أمك هي السبب في طلاقك

[cgoumab6]

]بسم الله وبعد
قد يكون موضوعي هدا يطرح لاول مرة في منتدى الجلفة
موضوع اردت من خلاله ان استرسل في تعليقاتكم واراءكم القيمة
الكل يتكلم على الزوجة عجوزتها
فاليوم اردت ان اتكلم على ام الزوجة ومامدى تاتيرها في حياة ابنتها
وانا ارى ان ام الزوجة لها من التاتير لدرجة كبيرة جدا في تعاسة ابنتها او هناءها
كيف دلك :
نحن نعلم ان امكي اختي الغالية تعتبر الحضن الدافئ فاي مشكلة تحدت لكي مع زوجكي او اهل زوجي تبوحين لها بكل شئ
وهنا النقطة الفاصلة مادوركي انتي ام الزوجة
لايخفى علينا ان امكي بعد ان تبوحين لها بمشكلتكي لن تتمالك اعصابها وتفقدها في الحين ماينجر عنه من مشاكل اخرى تعقد الأمور
من الصعب او من المستحيل ان تجد ام الوجة لا تنصف ابنتها بل تقف معاها وبجانبها ولو تعلم انها مخطئة
فالننظر الى الأمور بواقعية مشكلة بسيطة جدااا بين الزوجة وام زوجها تتحول بالحديث الى امها مشكلة كبيرة وعويصة وانكي حسب راي امكي محقورة ومسكينة وووووو
مشكلة بينكي وبين زوجكي في امور تافهة تتحول الى مشكلة لا يمكن حلها ابدا بل حلها لبد ان يتطلب حسب راي امكي ان تجعليه خاتما في اصبعكي ووو
اختي الغالية في كثير من الأحيان وحسب دراستي للموضوع من حيت الواقع المعيش وجدت ان امكي لها من القسط الكبير في جعلكي تعيشين حياة زوجية سعيدة او تعيسة
فليس كل ماتقله امكي حق بل في كثير من الأحيان تكون مخطئة لانها لن ولم تسمع الى لطرف واحد وهو انتي ولكونكي ابنتها فلكي الحق رغم انكي ممكن تكونيني مخطئة
فلكل ام زوجة ارجكي حاولي ان تكوني مفتاح السعادة لابنتكي
تقبلو مروري
اخوكم هشام[/font]

[راني مخرجي]

فى الأول كي قريت العنوان تشوكيت و كي كملت قريت الموضوع لقيت فيه حقيقة بنسبة 50/100 على خاطر صح كاين أمهات مشاء الله مي كاين أمهات .....

فى الحقيقة هذا موضوع لايوجد تعليق عليه على خاطر هذي الأم بلاصتها وحدها و ماشي من حقنا نحكوو عليها.فالطفلة كي تمدلها قرار أمها ممكن يكون لصالحها فتتقبله و اذا شافت بلي راح يهلكها توعي امها و تقولها بلي ماشي هاك و كذا و كذا

[ألاء-]

لازم المراة تشوف هي وش يخرج عليها بغض النظر عن نصيحة عاءلتها بمقابل الزوج ايظا يتخذ قراراته دون تدخل عاءلته
لان هاته المشاكل هي التي دمرت عشرات العاءلات الجزائرية

[chouchou w]

السلام عليكم الحمد لله امي لاتتدخل لامن قريب ولا من بعيد بالعكس اكون ضلمني زوجي وهي لتردني لطريق


صخيح ماقلت با اخي الام لها دور فعال في حياتي ابنتها شكرا علي الموضوع

[optimism]

السلام عليكم
امي سبب طلاقي ؟؟؟؟
حقيقة تقال ,,,,,,,,,,,والام بطبيعتها تقف مع بنتها ظالمة او مظلومة,,,,,,,,,,,,وبعد طلاق ,,,,تصبح تتكلم البنت عن وضعها بموضوعية ,,,,وهنا ,,,,,ولكن هي شماعة للبنت تعلق عليها فشلها
لذلك على كل شخص يتحمل مسؤولية اختياره وقراره ,,,,,,,,ولايحمل الاخر ,,,,,,في طالعة ونازلة
سلام

[كاميلا]

