مساعدة فيما يخص المهراس

[ميمي ناصر 22]

السلام عليكم ورحمة الله تعالى و بركاته
اسعد الله صباحكم . مسائكم
ان شاء الله تكونو بالف خير
اليوم راني محتاجة الحراير نتاعنا فيموضوع المهراس
شرينا مهراس جديد و درنالو الشحمة و زيت العرب شرب ملييح
بصح المشكل في الgاع قعد حرش بزااااف
حبيت تمدولي الحل ان امكن
وجازاكم الله كل خير
تحيات اختكم مريم

[oumhana]

إن شاء الله الحراير يفيدوك بتجاربهم. انا شريت مهيرس غسلتو وبديت نخدم بييه هههه

[ترانيم مطر]

السلام عليكم انا اشريت من مدة طويلة مهراس احطب وكان احرش خدمتو كذالك بالشحم من الفوق والزيت من الداخل وقالولى دقى فيه الملح فقط لكن ما دارلو والووبقيت نسقسي حتى اعطتنى وحدة الكيفية قالت لى قبل ما ديري الشحم والزيت لازم تحرقى فيه مثل علبه الكبريت او
اغصان رقاق وبشوي باه ما تشعلش النار بزاف يعنى تشعلى شوى برك وتفرغى ودقى حتان تتحصلي على نتيجة وانا نقولك وش درت كي خلاص تعمر شحم جبت شوي فحم نحطو فوق الشبكة إلّي نشوى عليها ونحطها على النار فوق الطابونة وكي يشعل نحطو فى المهراس ولات عندى الريحة نتاع الشواي الى برا بصح كملت وكل مرة نفرغ الفحم ونشوف اذا راحت لحروشية ونزيد ندق بالرزامة كررتها وشحال من مرة وتحصلت على نتيجة رضاتنى

[ام تقوى 34]

ما عندي فكرة

[dima 08]

ليس يدي اي فكرة
شكرا

[ام مهدي05]

اختي تحرقي فيه لقماش وديريلوا الشحم ومن بعد الثوم

[رقية الناجحة]

دقي فيه الملح لحرش بزاف يسموه الملح الحي وحرقي فيه الفحم كيما قالولك الاخوات

[ميمي ناصر 22]

ربي يحفضكم ويجازيكم الجنة ان شاء الله