سؤال....تم الرد

[FATIMANOOR]

السلام عليكم
انا طالبة جامعية و ما كتبليش ربي فالخدمة مالا راني حابة ندير مشروع من داري و قلت نشري ماشينة تاع التطريز الإلكتروني و نخدم للخياطات بصح ما نعرفش نخدم بيها ، قولولي كاين تكوين ولا والو و وش من ماركة هي لمليحة و سعرها شحال
و لازم لي تخدم بيها تكون خياطة؟ لخاطر ما نعرفش نخيط مالا رجاءً نتوما خياطات و تعرفو دبرو عليا و قولولي عندي أمل ولا نحي لفكرة من راسي

[fatma1977]

أختى ما شى مشروط تكون خياطة كاين رجال أساتذة عندنا وهوما يخدمو بيها راهى تمشى بالكارت مار بالميكرو ديالها توكلى على ربى ودرى وحدة راهى فيه الخير الكثير فى الرزق وراهى المليحة تعمل 80 مليون وكاين 29 مليون صغيرة شوية ربى يوفقك تقدرى تتعاملى مع الاشخاص ديركت يجيبولك القماش وإنت أطرزى ومن بعد هوما يدوه للخياطة تفصل وتخيط بالتوفيق نشجعك وربى معاك

[FATIMANOOR]

أختى ما شى مشروط تكون خياطة كاين رجال أساتذة عندنا وهوما يخدمو بيها راهى تمشى بالكارت مار بالميكرو ديالها توكلى على ربى ودرى وحدة راهى فيه الخير الكثير فى الرزق وراهى المليحة تعمل 80 مليون وكاين 29 مليون صغيرة شوية ربى يوفقك تقدرى تتعاملى مع الاشخاص ديركت يجيبولك القماش وإنت أطرزى ومن بعد هوما يدوه للخياطة تفصل وتخيط بالتوفيق نشجعك وربى معاك
شكرا اختي فرحتيني بردك المشجع بارك الله فيكي
من فضلك قولولي وين راكي تقراي تكوين مهني ولا بريفي. و شكرا

[قصي عبد الرحيم]

يا حبيبتي راه في التكوين المهني أدرجو فرع يخص التطريز الالكتروني ممكن تسجلي و تتعلمي أنتي أحسن باش تتعلمي الصيانة و طريقة العمل بيها خير من المزية

[FATIMANOOR]

يا حبيبتي راه في التكوين المهني أدرجو فرع يخص التطريز الالكتروني ممكن تسجلي و تتعلمي أنتي أحسن باش تتعلمي الصيانة و طريقة العمل بيها خير من المزية

شكراً أختي بارك الله فيك

[stayfiya]

بالتوفيق ختي و ربي يقوي عزيمتك و يرزقك من بابو الواسه الماركه تاع الماشينع كاينه اينوفيس هايله و تساعده سبعين مليون. و نتي ابداي اتعلمي لفصاله بالشوي باش. ماتخسريش لقماش و بالنسبه للتعليم راه كاين اليوتوب يعلمك لعجب بالتوفيق اختي