]بسم الله وبعد
قد يكون موضوعي هدا يطرح لاول مرة في منتدى الجلفة
موضوع اردت من خلاله ان استرسل في تعليقاتكم واراءكم القيمة
الكل يتكلم على الزوجة عجوزتها
فاليوم اردت ان اتكلم على ام الزوجة ومامدى تاتيرها في حياة ابنتها
وانا ارى ان ام الزوجة لها من التاتير لدرجة كبيرة جدا في تعاسة ابنتها او هناءها
كيف دلك :
نحن نعلم ان امكي اختي الغالية تعتبر الحضن الدافئ فاي مشكلة تحدت لكي مع زوجكي او اهل زوجي تبوحين لها بكل شئ
وهنا النقطة الفاصلة مادوركي انتي ام الزوجة
لايخفى علينا ان امكي بعد ان تبوحين لها بمشكلتكي لن تتمالك اعصابها وتفقدها في الحين ماينجر عنه من مشاكل اخرى تعقد الأمور
من الصعب او من المستحيل ان تجد ام الوجة لا تنصف ابنتها بل تقف معاها وبجانبها ولو تعلم انها مخطئة
فالننظر الى الأمور بواقعية مشكلة بسيطة جدااا بين الزوجة وام زوجها تتحول بالحديث الى امها مشكلة كبيرة وعويصة وانكي حسب راي امكي محقورة ومسكينة وووووو
مشكلة بينكي وبين زوجكي في امور تافهة تتحول الى مشكلة لا يمكن حلها ابدا بل حلها لبد ان يتطلب حسب راي امكي ان تجعليه خاتما في اصبعكي ووو
اختي الغالية في كثير من الأحيان وحسب دراستي للموضوع من حيت الواقع المعيش وجدت ان امكي لها من القسط الكبير في جعلكي تعيشين حياة زوجية سعيدة او تعيسة
فليس كل ماتقله امكي حق بل في كثير من الأحيان تكون مخطئة لانها لن ولم تسمع الى لطرف واحد وهو انتي ولكونكي ابنتها فلكي الحق رغم انكي ممكن تكونيني مخطئة
فلكل ام زوجة ارجكي حاولي ان تكوني مفتاح السعادة لابنتكي
تقبلو مروري
اخوكم هشام[/font]



امكي وامك يا عمي نسيت العجوزة واش دير ؟ كي تتناول مواضيع حساسة كيما هكدا تناولها من كل الجوانب الامهات كامل بصفة عامة نسيبة او عجوزة خرايبهم كبيرة ميحشموش بالعربية
والمشكلة يا اخي مش هنا المشكلة في الزوجة والزوج علاش نغطيو الشمس بالغربال علاش اصلا يروحوا يحكيو مشاكلهم الاهل يتدخلوا في المشاكل الكبيرة كمثلا خيانة زوجية او او او مش في اشياء يمكن حلها بين الزوج وزوجته
لذلك يا عمي لاهي تحكي لامها لا هو يحكي لامه

[*ام عبد الكريم*]

اوافق الاخت كاميلا
حتى لعجو ز راهي نسيبة و مزوجة بناتها
و تقبل على بنت الناس ما لا تقبله على بناتها !!!!!!!
و هذه حقيقة و لهذا من حق الام ان تدافع عن بنتها اذا شفتها مظلومة
علاه كي يصيب بنتها مشكل كبير ما تخلي ما تبقي و ساعات تنصح بنتها بهجر البيت الزوجية و كي يتعلق الامر بكنتها تقوللها معليش اصبري برك
و لكن لكن لكن من المفروض المشاكل الزوجية تبقى في غرفة النوم لان اذا دخل طرف ثالث خلاص المشكل و لو صغير يكبر
تحياتي و شكرا على الموضوع

[كاميلا]

اوافق الاخت كاميلا
حتى لعجو ز راهي نسيبة و مزوجة بناتها
و تقبل على بنت الناس ما لا تقبله على بناتها !!!!!!!
و هذه حقيقة و لهذا من حق الام ان تدافع عن بنتها اذا شفتها مظلومة
علاه كي يصيب بنتها مشكل كبير ما تخلي ما تبقي و ساعات تنصح بنتها بهجر البيت الزوجية و كي يتعلق الامر بكنتها تقوللها معليش اصبري برك
و لكن لكن لكن من المفروض المشاكل الزوجية تبقى في غرفة النوم لان اذا دخل طرف ثالث خلاص المشكل و لو صغير يكبر
تحياتي و شكرا على الموضوع

مفهمتش هاد المجتمع وين رايح وين لا عقل لا شرع لا منطق لا والو امها تطلق وامه مطلقش يخي في زوج نسا ؟ والا كي تعود من جهة الراجل منزهة حسبنا الله ونعم الوكيل

[solis]

انا نقولكم المشكل وين راهو المشكل في الزوج اللي ما عندوش شخصية مايقدر يواجه لا امو لا مرتو لو كان هو يعرف كيفاه يتصرف مع مرتو و يوضع حد لامو باش ما تدخلش في حياته الزوجية مايكونوش مشاكل و ماتظطرش المراة تحكي لمها و هي وزهرها على حساب امها تنصحها ترجع لدارها و لا تهجرها

[Algam]

موضع رائع جداا وهنالك تجربة رأيتها بعيناي لأحد افراد عائلتي طلق زوجته وسبب الطلاق كان أم الزوجة

[sarl02]

قلتها واعيدها ...انتم خلقتم من ضلعنا وابتلينا بكم ليوم الدين....الله غالب واش نديرو راح انديرو.....وفق الله الجميع.

