اسئلتي في،الرياضيات،،،تعيشوا جاوبوني يالوكان على واحد منهم؛، :) [الأرشيف]

مشاهدة النسخة كاملة : اسئلتي في،الرياضيات،،،تعيشوا جاوبوني يالوكان على واحد منهم؛، :)

سارة 16

2015-06-02, 07:45

السلام عليكم
سؤال 1 : في الاعداد المركبة كيفاش نبينوا بلي شعاعان مرتبطان خطيا ( كيما فالهندسة ؟؟)
سؤال 2 : كي يمدلك قيمة مطلقة داخل ال ln ندرسوا الدالة خطرا واحدة برك ؟؟
سؤال 3 : كي يمدلك الانسحاب ( تغيير معلم ) وشنو هوا القانون لي نخدمو بيه في رسم المنحنى ؟ و هل كي يسالك بعدها على الوسيط نخدمو على حساب المعلم الجديد ولا لقديم ؟
سؤال 4 : في الهندسة كيف نثبت ان مستقيمين غير متقاطعين ؟؟ و هل كي يقولنا احسبو المسافة بين نقطة ،،و مستوي يعتبر هاد البعد هو المسقط العمودي لهاديك النقطة على هاداك المستوي ؟؟
سؤال 5 : في اتجاه تغير الدوال المركبة وشنوهوا هاداك القانون لي نديروه بلا مانشتقو الداله المركبة و نديرولها الجدول يعني القانون ديراكت على حساب الدالتين ؟؟
علابالي كترت مي بقالي سؤال واحد برك: هل في الاعداد المركبة هاداك القانون تاع الجدرين التربيعيين مقرر علينا حنا العلميين ؟؟ باسك لبارح وين سمعت بيه
شكرا مسبقا و لي يجاوبني ان شاء الله يجيب الباك بامتياز و يفرح والديه و يفرح هو تاني ( و مام لي مايجاوبنيش p: )
ان،شاء الله نفرحوا كامل

asma butterfly

2015-06-02, 08:00

السلام عليكم
سؤال الاول دير كيما فالهندسة او كاين سؤال كيما هك فباك 2011 الموضوع الاول
سؤال الرابع تثبت بالتوازي تاع شعاعين ناظميين اذا كانوا مستويات والبعد ليس شرط هو المسقط
والله اعلم

أنامـل العفاف

2015-06-02, 08:04

نجاوبك وش عرفت ادعيلي برك من قلبك نلحق للمعدل لي بغيتو :D

1 .. مالقيتش تمرين يقولك مرتبطين خطيا لكن بش تحسبي الشعاع ( Zc-Za ) و المسافة ( ac =IZc-ZaI ) . و مثلا يقولك a b c نقط على استقامية هندسيا يخي معناتو الارتباط الخطي و مركبيا :1: يعني
( Zc-Zz/Zb-Za ) حقيقي

4 .. وضعية مستقيمين ... اذا كانت الاشعة مرتبطة راهم متوازييين اذا كانت ماهيش مرتبطة راهم متقاطعين في نقطة و اما راهم في مستويين مختلفين و بش تعرفي ديري التمثيل الوسيطي نتاعهم كي شغل مساواة تجيك يخي جملة معادلات ( 3 معادلات ) نتي حلي 2 و عوضي بالحل في 3 اذا حقق راهم يتقاطعو في نقطة اذا لا راهم في مستوين منفصلين
وش قلتي على المسقط نورمالون هكاك

نتع الدالة المركبة و الله مانكدي عليك :o

دعوة خيير هذا ماني متمنية ختي العزيزة و ان شاء الله نكون افدتك ختى بشوبة :19: ربي ينجحك يا رب

سارة 16

2015-06-02, 08:16

سارة 16

2015-06-02, 08:18

نجاوبك وش عرفت ادعيلي برك من قلبك نلحق للمعدل لي بغيتو :d

1 .. مالقيتش تمرين يقولك مرتبطين خطيا لكن بش تحسبي الشعاع ( zc-za ) و المسافة ( ac =izc-zai ) . و مثلا يقولك a b c نقط على استقامية هندسيا يخي معناتو الارتباط الخطي و مركبيا :1: يعني
( zc-zz/zb-za ) حقيقي

4 .. وضعية مستقيمين ... اذا كانت الاشعة مرتبطة راهم متوازييين اذا كانت ماهيش مرتبطة راهم متقاطعين في نقطة و اما راهم في مستويين مختلفين و بش تعرفي ديري التمثيل الوسيطي نتاعهم كي شغل مساواة تجيك يخي جملة معادلات ( 3 معادلات ) نتي حلي 2 و عوضي بالحل في 3 اذا حقق راهم يتقاطعو في نقطة اذا لا راهم في مستوين منفصلين
وش قلتي على المسقط نورمالون هكاك

