ساعدووووووووني

[LILA LAMIS]

سلام
اريد ان اعرف فقط هل يمكن ان يخطيء الايكو في تحديد جنس المولود في الاسبوع 20 من الحمل اي بداية الشهر 5.....
ارجو ان تحكو تجاربكن او تجارب اخريات



انا في نظري ارى ان الايكو يعطي نتيجة اكيدة بداية من السادس والله اعلم.

[oprah]

السلام عليك
أنا صرالي نفس الموقف و نقدر نقلك ماشي الايكو يغلط بصح على حسب شطارة الطبيب
أنا في بداية الثالث قاتلي عندك طفلة و تماك خليتها على ربي بصح حسيت انو مازال الوقت باه يبان الجنس و خليت حتى قريب ندخل الخامس رحت عند طبيب مشهور
قعد يقلب فيا مدة طويله و قالي محبش يبان بصح من بعد قالي راني متأكد و ماشي متأكد قالي راني نشوف في طفلة بصح من جيهة تبانلي حاجه أخرى( يعني طفل) بصح قالي ممكن بزاف يكون الحبل السري
مصبرتش و قتلو أنت واش تحكم قالي كي تدخلي السادس ارواحي نتأكدو و قالي بالنسبه ليا نقولك 95 بالميه طفله
مكملتش أسبوع و قلبي مصبرش رحت طبيبه وحدوخرا و بلا منسقسيها وحدها قاتلي مدام عندك طفل و محبيتش نتأكد حتى وليت كل مره نروحلها و تاكدلي و حتى زاد طفل
أدعيلي ربي يحفظولي و يرزق كل الاخوات

[LILA LAMIS]

مشكورة اختي على الرد اتمنى ان يحفظ الله ولدك و يجعله من عباده الصالحين

[ام مريم الجزائرية]

الايكو يغلط حتى في الاسبوع الاخير من الحمل كل حاجة بيدي ربي

[ايمان2009]

يغلط اختي وقادر حتان تزيدي وتلقاي الجنس مخالف للي قالك عليه الطبيب ندعيلك ربي يثبت حملك ويجعله كامل الخلقة والخلق سليم معافى اما الجنس مايهمش كي الطفلة كي الطفل

[*نآدرة~]

لي ابنة خالة حدث معها هذا،،تخيلي مولودها انثى وحسبته الطبيبة ذكرا حتى ولدت

كنت سمعت مرة أن الحبل السري من يجعل الاطباء يخطئون في تحديد جنس المولود فقد يكون المولود انثى ويحسبه الطبيب ذكرا

حفظ الله اولادكم ورعاهم

[saraz09]

هدا على حساب كفاءة الطبيب مرات يتقلق في تحديد نوع الجنين وتم يغلط انا في بناتي الزوج ماغلطش الطبيبة بصح في هدا الحمل في بداية الرابع قالتلي طفل وسبحان الله جاتني نورمال يعني مافرحتش رغم اني عندي زوج بنات واحساسي كان يقول طفلة وكنت شبه متاكدة حتى اني خيرت الاسم (العلم عند الله لكن سبحان الله احساس الحامل في اغلب الاحيان يصدق من عند الله)وقعدت نقولها شوفي مليح انا تبالي الحبل السري ماشي كيما شايفة انتي وهي تضحك وتقولي طفل.كي كملت الخامس قالتلي عندك طفلة تم تبسمت وقولتلها هداك الحبل السري وهي ضربتلي ضحكة. بنت خالي وجدت كلشي وردي وفي الاخير جابت طفل
وفي النهاية الخلقة التامة هي اهم حاجة وربي يرزق كل محروم يارب

[bibicha]

يغلط في حالات على خساب كفاءة الطبيبة ولكن كون نجو للصح ياختي ربي وحدو لي يصور و عارف والش في الارحام طفلة ولا طفل السلاك و صفة الناس ان شاء الله

[LILA LAMIS]

سلام
اشكركن كثيرا على الاجابة
حفظكن الله.

[سماح 88]

الحمد لله لا اهتم كثير بما تقوله الطبيبة ولا اسال ان كنت احمل بنت او ولد المهم يكون البيبي سليم ومتكامل وارضى بما يهبني الله لانه ا وحده يصور ما في الارحام والبعض حرمو من هذه النعمة والمهم في السلامة

[مؤمنة 19]

الحمد لله لا اهتم كثير بما تقوله الطبيبة ولا اسال ان كنت احمل بنت او ولد المهم يكون البيبي سليم ومتكامل وارضى بما يهبني الله لانه ا وحده يصور ما في الارحام والبعض حرمو من هذه النعمة والمهم في السلامة

و الله يا اختي انا من الاعراض اعرف و اتاكد 100 بال100 من جنس مولودي لان الخبرة تلعب دور و يوجد فرق كبير بين حمل الولد و حمل البنت.

الال انه الecho وحده يثبت جنس الجنين و تقريبا نسبة الخطا 1 بالمئة