[hodayena]

شخصية الزوج هي الاساس الزوج بيده العصمة والقوامة نهار يحب يطلق مكلاه يقول يما ادا كانت شخصية تقوية يعرف يحل المشكل اما ادا مهزوز الشخصية اكيد راح يتهرب من المسؤلية ربي يهدينا

[مديحة .]

السلام عليكم ورحمة الله وبركاته
نمدلكم رايي في الموضوع واتكلم بالنسبة ليا انا انا امي الله يرحمها توفت وحتى واحد ماراه يتدخل في حياتنا من جهة عائلتي بصح بالنسبة للزوج هادي امو من جهة واخواتو البنات من جهة ثانية هاذي المرا جبتوها من الطريق ولا كيفاه راكوم شايفينها بلا مواليها بصح ماتنساوش كما تدين تدان الإنسان الواعي والرجل الصالح والللي صح يحب يماه يوريلها الطريق الصحيح مارانيش نقولك يماك دايما غالطة بصح كيما تساعف يماك ساعف مرتك وقولها يا يما هاذي بنت الناس ياك انا جبتها ورضيتي عليها ياسيدي حتى لو انك مارضيتيش بصح انا وليدك احترميني شوي والرجل اللي عندو شخصية ويحكم بالعدل يقولها يا يما ماتدخلينيش في الشيء نتاع النساوكذلك بالنسبة لمرتو
وشكرا على الموضوع

[سيرين 5]

أنا وحدة نحكي ليما تقولي ما تعمريش راسك بيهم تمرضي غير روحك ياك راكي في دارك الفوق ما تخلطيش معاهم أجبدي روحك بصح يمات راجلك طيبي و بعتيلها و مرة على مرة أشريلها جبة، بليغة....
بصح ما نقدرش ما نزعفش علاجال ما راهش البلا يجيني من شخص واحد أو أثنين أو ثلاثة راهم في عرش كي كل وحدة ترميلي هدرة ولا تقابحني عيناني شحال نعيا نصبر و ما نرجعش و نخلي في قلبي ؟؟؟ وحدة من البنات العام تكمل قرايتها في الجامعة قاتلي هاذيك الطفلة (على بنتي مازل ما زادتش) ما نهزها ما نبوسها و بقات غير تعاود فيها قدام راجلي و قدام العجوزة و قدام خالتها الكبيرة (كانت ضيفة) ، رجعتلها و قلتلها التربية خارجة على وذنيك ؟ يعين ماشي مربية العجوزة غاضها الحال قالت أنا لي ربيتها تسما قاستني أنا بالهدرة هادي ؟؟؟ لوكان سكتتها العجوزة ما نرجعلها أنا الهدرة.

[rahma nour]

اخت سيرين5 ربي يكون في عونك باين عليك ناس ملاح من هدرتك و باين راكي تسوفري مي ما قلتيناش راي راجلك في كل هذا الحالة الي راكي فيها

[سيرين 5]

اخت سيرين5 ربي يكون في عونك باين عليك ناس ملاح من هدرتك و باين راكي تسوفري مي ما قلتيناش راي راجلك في كل هذا الحالة الي راكي فيها

