rate12400
2015-05-23, 12:20
:dj_17: ألسلام عليكم اعضاء وزوار منتدى الجلفة .......
هذا اليوم إرتأيت ان انوه إلى بعض النقاط التي أرى فيها بعض المغالطات والأخطاء التى ترجع بالسلب على المترشح في مسابقة الأساتذة
وهذه النقاط تتمثل في معايير الانتقاء....التى أردت تحليلها ومشاركتها معكم لنفيد ونستفيد....منها.....ونحكي بموضوعية ونتجنب التعصب والذاتية
1- نقطة الأقدمية على كل سنة 0.5 لكننا نرى ان الفرق بين في مستويات المعدلات مثلا بين 11 و 12 هو نقطة وهكذا .......
يا هل ترى هاذم لي رام يديرو في هاذ المعايير ما جربوش البطالة والا كيفاه؟
علابالنا ماش كيما واحد جايب 14 ماش كيما واحد جايب 13 لكن حتى البطالة ما عندك ما تحكي عليها.
بعض الناس تستشفى فيك .....احساس بالنقص.....الميزيرية........المرال ديما طايح...............واشياء كثيرة يعرفها لي عاش في البطالة.
فمثلا في اوروبا كاين في بعض الدول اكبر اولوية في التوظيف للاقدمية .......
من رأيي الخاص لو طلعوها ل0.75 اقدمية الشهادة لكل سنة...........واللي جرب البطالة يفهمني ويحس بكلامي مليح.
2-ايضا دايرين تحتسب الا معدلات الاعوام اللي نجح فيهم المترشح في الجامعة حيث لا تحتسب الاعوام لي راطا فيهم....هل هاذا عدل؟
.....ماش كيما واحد خرج العام ب10 avant كيما واحد جايب 11 بالراتراباج
وإلا كيما واحد جايب اعوامو الكل ب 10 كيما واحد جايبها العام بعامين وينجح ب12
3-معيار الاشغال و الدراسات المنجزة من طرف المترشح.......هاذي راي كوبي كولي على معايير التصنيف للجامعة ....من لي بداو الكونكور على اساس الشهادة لمسابقة التعليم جامي لقيت واحد نقطوه على هاذ المعيار معنتها ............كون ينحيوها خير لأنها لا تغنى ولا تسمن من جوع
4-هناك معيار الخبرة المهنية كل شهر ب.11 السنة ككل ب نقطة واحد ....
يا هل ترى إذا جبنا واحد ماجور دو برومو يجيب في معدلات كبيرة في الجامعة ونقارنوه بواحد خدم 4 سنين استخلاف .......ما خير؟؟؟؟ في نظركم.........لا يختلف فيها اثنان ان لي خدم الاستخلاف خير لانو خرج على الخدمة كيفاه ....وخاصة في القطاع المتوسط والابتدائي ....لأنو ماش رايح يقري علم الغبار ....حوايج ساهلة وما تحتاجش علم كبير......معنتها نورمالمون تنقيط الاستخلاف يكون اكثر.
5-مقابلة لجنة التنقيط التى تكون على ثلاثة نقاط ...لاحظت فيها الكثير من الظلم للمترشحين.......هاذي نورمالمون 3 نقاط تكون للناس الكل الا واحد عقون والا معاق .......والا مريض مرض ملموس وباين.......شحال من واحد تخدع وشحال من واحد تظلم...........
6-في الجريدة الرسمية للدولة افيشاو بلي تحتسب الخدمة الوطنية في الخبرة .....أين هي من هذه المعايير؟
والا ماحبوش يديرها باش ما يتعبوش...هز المعايير نتاع العام لي فات كوبي كولي وخلاص؟
والا باش ما تخدمش وليدات الزاولة لي تعبو وفوتو العامين؟على الاقل عام ونص تحتسب كأنك قريتي الشهر ب0.11 معنتها طيح ب1.5
لنو ماش كيما واحد دار الواجب الوطني نتاعو وسوفرا وشاف وجرب ماش كيما واحد رقد وتقاعس والا جاب المسامحة بالفائض والا بالمعريفة.
7-معيار ملائمة شعبة اختصاص حيث انهم يعطيو 6 نقاط للناس الكل........اذن وعلاه راك دير فيها ؟
فمثلا نذكر اختصاص الرياضيات متوسط يطلب: ليسانس هندسة ميكانيكية -ليسانس هندسة مدنية-ليسانس هندسة الكترونية-ليسانس رياضيات-ليسانس اعلام الي.
يا هل ترى فيه مساواة انك تعطي لمترشح حائز على شهادة ليسانس هندسة ميكانيكية نفس النقطة لمترشح حائز على ليسانس رياضيات (6 نقاط)
قد يستطيع احد منكم ان يقول هي شهادة شهادة ......وكلا المترشحين حاصل على باكالوريا وتعب وسهر وزرع وحصد لكن لاحظ بجانب من الموضوعية.
انا من رأيي لانو لي عندو ليسانس رياضيات عندو حق الا في التعليم فقط.لكن لي عندو ليسانس في الهندسة ميكانيكية تتعدد وتزيد حظوظه في التوظيف لانو عندو حق يخدم في الشركات او كل مجال لديه علاقة بالميكانيك يعني لو تمنح ال6 نقاط لمترشح ليسانس رياضيات وتعطى نقطة اقل للمترشح الاخر...ليكون هناك نوع من العدل
* وفي الأخير وددت لو تفاعلتم مع هذا الموضوع وهذا للإثراء والاستفادة
ملاحظة: هذا مجرد رأي فقط مثلما كان يقول علي بن أبي طالب : رأيي صواب يحتمل الخطأ.............ورأيكم خطأيحتمل الصواب:cool:
هذا اليوم إرتأيت ان انوه إلى بعض النقاط التي أرى فيها بعض المغالطات والأخطاء التى ترجع بالسلب على المترشح في مسابقة الأساتذة
وهذه النقاط تتمثل في معايير الانتقاء....التى أردت تحليلها ومشاركتها معكم لنفيد ونستفيد....منها.....ونحكي بموضوعية ونتجنب التعصب والذاتية
1- نقطة الأقدمية على كل سنة 0.5 لكننا نرى ان الفرق بين في مستويات المعدلات مثلا بين 11 و 12 هو نقطة وهكذا .......
