كوني مدبّرة منزل ناجحة(قضيان رمضان)

[أم تغاريد]

السّلام عليكم ورحمة الله وبركاته
أخواتي حياكنّ الله
رمضان يقترب يقترب يقترب
ونحن نريد اغتنامه ما استطعنا
----------
حان الوقت لتحضير قائمة المشتريات الرمضانية ، حتى يكون كلّ ما تحتاجينه في البيت فيتيسّر لك إعداد الطعام دون الاضطرار الى الخروج للشّراء~

http://cdn.top4top.net/i_2acd7b6acc1.jpg (http://up.top4top.net/)

نبدأ بالمواد الجافة:

1-زيت 5 لتر
2-سكر خمسة كيلو
3-علبتان شاي
4-علبة قهوة
5-التوابل
6-كيس ملح
7-خميرة العجين
8- خمسة كيلو فرينة
9-كيلو مايزينة
10-خمسة كيلو سميد ( للي يعجنو)
11-كيلو حمص
12-كيلو ارز
13-مارغرين + سمن
14-خل
15-ماء زهر
16-مايونيز
17-خردل(لاموتاغد)

فكروني واش نسيت؟؟؟
انتظر مشاركاتكن باش نديرو قائمة متكاملة ان شاء الله

[لشائر الرحمن]

اختي نزيد مع القائمة نتاعك الزيتون الاسود والاخضر +ماييز +زبدة التوراق +كاجو بيض +شدة قازوز +شدة جو+الديول

[لشائر الرحمن]

فرماج +باطة شومبينيون +طون نتاع الزيت

[nadia38]

طماطم مصبرة الزبيب البرقوق المشمش الجاف المار غرين الخل الزيتون الفلون التمر

[حسناء القمر]

اللهم بلغنا رمضان

[kouki2]

اللهم بلغنا رمضان

[القناعة كنز]

الفريك الفلان، حليب بودرة، البسيسة و قريب نسيت التمر

[بصيرة2]

القضية نتاعي تشبه في نتاعك نحي برك الشاى
السميد موالفة نشري 25كيلو لكن ضرك المسيو مريض ياكل غير كسرة القمح نشري 10 كيلو ونشوف
السكر 5 كيلو بزاف 2 كيلو فيهم بركة
اكياس النايلون للحم ورولو نتاع النايلون لسني
التوابل الكسبر والكمون وفلفل اسود والقرفة هادا واش نستعمل
الفريك والطماطم المصبرة للجاري
عين بقرة والزبيب ومشمش الجاف جامي شريتو السنا معولة نشريه اذا كتب ربي
الفرينة حوالى 2 كيلو الخميرة الكميائية والفاني والزبدة والمارغرين والسكر كلاص وشوية كاوكاو لبعض الحلويات الرمضانية اللوز غالى ياسر ما نستعملوش
الارز وماء الزهر والخل وعلبة هريسة تكون ضغيرة وخميرة الخبز والسينوج والجلجلان و علبة حليب البودرة دائما نحتاجو للمعجنات او للحلوة
بعض مواد التنضيف ايضا مهمة مثل سائل التنضيف والجافيل والاسفنج
هاذا واش تفكرت المهم كي نكتب القائمة للميسيو ربي يستر
اللهم بلغنا رمضان لا ىفاقدين ولا مفقودين واعنا على صيامه وعلى قيامه امين

[أم تغاريد]

يعطيكم الصحة يا اخوات راكم فكرتونا في امور نسيناها
-----
اضيف:
-جومبر لمن تستعمله
-رند
-زعيترة
-بودرة كرام شانتيي( للتحليات)
-كريمة طازجة

[أم تغاريد]

صح اختي بصيرة 5 كيلو سكر بزاف درت حساب العيد
وهو القضيان تاع العيد وحدو

[وفاء الياسمين]

