أرواحو صبروني [الأرشيف] - منتديات الجلفة لكل الجزائريين و العرب

مشاهدة النسخة كاملة : أرواحو صبروني

sunshine2013

2015-05-20, 13:13

The Genius

2015-05-20, 13:16

يا اختي الله غالب جات فوق يدينا دولة دارت فينا الباطل ربي وكليهم المهم انتوما ادعولو بالخير والله كامل الشباب راه يعاني انا رحت في سبتمبر باه نفوتها ونتهنا 10 ايام ميزيرة وفي الاخير خرجوني سورسي وراني رايح الاسبوع المقبل وان شاء الله ربي يطلق سراحنا وهذا راه مكتبوب ادعولو بالخير والله يصبركم

sunshine2013

2015-05-20, 13:30

ربي يسهل أخي و الله ظلم كبير و خاصة أمي كيفاش نديرلها و أنا بعيدة ربي يفرج علينا و عليكم

sunshine2013

2015-05-20, 13:32

يا رب كيما رفضولو ملف الكفالة و خﻻو أمي وحدها البارح عيطتلي تبكي، يا رب ادي اللي عزيز عليهم

youcefball

2015-05-20, 13:37

أنا تان راني رايح غدوة و مخلي يما وحدها :(

sunshine2013

2015-05-20, 13:46

أنا تان راني رايح غدوة و مخلي يما وحدها :(
ربي يكون في العون أخي وين بعتوك؟ و درت ملف الكفالة؟؟؟

سطايفي19

2015-05-20, 13:49

حسبنا الله ونعم الوكيل

youcefball

2015-05-20, 13:55

ربي يكون في العون أخي وين بعتوك؟ و درت ملف الكفالة؟؟؟

اللهم امين
بعثوني للبرج البحري و مادرتش كغالة خاطرش ماش داير لا فيزيت

salimtheone

2015-05-20, 13:58

لوكان دار ملف كفالة يديه معاه للثكنة
ان شاء الله يخرجوه

sunshine2013

2015-05-20, 14:03

"" عماد الدين ""

2015-05-20, 15:43

ان شاء الله يخرجوه

ماريـام

2015-05-20, 15:48

ربي يفك اسرو قولي ليماك تدعيلو راهم يقدرو مرات يخرجوهم بلا سبب

هكذا خرجو واحد نعرفوه في زهرو بعد 3 اشهر من الاسر

ayoub55

2015-05-20, 16:00

مادا والو معاه و ملف الكفالة رفضوه
و دوك زاد بعتنا ميساج sos واش معناها واش هي الظروف اللي تخليه يطلب المساعدة لهاد الدرجة
رايحة نهبل فهموني واش يديرو هاد النهارات؟؟؟ و كيفاش يقدرو يطلقوه؟؟؟
لا الموضوع مش لهذ الدرجة صح الايام الاولى يستناو حتى يصل الجميع ثم عملية الفرز عند الطبيب يعنى المؤهل والغير مؤهل صحيا للخدمة الوطنية لانه كاين اللى يكون معاه ملف طبى
الايام الاولى ما يديرو والو فقط الانتظار وهذا الانتظار يكون صعيب على اللى يكون عنده امل باش يخرج
وثانى فى الايام الاولى يكون العدد كبير قبل ما يخرجو الفائض واصحاب الملفات الطبية عليها ممكن فى بعض الحالات يضطرو ينامو فى الارض *فى بعض الحالات * لكن الامر مؤقت يعنى فقط حتى يتم قبولهم رسميا ويبدا التربص
هذا الكلام بصفة عامة والضغط يكون فقط نفسى والله اعلم يعنى ماراحش يعذبوهم مثلا لكن الضغط نفسي كبير بسب العدد كبير فى الايام الاولى فقط لكن مثلا اذا عنده مشكل صحى مثلا راح طلقوه بدون شك

لكن انت تقولى مادى والو واش قصدك يعنى ماداش الكابة
sos تعنى النجدة

كلامى هذا بصفة عامة عن سؤالك واش يديرو فى الايام الاولى وان شاء الله يكون بخير

أحمد زابانة

2015-05-20, 16:10

مادا والو معاه و ملف الكفالة رفضوه
و دوك زاد بعتنا ميساج sos واش معناها واش هي الظروف اللي تخليه يطلب المساعدة لهاد الدرجة
رايحة نهبل فهموني واش يديرو هاد النهارات؟؟؟ و كيفاش يقدرو يطلقوه؟؟؟