نتع الدالة المركبة و الله مانكدي عليك :o

دعوة خيير هذا ماني متمنية ختي العزيزة و ان شاء الله نكون افدتك ختى بشوبة :19: ربي ينجحك يا رب

جزاك الله الف خير اختي سندس ربي يفرحك ان شاء الله و تجيبي المعدل لي راكي حاباتو و تفرحي والديك
و ان شاء الله يتحقق الحلم لي ضننتيه مستحيل يارب

~ حِـكــآيةُ حُ‘ـلمٍ ♫

2015-06-02, 08:31

السلام عليكم ورحمة الله وبركاته

بالنسبة لاتجاه التغير ، اذا كانت الدالتان مختلفتان في اتجاه التغير يعني مثلا وحدة متزايدة و الاخرى متناقصة الدالة المركبة متناقصة
اذا كانا لهما نفس الاتجاه ( متزايدتان معا / متناقصتان معا ) فالدالة المركبة متزايدة

aymen.sekhri

2015-06-02, 08:54

في الهندسة كيف نثبت ان مستقيمين غير متقاطعين ؟؟
دير المساواة في التمثيل وسيطي معناه x=x و y=y و z=z
وعوض و جيب حل المجهولين t و k مثلا من خلال معادلتين فقط و عند تعوضيهما في المعادلة الثاثلة اذا كانا غير متقاطعين يحدث تناقض مثلا 1=2 .... واذا كانا متقاطعين تجي حاجة صحيحة مثلا 0=0 .....

و هل كي يقولنا احسبو المسافة بين نقطة ،،و مستوي يعتبر هاد البعد هو المسقط العمودي لهاديك النقطة على هاداك المستوي ؟؟

لا المسقط هو نقطة وليس مسافة
يمكنك تقولي البعد بين مستوى و النقطة هو البعد بين النقطة و المسقط تاعها على المستوى

لا تنسونا من صالح دعواتكم

~ حِـكــآيةُ حُ‘ـلمٍ ♫

2015-06-02, 09:03

تفضلي جواب الانسحاب وتمرين بسيط للفهم ، بالمرفقات ^^

saya2011

2015-06-02, 09:12

السلام عليكم
وعليكم السلام ورحمة الله وبركاته
سؤال 1 : في الاعداد المركبة كيفاش نبينوا بلي شعاعان مرتبطان خطيا ( كيما فالهندسة ؟؟)
تجدي مركبة شعاع بدلالة الآخر مثلا .
سؤال 2 : كي يمدلك قيمة مطلقة داخل ال ln ندرسوا الدالة خطرا واحدة برك ؟؟
بحسب ما تتطلبه مجموعة التعريف ، اذا كان لديك مثال ، ضعيه لنتناقش.
سؤال 3 : كي يمدلك الانسحاب ( تغيير معلم ) وشنو هوا القانون لي نخدمو بيه في رسم المنحنى ؟ و هل كي يسالك بعدها على الوسيط نخدمو على حساب المعلم الجديد ولا لقديم ؟
x=x'+a
y=y'+b
بصراحة لا أستطيع الاجابة تفهمين ذلك من سياق التمرين
سؤال 4 : في الهندسة كيف نثبت ان مستقيمين غير متقاطعين ؟؟
اذا كان المستقيمين متوازيان فهما غير متقاطعين .
و هل كي يقولنا احسبو المسافة بين نقطة ،،و مستوي يعتبر هاد البعد هو المسقط العمودي لهاديك النقطة على هاداك المستوي ؟؟
هذا البعد هو المسافة بين النقطة ومسقطها العمودي على المستوي
سؤال 5 : في اتجاه تغير الدوال المركبة وشنوهوا هاداك القانون لي نديروه بلا مانشتقو الداله المركبة و نديرولها الجدول يعني القانون ديراكت على حساب الدالتين ؟؟
هو اذا كان للدالتين نفس اتجاه التغير على فالدالة متزايدة واذا كانتا مختلفتي الاتجاه فالدالة متناقصة
لكن كملاحظة يجب مراعاة مجال تعريف الدالتين فاحيانا لا تكون بالسهولة التي سردت بها القانون فاحداهما معرفة على i والاخرى على g(i)
لتفهمي اكثر اطّلعي على دالة باك 2014 تقني رياضي م.2
علابالي كترت مي بقالي سؤال واحد برك: هل في الاعداد المركبة هاداك القانون تاع الجدرين التربيعيين مقرر علينا حنا العلميين ؟؟ باسك لبارح وين سمعت بيه .
لا أدري ولكن من الأفضل الحيطة والحذر+لا يتطلب الكثير .
شكرا مسبقا و لي يجاوبني ان شاء الله يجيب الباك بامتياز و يفرح والديه و يفرح هو تاني ( و مام لي مايجاوبنيش p: )
ان،شاء الله نفرحوا كامل

والله أعلى وأعلمـ
بالتوفيق للجميع ان شاء الله.

