالي انا الحمد لله نحيت فكرة الزواج من راسي كامل وراني عايش لباس علي الحمد لله ما نكسر مخي ما والو المهم ربي يفرج اختي