راجلي غاضني علاجال راه ضاع بيناتنا كي قلتلو يماك حاوزتني مدتلي المحاجب و قاتلي هاكي و بالسلامة ؟ قالي واش ندير دوك نهبط يحكولي فيرسيون وحدوخرا ؟ قلتلو ما حكيتلكش باش تهبط تقولهم أنا وكلت عليهم ربي سبحانو . باش برك كي تقولك يماك ما رانيش نهبط لعندها تكون علابالك علاه ما رانيش نهبط ؟
و كنت نحكيلو كلش مام هو كي يجي يلقاني ماشي مليحة يسقسينس يقولي واش بيك أحكيلي كي ما تحكيليش ليا لمن تحكي ؟ كان يدافع عليا بصح مع الوقت عادو يشدوه و يعمرولو راسو و يقولولو هي لي تزعف من كل حاجة و موسوسة وووو ... وبالاك حاجات وحدوخرين ما علاباليش بيهم
وليت ما نحكيلوش غير كي تكون حاجة كبيرة و ماشي باش يهبط يحاسبهم ولا يجيبلي حقي اصلا هو كره و عاد غير يقولي أصبري أصبري أصبري ... مالا راني صابرة علاجال شفت بلي كي راجلي ياخذ موقف كي يحقروني و ما يحبش عليا يماه تلعبها مريضة و ما تحبش تهدر معاه هو يولي مقلق و حزين (علاجال راجلي ضحايكي يبقى غير يقصر و يضحك و كي يزعف يتكمش و يبقى ساكت والله يغيضني) نطيب كاش حاجة و نهبطهالها غير باش ترضى عليه و ما يحزنش ما وليتش نحكيلو غير للضرورة أو بالأحرا وليت نتصرف مثلا من قبل صرالي مشكل معاهم علاجال قلتلو بلي راهم يطلعو في غيابنا و يقلبو نلقى الآثار و لقيت حاجات ناقصين و حاجات ماشي في بلاصتهم ... هو هبط قالهم نكرو و دارتلي حالة يماه كيفاش لي اتهمتهم بحاجة كيما هاذي؟؟؟ أنا راني متأكدة بلي راهم يطلعو و ما اتهمت حتى واحد و عندي الأدلة بصح أنا ما كنتش حابة و نواجههم غير راجلي لي راح يهدر و وصيتو ما تهدرش ديرلي مشكل معاهم ؟ بصح هو هدر و طلعت أنا الغالطة مدة قصيرة بعدها ما مسو حتى حاجة بصح لي فيه طبيعة ما ينطبع ؟ عاودو ولاو يقلبو ، يرفدو، يمسو الحاجة لي خاطيهم رفدت كل حاجة تحت البوطاجي فرينة ، سميد ، سكر .... و درتلهم بلاصة في البلاكات تاع الفراش في الكولوار و زدت بعد الضربة تاع المعجون لي خدمتو هذاك النهار بالجمعة غسلت الفريجيدار و سيقت الكوزينة و طيبت الفطور و طيبت المعجون تاع الفريزة و مور الجمعة خرجنا أنا وراجلي و كي ولينا العشيا لقيت الأرض تتلاسق حليت الفريجيدار لقيت الباب معمرة معجون و زوج بلارات ناقصين و الثالثة ماشي هي مبدلة ؟؟؟ زعفت زعفت زعفت باسكو ظهري تقسم في الشغل و حتى واحد ما يعاوني و نزيد نلقى الدنا تتلاسق و واحد ما قالي كاش حاجة كي شغل أنا بهلولة ما نعرفش البلارات لي فرغت فيها المعجون ؟؟؟؟ قلتلو لراجلي أرواح تشوف بعينك ياك شفتني سيقت و غسلت الفريجيدار قبل ما نخرج علاش يدناو لحاجة لي خاطيتهم ؟؟؟ هو تبهدل في بلاصتهم والله العظيم ؟؟؟ قلتلو ما تروحش تقولهم يا رحم باباك خليني أنا ندبر راسي ؟؟؟ من داك الغدوا خرجت الصباح و كي عاودت دخلت عندهم للكوزينة لقيتهم حاطين المعجون يستقهواو بيه ؟؟؟ حشمت نهدر أقسم بالله غير حشمت نهدر ؟؟؟ سنيتهم هوما يهدرو ما هدروشجابت هدرة على الحاجات لي ما تلقوش في الدار انسرقو يعني ؟؟؟ ضحكت و قلتلها الدار هاذي راهي تبلع ؟؟؟ خزرت في بنتها على الهدرة تاعي ما عجبتهمش ؟ من بعد و حتى خلاصت الهدرة باش قالتلي العجوزة البارح الدراري طلعو سرقولك شوية معجون تاع الفريزة ؟؟؟ قلتلها ما صبروش حتى نبعتلهم ؟؟؟ الخدمة هاذيك ماشي تاع دراري صغار خدمة تاع دراري كبار ؟ كي سقساني راجلي اذا هدرتلهم قلتلو ما قدرتش نسقسي ؟ المهم جيبلي زوج كيلو فريزة ، خدمت ليا كيلو وحداخر و خدمت للعجوزة كيلو ليها و للدراري سواء صغار أو كبار ؟؟؟ و من هذاك النهار وليت نغلق الثلاجة بالمفتاح. و ان شاء الله ما نطولش و ندير باب في الكوزينة و نبدل مفتاح بيتي ان شاء الله. قررت ما نزيدش نهدر كل ما تصرالي حاجة نتصرف ؟