يا أختي الكريمة لا تقلقي لن يصل الأمر إلى درجة القلق بهذا الشكل .
- فقط sos يعني الميزيرية و هذا أمر مفروغ منه في الأيام الأولى كيما قالك الأخ الأكل رديء و مكان النوم كذلك .... و هذا ماكان .
- عليه الانتظار فقط و الصبر و الدعاء و إن شاء الله يخرج فائض و يرجع لكم بالسلامة بعد عدة أيام إن شاء الله مدة أقصاها 15 يوم يخرج فائض إن شاء الله .... لنا الله .

sunshine2013

2015-05-20, 19:53

إن شاء الله يكون فائض و ﻻ أي سبب باش يخرجوه المهم هو دا كابتو و اللي كتبها ربي مرحبا بيها
شكرا ليكم ربي يحفظكم و ربي يكون في عون أخي و كل المغبونين مع الخدمة الوطنية

THIAGUNOU

2015-05-20, 20:59

ان الله مع الصابرين

sunshine2013

2015-05-20, 22:13

أكيد أخي
ماني قادرة ﻻ ناكل ﻻ نشرب و خويا في الميزيرية ما نعرف إدا كﻻ و واش كﻻ وين يرقد
يا رب كون في عونو و في عون أمثالو

cheikoooo

2015-05-20, 22:36

كل شي يفوت اختي الكريمة الصبر الايامات الاولى و يوالف ...

sunshine2013

2015-05-20, 22:51

إن شاء الله
شكرا أخي

BRIHMO

2015-05-20, 23:19

يا أختي مهما قالولك اللي ك فوت لارمي واللي مفوتش ماشي كيفكيف غدوة يرجعلك راجل من كلش مش بلطاي برك

BRIHMO

2015-05-20, 23:21

انا اللي عند امي وفوتها في الصحرى من نروحش منين داك وفاتت نورمال

toutou1235

2015-05-20, 23:30

كلش يفوت أختي عام يعدي ليه ليه
لكن من المفروض ما يخلعكومش
الميزيرية في الثكنات الكل مي يحمد ربي اللي مابعثوهش للبليدة
وربي يكون معاكم

sunshine2013

2015-05-21, 10:37

ربي يحفظكم إخوتي
كيما قلتو هي تفوت تفوت كيما كان الحال و نقدرو نصبرو بصح الغبينة كي أمي بقات وحدها و حنا بعاد عليها، هو اللي كان قايم بكلش في الدار القديان إدا مرضت يديها للطبيب عندها كونترول مرة على مرة
حسبي الله و نعم الوكيل

hocine119

2015-05-21, 10:49

هذي هي سياسة لبلاد
ولد فلان و علان يسرحوه بالمعرفة
و اولاد الزوالية يشدوهم لسنا ضد اداء الخدمة الوطنية
لكن نحن ضد التمييز و التفرقة من المفروض تراعى الحالات الخاصة
حسبنا الله و نعم الوكيل

sunshine2013

2015-05-21, 10:57

أصبت أخي لكن ما باليد حيلة
ربي يفرج على كل مغبون و مهموم

salim chekkar

2015-05-22, 14:43

ربي يسهل لو الامور ان شاء الله .ارزيو مزيرة شوية .المهم قول لخوك يتهاون شوية في التدريبات ما يلعبهاش رومبو .منين داك يطيح لهم مريض .خصوصا الا كان في الديفيزيون نتاع الكوكسول .هكذا اذا كان العسكر بزاف يفحتوه .المهم ما يقباحش معاهم .ربي يفرج عليه و يسهل الامور
وتبقى ارزيو احسن من عين ارنات .ولا مويلح ولا عبادلة

محفوظ البسكري

2015-05-22, 15:02

السﻻم عليكم
خويا اللي هو أعز إنسان عندي في الدنيا كلها راح ليوم باش يفوت ﻻرمي و ماكانش حاب يروح هاد العام الثالث داوه بسيف خلى أمي وحدها و مريضة و أنا متزوجة في وﻻية أخرى و أخي الكبير في وﻻية أخرى أيضا و بسبتو هو داي إعفاء من قبل بسبب الكفالة بصح مبعد مالقاش خدمة و.دخل للشرطة و راهو بعيد علينا
دوك أمي راهي وحدها و خويا اليوم راح لمركز تدريب المشاة بأرزيو و مصباح نعيطلو دوك بعتلي ميساج قالي ميزيرية و كي عاوتلو لقيت التيليفون طافي
و خويا جامي يشتكي من حاجة حتى تكون صح ميزيرية
راني على الجمر ووحاسة يديا مكتفين
يا ربي صبرني

