استفسار لاصحاب القلب اللوز الناجح [الأرشيف] - منتديات الجلفة لكل الجزائريين و العرب

مشاهدة النسخة كاملة : استفسار لاصحاب القلب اللوز الناجح

lama Rimasse

2015-05-24, 12:08

السلام عليكم اخواتي و رحمة الله و بركاته
اخواتي حبيت نسقسيكم على الشاربات نكيلهم بنفس الكيلة تاع الدشيشة انا مالفة نكيل بفنجال مي الشاربات تجيني غير شوية نولي ندوبلي الكمية

soussou sihem

2015-05-24, 12:19

سلام ايه نعم

أم آدم و دارين

2015-05-25, 11:10

أنا طبقت مرة قلب اللوز و كيلت الشاربات بنفس الكيلة فجاتني كمية كبيرة من الشاربات و جا قلب اللوز جاري بزاف:confused: حسبت بلي رايح يشرب هذيك الشاربات بصح ما شربهاش و قعد جاري:mad: لهذا حبيبتي نقصي ما تعمليش كيلة كاملة أعملي نصف كيلة جي قدقد سلام :1:

فاطمة ياسين لخضر

2015-05-25, 11:21

يعطيك الصحة اختي
نا تاني عندي نفس السؤال
اما تجيني الشاربات بزاف ولا غي شوية
ودخلت اليوم باه نطرح هاذ السؤال
نتمنى يزودو يوضحونا الأخوات اكثر
وشكرا للجاوبو

imanaz

2015-05-25, 11:37

طبعا انا ندير نفس الكيلة و يخرج سواسوا

أم ياسين الزهراء

2015-05-25, 12:28

انا نكيل الوصفة بكاس لاتاي كيما دارت والشاربات بكاس عادي تجيني خير

farida71

2015-07-04, 19:29

في 3 كيسان دشيشة ندير 3 ماء كاس ونصف سكر كي طيب على نار متوسطة 15 دقيقة نزيد نصف كاس ماء زهر ونطفي .شربي و شوفي .ما شى شرط ديريها كامل

missen

2015-07-05, 01:10

شوفي اختي أنامجربة هذي الوصفة و هي ناجحة 100℅ و +بنينةبزاف و الوصفة كالتالي:
كيلوتشيشة تاع قلب اللوز تباع في الاسواق تخلطيها برطل سكر تضيفلها كأس ماء الزهر تحبي تخلطيلو شوية ماء الورد قليلا فقط و نصف كأس ماء و تخلطي مليح بيديك حتان يدخل السكر في تشيشة من جهة أخرى حمصي رطل كوكاو و ارحيه و ديريلو شوية قرفة مرحية حوالي ملعقة صغيرة بعدها ادهني المول لي طيبي فيه بشوية زيت ديري نصف التشيشة في المول و أبسطيها بملعقة بعده أضيفي الكوكاو بلا ماتبليه بالماء الزهر ثم أضيفي التشيشة لي بقات و أبسطيها جيدا ثم علمي بالسكين شكل مربعات و أرشقيها بحبات الكوكاو في كل مربع و أدخليها للفرن تطيب
من جهةأخرى نحضر الشاربات ندير رطل سكر مع نصف لتر ماء نخلطهم و نتركهم عل جنب بلا متسخني الشاربات خليها باردة كي تطيب قلب اللوز و يتحمر وجهها نخرجها من الفرن و نسكب عليها الشاربات .
بالصحة و العافية ......جربيها و رديلي لخبر

nesrinwarda

2015-07-05, 03:10

السلام عليكم ورحمة الله وبركاته
ممكن نعمل قلب اللوز بسميد متوسط رقيق معناها متوسط رايح لرقيق

raboha

2015-07-05, 03:44

أنا نكيل بنفس الفنجال و خطرات يشرب قاع الشاربات و خطرات تبقى منها
و هذا على حساب نوع الدشيشة كاينة اللي تشرب و العكس
خطرة صراتلي كيلت كالعادة و شربلي كامل الشاربات حتى زدت طيبت

raboha

2015-07-05, 03:49

السلام عليكم ورحمة الله وبركاته
ممكن نعمل قلب اللوز بسميد متوسط رقيق معناها متوسط رايح لرقيق

و عليك السلام و رحمة الله
ختي تقدري تعمليها بسميد متوسط و يصدقلك قلب اللوز عادي
درتو مرة وخرج هايل بصح نفضل النوع الخشن يعجبني بزاف

nesrinwarda

2015-07-05, 04:22

االسلام عليكم ورحمة الله وبركاته
بارك الله فيك تمتم رديتيلي