ماذا تقدمون للنفساء من اكل احب ارائكم

[نهلةن]

السلام عليكم بصراحة جاتني الفكرة من موضوع قريتو هنا لنجمة ساطعة عن فطور خالتها الي جاباتو لاختها لي ولدت بصراحة انا هنا قلت اكيد كل منطقة وعندها عاداتها وتقاليدها في الطعام الي تديه للمراة الي ولدت احنا في جهتنا نديرو العيش وكاين الي يقول البركوكس ومعاه الديسار والمشروبات وكيفية التقديم نحطو اول صحن للنافس ولازم يكون سخون وتاكلو حتي تعرق وهي في بلاصتها من السخانة تاعو نتمني من كل اخت تحكيلنا علي عاداتها :dj_17:

[ام نسمة]

سلام
حنا تاني كيف كيف نعطو للنافسة العيش سخون وتقنتة اللي هي الطمينة مع قهوة كحلة باش تمدلها الحليب لصغيرها

[نهلةن]

اسعدني مرورك احنا نقولو الزرير ماشي طمينة مخدوم بالروينة مرحي فيها المكسرات والحمص والعدس يدير لحليب للنافس

[أم عبد الله ياسين2]

أحنا شطيطحة جاج حارة و مع حرور النافسة و زيد طمينة مثقبة خبز فطير رشة كسكس القمح و البركوكس السردين

[la fleu r]

احنا نديرو بركوكس حااار بالتعمير و الطمينة