لا لتبذير في رمضان

[nadia38]

كلرمضانيات أخت رآه تحط الاستعدادات لرمضان و لكن أنا اقول لا لتبذير في رمضان أنا قبل عامين كنت ندخل للمطبخ تضل نطيب من بعد نقيس كلش ثم قررت ان لا اطبخ الا ما ناكل حقاً زوجي لا يأكل الا الحريرة و مورسو لحم و لا حاج المهم لا يأكل لوبي لا جلبانة لا كباب لا خضر محكية و ليت ما نطيبهمش الا احيانا عندما أشتهي ندير على حسابي طبق الحلو كيما مديرو يقعد في الثلاجة ومن بعد قررت ما نديروش علاه نطيب و من بعد نرمي الرجاء كل أخت ماتبقعديش طيبي و من بعد ترمي كل واحدة رآه عارفة واش ياكلو ما لي تطيب على حسابهم و الأكلات الي ما يكلمهم خلوهم من بعد رمضان و استمتعت بهم ان شاء أإله كل أخت تحمل شعار لا للرمي الأكل في رمضان الأكل رأوه غالي و شكرًا

[sunshine2013]

السﻻم عليكم
موافقة معاك أختي
كل واحد يطيب على حساب واش ياكل عﻻخطرش كاين اللي ياكل بسﻻمتو و كاين اللي كيما قلتي الحريرة و حاجة خفيفة
المهم الحساء ﻻزم السﻻطة بوراك و طبق خفيف و الديسار و السحور الطعام
مع التنويع في القائمة
ربي يحيينا و يوفقنا و يقدرنا

[ام نور الهدى 2014]

السلام عليكم
اكيد ﻻ للتبدير و ربة البيت الشاطرة تعرف كيفاه تطيب
مثﻻ انا زوجي كان متعود الصحور دايما طعام ماتنحيهولهمش و لي يفضل من الفطور كلو في المزبلة بلحمو بخضرتو حرااااام
عودتو يتصحر بتلجواز لي يبقى من الفطور
الشربة ندير تاع يومين او 3 و نسخن قيس ماناكلو برك و تبقى على حالها و تزيد تبنان
المقبﻻت ندير نهار على نهار لانو ما نكملوش في يوم واحد
و الديسير كيف كيف
و الله قلبي يتقطع عندما نروح لعند ناس و نشوفهم برمو كلشيييي و قالك ﻻزم الشربة يوميا و هوما و الله و تحطيهالو تاع سمانة ياكلها نورمال
ربي يهدينا و يهديهم و كل وحدة تعرف كيفاه تسير امورها و ان شاء الله ينقص التبدير و تفرغ شوي الحاويات تاع النفايات
تحياتي ^_"

[nadia38]

كنت نطيب القهوة يشرب زوجي فنجان و الباقي نقيسها قررت هدا العام ان شاء الله نشري النسكافي يدير على حساب ما يشرب

[halouma tita]

عنكم الحق لا للتبدير في رمضان
شوربة +(بوراك.كوكا.غراتان.....) +سلاطة+ديسار
طواجين(زيتون .جلبان.لوبيا....... ميشي كل يوم

[نهلةن]

عندكم الحق ان المبذرين كانو اخوة الشياطين لازم ميزانية وتدبير انا من رايي نديرو ورقة بكل ايام الشهر الفضيل ونكتبو واش راح نطيبو اذا كتب ربي مثلا اليوم الاول شرة وبوراك وسلاطة خفيفة مثلا سلاطة حشيش خاتر اليوم الاول مكانش فيه الماكلة وطاجين حلو ايسار ندير دلاع خاتر ينحي العطش وبصراحة هذاك هو سحوري .والسحور فلان وتمر وحليب للعائلة كامل .اليوم التاني الشربة كيما العادة انا ندير قيس غميقة قد قد مانطيش ولو طرف وكل يوم على هاذ الحال نطيب الجديد خاتر زوجي ماياكلش الصابح وفي نفس الوقت منرميش قلنا اليوم التاني منديرش بوراك ندير ماسيدوان و طاجين فرماج والكسرة صراحة يوميا والفلان للسحور مع شويا تمر وحليب وليغاست تاع الفطور .
وهكا كل يوم تدبيرة بلا تبذير اللهم بلغنا رمضان واعنا على قيام لياليه وختم القران اكثر من مرة واريد الاضافة ارجو ان تحضرو برنامج يومي للعباد وقاطعو التلفاز انه شهر فقط شهر مبارك في كل العام اما المسلسلات فلا تنقطع وهي مضيعة للوقت اللهم اهدنا جميعا لخير الاعمال.