استفسار بخصوص الاستدعاء

[**خليصة **]

السلام عليكم
عندي استفسار بخصوص الاستدعاء تاع الباك
اسكو كي نخرجوه نروحوا نكاشيوه في اليسي
لا خاطر اليوم رحت توال بنت عمي او قتلي بلي ابليجي تكاشيه
و شكرا

ملاحظه ؟
ياخوتي الله يتركم و يفرحكم ادعيولي راني بزاف خايفه او الخلعه راهي مفشلتني راني غير نتقلق نبكي
و اوزيد نحس روحي بلي ناسيا كلش نقرى قرأن و نصلي و نروح نقرى ماده نفشل
الله يستركم ادعيولي

[RayDelRey]

الله يوفقك و ان شاء الله النجاح بامتياز :)

انا عندي نفس الاستفسار لانو عندي الاستدعاء و لكن لم اذهب الى الثانوية :)

بالتوفيق

[**خليصة **]

انا مزال ماامبريميتوش
يعطيك الصحه خيا او ربي يوفقك
ربي يستر

[• إسْتِـثـنَائِيّه •]

سلآآم ،،
أههلآآ خليصةة ، !!
نكآآشيووهـ ؟ هآدي مآ علآآبآآليشْ بيهآ
ع كل تآآعي خرجتو و رآآهو مخبي لآ كآآشْ و لأآآ هم يحزنزنْ
نعود للأسآآْسْ *
عززيزتي مآهي إلآآ وسآآويس الشيطآآنْ ، برك
إيه وسآآويس الشيطآآن ... خممي معآيآآ
عآم كآآمل و نتي تجآآهدي ، تحفظي و تقرآآيو تسقسي
و مع الأخير هـ التعب يروح ؟
محآآل يرووحْ ، برك الخلعةة هيَ اللي تنسيكْ
نوصيك جيتي تحلي ريَآآضيآآت .. حلي ريآآضيآآت
علآآه عليك تخخمي في الشي اللي مآآزآآلكـْ ؟
خلصتي الأعدآآد المركبةة .. ؟ قولي الحمد لله اليوم خلصت .. مآ تقوليشْ يآآه درت غير الأعدآآد المركبةة
مآآهيَ إلآآ 8 أيآآم تقدري تديري لعجبْ ;)
ادعي ربّي ، و شدي روحكْ ، حطي ربي في قلببك ... و الله ربي مآ يضيّع ;)
استغفري الله وَ ابدآي قرآآيْ ، مآ تخآآفيشْ
رآكي تكملي بإذنـ الله <3 !
فقطْ .. ثفي بنفسك ^^
أكثرت الحديث خخ ، سلآآمْ

[وجدان الخواطر~]

]السلآم عليكم
أولا ربي يفرج عليك و يوفقك و يفتح عقلك نهار البكالورياآ
ثانيا ماكاش قاه منها هالآدِي حنا مدولنا الادارة الاستدعاءات " نواغ إي بلون " + بلآ كاشي
ما تديريش في بالكـْ أختي
سلآمْــ[/size]

[**خليصة **]

جزاك الله خيرا
مرسي لالا الي يهدر بزاف يطلعلي المورال اكثر و اكثر
ربي يسترك مرسي بزاف
الاستدعاء بنت عمي مقبله على شهاده البكالوريا
او قاتلي بلي لازم يتقاليزياتا

[**خليصة **]

]السلآم عليكم
أولا ربي يفرج عليك و يوفقك و يفتح عقلك نهار البكالورياآ
ثانيا ماكاش قاه منها هالآدِي حنا مدولنا الادارة الاستدعاءات " نواغ إي بلون " + بلآ كاشي
ما تديريش في بالكـْ أختي
سلآمْــ[/size]
لالا سي
نورمالمو كاينا منها تاع تقاليزي
شوفي عند بنت عمي تخدم في اليسي في الاامانه و بنت عمي اخرى تقرى في نفس اليسي عطاتها الكونفوكاسيو قليزاتولها بعد ما امبريماتو من السيبار

[~عابر سبيل~]

السلام عليكم ،،
الله أعلم ، أنا أصلا مازال ما طبتوش ،
يعني هل بدون طابع لن يتركك تجتازين الباكالوريا ، ! مستحيل هههه ~
تحياتي ~

[وجدان الخواطر~]

لالا سي
نورمالمو كاينا منها تاع تقاليزي
شوفي عند بنت عمي تخدم في اليسي في الاامانه و بنت عمي اخرى تقرى في نفس اليسي عطاتها الكونفوكاسيو قليزاتولها بعد ما امبريماتو من السيبار
لآ اذا كيما راكي تقولي ليسي كامل ما يعقبش
آمبوسيـــبل

[**خليصة **]

مام انا حرت كي قاتلي ابليجي
و زيد كي وراتولي بلي قالازاتو
يعني مقاليزي باكاشي تاع اليسي تاعهم
مرسي ربي يحفدك ان شاء الله

[altava]

ههه الاستدعاء يلزم تغاليزيه في الجزائر العاصمة ههههه
ياا اختي والله حتا انا كانت تالفتلي المهم خرجت اسدعاء ورحت لثانوية
سقصيت المدير شخصيا قالي نور اي بلون هه معليش
وقالي انو الثنويات الي يحبوا يزيروا التلاميذ باش يردوا الكتب يقولولهم يلزم تكاشيه

المهم نا مكاشيته ومحوست عليه هه الله يوفقك الاخت

[nadine maram]

