توابل الحريرة

[رجائي فيك]

السلام عليكم
حبيت اليوم نشاركم بتوابل لحريرة نتاعنا في الدار الحقيقة حنا دائما نحضروهم في الدار و هي سبب لي تخلي الحريرة نتاعنا تجي متميزة على غيرها
بسم الله:
المقادير
ملعقة كبيرة كروية+ملعقة كبيرة كمون+ملعقة كبيرة قصبر+ملعقة كبيركركم +ملعقة صغيرة حبة حلاوة+1/2ملعقة صغيرة جوزة طيب+1/2ملعقة صغيرة نجمة لارض+ملعقة كبيرة قرطوفة (الوزوازة)+ملعقة صغيرة زعتر+1/2ملعقة صغير بسباس +ملعقة سكيجبير (يابس) +1/2ملعقة كبابة و لي يحب حلبة يزيد ها1/2
الكل نجيبوهم من عند العطار نقوهم نغسلوهم نشفوهم و من بعد نطحنوهم و ناخدوهم بالكميات لي قلت عليها نخلطوهم مليح مع بعض و نحطوهم في بنارة زجاجية ونغلقو عليه مليح و نستعملوهم وقت ما نضيفو عقدة لحريرة

[imanaz]

الله يعطيك ما تتمناي نموت على الحريرة ما تخطينيش قاع في رمضان و ان شاء الله هاذ العام بالتوابل اللي عطيتيلنا بارك الله فيك
عندي برك سؤال هاذ التوابل نشريها حب ثم نرحيها ؟شكرا

[رجائي فيك]

واه انا نشريهم حب و نرحيهم

[oum radja]

يعطيك الصحة اختي حنا تاني نديرو الحريرة كل يوم في رمضان
ونحضرو راس الحانوت كمية كبيرة
بالصح القرطوفة مانديروهاش معاه نديروها في اخر لحظة يعني كي نبغي نطفي النار

[رجائي فيك]

اختي في البيت تاعي نحضر لحريرية بطريقة يعني شوي مختلفة ان شاء الله نحط ليكم المهم كي نحب ندير قصبر و الثوم نزيد التوابل معاهم و من بعد نحطهم في الحريرة و نغلق عليها و نطفي النار هكذا الثوم و القصبر يطيبو بالسخانة نتاعها و التوابل تشد بنتها و متملرارش

[إكليل]

شكرا ليك لمشاركتك لنا أحد أسرار مطبخك

[imanaz]

واه انا نشريهم حب و نرحيهم

شكرا بارك الله فيك:19::19::19:

[imanaz]

ترحيهم باليد أختي ؟:sdf::sdf::sdf::sdf::sdf:

[ام سوهيل]

ممكن من فضلكم تصورولي القرطوفة لاني منعرفهاش او ربما نعرفها بي اسم اخر

[رجائي فيك]

ترحيهم باليد أختي ؟:sdf::sdf::sdf::sdf::sdf:

لالا نستعمل رحى القهوة يتعبو لو كان ترحيهم بالايد

[رجائي فيك]

ممكن من فضلكم تصورولي القرطوفة لاني منعرفهاش او ربما نعرفها بي اسم اخر
القرطوفة في بعض المناطق تسمى الوزوازة...وهي من الأعشاب الموسمية الصحراوية....رائحتها زكية طعمها لديد لكنه لادع ،تستعمل كبهارات أو توابل خاصة في الحساء
إسمها العلمي cotula Anthemoides
وهي موجودة في المغرب الشقيق و تباع عند العطارين

[imy 26]

يعطيك الصحة اختي

[ام يوسف وسيم]

بارك الله فيك أختي

[tema31]

merciiiiiii rabi ya7afdek

[فايزة44]

شكرررررررررررا حبيبتي على هذي الوصفة بوركتي حبيبتي زيدي حددي الزنجبيل والكبابة والحلبة مغرف كبيرة او صغيرة
وهذو تاع حريرة وهران او تيارت اووووووووووووو لانه تختلف كل حريرة والمرة القادمة اكتبينا طريقتك في كيفية الحريرة اذا امكن ممكن كتابة فقط ربي يعطيك الصحة شكررررررررررررررا مسبقا

[خفيفة الظل]

شكرا اختي ارجو ان تضعي لنا الطريقة بالتفصيل لتحضير الحريرة اسمع عنها كثيرا لكن لم اتذوقها اريد تجربتها

لو كان بالصور يكون احسن

[رجائي فيك]

ان شاء الله راح نعمل الوصفة في موضوع مستقل و عن قريب

[ام محمدْ ومريمْ]

سلام بارك الله فيك يااختي حبة نسقسيك وشنهي القرطوفة ممكن صورة نتاعها

[رجائي فيك]

بألنسبة للقرطوفة لي كان عندي طحنته نهار نخرج نشري منها و نصورها ليكم ملعقة كبيرة سكينجبير نصف ملعقة صغيرة كبابه و نصف ملعقة صغيرة حلبة

ال

[sunshine2013]

يعطيك الصحة أختي ممكن طريقتك في تحضير الحريرة؟؟؟

[reemooo]

انا اشتريهم حب واقوم بتحميصهم في مقلاه على النار قليلا فقط ثم ترحيهم، صدقيني تزيدهم نكهة وعطر وطعمهم يكون رائع
هذه الطريقة اعطتهالي وحدة من منطقة عين صالح
مشكورة اختي