زواجي في الهاوية

[مشكلتي]

السلام عليكم
حابة نحكي مشكلتي وهي زوجي ضربني وهذي مايش اول مرة المرة الاولى لاني زعفت من صاحب بباه وقتلو بخيل ضربني ومن بعد قالي اول واخر مرة وهذي المرة كنت نلعب معاه قصتو على وحد الجرح في فخضو وهربت وانا نضحك جرا ورايا وضربني وانا نطلب في السماج ونحلف بلي مانيش قاصدة وليت نبكي كي وجعتني الضربة ويدي ولات زرقة ولميت قشي ورايحة لدارنا مخلانيش ومن بعد حاوزني وقالي روحي بصح انا ما خرجتش من الدار وبقيت قلت ضرك يصالحني بصح زاد فيها ولا يعيط كلي مدار والو ومن قبل تاني حاوزني ولملي قشي وخرجني بصح دارنا قلبوني ومخلاونيش عندهم وقالولي كون يعاودها والله ما تزيدي ترجعي انا مانيش عارفة واش ندير نخبرهم ولالا لتني كرهت عامين زواج والله نادبلي راني نشوف الطلاق الحل الوحيد وزيذ كذاب وبلاعطي فوق اللاّزم كلش يخبيه عليا انصحوني ربي يخليكم والله راني في ضيقة منو نخبر اهلي ولالا وكيفاش نتصرف معاه

[0ibtissam]

ربي يفرج عليك اختي الضرب مهوش مليح ملزمش تسلكتلو لازم يحترمك خبر دركم يهدر معاه ويعرف بلي مركيش وحدك كاين ناس تخاف عليك ربي يهدي النفوس

[سرور2]

السلام عليكم اختي

اولا ربي يفرج عليك

ثانيا الاالضرب ميتسكتش عليه والله لملقى واحد وراك غير يولي كل دقيقة يضرب انتديري قيمة لروحك وقولي لداركم باش يوقفو معاك

ويعرفبلي مكيش وحدك

[خالد عنابي2]

حتى انتي ديري قيمة لروحك تاني ماتوصليش روحك

[mrmilano1984]

شوفي اغلب الزواج يكون فيه مشاكل وصراعات الله يهدينا كل العائلات الجزائرية راها في مشاكل قلة قليلة فقط عايشة في السعادة وراحة البال ربي يفرج عليكم

[mrmilano1984]

الله يهديك ياصاحبة الموضوع انتي كي طلقي ون راح تروحي تولي لداركم راكي تعرفي النتيجة والمفاجاة صح عندك مشاكل مع راجلك مي اتحملي هادو الامور والمشاكل يصراو كي يكونو صراحة بلا ماتزعفي الزوج مش متحاب تاع الصح صح من القلب للقلب لدا ماتحسيش هاديك المحبة بين الزوجين فقط يتزوجو من اجل الزواج وفقط وكي يحدث اي مشكل هدا مايسمح للاخر
لو زوج متحابين تاع الصح يتحداو كل شيء صدقيني

[sunshine2013]

السﻻم عليكم
ما قلتيناش أختي، زوجك عنيف من االبداية و ﻻ تغير بعد عامين من الزواج؟؟؟ إدا تغير ﻻزم تحاولي تعرفي السبب باش نلقاو الحل المناسب
عندكم أوﻻد؟؟؟

[yacine1921]

و سئلو أهل الذكر إن كنتم لا تعلمون .. ربنـا يهديه و يفتح عليك

[Wiam Baghiani]

ربي يكون معاك إن شاء الله

[YASMINE SILA]

ربي يفرج هميك ياااارب

[loubna 91]

ربي يفرج عليك اختي على حساب الهدره ما عندكمش لولاد ويلا ما كانش هكدا فلول بلاك الموضوع هدا بدلو لانو كاين رجال هكدا من الضغط و القلقه يرجعو عنيفين ربي يهديهم انتي حاولي تفهمي منو تبينيلو بلي هدا الضرب ما هوش مليح حاول تهدري مع واحد من عيلتو يحتارمو و شوفي

["" عماد الدين ""]

ربي يفرج عليك اختي

[staifia]

شوفي اختي والله يا الضرب وتسكتي عليه غير يوالف فيك خبري اهلك باش يتربى

[mrmilano1984]

ماعليش الاخوة فاش عجبتوني هنا انكم ولعيين ماتحثوش المرا علي الطلاق لانو حاجة عيانة صراحة في مجتمعنا ربي يهديه ويهدينا هدا ماكان

[youyou19]

ربي يفرج عليك

[Algam]

اصبري اختي اصبري وساعفي الراجل مادامه يكبر مادامه يستعقل

[ام احمد بلال]

السلام عليكم ورحمة الله وبركاته
حسب كلامك هو لم يضربك الا مرتين وكان هناك سبب لذلك اظن انك تعرفين زوجك وتعرفين ما يغضبه فلكما سنتان من الزواج تجنبي ما يغضبه
وحسب رايي لاتخبري اهلك الان لانك قلت انهم حلفوا ان لا يرجعوك مرة اخرى المشكل اننا دائما نرى الآخر مخطئا ونحن على حق انا لااقصد ان يحل مشاكله معك بالضرب ولكن فتشي في تصرفاتك ربما هناك شيئ ما يؤدي به الى ذلك وتفاديه
لمادا اصبحت كلمة طلاق سهلة جداعند اول العقبات نرى فيه الحل الوحيد هناك دائما حلول تسبق الوصول الى الطلاق لانه ابغض الحلال الى الله ارجو ان يهديك الله ويهديه لما فيه الخير لكما

[said1980]

ربي يفرج عليك أختي لكن نقولك حاجة ماتتقلقيش برك أستعملي معاه أسلوب الحوار وقوليلو لواكن جات اختك عند راجل ترضى يضربها وتجيكم مظلومة تصبر قوليلو هكذا والضرب موش مليح وشوفي إلى كان عندو ضغوطات نفسية خاصة من ماماه ولا من اخواتاتو إلى عنده ودعي في صلاتك ربي يصلح الأحوال

[fati 47]

ربي يفرج اختي

[غير هام]

ربي يفرج عليك والله يهدي راجلك

[قمرْ~]

أخت لازم تحبسيه عند حده لأن كل علاقة أساسها الاحترام ديري إستخارة والرقية وإدعي الله إلا كان من النوع إلي يفهم بالهدرة صارحيه وقوليلو بلي رآك ظالمني الضرب ماشي في كل شيئ لا خاطر هذه عشرة ماشي عقد عمل وإلا ما فهمش خبري أهلك وأهله لأنه إلا ماشافش حتى واحد معاك غادي يحقرك

[imane mina]

ربي يسهل امورك ويهنيك وديري في بالك كل مشكلة لها حل انشاء الله وكلي امرك لربي سبحانو

[Queen of myself]

اسمحيلي انت عايشة مع حيوان ممش مع اتسان روحي تطلقي ورجعي عمد واليدك معززة مكرمة احسن من العيشة هده تاع التمرميد

[bibicha]

ربي يفرج عليك