السلام عليكم
اللهم بلغنا رمضان
أنا شريت زوج كيلو حمص قبل ماتخلاص لمليحة و تبقى غير الديشي
شمختها بالسكر و الملح و خميرة الحلوة و شللتها مليح و جمدتها

و شريت السكر و الطماطم المصبرة

العينة و الزبيب و مازال المشماش و التفاح نطيب لحم لحلو من قبل و نجمده في الكؤوس البلاستيكية يعني جوتابل

التوابل نشريهم حب و نرحي كيما نحب
حبة لحلاوة زريعة البسباس و كمون قصبر كروية جوزة الطيب زنجبيل فلفل احمر نشريه طرشي حمر نفورو و نرحيه و نخلطلو شوي حار
فلفل اكحل نخليه حب نغليه في كاسرونة ونحط الما نتاعو في الطياب باش مايلصقوش الحب ديالوا في المعدة

الثوم انقيها و نجمدها حب بعد يوم من تجميدها نفركها باش تتفك و تبقى ساهلة للجبيد

الفريك و المرمز مازال مالقيناش حاجه مليحه

الدجاج راهو يغلى و يزيد شريت زوج دجاجات و نقيتهم مليح و قطعتهم قطع و كل قطعة حطيتها في السيلوفان للاحتياط يعني تبقى دايما احتياط لضيف الفجأة

المعدنوس شريت نشفتو و قطعتو و جمدته

الطياب نحب نديرلو سمن مدينة بزاف يبنن الماكلة

السكر و الملح دايما عندي الريزرف
القهوة في الايام العادية نشرو قهوة عادي و في رمضان نيسكافيه اجي ثقيلة خير

كي نتفكر حاجه نقوللكم ربي يحلي جمعتكم

[نهلةن]

اللعم بلغنا رمضان

[نهلةن]

اللهم بلغنا رمضان

[أم شاهين]

اللهم بلغنا رمضان أصحاء متعافين
والله يعطيم الصحة على الموضوع هذا جا في وقتو الصباح برك كنت نخمم باش نضبط قائمة مشترياتي ولقيتكم حطيتوها فكرة منا وفكرة منا حاجة مليحة كل وحدة فينا تذكر الأخرى
بالسبة ليا تقريبا ضبطتها مع واش حطيتو
الدقيق +الزيت+الفرينة+السكر+القهوة +الطماطم المصبرة
التوابل(للمرقة الحمراء استعمل راس الحانوت والفلفل الاحمر الحار والبارد واحيانا الكمون وللمرقة البيضا الكركم الزنجبيل الفلفل الابيض)+الملح+الحمص+خميرة الخبز +السانوج+الجلجلان
التونة+الفرماج+الزيتون الاسود+الزيتون الاخضر+المايوناز+لي شومبينيون+لاموتارد+مرغرين+الخل+خميرة الحلوى+حليب بودرة+الارز(ضروري)+البيض+الفلان+الثوم نقيتها ورحيتها وزدتلها الملح والزيت باش ما تفسدش
الدبشة والمعدنوس ما نحبش نجمدهم نشري بالربطة وتشدلي سمانة برك نقطعها ونحطها في بلارة وكل ما نسحق نجبد ونغسل وش نسحق تبقى شادة روحها
زيدو دكرونا بكاش تحضيرات على الاقل نستغلو وقت رمضان في الطاعات وان شاء الله نديرو موضوع نتنافسو فيه على الطاعة في رمضان

[أم شاهين]

اييه نسيت البابيي الومنيوم والصاشيات نتاع الشواء

[gazala-dz]

بارك الله فيكم موضوع مهم ومفيد حبيت نسقسي الاخت لي قالت شمخت الحمص والملح والسكر والخميرة فهميني كيفاه وقوليلي علاه

[وفاء الياسمين]

بارك الله فيكم موضوع مهم ومفيد حبيت نسقسي الاخت لي قالت شمخت الحمص والملح والسكر والخميرة فهميني كيفاه وقوليلي علاه