يا اختي خوك راح للجحيم ؟؟؟؟
رح يتهلاو فيهم مام كاين ميزيرية بصح رح يوالف الامور
روحي لامك اديها تعيش معاك وربي يفرج راهم كل خاوة تما في الكازارنا رح يتهلاو في بعضاهم
راني نشفى روحي تما كنا متعاونين اللي ماعندوش نعطوه يعني ما خصنا ووالو التعاون و الاخوة و المحبة

محفوظ البسكري

2015-05-22, 15:05

يا رب كيما رفضولو ملف الكفالة و خﻻو أمي وحدها البارح عيطتلي تبكي، يا رب ادي اللي عزيز عليهم

حذاري من ان تنعكس الدعوة عليك هو ماش رايح لاسرائيل راه رايح باش يولي راجل و يخدمو بلادو لازم يصرا هكا بش يكون يعرف كيف يواجه المصاعب مستقبلا وسلامي لوالدتك وان شاء الله ما يصرا والو
من المفروض نحن نشجع اخواتنا و ابنائنا على الخدمة الوطنية

واعتذر على كلماتي القاسية فانا عشت هذا الحدث من قبل

محفوظ البسكري

2015-05-22, 15:07

ربي يفك اسرو قولي ليماك تدعيلو راهم يقدرو مرات يخرجوهم بلا سبب

هكذا خرجو واحد نعرفوه في زهرو بعد 3 اشهر من الاسر

يفكو اسرو علاه راه في سجن سركاجي ؟
راه مع شباب من 48 ولاية مش وحدو برك

محفوظ البسكري

2015-05-22, 15:09

مادا والو معاه و ملف الكفالة رفضوه
و دوك زاد بعتنا ميساج sos واش معناها واش هي الظروف اللي تخليه يطلب المساعدة لهاد الدرجة
رايحة نهبل فهموني واش يديرو هاد النهارات؟؟؟ و كيفاش يقدرو يطلقوه؟؟؟

اختي الفاضل انا ارد على مشاراكاتك بالواحد لذا ارجو ان لا تنزعجي مني
الظاهر اخوك لم ينام مرة خارج البيت ؟ او لم يسافر كثيرا ؟
لدرجة انو يرسل ميساج النجدة لا لا لا
لحد الان ماكان والو في 27 او 28 ماي يبان الجديد غير هاذي الايام ما تنتظرو والو
وان شاء الله يرجع لوالدتك و تفرحو بيه

محفوظ البسكري

2015-05-22, 15:20

أكيد أخي
ماني قادرة ﻻ ناكل ﻻ نشرب و خويا في الميزيرية ما نعرف إدا كﻻ و واش كﻻ وين يرقد
يا رب كون في عونو و في عون أمثالو

دوك نقولك واش ياكل

الصباح شوي خبز كوفيتير مخلط مع الماء باش يكفيهم
ساعات حليب لارمي و ساعات عصير

في الغداء يكون عموما لا باس بيه حبة تفاح او مندرين خبزة + شوي سلاطة + عجائن
في العشاء اسوء اكل ممكن تشوفيه سباقيطي زوج خيوط في لترا ماء او مكرونة مع خبزة

هذا اكل الايام الاولى فقط
بعد ان يلبس و يجند يتبدل كل شيء يعود ياكل مليح

salim chekkar

2015-05-22, 15:37

ان شاء الله غير الخير .انا جوزتهم نهار كانت 18 شهر
بابا كان مات دمو مازال مابرد .رحت في رمضان .كان عندي حانوت .خاوتي انا كبيرهم الفرق بيني و بين الكبير 10 سنين .وقت ارهاب
ثكنة من اسوء ما يكون .المدرعات باتنة .بالصح كلش فات و عرفنا رجال
المهم راه وسط خاوتو .انا هذي الكلمة لي قلتها لخاوتي في 2
اخرهم انا وصلتو للثكنة
ايامات و كبش يفوت و ربي يلاقيه هو وكل شباب الخدمة الوطنية
ما تخافيش يرجعوهلكم راجل قولي لو يحمل برك

salim chekkar

2015-05-22, 15:46

ان شاء الله غير الخير .انا جوزتهم نهار كانت 18 شهر
بابا كان مات دمو مازال مابرد .رحت في رمضان .كان عندي حانوت .خاوتي انا كبيرهم الفرق بيني و بين الكبير 10 سنين .وقت ارهاب
ثكنة من اسوء ما يكون .المدرعات باتنة .بالصح كلش فات و عرفنا رجال
المهم راه وسط خاوتو .انا هذي الكلمة لي قلتها لخاوتي في 2
اخرهم انا وصلتو للثكنة
ايامات وكلش يفوت و ربي يلاقيه هو وكل شباب الخدمة الوطنية باولاد الحلال و يسهل لهم الصعب
ما تخافيش يرجعوهلكم راجل قولي لو يحمل برك