هههههههه سلام اختي مانيش حابة نطيحلك المورال مي انا كاشيته في الثانوية تاعنا و لي ما يكشيش ممنوع يجوز والله اعلم بالاك كل ثانوية وحدها بالتوفيق ان شاء الله كامل ننجحوا ونتي اختي مخسرتي والو روحي للثانوية تاعك وشوفي باش متبقايش موسوسة سلام

[mechant]

لا يا أخت خليصة ماتكاشيش الاستدعاء يبقى كيما كداك

[kara hk]

لا الا الا لا لا يجب ان تكاشيه على خطرش عندنا كل الاستدعاءات خرجوهم لينا هوما و مدوهم بلا ختم
و كي سقسيتهم قالو لا لا و كونو متأكدين 100/100

[أم سلوى]

ههههههخخخ
ضحكتوني... .
لثالث مرة باك... ..
أديتوا من الدار لليسي..... عادي.....

[miss manar]

ما شكيتش بلي كاين منها
خاطش لو كان صح لازم نكاشيوه
شفتي في الاستدعاء هاديك الهدرة كامل
والتحذيرات ومنعرف وشني
علاش ما كتبوش تاني تع لازم نكاشيوه
والله اعلم
ربي يفرج عليك اختي و ربي يفتح نفسك للقراية
وربي يعطيك الارادة ويبعد عليك الشيطان
مع العلم ان حالتك مطابقة لحالتي

[رغد احسان]

حنا مدوهولنا من المؤسسة مg اليزي غير باه يرجعوا كتب تاع المكتبة و ربي داري

[jigi]

أنا عن نفسي كاشيتو و راني مرتاحة العام اللي فات تاني كاشيتو

[القط اللطيف]

اختاه خليصة
البكاء مليح +الضحك مليح يعني شوية هاك شوية هاك
المهم اختاه هدا امتحان دنيوي يبكي عليه الجميع اما الاخروي فكتيرونا لا يبكي عليه ليس كلامي يلمح للوم بل اقصد طريقك الواحد للتخلص من الخوف هو الله هو الخالق الكريم الرحيم
اتدكر قصة حقيقية لملك عظيم اسمه ايوب لاكن كانت له مكانة كبيرة عند الناس يعظمونه يقولون الملك الاعظم الاقوى المقدم وغيرها من صفات العلو. كان لما ياتي مع حراسه وسط اللمملكة يهبونه الناس يعظمونه .....// وفي دات الايام اتى الملك مع جيشه وفي دلك المعمعة و الجو المملكي اد بصوت مرتفع ينادي ايوب ايوب ...ايوب اندهش الناس وقالوا من تجرئ على ملكنا ونداه باسمه هكدا اد به عجوز في سن التمانينات يعاتب ايوب ويقول انت هنا تفروح كيما نقولو وهناك من يشرب الخمر في دلك المكان فقال له نعم نعم فقال له اسرع فقال الملك لجنوده هيا القوا القبض عليهم/ شوف عظمة الاسلام في القديم / ومن بعد دهب العجوز الا ان فضول رجل تركه يسال الشيخ ويقول له كيف تجرات على مناداة الملك بتلك الطريقة تبسم الشيخ و قال يا حبيبي تذكرت عظمة الله الواحد الاحد القادر .. فظهر لي متل القط (الملك).
.فما باللك اختاه تستعيني بالله فكيف سيظهر لك البكالوريا
ارجو ان تفيدك النصيحة هاته فهي عبرة تبين لك كيف يصبح الانسان لما يقوي الصلة بالله

[**خليصة **]

شكرا لكم جميعا على الافاده و الدعاك
و لكم بالمثل ان شاء الله اسما انا دوك ماكالاه نشقى لليسي

[**خليصة **]

اختاه خليصة
البكاء مليح +الضحك مليح يعني شوية هاك شوية هاك
المهم اختاه هدا امتحان دنيوي يبكي عليه الجميع اما الاخروي فكتيرونا لا يبكي عليه ليس كلامي يلمح للوم بل اقصد طريقك الواحد للتخلص من الخوف هو الله هو الخالق الكريم الرحيم
اتدكر قصة حقيقية لملك عظيم اسمه ايوب لاكن كانت له مكانة كبيرة عند الناس يعظمونه يقولون الملك الاعظم الاقوى المقدم وغيرها من صفات العلو. كان لما ياتي مع حراسه وسط اللمملكة يهبونه الناس يعظمونه .....// وفي دات الايام اتى الملك مع جيشه وفي دلك المعمعة و الجو المملكي اد بصوت مرتفع ينادي ايوب ايوب ...ايوب اندهش الناس وقالوا من تجرئ على ملكنا ونداه باسمه هكدا اد به عجوز في سن التمانينات يعاتب ايوب ويقول انت هنا تفروح كيما نقولو وهناك من يشرب الخمر في دلك المكان فقال له نعم نعم فقال له اسرع فقال الملك لجنوده هيا القوا القبض عليهم/ شوف عظمة الاسلام في القديم / ومن بعد دهب العجوز الا ان فضول رجل تركه يسال الشيخ ويقول له كيف تجرات على مناداة الملك بتلك الطريقة تبسم الشيخ و قال يا حبيبي تذكرت عظمة الله الواحد الاحد القادر .. فظهر لي متل القط (الملك).
.فما باللك اختاه تستعيني بالله فكيف سيظهر لك البكالوريا
ارجو ان تفيدك النصيحة هاته فهي عبرة تبين لك كيف يصبح الانسان لما يقوي الصلة بالله

بارك الله فيك اخي الكريم
ربي يجازيك و يوفقك