السلام عليكم واش راك اختي يارب يبلغنا رمضان
شوفي أول شي علاش شمختها دوكا و مزال قرابة شهر لرمضان
لان زوجي شاف حمص شابة و نقية و بيضة تشعل عند مول الحانوت و اشرا زوج كيلو لانو يحب الحمص بزاف
وثانيا انا عندي مكان صغير وين نحط الريفيتايما و مرات تتسوس الحمص يابسة من الميديتي على هاذي نشمخها و نكونجليها
ثالثا نحط الكيلو فيه مغرف قهوة ملح و زوج سكر و شكارة خميرة نوارة و نعمر الباسينة بالماء و نخليها تبات و غدوة نشللها مليح مليح و نقطرها و نجمدها
الملح باش ما تجيش سامطة و السكر باش يتفاعل مع الخميرة في الماء و اجي طيابة بلامزيتها
اليوم طيبت منها و الله جات زبدة

[lewan]

فلفل اكحل نخليه حب نغليه في كاسرونة ونحط الما نتاعو في الطياب باش مايلصقوش الحب ديالوا في المعدة


السلام عليكم، بارك الله فيكي أختي على الفكرة، خاصة الفلفل الأسود قيل لي أنه مضر على خلاف الأبيض حسب ماقال لي بائع التوابل وحتى السعر فالفلفل الأبيض أغلى من الأسود.
أنا مشترياتي لرمضان
50 كيلو سميد :D
5 كيلو فرينة نستعملها بزاف للبيتزا والمعجنات
5 كيلو سكر ما يفسدش
5 لتر زيت
أرز
كيلو حمص من النوعية الجيدة
الفريك شريت كيلو فقط العادة أن أمي تشتري القمح حب وتحضره في البيت ثم تبعثه للرحى موالفة تشري 10 كيلو وتخدمو وتبعث لأخواتي وزوجات إخوتي لكنها أصبحت مريضة ما تقددرش كي نلقى نوعية جيدة نزيد نشري.
وشريت أيضا كي كنت في وهران لعمل الحريرة 3 كيلو تاع الدشيشة البيضة وتوابل الحريرة رأس الحانوت أمممممم عجبتني كي ذقتها لأول مرة وطلبت من الطباخ أن يعطيني الوصفة كان جد لطيف ورالي الدشيشة وهي المتعارف عليها المرمز في الشرق لكنها تكون بيضاء وتعرفت على زميلة وهرانية كتبتلي أسماء التوابل جازاهم الله كل خير، دخلتكم حكاية في حكاية ، إن شاء الله هذه المرة معولة ندخل الحريرة في الأطباق المعتمدة لرمضان لكن الوصفة اللي عطاوني ما فيهاش الخميرة والفرينة وأنا موالفة نلقى فيها الخميرة لكن اللي كليت مافيهاش الخميرة !!!
شريت أيضا زعفران الحر والزعفران الأصطناعي، الحر شريت 10 علب كل علبة صغيرة بـ 400 دج وتزن 1غ :D جاني شوية غالي لكن الفضول دفعني لتجربته وحكمت ليا علبة صغيرونة فقط والباقي وزعته لمحبي الطبخ من معارفي قلتهم نمد غير للي تحب الطياب :rolleyes: أظن أنني كنت موضوعية ;). يارب بلغنا رمضان وأرزقنا عفوك ومغفرتك وقدرنا على صومه وقيامه على أكمل وجه يارب.

[gazala-dz]

السلام عليكم واش راك اختي يارب يبلغنا رمضان
شوفي أول شي علاش شمختها دوكا و مزال قرابة شهر لرمضان
لان زوجي شاف حمص شابة و نقية و بيضة تشعل عند مول الحانوت و اشرا زوج كيلو لانو يحب الحمص بزاف
وثانيا انا عندي مكان صغير وين نحط الريفيتايما و مرات تتسوس الحمص يابسة من الميديتي على هاذي نشمخها و نكونجليها
ثالثا نحط الكيلو فيه مغرف قهوة ملح و زوج سكر و شكارة خميرة نوارة و نعمر الباسينة بالماء و نخليها تبات و غدوة نشللها مليح مليح و نقطرها و نجمدها
الملح باش ما تجيش سامطة و السكر باش يتفاعل مع الخميرة في الماء و اجي طيابة بلامزيتها
اليوم طيبت منها و الله جات زبدة
مرسسسسسسي على الاحابة المفيييييدة اللهم بلغنا رمضان