البارح برك كنت طالعة لداري لقيت لوستي هابطة من الطابق تاعي مستها بالخير خزرت في الكوزينة لقيت السناسل لي الباب يتحركو يعني خرجت منها ؟ واش كانت دير تما ؟؟؟ كانت تحوس كاش حاجة تاكلها ؟ ولا توقب واش كاين في الزبل مثلا ؟ واش شرينا و ما شريناش ؟ نقيت داري ولا لالا ؟؟؟ والله لوكان كانت ماشي متزوجة نعذرها ؟؟؟ متزوجة و عندها طفل و طفلة و عايشة عند يماها و راجلها يجي كل يوم ؟؟؟ ياك عندها حياتها الخاصة علاه لاتية بيا ؟؟؟؟ لحقت راحت لراجلي قاتلو قول لمرتك تسيق الأرض مغبرة ؟؟؟ و راجلي ما قاليش ؟؟؟ والله و قالي غير نوريلها و نحطها عند حدها لا عمباتلها حشمت منهم ما هدرتش عباتلهم يعفسوني ؟؟؟ بصح تزيد تجيب هدرة فهاد السياق نسمعهوملها أقسم بالله غير نحطهوملها ؟؟؟ أنا الحمد لله نعرف روحي واش نسوا إذا كنت معفونة ولا نقية ؟ حكمت عليا و أنا أونسانت قريب أجهضت حتى ضربت البروجيستيرون و عطاتني الطبيبة مالادي غير كملتهم زدت طحت مريضة بالحمى من المرض ما خرجتش من لي رفد و أنا طايحة فراش كل شهر على الأقل نروح للطبيبة مرتين ؟ و ما طلبت مساعدة من حتى وحدة فيهم دبرت راسي وحدي طيبت و أنا نتوحم و خدمت شغلي و يما كل ما نروح لدارنا تعمري الماكلة بالزيادة تقولي باش طيبيش ريحي، مرة جات العجوزة و قاتلي كون حبيت فيك ما نخليكش تجيبي لوليدي ماكلة من داركم دبري راسك كيفاه ديريهالو هنا ؟؟؟ و هي نسابها داخلين خارجين وخلي حق فلان و حق فلتان و هوما والله والله والله ما يمدو غير نشم برك و كل يوم نعرف واش طيبو من ريحة الماكلة شميت ريحة الحوت، شميت ريحة الكبدة، شميت ريحة الخفاف ... والله ما طاحتلي غير الخفاف بعت راجلي الصباح هبط جابنا زوج حبات و كي كنا رايحين للخدمة قلتلها يعطيك الصحة الخفاف جا على قلبي بعد مدة تمننت عليا قاتلي حبيتي الخفاف درنالك الخفاف ؟؟؟؟ والله راسك يحبس معاهم ؟؟؟ كيما تجيهم يجيوك ؟؟؟ عييت ما رحمونيش كي نتوحم و ما رحمونيش كي قريب أجهضت و ما رحمونيش كي راني بلاطونسيون و راهي هددتني قاتلي راكي تولدي و تقعدي وحدك ؟؟؟ علابيها لقيتيني نخمم نروح لدارنا نهار نزيد بربي ان شاء الله . نخاف نبقة وحدي تما يمرضوني في نفاسي تاني . هو وليدهم بصح أنا نطلع للسما نهبط للأرض نبقى بنت الناس لازم تطلع ترخسني تهبط ترخسني و ما لازمش نزعف لازم نضحك ؟؟؟
قد ما نحكي واش دارولي و مازالو يديرولي قليل نوكل عليهم ربي حسبي الله و نعم الوكيل ما خلاونيش نستغل بنتي تكبر في كرشي زعفوني بكاوني مرضوني عيشوني في التقلاق ربي وكيلهم لحقت العجوزة من شهري الأول هددتني بالطلاق علاجال زعفت من كلام قالتهولي رخستني بيه هكذاك و رحت أنا نطلب السماح منها قاتلي أنا وليدي نقولو موت يموت في الشوكة غير أنا ما نحبش الخسارة ؟؟؟ حسبي الله و نعم الوكيل، صدقوني مانيش نقدر نسامحا على تهديداتها هاذو عاودتها شحال من خطرة ، والله ماني قادرة ننساهم ولا نسامحها عليهم ؟؟؟ ما وليتش نحب نشوفها. المرأة كي تروح تزيد ما علابالهاش إذا راح تعيش ولا تموت بصح راني نخمم ندعي عليهم كي نكون راح نزيد حتى و إذا كان آخر كلامي حسبي الله و نعم الوكيل.