yazidfcb

2015-05-22, 17:01

ختي ما تقلقي روحك ما والو راهي غير ليمات الاولى ميزيرية كامل خلعنا في البداية
ان شاء الله يرجعلكم
و على البورطابل مطفيه راه طاحلو الشارجور اكيد بسكو في الثكنة مافيهاش لي بغيس بزاف
ماتحيريش روحك ان شاء الله يرجع

yazidfcb

2015-05-22, 17:03

هادي الماكلة نتاع dca في الاغواط

beldjilali.guellil

2015-05-22, 18:23

هادي الماكلة نتاع dca في الاغواط

هاذي تجربة يمر بها معظم الشباب راح يوالف مراهش وحدو يتلاقى بناس جامعيين كيفو

اللي تقدري عليه هو الدعاء له +عيطيلو من داك بداك

midodah-17

2015-05-22, 19:30

ماتخافيش ختي مركز ارزيو ميزيرية في البدية برك
انا دربت فيه سبتمبر الي فات قاسينا بزاف في البدية من بعد صايي كلشي يهون
غدوة السبت يعطوهم التيليفونات نورمالمو
عيطيله غدوة تلقاي التيليفون مفتوح إن شاء الله
و ربي يصبر الوالدين

midodah-17

2015-05-22, 19:31

و إذا كاش ما تحتاجي معلومات اعطيني اسمه و لقبه و الرتبة تاعه
إذا كان سارجان غادي نعيط لصحابي تماك يتهلاو فيه

midodah-17

2015-05-22, 19:33

بخصوص المالكة في ارزيو
هي أحسن مركز من هاد الناهية
الأكل في ارزيو فور بزاف كي شغل راك في داركم
اللهم كل يوم و ياكل حتى يشبع
عندك العشا برك 5/5

midodah-17

2015-05-22, 19:38

انا تاني الوالد تاعي متوفي و راني نفوت فيها في بشار حاليا بعد ما دربت في ارزيو و راني مخلي الوالدة تاعي وحدها بصح الحمد لله هانت 3 شهر و نولي لميمتي بإذن الله <3
و إن شاء الله يآ ربي يطلقوه و يطلقوآ المغبونين و المهم يرجعلكم بخير بإذن الله

محفوظ البسكري

2015-05-22, 22:47

هادي الماكلة نتاع dca في الاغواط

ايه ماكلة الاغواط

sunshine2013

2015-05-22, 23:10

ربي يحفظكم خاوتي ، الأخ mido ربي يرحم الوالد و بارك الله فيك على عرض المساعدة و كل أخ طلعلي المورال ربي يهنيه إن شاء الله و يوفقو
الأخ محفوظ البسكري شكرا على تفاعلك الصريح بصح ما يحس بالجمرة غير اللي كواتو
المهم خاوتي راني فرحانة اليوم فرح ﻻ يوصف، الله استجاب لدعوات أمي و أطلقو سراح خويا ، قالنا مافهمت والو بقينا 10 تواﻻ فوتونا عند الطبيب و قالونا روحو استناو و العشية قالولهم خﻻص سرحناكم فائض و أعطاولو ورقة مؤقتة مكتوب فيها معفى نهائيا من الخدمة الوطنية
الحمد لله يارب
شكرا لكم جميعا ربي يفرج على كل واحد و يسمع خبر مفرح في أقرب وقت
السﻻم عليكم

sunshine2013

2015-05-22, 23:14

أخي salim chkkar ربي يرحم الواالد نتاعك و ربي يوفقك
شكرا beldjilali ,و تاني yazid بارك الله فيكم

sunshine2013

2015-05-22, 23:27

حذاري من ان تنعكس الدعوة عليك هو ماش رايح لاسرائيل راه رايح باش يولي راجل و يخدمو بلادو لازم يصرا هكا بش يكون يعرف كيف يواجه المصاعب مستقبلا وسلامي لوالدتك وان شاء الله ما يصرا والو
من المفروض نحن نشجع اخواتنا و ابنائنا على الخدمة الوطنية

واعتذر على كلماتي القاسية فانا عشت هذا الحدث من قبل
الزواولة برك اللي يخدمو البﻻد؟؟؟
و أخي راجل مش حتى يروح ﻻرمي ، هو اللي قايم بالدار و بأمي و كلش طايح عليه
أمي ﻻ تحتاج لسﻻمك بل تحتاج من يرعاها