سارة 16

2015-06-02, 09:16

سارة 16

2015-06-02, 09:18

aymen.sekhri

2015-06-02, 09:18

اذا كان المستقيمين متوازيان فهما غير متقاطعين .
.
اذا كان مستقيمين من نفس المستوي ممكن يكونا متوازيان او متقاطعان فقط
اما اذا كانا ليسا من نفس المستوى ممكن يكونا متوازيان او متقاطعان او لا متقاطعان ولا متوازيان
:)

سارة 16

2015-06-02, 09:19

تفضلي جواب الانسحاب وتمرين بسيط للفهم ، بالمرفقات ^^

بارك الله فيك اختي و وفقكي للامتياز ان شاء الله مييرررسسسسسسيي :)

سارة 16

2015-06-02, 09:20

والله أعلى وأعلمـ
بالتوفيق للجميع ان شاء الله.

شكرا جزيلا لك اخي و جعلها الله في ميزان حسناتك
ربي يحفدك :)

سارة 16

2015-06-02, 14:03

T3ichou soual lakhir ida kech wahed rehou met2aked ??

~ حِـكــآيةُ حُ‘ـلمٍ ♫

2015-06-02, 14:09

قانون الجذرين نعم اختي او ساهل اقرايه من الكتاب

بصح حل المعادلات يقولك تؤول الى معادلة بمعاملات حقيقية ، يعني مش راح يجيبهالك في المعادلة

rayouna4

2015-06-02, 14:09

نعم مقررة الجدور التربيعية والجدور النونية
جاتنا في الباك بلون

ibtissam2pm

2015-06-02, 14:31

السلام عليكم
و عليكـــــــ السلام .. ، عســــــــى أنك بخير ..
سؤال 1 : في الاعداد المركبة كيفاش نبينوا بلي شعاعان مرتبطان خطيا ( كيما فالهندسة ؟؟)
جـــواب 1: نعـــــــــــم ، أنا درتها في فرض ة أعتبرهالي الأستاذ صحيحة
سؤال 2 : كي يمدلك قيمة مطلقة داخل ال ln ندرسوا الدالة خطرا واحدة برك ؟؟
]جــواب 2: لا أظن ذلك لأن القيمة المطلقة لا تأثر في الإشتقاق بالنسبة ل ln لأانها هي أصلا مجال تعريف تاعها من [ 0 ؛ زايد مالانهاية ] [/color]

سؤال 4 : في الهندسة كيف نثبت ان مستقيمين غير متقاطعين ؟؟ و هل كي يقولنا احسبو المسافة بين نقطة ،،و مستوي يعتبر هاد البعد هو المسقط العمودي لهاديك النقطة على هاداك المستوي ؟؟
]الجواب 4 : لا يا أختي فالمسقط هو عبارة عن نقطة ، أما بالنسبة لإثبات أنهما غير متقاطعين اي أنهما متوازيان أو لا ينتميان إلى نفس المستوي فإذا كان شعاعهما توجيهين مرتبطان خطيا فهما متوازيان و بالنسبة لــ لا ينتميان إلى نفس المستوي : تقومين بمساواة التمثلين الوسطين و تحتفظي بالثالثة و كي تلقاي قيمة المجهول t مثلا تعوصيها في 3 ما تلقيهاش محققة [/color]
سؤال 5 : في اتجاه تغير الدوال المركبة وشنوهوا هاداك القانون لي نديروه بلا مانشتقو الداله المركبة و نديرولها الجدول يعني القانون ديراكت على حساب الدالتين ؟؟
الجواب 5 : إذا كانت الأولى و الثانية مختلفتي الإشارة فإن الدالة متناقصة و إذا كانتا متماثلتي الإشارة فهي متزايدة
علابالي كترت مي بقالي سؤال واحد برك: هل في الاعداد المركبة هاداك القانون تاع الجدرين التربيعيين مقرر علينا حنا العلميين ؟؟ باسك لبارح وين سمعت بيه
لا و الله عادي فبأسئلتك نحن نستفيد أيضا و من كان في عون أخيه فالله في عونه
بالنسبة لســــــــؤالك نعم درس الجذر النوني مثلك إلى الآن لا أفقه فيه شيئا و لم أحاول أصلا ( نسيته في الحقيقة )
شكرا مسبقا و لي يجاوبني ان شاء الله يجيب الباك بامتياز و يفرح والديه و يفرح هو تاني ( و مام لي مايجاوبنيش p: )
ان،شاء الله نفرحوا كامل
العفـــــــــو سارة ، أميـــــــــــــن يا رب و الله دعوة كهذه تكفيني فلا تنسيني من دعواتك الصادقة ...