[rahma nour]

يا اخت سيرين و الله عجز لساني عن القول يعني كاين عباد كيما هكذا ؟؟؟يا اختي ربي راهوا شايف ادعي ربي يفرج عليك دعاء الليل مستجاب يمكن ربي يهديها وزيد علاش ما تخرجيش بدار ك بعيد عليهم هكذا ديما ديما يخف عليك شوي الحال ماشي كل يوم طالعة تشوفي فيهم هابطة تشوفي
اختي تعاني من نفس مشكلك و الله عجوزتها تقول عجوزتك دارتلها لاطونسيون بالرغم انها ساكنة وحدها وو ما جيهاش بزاف بصح كي تجي تقول قعدت معها الدهر كل لو زيد كي تجي و تبقا معاها سمانة تمرضها على الصح و مالازمش تهدر على لول كانت اختي غير تقول نسكت و ما نردش عليها بشوي بشوي ولات بالاطونسيون نتاع القلب بصح اختي ما حملتش و عادت ترد عليها في كل كلمة و ما يهمها حتى واحد
يا اختي ربي يكون في عونك و يهدي ما خلق اكثري من الدعاء لان الله هو المجيب

[سيرين 5]

يا اخت سيرين و الله عجز لساني عن القول يعني كاين عباد كيما هكذا ؟؟؟يا اختي ربي راهوا شايف ادعي ربي يفرج عليك دعاء الليل مستجاب يمكن ربي يهديها وزيد علاش ما تخرجيش بدار ك بعيد عليهم هكذا ديما ديما يخف عليك شوي الحال ماشي كل يوم طالعة تشوفي فيهم هابطة تشوفي
اختي تعاني من نفس مشكلك و الله عجوزتها تقول عجوزتك دارتلها لاطونسيون بالرغم انها ساكنة وحدها وو ما جيهاش بزاف بصح كي تجي تقول قعدت معها الدهر كل لو زيد كي تجي و تبقا معاها سمانة تمرضها على الصح و مالازمش تهدر على لول كانت اختي غير تقول نسكت و ما نردش عليها بشوي بشوي ولات بالاطونسيون نتاع القلب بصح اختي ما حملتش و عادت ترد عليها في كل كلمة و ما يهمها حتى واحد
يا اختي ربي يكون في عونك و يهدي ما خلق اكثري من الدعاء لان الله هو المجيب

كاين يا رحمة و كاين ما كثر الحمد لله ما جيتش مرميطة وحدة معاهم أتخيلي لوكان جيت نطيب و ناكل معاهم ؟؟؟؟ جربت شحال من خطرة قاتلي ما تزيديش طيبي كولو معانا ، أنا لي ما حبيتش ؟؟؟ و قبل رمضان قالي راجلي نجوزو رمضان التحت ما طيبيش قلتلو لالا هذي جامي تصرا ان شاء الله ؟؟؟ هوما كي جاو يخطبو قالو طابق وحدو بصح ما قالوش بلي الطابق مفتوح لازم نجوز عليهم خالوطة دار وحدة حتى ضيافي ما يقدروش يجو لعندي علاجال محتمة يجوزو عليهم لا دارنا لا فاميلتي ما نقدر نستقبل حتى واحد في هذيك الدار ؟؟؟
حتى يفرج ربي ان شاء الله و توجد السكنة تاع aadl هو مع القدم بربي ان شاء الله رانا نسناو فيها بفارغ الصبر ؟؟؟؟
ربي معاها اختك و معانا كامل ان شاء الله ربي يفرج علينا في القريب العاجل...

[rahma nour]

انشاء الله ربي يفرج عليك امليح انو عندك سكنة تستناي توجد ان شاء الله على الاقل عندك امل انك راح تخرجي من هذيك الدار و من الافضل انك تقلي الاختلاط بيهم و اصبري مادام راجلك معاك الدنيا و ما فيها و فكري في بنتك اللي جاية و راهي غير تتفر فيك دايما تجنبيهم و ربي يفرج عليك و على كل وحدة تعاني كيفك واحد ما يحس بواحد غير اللي عايش كيفك

[كاميلا]

اذكر كلمة حماة او كنة لتظهر لك الاخت رحمة نور ههههههههههههههه

[أثيلة]

اصبت في قرارك نوعا ما و من جهة ثانية ليس دائما تكون كذلك فهناك امهات هن من يقلت لابنتهن ان يتشبثن بالزوج