[نهلةن]

السلام عليكم اللهم بلغنا رمضان احسنت موضوعك مميز فكرتينا في قضيان رمضان بسم الله نبدا،اولا
الفريك اهم شئ نشريه حب نغسلو ونشيحو عند الشمس ونرحيه ومن باعد نسيرو وهكا يكون وجد
2االثوم نقيها ونرحيها ونضيفلها قليل من الملح والزيت وللمجمد
3 نشري الباقي كيما الطماطم المصبرة والزيت والملح والقهوة بن طبعا ولحظة والتوابل ساعة نشريهم حب ونرحيهم وساعة مرحيين واجدين على حسب التوابل نفسها والفلان طبعا قيس شهر القضية تاعي خاتر زوجي يخدم طول الوقت مايقعدش وانا نكره نخرج في رمضان نكمبلو القائمة نشري عين بقرة وزبيب ومشماش مجفف واناناس مجفف واعواد القرفة هدو ان شاء الله اول طبق في اول يوم لرمضان واذا زدت تفكرت راني نكتب لي عودة ان شاء الله

[أم تغاريد]

الله يبارك عليكم يا الشاطرات
---
أختي أم نسيبة الفكرة تاع الحمص هايلة ماكنتش نعرفها ربي يجازيك خير
-----
اختي Lewan فكرتيني في الحريرة انا تاني عجبتني بزاف كي كليتها وحبيت نديرها هاد رمضان ان شاء الله
التوابل تاعها تتباع هنا في العاصمة لكن صح ماشي كيما تاع وهران
وبالدشيشة خير من الفرينة
--
حبيت نعرف برك ادا الزعفران الحر فيه بنة مميزة مقارنة بالاضنطاعي؟؟؟؟

[البوسعادية]

السلام عليكم
والله يعطيكم الصحة راكم ظبطتولي القائمة تاعي رغم اني منحتاجش بزاف...اغلب المواد عندي لاني نشري تقريبا كل شهر وانا وراجلي فقط ..
كتبت وش كان ناقصني كامل كما السكر والقهوة واللحظة منحطهاش في لحساب لاني دائما عندي بالدوبل ..
حبيت نقلكم برك صح رمضانكم والي يكون يقضي مينساش يشري حاجه ولا زوج ويحطها في السلة ناتع كافل اليتيم او غيرها كل وحده وش اسمها ...الي تكون مخصصة لقفة رمضان للمحتاجين والمعوزين ...
وصحيتو

[aichamam]

اخواتي قولولي السنا كيفاش غادي نصو رمضان بلا ميمتي الله يرحمها

[أم شيماءْ]

والله فكرة هايلة يعطيكم الصحة وصح رمضانكم

[أم أماني أريج]

بارك الله فيك أختي تغاريد مواضيعك مفيدة و قيمة
أنا نحب نوجد شوية لرمضان لكن سيدي العزيز ما يحبش يقولي ياك رمضان كيما هو كيما الأشهر العاديين نشريو برك كيما موالفين و كي تحتاجي حاجة نروح نجبهالك جديدة
لكن أنا من عادتي في الأشهر العادية ديما نشري قضيان الشهر في البداية و أكيد رمضان فيه أشياء زائدة .
و الحاجة الوحيدة لي نحضرها مسبقا هي الفلفل ديما ندير كمية كبيرة و نحطها في الكونجيلاتوغ و نجبد غير بالشوية .
ربي يبلغنا رمضان و يجعلنا من الذين يصومونه إيمانا و احتسابا .