موفقةة

دعـــــــــــــواتكم

wardouna

2015-06-02, 15:54

السلام عليكم
سؤال 1 : في الاعداد المركبة كيفاش نبينوا بلي شعاعان مرتبطان خطيا ( كيما فالهندسة ؟؟)
عادي مركباات تع شعاعين تجبديهم من اللواحق تع النقط و تحسبي اكس على اكس و yعلى y يخرجلك نفس العدد k
سؤال 2 : كي يمدلك قيمة مطلقة داخل ال ln ندرسوا الدالة خطرا واحدة برك ؟؟
على العمووم دراسه ln ديما من 0 ال زايد مالانهاية بمعنى موجبه دونك تدرسي خطرة وحدة كل القمه المطلقه مكانش
سؤال 3 : كي يمدلك الانسحاب ( تغيير معلم ) وشنو هوا القانون لي نخدمو بيه في رسم المنحنى ؟ و هل كي يسالك بعدها على الوسيط نخدمو على حساب المعلم الجديد ولا لقديم ؟
هاد تع 2 ثثانوي جات فكرتو العام للي فات موضوع ثاني التمثيل البياني g(x = f(x+b( + k
التمثيل البياني تع cg صورة cf بالانسحاب شعاعه v مركباته b- و k
منعرف الا قصدك هاد ولالا
سؤال 4 : في الهندسة كيف نثبت ان مستقيمين غير متقاطعين ؟؟ و هل كي يقولنا احسبو المسافة بين نقطة ،،و مستوي يعتبر هاد البعد هو المسقط العمودي لهاديك النقطة على هاداك المستوي ؟؟
المسافه تحسبيها بالقاننون هداك تع القيمة المطلقه على الجدر
المستقيمين متقاطعين تبيني بلي اشعه التوجيه مهيش مرتبطة خطيا

سؤال 5 : في اتجاه تغير الدوال المركبة وشنوهوا هاداك القانون لي نديروه بلا مانشتقو الداله المركبة و نديرولها الجدول يعني القانون ديراكت على حساب الدالتين ؟؟
مثال h = f ( 1/x
عمبالنا بلي الداله مقلوب متناقصه ترووحي للداله اف تشووفي فالمجال الاول ادا كانت متزايدة مع المقلوب متناقصه تخرجلنا اش متناقصه
و ادا كانت اف متناقصه و المقلوب متناقصه تخرجلنا اش متزايده
علابالي كترت مي بقالي سؤال واحد برك: هل في الاعداد المركبة هاداك القانون تاع الجدرين التربيعيين مقرر علينا حنا العلميين ؟؟ باسك لبارح وين سمعت بيه
نورمالمو قالو مقررين لككن موش هداك الزوود سيي تحلي كيفهم لاننا في الججزاااااااائر
شكرا مسبقا و لي يجاوبني ان شاء الله يجيب الباك بامتياز و يفرح والديه و يفرح هو تاني ( و مام لي مايجاوبنيش p: )
ان،شاء الله نفرحوا كامل
دعوة خير تكفيني
دعوة لتحقيق مرااااااااادي
دعوة لبث الامل داخلي
اي اسئله اني هناا

أنامـل العفاف

2015-06-02, 17:17

جزاك الله الف خير اختي سندس ربي يفرحك ان شاء الله و تجيبي المعدل لي راكي حاباتو و تفرحي والديك
و ان شاء الله يتحقق الحلم لي ضننتيه مستحيل يارب

ربي يسترك و يعطيك ما تتمناي على هاذ الدعوة فرحتيني بيها :)

Kawaii09

2015-06-02, 18:27

اختي لو سمحت ما هو قانون الجذرين التربيعيين

سارة 16

2015-06-04, 13:35

العفـــــــــو سارة ، أميـــــــــــــن يا رب و الله دعوة كهذه تكفيني فلا تنسيني من دعواتك الصادقة ...

موفقةة

دعـــــــــــــواتكم

بارك الله فيك اختي ابتسام
ربي يوفقك و ينجحك بالمعدل لي راكي حاباتو و تفرحي والديك ان شاء الله

سارة 16

2015-06-04, 13:37

دعوة خير تكفيني
دعوة لتحقيق مرااااااااادي
دعوة لبث الامل داخلي
اي اسئله اني هناا

جزاك الله كل الخير اختي ووفقك لنيل مرادك و تحقيقك احلامك ان شاء الله