هل الحب كافي للزواج

[مشكلتي]

السلام عليكم
انا عمري29سنة حاب يخطبني واحد معندو والو غير انو ولد فاميلا ومتربي يعني لا دار لاخدمة المهم احبني صح .
عام وهو موراي صليت استخارة وكل مرة نعاودها توكلت على ربي وكل مين نقلو لا نقلق ونندم ونرجع نخمم
هو قالي اصبري معاي دوكا نخدم(علما انو كان يخدم قبل منعرفو وفي زهري حبس) ونبداو بالشوية او ربي يرزقنا
شاورو عليا انا خايفة نقبل بيه منبعد نولي في مشاكل ونندم انا مستواي احسن منو في كلش خايفة منقدرش نتاقلم مع الفقر انا تربيت الحمد لله لاباس لكني متاكدة بلي احبني نخاف مرة اخري الحب ميكفيش لتكوين بيت لانو كيما نعرفو لمعيشة غلات وكون نطلب حاجة ميديرهاش . انا بصراحة كبرت وحابة غبر نتزوج ونهرب من مشاكل دارنا الي كرهت العيش فيها ياريت تنصحوني وتدعولي ربي يرزقني بولد لحلال الي نتهنى معاه

[rose de sable s]

ربي يفرج عليك
اكن راي اهلك هو لي يهم شاروي اهلك ممكن ما يقبلوش

[نبيل الجزائري39]

السلام عليكم اختي والله كانك تحكين عني انا اعجبت بفتاة وحبيتها وانا نخدم ادماج ورحت فعلا خطبتها قبل ايام فقط ودارهم وافقو ورانا مخطوبين نصيحتي اختي توكلي على الله وربي يجمعكم بالحلال واذكرك اختي واذكر نفسي بقوله تعالى: وَأَنْكِحُوا الْأَيَامَىٰ مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ ۚ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ ۗ وَاللَّهُ وَاسِعٌ عَلِيمٌ

[maya1991]

ربي يرزقك بالزوج صالح عاجلا ام آجلا

[اسعى لرضى الله]

يا اختي نقولك حاجة المهم يكون مدين ومتخلق وتضمني بلي راح تعيشي معاه مرتاحة نفسيا اما الرزق او من عند ربي كاين ناس كانو اغنياء وفقرهم ربي وكاين ناس فقراء وغناهم ربي . يعني خيري الحاجة اللي متروح متجي وهي الاخلاق والدين اما المال او يروح ويجي+ الزواج يا اختي مشي راح تلقاي كلش واجد ولا لازم تصبري ساعة هكا وساعة هكا ويفرج ربي

[الصديق قروف]

قوليلو يجي يخطب واهلك يبحثو عنه هل هوا ذا اخلاق ويستطيع تحمل مسؤلية
او لعكس ‏
‏ ‏‎ ‎

[orchid violet]

اختي شوفي اذا كان ذا دين و خلق و زيد يحبك ..استخيري الله تعالى و بالبركة ...

[mino 19]

حب ليس كل شئء اختي ...
مهم يجبر خدمة حاليا

[نورالهدى بيولوجيست]

توكلي على ربي و قولي باسم الله

ربي يسهللك ان شاءالله :)

[ضعيف.]

السلام عليكم
انا عمري29سنة حاب يخطبني واحد معندو والو غير انو ولد فاميلا ومتربي يعني لا دار لاخدمة المهم احبني صح .
عام وهو موراي صليت استخارة وكل مرة نعاودها توكلت على ربي وكل مين نقلو لا نقلق ونندم ونرجع نخمم
هو قالي اصبري معاي دوكا نخدم(علما انو كان يخدم قبل منعرفو وفي زهري حبس) ونبداو بالشوية او ربي يرزقنا
شاورو عليا انا خايفة نقبل بيه منبعد نولي في مشاكل ونندم انا مستواي احسن منو في كلش خايفة منقدرش نتاقلم مع الفقر انا تربيت الحمد لله لاباس لكني متاكدة بلي احبني نخاف مرة اخري الحب ميكفيش لتكوين بيت لانو كيما نعرفو لمعيشة غلات وكون نطلب حاجة ميديرهاش . انا بصراحة كبرت وحابة غبر نتزوج ونهرب من مشاكل دارنا الي كرهت العيش فيها ياريت تنصحوني وتدعولي ربي يرزقني بولد لحلال الي نتهنى معاه
استيقظي في جوف الليل وادعي الله عز وجل يفرج عنكي.
الزواج ليس وسيلة للهروب من المشاكل بل وسيلة للجهد والبناء وربما تحمل مشاكل أكبر وأعظم.
لم تخبرينا برأي الوالد
أبوكي ما رأيه؟؟؟

[cranknet]

رأيي الشخصي: إذا توفر المنزل توفرت الزوجة ، فمعظم الناس الذين أعرفهم تزوجو من فتيات لم يروهم في حياتهم.

[*ام بثينة*]

نصيحتي لك لا تتسرعي

الحب وحده لا يكفي لانجاح الزواج

لانك امراة و هذا الرجل سيكون زوجك يعني قواما عليك

المشكلة ليست في الماديات فقير او غني الارزاق بيد الله كم من فتاة تزوجت بغني و لم تسعد في حياتها

ثم ان فكرة ان تتزوجي فقط لانك كبرت احذفيها من راسك تخيلي انك تزوجت و بيه و متفاهمتوش ترضين تولي مطلقة لبيت اهلك و ربما باطفال ايضا

قصدي الصح في الراجل و عقليتو و خاصة احترامه للمراة الحب بعد الزواج يولي عندو طعم اخر و اذا متوفرتش الثقة و الاحترام صدقيني ميكون لا حب لا بطيخ

ثم انا راني حايرة كيفاه رجل معندوش مدخول يفكر يتزوج و يفتح بيت على الاقل يلقى خدمة اولا ثم يخطب منتحيلش وحد يجي يخطب بنتي مهما كان سنها و مشي خدام و نقبل نمدهالو
و ربي ييسرلك امورك

[خالد عنابي2]

الحب يكفي للزواج في الافلام التركية والمكسيكية

الحب لا يكفي للزواج في الواقع طبعا

المهم

اذا كان متخلق وولد فاميليا وبشرط يكون قافز وشاطر ويجيب الخبزة فهنا هناك امل

وغير ذلك فلااااااااااااااا

انا رجل ولو قالوا لي نزوجك فلانة سارفض لاني لا املك بعد مقومات الزواج واساسها مصدر رزق حلال محترم ومستقر

[naamane3]

طبقي حديث الخلق والدين وماشي رايحة تندمي

[aroua]

هذا راجع لشخصيتك
اذا شفتي روحك قادرة توكلي على ربي هو الرزاق
اما انا اوكان جيت في بلاصتك مانقدرش نخمم فيها خاصة اني احسن منو في كلش لا دار لاخدمة بزاف ماتقدريش تتحمليها بعد الزواج خاصة وانك ماولفتيش بالتمرميدة
استخيري

[salim.salim]

بكل صراحة اين الاخلاق و الدين اذا كان كل يوم يجري وراك؟؟؟!!!!؟
اصحاب الدين و الاخلاق لا يترصدون بنات الناس في الشوارع و الطرقات
اصحاب الدين و الاخلاق عندما يريدون الزواج يذهبون الى ولي المراة و يكون هو اول من يعلم و ليس آخر من يعلم " كي الاطرش في الزفة" كيما يقولوا.

و بكل صراحخة اقول ايضا ان هذه تصرفات مراهق لم ينضج بعد فالانسان الراشد حتى لو كان غير ملتزم لا يتصرف بهذه الطريقة الطائشة.

[lys-chan]

نصيحتي لك لا تتسرعي

الحب وحده لا يكفي لانجاح الزواج

لانك امراة و هذا الرجل سيكون زوجك يعني قواما عليك

المشكلة ليست في الماديات فقير او غني الارزاق بيد الله كم من فتاة تزوجت بغني و لم تسعد في حياتها

ثم ان فكرة ان تتزوجي فقط لانك كبرت احذفيها من راسك تخيلي انك تزوجت و بيه و متفاهمتوش ترضين تولي مطلقة لبيت اهلك و ربما باطفال ايضا

قصدي الصح في الراجل و عقليتو و خاصة احترامه للمراة الحب بعد الزواج يولي عندو طعم اخر و اذا متوفرتش الثقة و الاحترام صدقيني ميكون لا حب لا بطيخ

ثم انا راني حايرة كيفاه رجل معندوش مدخول يفكر يتزوج و يفتح بيت على الاقل يلقى خدمة اولا ثم يخطب منتحيلش وحد يجي يخطب بنتي مهما كان سنها و مشي خدام و نقبل نمدهالو
و ربي ييسرلك امورك


صح الاخت عندها حق الزواج هو مثل الكرسي لازملو اربعة رجلين باش يوقف لوكان تنحيلو رجل وحدة يطيح ويكسركك وهدا اصلا ادا تزوجتو شكون راح يصرف عليكم لوكان يقولك بابا غير خليه الراجل تاع صاح يموت وما يخلي ووااحداخر يخدم عليه ادا يحبك ييلقا خدمة قبل وامبعد الزواج ونصيحة انتي ايضا اخدمي قبل ما تتزوجي وخبي شوية دراهم لروحك ماكي عارفة تحبي طلقيه على الاقل تكوني فوق رجليك. وتفكري دائما اذا دخل الفقر من الباب خرج الحب من النافذة

[zahra82]

استخيري وادعي كيما قالك الرزق على ربي وانتي وناصيتك

[عبد الله 22]

السلام عليكم الحب لا يشتري الخبز يجب وزن كل شيء الرجل المسؤول قبل ان يفكر في المرأة يفكر في كيف يقوم بواجبه إتجاه تلك المرأة التي من بينها توفير الحياة الكريمة على الاقل في ادنى مستوياتها ، من جهة اخرى العمر ليس مقياس لتسرع و إذا كنت عاملة فعليك الحذر من هذا الصنف الذي يفقد عمله قبل أن يتعرف على شريكة الحياة بفترة قصيرة ( وليس لأن زهرك......) ؟؟؟؟ فاغلبهم لم يعمل وربما لن يفكر في العمل بقدر ما يفكر في فتاة في حدود 30 عاملة وتعاني من ضغوط الخوف من التأخر في الزواج

[hadjadj7283]

راي اهلك هو لي يهم شاروي اهلك ممكن ما يقبلوش

[houssem zizou]

قال رسول الله صلى الله عليه وسلم: يا معشر الشباب من استطاع منكم الباءة فليتزوج ]
ضعي خطا أحمرا تحت الباءة و الزواج و الباءة في عصرنا أصبحت المسكن
فالنصيحة أيتها الأخت العمل و المسكن ثم الزواج والا كيف سيكفيك مأونة العيش و من بعد الأولاد و كدى,,
و كيف ستضمنين أنه من بعد الزواج سيعمل,, أسأل الله أن يرزقك زوجا صالحا يكفيك كل شيئ