[أم شاهين]

السلام عليكم ورحمة الله وبركاته
تعيشي اختي أم براء قوليلي طريقتك في حفظ الفلفل في الكونجيلاتوغ

[أم أماني أريج]

السلام عليكم ورحمة الله وبركاته
تعيشي اختي أم براء قوليلي طريقتك في حفظ الفلفل في الكونجيلاتوغ

و عليكم السلام اختي أم شاهين ان شاء الله صبحتي مليحة
الفلفل أنا نشويه حار مع حلو و نقشرو ونقطعوا و نحطو يطيب غير شوية باش يشرب الما تاعوا و مانديرلو لا ملح و لا زيت و لا طوماطيش و من بعد نديريو في بورت مونجي و نحطو في الكونجيلاتوغ و في رمضان كل يوم نجبد منو شوية نخليه يذوب و نحطلوا الطوماطيش جديدة و الملح و الزيت و نخليهم يطيبوا عادي .

[همس الحروف]

اللهم بلغنا رمضان

[oumimade26]

متابعة معكم انشاء الله

[sunshine2013]

السﻻم عليكم
موضوع رائع يعطيكم الصحة
تفكرت القارص في رمضان يوصل حتى 500 دج يا لطيف
التوابل مازال ما شريتش كامل المهم شريت هاديك نتاع ليزيبيس اللي دور و يجو فيها 16 علبة و كاين نتاع 20 باش تسهل ترتيب التوابل نزيدلها الأسماء فقط و نلصقهم
و العلبات الكبار درت فيهم اسكر و القهوة و غيرها
تاني الكسكس نديروه بزاف للسحور
المكسرات للتزيين كيما الديسار نتاع ليكوب و غيرو
و البورتمونجي نتاع الزجاج باش نخبي فيهم الأكل في الفريجيدار
القطايف مازال ما شريتش
العسيلة و الكراميل نوجدهم من دوك و الكاوكاو و النوادكوكو كاش ضياف راكم تعرفو و بﻻ ضياف ديجا و حنا ماناكلوش هههه
الزيتون و المخلﻻت
ما نحبش نجمد بزاف نحب كلش طازج خاصة اللحوم و الدواجن نفضل نشري بالأسبوع يعني الويكاند اللي قبل رمضان إن شاء الله نشريهم و نشري الحشاوش
دوك راني مع الشري نتاع الماعن
و لي رجعة

[أم فاطيمة]

اللهم بلغنا رمضان
زيدي تشيشة نتاع لحريرة و التوابل الاساسيين
توابل للقهوة
تشيشة نتاع السميد لقلب الوز
حليب شكاير لانه راح ينقص في رمضان
فلان

[imy 26]

اللهم بلغنا رمضان

[oum_alaa]

الزبيب و عين البقرة

[fayzabelhadj]

شكرا لك اختي و كل الاخوات اللي شار****, فعلا فكره رائعه انك تشتري كل ما يلزم قبل رمضان كي نترك مساحه للعباده و ليس للتسوق

[arwa alaa]

والله هنيتينا راح تهز الموضوع ونكتب القضية راجلي يكره ننسى ويضل يلحق كل ما تفكرت بارك الله فيك. شكككككككككككككررررررررررررراااااااااا

[Meriem London]

اللهم بلغنا رمضان غير فاقدين ولا مفقودين
اللهم آمين:):):):)

[تواضع انثى]

اللهم بلغنا رمضان
ان شاء الله يتقبل منا و منكم

[ام سيرينة]

والله غير ساعدنا هاد الموضوع في ضبط قائمة المشتريات شكرا

[ضحى تسابيح]

السلام عليكم
اللهم بلغنا رمضان

ما تنسوش باكيات الديول قيص سمانة باش تخفو الضغظ نتاع الأيام الاولى

[ضحى تسابيح]

و زيدو الكسكس للسفة كيما حالتي ما عنديش المفتول
أكياس زبالة اعزكم الله هادوك الي يجو فيهم 15 ساشية ماشي كبار راهم يديرو 100 دج