[سيرين 5]

انشاء الله ربي يفرج عليك امليح انو عندك سكنة تستناي توجد ان شاء الله على الاقل عندك امل انك راح تخرجي من هذيك الدار و من الافضل انك تقلي الاختلاط بيهم و اصبري مادام راجلك معاك الدنيا و ما فيها و فكري في بنتك اللي جاية و راهي غير تتفر فيك دايما تجنبيهم و ربي يفرج عليك و على كل وحدة تعاني كيفك واحد ما يحس بواحد غير اللي عايش كيفك

آمين يا رب العالمين ، هذا واش راني ندير جابدة روحي قد ما نقدر و هذا لي راه مغزلها العجوزة مني كون تصيب تقعدني قدامها و ترخسني و أنا نضحك ؟؟؟ ربي يجيب ساعة الخير و خلاص ؟؟؟

[rahma nour]

اذكر كلمة حماة او كنة لتظهر لك الاخت رحمة نور ههههههههههههههه

ليس اكثر منك عجوزتك لا تفارق مواضيعك او ردودك كيما انتي ضايقة مرارة العجوز كاين الي ضايق مرارة الكنة ربي يهدينا هذا ما نقول

[كاميلا]

ليس اكثر منك عجوزتك لا تفارق مواضيعك او ردودك كيما انتي ضايقة مرارة العجوز كاين الي ضايق مرارة الكنة ربي يهدينا هذا ما نقول

اذا اذكر كلمة عجوزة فتظهر لك كاميلا هههههههههههههههه

[soulafe]

رني حاسة بيك يا سيرين انا تاني راني عايشة مع ناس البيت يعني كوزينة واحدة و مازال مادارش علي 4 اشهر على زواجي و راهي غير تحرش في وليدها و تقولة مرتك ماتخدم والا مرتك ستوسة.................الخ حتى وين قولتلو اديني دارنا نريح في الثلث عيد مازاني حتى اليوم في دارنا و ماعيطلي ما حوس عليا قولولي واش اندير يرحم والديكم عيطلوا 2 مرات و مارفدش علي
.

[همس المشاعر*]

الحمد لله ماما ماكانش كيفها في هاد الدنيا الله يخليهالي ...ديفوا تصرا لي مشكل مع راجلي دايمن تجي معاه وتقولي روحي لدارك حتى لوكان يكون غالط...وحتى بابا يقولي ..لقيتي راجل خير من راجلك ..ديما يشكروه.....بصح عجوزتي كي يصرا مشكل مع ولادها وكناينها تدخل وتقوليهم طلقو طلقو الله يهديها ..بصح انا بعيده عليهم psq..انا مانخليهاش تدخل في حياتي ..بصح كي نكون مهمومه ولا مغمومه نحكي لماما نرتاح .....خطره سلفتي المسكينه لي ساكنه مع عجوزتي كرهت حبت تروح لدار بنت خالتها وراجلها داها ...وكي جات عجوزتي ومالقاتهاش دارت حيحايه ..وكي جات سلفتي طرطدتها وقاتليها روحي لداركم ..انا ما عنديش كناين يروحو لدار الرجال ...يا عجبا ..طردتها وهي راحت بخبر راجلها ..وكي راحت سلفتي لدارهم عجوزتي قالت لولدها طلقها ...(كلشي بسباب العقرب الصفره نتاع خت راجلي البايره).ولخرا حبت طلقها psd دابزت مع راجلها ودات بنتها وكابتها وراحت لدار باباها ...ولخرا كانت بالحمل وماقدرتش تخدم ..دابزت مع خت راجلي ..وكي جات عجوزتي قالت لولدها طلقها طلقها..الله يهديها ...انا من رايي كاين بزاف عجايز يغيرو من كناينهم وهدا هو المشكل

[صبرينة لوتس]

السلام عليكم

يكفيك مشاهدة فيلم "امرأتان " مع الممثل عثمان عريوات " فهو يجسد موضوعك بكل واقعية .