يا اختي خوك راح للجحيم ؟؟؟؟
رح يتهلاو فيهم مام كاين ميزيرية بصح رح يوالف الامور
روحي لامك اديها تعيش معاك وربي يفرج راهم كل خاوة تما في الكازارنا رح يتهلاو في بعضاهم
راني نشفى روحي تما كنا متعاونين اللي ماعندوش نعطوه يعني ما خصنا ووالو التعاون و الاخوة و المحبة
و هل تعرف ظروفي أنا باش تقولي ادي يماك تعيش معاك لوكان الأمر بيدي مش حتى تقولي ﻻ علينا
اختي الفاضل انا ارد على مشاراكاتك بالواحد لذا ارجو ان لا تنزعجي مني
الظاهر اخوك لم ينام مرة خارج البيت ؟ او لم يسافر كثيرا ؟
لدرجة انو يرسل ميساج النجدة لا لا لا
لحد الان ماكان والو في 27 او 28 ماي يبان الجديد غير هاذي الايام ما تنتظرو والو
الحمد لله ربي ما فيه غير الخير
و خدمة الوطن على الجميع ﻻ تمييز فيها و لكن أحيانا كاين ظروف تخلي الواحد يتهرب مش لأنو مش حاب يخدم بﻻدو
سﻻم أخي
وان شاء الله يرجع لوالدتك و تفرحو بيه
لعلمك، أخي مداري يروح يكومبي في الغابة و يشعل النار و يطيب عشاه مع صحابو و يخدم كلش بلومبي الكتريسيان صباغ يريقل البارابول للناس و يبات برا لوكان مش أمي وحدها
و بعثنا sosعﻻخطرش كي راح كان مريض و عندو دوا نسا ما داهش و زاد عليه الحال

yacine1921

2015-05-22, 23:42

ربي يفتح عليه و عليك و على جميع المؤمنين

sunshine2013

2015-05-23, 00:00

ربي يفتح عليه و عليك و على جميع المؤمنين
بارك الله فيك أخي
راهم سرحوه البارح عشية بحجة فائض و الحمد لله

beldjilali.guellil

2015-05-23, 09:25

الحمد لله تهنى

sunshine2013

2015-05-23, 10:09

الحمد لله شكرا أخي

salim chekkar

2015-05-23, 13:18

الحمد لله لي سرحو خوك وربي يكون في عون الجماعة لي بقات حتى انا خويا الصغير كامل وصلتو نهار الاربعاء للثكنة في سيدي بلعباس و شدوه .و الله ماني زعفان عليه انا حبيت يشدوه ثماك باه يدي تجربة في الحياة و ينح النية لي راها فيه خير من لي يبقى برى لا خدمة لا قراية
ربي يسهل الامور للناس الكل و ادعى انت ويماك للشباب لي راهم في الخدمة الوطنية انو ربي يحفظهم و يرجعهم بالسلامة لاهلهم

sunshine2013

2015-05-23, 14:49

ayoub55

2015-05-23, 15:01

نحن نريد امرا وهم يريدون امرا ولا يكون الا ما يريد" الله عز وجل" ومن يتوكل على الله فهو حسبه

midodah-17

2015-05-23, 18:10

ايا الحمد لله ختي
سلميلنا عليه

mehdii09

2015-05-23, 19:07

الحمد لله اختي ، حسيت بيك و حمد لله كي خرج خوك ، لارمي اللي فوتو راجل و اللي ما فوتوش راجل و نص

ربي يوفق خوك في باقي الحياة ، و يفرج على جميع الشباب تاعنا ، رانا نعانيو mais الحمد لله

sunshine2013

2015-05-23, 23:03

نحن نريد امرا وهم يريدون امرا ولا يكون الا ما يريد" الله عز وجل" ومن يتوكل على الله فهو حسبه
الحمد لله أخي أشكرك
ايا الحمد لله ختي
سلميلنا عليه
ربي يسترك أخي و يعطيك ما تتمنا
الحمد لله اختي ، حسيت بيك و حمد لله كي خرج خوك ، لارمي اللي فوتو راجل و اللي ما فوتوش راجل و نص

ربي يوفق خوك في باقي الحياة ، و يفرج على جميع الشباب تاعنا ، رانا نعانيو mais الحمد لله
بارك الله فيك أخي ربي يحفظ شبابنا و بﻻدنا و كل و ظروفو ربي يكون في العون