[ضحى تسابيح]

و تانيك للكويزينيار باش ما تعبكش في غسيلها استعملي
decap four express
راهو هايل رشة و انتي تهنيتي

[شمس بريكة]

راح نقلكم امي الغالية واش حضرت
نبداو بالفلفل والبيضنجان دارتهم حميس وخباتهم علابالها ناكلوهم ههههه
الثوم شرينا كمية كبيرة رحيناه والى الكونحيلاتور
الجلبانة فصصناها والى الكونجيلاتور
اما الباقي لي يتشراو كما التوابل زعفران الكاري جوزة الطيب القرفة
ما ننساش الزبيب وعين بقرا والدشيشة اما الباقي عادي مزال ما كملناش رافيطايما تاع الشهر
حقا نسيت المشماش قطعاتو على زوج وجمداتو هغذي اول مرة ديرها معارف شكون قالهالها اما الزيت بيدون خمس ليترات وباطة سمن للشربات اما الزيت للقليان كشما نزيد نتفكر نقلكم

[شمس بريكة]

و زيدو الكسكس للسفة كيما حالتي ما عنديش المفتول
أكياس زبالة اعزكم الله هادوك الي يجو فيهم 15 ساشية ماشي كبار راهم يديرو 100 دج

الصاشيات هاذوك هايلين فيهم ريحة رووووعة ما تشميش خلاص ريحة تل بل حاشاكم فيهم ريحة الورد وفيهم الرباط تاعهم كاينة لي فيها خمسطاش تتباع بعشرالاف ولي فيها خمسوعشرين ب ثمناشنلف

[hadil48]

تصوموا بالصحة" دكحظ

[oum abderhmane]

انا شريت غير الفريك 2 كيلو عند نفس المحل لانها نوعية ممتازة و هذا الاسبوع نكمل الباقي ان شاء الله و رمضان يجيب خيره معاه اللهم بلغنا رمضان و رمضانكم كريم احلى نساء المنتدى

[oum abderhmane]

تحبوا تضحكوا عليا شريت حوايج العيد لاولادي الثلاثة ماشاء الله خرجت بالملاين دخلت بدوروا كلش غالي حاجة مليحة بديت باش نتهنى نلتا بالصلاة و العبادة و شغل بيتي و فطور و هذا الاسبوع مرضوا الاولاد و انا اخرهم مقدرتش تخرج نقضي انا نظفت البيت كله و لله الحمد نعاود ليلته حاجه خفيفة و الشغل ميخلاصش

[ام كمال]

اخواتي قولولي السنا كيفاش غادي نصو رمضان بلا ميمتي الله يرحمها

الله واكبر حبيبتى ان لله وان اليه راجعون
ربي يرحم ميمتك وتكون مع عباد الله الصالحين
والله اختى كى قريت واش كتبت صغرت الدنيا بين عيونى وتفكرت لى راحو البارح كانو معنا واليوم اصبحنا بلا بيهم بصح حنونتى هدا قدر الله عزوجل هم السابقون واحنا الحقون ننصح بالدعاء لامك يوميا هدا الشىء لى يعطيك الصبر ويريح ميمتك فى قبرها
ربي يبلغنا رمضان بالصحة والعافية ان لله وان اليه راجعون
ا
ربي يرحم امك ويوسع عليها اختاه


للـهـم عاملها بما انت اهله ولا تعاملها بما هي اهله .
اللـهـم اجزها عن الاحسان إحسانا وعن الأساءة عفواً وغفراناً.
اللـهـم إن كانت محسنة فزد من حسناتها , وإن كان مسيئاً فتجاوز عن سيئاتها .
اللـهـم ادخلها الجنة من غير مناقشة حساب ولا سابقة عذاب .
اللـهـم اّنسها في وحدتها وفي وحشتها وفي غربتها.
اللـهـم انزلها منزلاً مباركا وانت خير المنزلين .
اللـهـم انزلهامنازل الصديقين والشهداء والصالحين وحسن اولئك رفيقا .
اللـهـم اجعل قبرها روضة من رياض الجنة ,ولا تجعله حفرة من حفر النار .
اللـهـم افسح لها في قبرها مد بصره وافرش قبرها من فراش الجنة .
اللـهـم اعذها من عذاب القبر ,وجاف ِالارض عن جنبيها .