يا هل ترى هاذم لي رام يديرو في هاذ المعايير ما جربوش البطالة والا كيفاه؟
علابالنا ماش كيما واحد جايب 14 ماش كيما واحد جايب 13 لكن حتى البطالة ما عندك ما تحكي عليها.
بعض الناس تستشفى فيك .....احساس بالنقص.....الميزيرية........المرال ديما طايح...............واشياء كثيرة يعرفها لي عاش في البطالة.
فمثلا في اوروبا كاين في بعض الدول اكبر اولوية في التوظيف للاقدمية .......
من رأيي الخاص لو طلعوها ل0.75 اقدمية الشهادة لكل سنة...........واللي جرب البطالة يفهمني ويحس بكلامي مليح.
2-ايضا دايرين تحتسب الا معدلات الاعوام اللي نجح فيهم المترشح في الجامعة حيث لا تحتسب الاعوام لي راطا فيهم....هل هاذا عدل؟
.....ماش كيما واحد خرج العام ب10 avant كيما واحد جايب 11 بالراتراباج
وإلا كيما واحد جايب اعوامو الكل ب 10 كيما واحد جايبها العام بعامين وينجح ب12
3-معيار الاشغال و الدراسات المنجزة من طرف المترشح.......هاذي راي كوبي كولي على معايير التصنيف للجامعة ....من لي بداو الكونكور على اساس الشهادة لمسابقة التعليم جامي لقيت واحد نقطوه على هاذ المعيار معنتها ............كون ينحيوها خير لأنها لا تغنى ولا تسمن من جوع
4-هناك معيار الخبرة المهنية كل شهر ب.11 السنة ككل ب نقطة واحد ....
يا هل ترى إذا جبنا واحد ماجور دو برومو يجيب في معدلات كبيرة في الجامعة ونقارنوه بواحد خدم 4 سنين استخلاف .......ما خير؟؟؟؟ في نظركم.........لا يختلف فيها اثنان ان لي خدم الاستخلاف خير لانو خرج على الخدمة كيفاه ....وخاصة في القطاع المتوسط والابتدائي ....لأنو ماش رايح يقري علم الغبار ....حوايج ساهلة وما تحتاجش علم كبير......معنتها نورمالمون تنقيط الاستخلاف يكون اكثر.
5-مقابلة لجنة التنقيط التى تكون على ثلاثة نقاط ...لاحظت فيها الكثير من الظلم للمترشحين.......هاذي نورمالمون 3 نقاط تكون للناس الكل الا واحد عقون والا معاق .......والا مريض مرض ملموس وباين.......شحال من واحد تخدع وشحال من واحد تظلم...........
6-في الجريدة الرسمية للدولة افيشاو بلي تحتسب الخدمة الوطنية في الخبرة .....أين هي من هذه المعايير؟
والا ماحبوش يديرها باش ما يتعبوش...هز المعايير نتاع العام لي فات كوبي كولي وخلاص؟
والا باش ما تخدمش وليدات الزاولة لي تعبو وفوتو العامين؟على الاقل عام ونص تحتسب كأنك قريتي الشهر ب0.11 معنتها طيح ب1.5
لنو ماش كيما واحد دار الواجب الوطني نتاعو وسوفرا وشاف وجرب ماش كيما واحد رقد وتقاعس والا جاب المسامحة بالفائض والا بالمعريفة.
7-معيار ملائمة شعبة اختصاص حيث انهم يعطيو 6 نقاط للناس الكل........اذن وعلاه راك دير فيها ؟
فمثلا نذكر اختصاص الرياضيات متوسط يطلب: ليسانس هندسة ميكانيكية -ليسانس هندسة مدنية-ليسانس هندسة الكترونية-ليسانس رياضيات-ليسانس اعلام الي.
يا هل ترى فيه مساواة انك تعطي لمترشح حائز على شهادة ليسانس هندسة ميكانيكية نفس النقطة لمترشح حائز على ليسانس رياضيات (6 نقاط)
قد يستطيع احد منكم ان يقول هي شهادة شهادة ......وكلا المترشحين حاصل على باكالوريا وتعب وسهر وزرع وحصد لكن لاحظ بجانب من الموضوعية.
انا من رأيي لانو لي عندو ليسانس رياضيات عندو حق الا في التعليم فقط.لكن لي عندو ليسانس في الهندسة ميكانيكية تتعدد وتزيد حظوظه في التوظيف لانو عندو حق يخدم في الشركات او كل مجال لديه علاقة بالميكانيك يعني لو تمنح ال6 نقاط لمترشح ليسانس رياضيات وتعطى نقطة اقل للمترشح الاخر...ليكون هناك نوع من العدل
* وفي الأخير وددت لو تفاعلتم مع هذا الموضوع وهذا للإثراء والاستفادة
ملاحظة: هذا مجرد رأي فقط مثلما كان يقول علي بن أبي طالب : رأيي صواب يحتمل الخطأ.............ورأيكم خطأيحتمل الصواب:cool: