مشكلتي 2

[مشكلتي]

السلام عليكم و رحمة الله

أنا صاحب الموضوع : http://www.djelfa.info/vb/showthread.php?t=1808023

أولا أشكر كل من قدم لي رأيه و نصيحته فقط بقي لي أمر و هو أنه بعض الناس لا تعرف كيف تتواصل مع الناس

هناك البعض من لم يقرأ الموضوع و بدأ بحكاية قصته و يطلق لنا أحكامه من دون أن يقرأ

أولا قلت أنا شاب عـــــــــــامل و لست بطالا + حالنا ميسور و الحمد لله + لا نسكن في جحر مسكننا واسع و الحمد لله.

و الخدمة الوطنية لا نية لي في الذهاب

فقط احتجت طريقة لأخبر أمي أنني جاهز لبناء عائلة و نظرا لخجلي لم أستطع قولها لها مباشرة

فألم يتزوج الرسول صلى الله عليه و سلم و هو في سن 25

فهل لما يتزوج الانسان و يحصن نفسه فيه عيب

فمن فضلكم من يريد الزواج في سن ال 40 فلا احتاج نصيحته و و رأيه الهدام و ليدع تفكيره و رأيه عنده

[sec 88]

ربي يسهلك و يوفقك لما فيه الخير

و بخصوص استفسارك اتكلم مع أمك عادي و قولها راني حاب نتزوج . ماشي عيب و ماشي حرام ..... انت راح تقوللها راح تقولها سواء الان كي راك 25 سنة ولى حتى توصل ل 35 ...

قوللها نورمال خو . يما راني حاب نتزوج ..
ما فيها والو

[loubna 91]

صح خويا صارحها واش فيها الشباب تاعنا والفو حتى يكبرو يتزوجو و كيما قلت راكم لاباس بيكم توكل على ربي و ربي يرزقك زوجه صالحه

[خالد عنابي2]

يا اخي انت تفتعل مشكلة غير موجودة اتعجب من قدرتك على توهم المشاكل ههههه

انت لا تعاني من اي مشكلة

الخدمة الوطنية : امسح مات كي توصل 30 سنة يعطولك لاكارط فقط حاذر روحك على الباراجات

العمل : حسب كلامك انت مستقر ولديك عمل قار وثابت ولديك دخل

السكن : مسكنكم واسع حسب كلامك

اذن واش بقى ؟ بقى مفاتحة الاهل وكن رجلا وصارحهم بنيتك في الزواج انت رجل اصنع مصيرك ولا تجعل امك تقودك من رقبك

اذا كانت بنت الحلال موجودة يمكنك ان تخطب

والعقد والعرس ممكن التاجيل ريثما تجمع المال

وهذا هو الزواج

وان شئت ابق في خجلك وستندم بقية حياتك

[rose de sable s]

سلام انت حاول تجد طريقة للكلام معها او تجد وسيط يتكلم معها و اقتاعها خاصة انك قلت عندما تتكلم معها علي اصدقلئك لا تكترث
ممكن هي ماشي مقتنع بزولجك الان حاول اقتاعها انك قادر علي تحمل مسؤولية اسرة
ربي يسهلك

[ام رضوان]

السلام عليكم
شوف يااخي مادامك قادر على تحمل المسؤلية مافيها والو كي تتزوج روح اتكلم مع امك في الموضوع وهذا حقك خير من لا تروح لطريق لحرام واكيد وباذن الله امك ما تلقى عندها حتي مشكل
بصح حبيت نقولك حاجة كي راك تقول معنيت لامك وهي ما فهمتنيش نقولك بلي امك فهمتها وهي طايرة بصح احساس الام بلى وليدها كي يتزوج رايح يروح عليها وتديه لمرا .....الخ هو اللى خلاها تتجاهل كلامك
امك مازال ماشبعتش منك
الام كون يعود وليدها شيخ تقولك ماشبعتش من وليدى
هذا رايي والله اعلم
ربي يوفقك ويرزقك ببنت الحلال الطيبة الطاهرة اللى تفرحك وتفرح امك. اممممممممييييين

[الداعي الى الحق]

شباب في سنك يصعب نصحهم ومن ينصحه يراه بأنه مافاهم والو
دير واش تحب تزوج تطلق كيما تحب ماك ولدي مراك اخي
يا قوم لميهمكم غير زواج
وعلى هاذي بلادكم كلما تولي للور

[سجل أنا جزائري]

بزاف يمرو على هذي بمأنه أول مرة يهدر على زواج

عادي قول لأمك بطريقة غير مباشرة كي تقصر معك مثلا كيما راكي شايفتلي مرى بالقصرة و شوف الجواب تعها بالك تستنى نت تفتح الموضوع معاها أما اذا اذا تتجاهل أعرف ان تراك مش مستعد بعد افهم منها هذا سبب و تناقش معها عادي وش هو الللي السبب و أقنعها انك قادر حتى تتطمن عليك

[NIGHTINGALE]

إذا كان الخجل هو ما يمنعك من مفاتحة أمك في موضوع الزواج فالحل سهل
تحلى بالجدية وركز على كلامك وانسى ذاتك وسيزول عنك الخجل
ثم إذا شعرت ببعض الإحراج تجاه والدتك فلا ضير في ذلك
حاول تجاهل الأمر واستهن به
بالتوفيق

[orchid violet]

السلام عليك اخي ..هذا شئ ما فيهش حشمة بالاخص مع امك نورمال روح عندها و قولها بما راني حاب نزوج ...و لي يقول صغير و ماعندوش خدمة ربي لي برزق ..و 25 سنة الله يبارك رجل و نص بالبركة اخي وربي يسهلك ....

[مؤمنة بالله]

مش عيب يا اخي
اهدر ما تخليهاش في قلبك
راك باغي الحلال
توكل على ربي
واهدر مع امك اولا
أسأل الله ان يجمع بينك وبين من تحب في الحلال عاجلا غير اجل

[عين الصقر]

ياخي قلتلك اخطيك من اللف والدوران وفاتح والدتك مباشرة في الموضوع

يعني أنت لم تشعر بالإحراج عندما تكلمت مع أمك بشأن زواج أصدقاءك ورزقهم بأولاد وتخجل أن تغير ضمير "هم" بـ "أنا"؟

وبصراحة لا أنصحك بأن ترسل شخصا ينوب عنك كخالتك أو عمتك أو ما شابه لأن الإحراج سيكون مضاعف في هذه الحالة

مشكلتك شائعة في مجتمعنا الجزائري لأننا تربينا على نوع من الحياء في التعامل مع الأهل

بالتوفيق

[عصام الجزائري]

حنا عدنا عادة كي حب واحد يزوج كي يدخل للدار كل مرة يكسر الطاجين .......... الأم تعرف بلي حاب تزوج .-)

يأخي تقدر تشوف أي وسيط خالة عمة عم خال ولد العم ولد الخال نسيب ................................. يطرح الموضوع

لكان ماشي معاهم كل بالحشمة يعني قعدتي

[محبّة الخير]

دير في بالك امك تستنى بعشر عينين وينتا تقوللها حاب نتزوج الله يلاقيك ببنت الحلال

[سلمى_2008]

هههه وعلاه 25 سنة صغير راك رااجل الله بارك انا في عمري 25 سنة وزوجي 25 سنة الحمد لله لباس بينا وزيد راجل وفحل وعقلو احسن من الي عندو ثلاثين سنة نعرف عباد عندهم 34 سنة كان مزوج صحبتي وضرك طلقها تهنات منو بويسك عقلية واحد باك 17 سنة احسن منو اخي اذا كنت مصلي وقادر على المسؤولية توكل على ربي واهدر مع امك واكيييييد رايحا تفرحلك بالتوفيييق

[خالة امير]

والله عندك الحق يا خويا ..أنا حيرتني بعض الردود
والله مافهمنا يقولولك اصبر و ماتدير والو...وبالتالي انت راح تبقى تهدر مع البنت بدون خطبة؟؟؟؟
لالا خير البر عاجله ...ماكانش كيما الخطبة في سن صغيرة..وزيد قادر يكون سنك صغير و عقلك كبير.. وياما ناس كبار و دارو أخطاء
خويا توكل على ربي سبحانو و ربي يسهلك إن شاء الله