سلام

[صبرينة لوتس]

الحمد لله ماما ماكانش كيفها في هاد الدنيا الله يخليهالي ...ديفوا تصرا لي مشكل مع راجلي دايمن تجي معاه وتقولي روحي لدارك حتى لوكان يكون غالط...وحتى بابا يقولي ..لقيتي راجل خير من راجلك ..ديما يشكروه.....بصح عجوزتي كي يصرا مشكل مع ولادها وكناينها تدخل وتقوليهم طلقو طلقو الله يهديها ..بصح انا بعيده عليهم psq..انا مانخليهاش تدخل في حياتي ..بصح كي نكون مهمومه ولا مغمومه نحكي لماما نرتاح .....خطره سلفتي المسكينه لي ساكنه مع عجوزتي كرهت حبت تروح لدار بنت خالتها وراجلها داها ...وكي جات عجوزتي ومالقاتهاش دارت حيحايه ..وكي جات سلفتي طرطدتها وقاتليها روحي لداركم ..انا ما عنديش كناين يروحو لدار الرجال ...يا عجبا ..طردتها وهي راحت بخبر راجلها ..وكي راحت سلفتي لدارهم عجوزتي قالت لولدها طلقها ...(كلشي بسباب العقرب الصفره نتاع خت راجلي البايره).ولخرا حبت طلقها psd دابزت مع راجلها ودات بنتها وكابتها وراحت لدار باباها ...ولخرا كانت بالحمل وماقدرتش تخدم ..دابزت مع خت راجلي ..وكي جات عجوزتي قالت لولدها طلقها طلقها..الله يهديها ...انا من رايي كاين بزاف عجايز يغيرو من كناينهم وهدا هو المشكل

السلام عليكم

أهلا عزيزتي أريدك أن تتحفينا بموضوع جميل عن الكنة وأم الزوج بطريقتك المرحة ونعطيك رأينا لكن ليس بهذه الطريقة والتي تبدو كأنها افشاء لأسرار البيوت وهذا لا يجوز شرعا .

أرجو أن تتقبلي نصيحة اخت لاختها .

أنا في انتظار موضوعك ولا تنسي ان تلمحي لهذه القصة من بعيد دون ذكر الأشخاص واعطيه لمستك الخاصة .

بالتوفيق

[همس المشاعر*]

السلام عليكم

أهلا عزيزتي أريدك أن تتحفينا بموضوع جميل عن الكنة وأم الزوج بطريقتك المرحة ونعطيك رأينا لكن ليس بهذه الطريقة والتي تبدو كأنها افشاء لأسرار البيوت وهذا لا يجوز شرعا .

أرجو أن تتقبلي نصيحة اخت لاختها .

أنا في انتظار موضوعك ولا تنسي ان تلمحي لهذه القصة من بعيد دون ذكر الأشخاص واعطيه لمستك الخاصة .

بالتوفيق

والله ضحكتيني يا ملك...والله ما كان قصدي ..والله لوكان تعرفي قلبي شحال يتغلغل كي يحكولي سلفاتي الي عايشين مع عجوزتي ..على عجوزي وخواتات راجلي واش يديرو فيهم ...الحمد لله راني بعيدا والله فكره هايله ..ترقبوني في مسلسل اخر عن الكنه وام الزوج ..بشرط ان لا يتدخل الازواج والعجايز خلو الكناين برك يحكو بوركت ملك :19:

[AMINA.Z]

الرجل و المراة وحدهما مسؤولان عن الطلاق
اعتقد ان كل شخص بقدم على خطوة كبيرة كالزواج
فهو مدرك تماما لحجم المسؤولية و صعوبتها
و اما ان تزوجا و هما لايزالان طفلان كل ما يحدث مشكل يركضان لحضن امهما يبكيان و يشتكيان
فعلى الزواج السلام
لا داعي لان نقول ان امها سبب طلاقها فلربما هذا الزوج غير صالح و ليس اهلا لمناقشة و حل المشاكل فلا يتحدثان كبالغين و يحلان مشاكلهما و المراة معروف عنها انها تحب الفضفضة لتتخلص من الضغط .ان لم يحتويها زوجها فلا يلومنها ان لجات لغيره كي ترتاح و عندها فليتحمل العواقب .
و ام الرجل قد تكون سببا في الطلاق هذا ايضا مجرد مبرر فان كان الشاب لا يستطيع فرض نفسك كرجل مسؤول عن امراة تكون امانة في رقبته و لا يستطيع حمايتها و لا يبين للمراة و لامه ان لكل منهما مكانتها و حدودها فلا يتجاوزانها عندها يصبح هو بسبب شخصيته الضعيفة سببا في خراب اسرته .
لذلك لطالما قلت ان العمر لا يحدد مدى وعي الانسان و مدى اهليته للزواج و ليس كل رجل او امراة بالغين يصلحان لتحمل مسؤولية الزةاج و الانجاب .

[youcefas07]

ربي يجيب سعة الخير

[الزوجه المثاليه]

اكثر حالات الطلاق بسبب ام الزوج

[david2011]

يلزم عليك التحايل في هاته الامور ... لكي لا تطلق ظلما