[ام كمال]

ما تضحكوش عليا انا لحد الان مزال ما شريت والو
رانى مع ميناج والاسبوع الجاي يوم الاحد باذن الله نشري واش يخصنى
وتانى نششرى ملابس للاولاد ما نحبش نخرج فى رمضان
للهم بلغنا رمضان غير فاقدين ولا مفقودين
اللهم إنا لك نعبد ولك نركع ونسجد وإياك ندعو ونحمد آمنا بك نرجو رحمتك ونخشى عذابك إن عذابك كان مَحْذُورا،
اللهم يا فارق الفرقان ومنزل القران خالق الإنسان عالم السر والإعلان. بارك اللهم لنا وللمسلمين في صوم شهر رمضان وأعنا فيه وفي غيره على الصيام والصلاة والقيام وعلى تلاوة القران، واقطع عنا حزب الشيطان وزحزحنا عن النيران، وامنن علينا بالتوبة والغفران والقبول والرضوان وحبب إلينا الإيمان وزينة في قلوبنا وكره إلينا الكفر والفسوق والعصيان، واسكنا اللهم الجنان وزوجنا من الحور العين الحسان واتنا من كل فاكهة زوجان في دارك دار السلام بمنك وفضلك وجودك وكرمك وإحسان لطفك يا ذا الجلال والإكرام، وارزقنا صيامه وقيامه وإتمامه وقبوله وتوفنا مع الإبرار، وصلى على سيدنا محمد سيد الأخيار.
اللهم بارك لنا في ما تبقى من شعبان وبلغنا رمضان.
اللهم ارزقنا صيام رمضان إيمانا واحتسابا يا كريم.
اللهم بلغنا رمضان، اللهم بلغنا رمضان، اللهم بلغنا رمضان، اللهم بلغنا رمضان أياما عديدة وأعواما مديدة.
... و صل و سلم و بارك على سيدنا محمد و على آل بيته الطاهرين
إعجاب · تعليق · مشاركة

[omkamel]

السلام عليكم ورحمة الله وبركاته اللهم بلغنا رمضان وبارك لنا فيه
احتى ام كمال بالعربية انا ام كمال بالفرونسى نضحك برك حبيت نقولك يا اختى بارك الله فيك على ردك الجميل ووالى كفى ووفى حتى انا هذا ما توشانى وقاسنى وقلت نشوف ونتصفح الردود منه ترد على المخلوقة وطيب قلبها بكليمة صادقة وقلت ضرك نجاوبها بصح الحمد لله لقيتك كفيتى وفيتى بارك الله فيك وربى يتغمد والدتها برحمة ويرزقها جنته ورضاه ويعطيها الصبر صدقينى الدمعة طاحت وتفكرت ميمتى ربى يخليللى ميمتى ويشفيها ويرحم والدينا والديكم ويرحم والدى ويدخله جنة الفردوس الاعلى يارب امين الهم بلغنا رمضان لافاقدين ولا مفقودين وشكرا ليك اختى
شكرالاختى تغاريد على الموضوع المهم رانا كامل ندوخو ونحصلو والرجال مساكن يقلقو من كثرة الطلبات مع السخانة هك كل وحدة توجد قائمة نتاعها بكرى وتهنيه من روح وارواح شكرا بالنسبة ليا وجدت جوايج نتاع كل يوم بقالى الفريك والنوابل وحوايج الطاجين الحلو خليتهم للسمانة الجاية وكذلك الدجاج والحم انشاء الله ربى يرزقنا حسن التدبير ويقدرنا عى صيام وقيام كما يحب ويرضى

[ام تقوى 34]

اللهم بلغنا رمضان

[medou medou]

اللهم بلغنا رمضان

[ام كمال]

السلام عليكم ورحمة الله وبركاته اللهم بلغنا رمضان وبارك لنا فيه
احتى ام كمال بالعربية انا ام كمال بالفرونسى نضحك برك حبيت نقولك يا اختى بارك الله فيك على ردك الجميل ووالى كفى ووفى حتى انا هذا ما توشانى وقاسنى وقلت نشوف ونتصفح الردود منه ترد على المخلوقة وطيب قلبها بكليمة صادقة وقلت ضرك نجاوبها بصح الحمد لله لقيتك كفيتى وفيتى بارك الله فيك وربى يتغمد والدتها برحمة ويرزقها جنته ورضاه ويعطيها الصبر صدقينى الدمعة طاحت وتفكرت ميمتى ربى يخليللى ميمتى ويشفيها ويرحم والدينا والديكم ويرحم والدى ويدخله جنة الفردوس الاعلى يارب امين الهم بلغنا رمضان لافاقدين ولا مفقودين وشكرا ليك اختى
شكرالاختى تغاريد على الموضوع المهم رانا كامل ندوخو ونحصلو والرجال مساكن يقلقو من كثرة الطلبات مع السخانة هك كل وحدة توجد قائمة نتاعها بكرى وتهنيه من روح وارواح شكرا بالنسبة ليا وجدت جوايج نتاع كل يوم بقالى الفريك والنوابل وحوايج الطاجين الحلو خليتهم للسمانة الجاية وكذلك الدجاج والحم انشاء الله ربى يرزقنا حسن التدبير ويقدرنا عى صيام وقيام كما يحب ويرضى

mh31::mh31::mh31::mh31::mh31::mh31::mh31::mh31:
اهلا بيك اختى ام كمال بالفرنسية :19::19::19::19: ربي يحفظك اختى وفيك بركة الحمد لله رانا كامل خوتات هنا فى هدا المنتدى لى علمنا اشباء كثير المحبة ولمة نساء وبنات نفيد ونستفيد من بعضنا البعض ونطيب خاطر كل وحدة مهمومة .
ونشكر الاخت صاحبة الموضوع جزاها الله خيرا وربي يبلغنا رمضان ويحفظ كل نساء المسلمات وازواجهم واولادهم واهليهم ويرحم موتنا ويشافى مرضنا امين يا رب العالمين

[شوق وحنين الى الجنة]

اللهم بلغنا رمصان يارب العالمين.

[lewan]

السلام عليكم
اختي Lewan فكرتيني في الحريرة انا تاني عجبتني بزاف كي كليتها وحبيت نديرها هاد رمضان ان شاء الله
التوابل تاعها تتباع هنا في العاصمة لكن صح ماشي كيما تاع وهران
وبالدشيشة خير من الفرينة
--
حبيت نعرف برك ادا الزعفران الحر فيه بنة مميزة مقارنة بالاضنطاعي؟؟؟؟

أختي أم تغاريد ما نكدبش عليك مازال مجربتوش لكن بالعين المجردة يعطي لون رائع وطبيعي للتحليات مثل فاون كراميل أظن أن الذوق سيكون كذلك.

[فاتي تيارت]

رمضان يجيب خيره معاه علاش هكا اللهم بلغنا رمضان

[mima adn]

بالنسبة للتجهيز لرمضان و للتعلب على المصاريف اشتري في كل مرة مواد التنظيف التي تكفي لكل الصيف من مساحيق و سايل الاواني ،مساحيق و سوايل لالة الغسيل ،جافيل ،معطرات للحمام و الارضيات و الجو ،بالاضافة الى معجون الاسنان ،الشمبوان و جل دوش ،و بذلك ارتاح من مصاريفها و اهتم بمصاريف رمضان و الصيف