انصحوني يا نساءالجزائر الفحلات

[imane mina]

ارجوكم ساعدوني انا اموت كل يوم كل ساعة كل دقيقة انا اتدمر وادمر بيتي بيدي اهملت بيتي زوجي اولادي ارجوكم ساعدوني كيف استعيد نشاطي لاوظب بيتي لدي بيت رائع والحمد لله ولا اكدب عليكم انه فارغ وممل نوع ما حاولت مرارا وتكرارا لتوظيبه لكن لم استطع لان اقل الوسائل غير متوفرة فيه هدا ماجعلني اهمل في تنظيفه وترتيبه دهبت مؤخرا لابحث عن اثاث مستعمل وبسيط لاحاول تنظيم بيتي لكن لم اجد والجديد لا استطيع توفيره مما جعلني اعيش احباطا وفوضى عارمة ساعدوني والله انا اتالم لا ارتاح فيه لا انا ولا زوجي ارجوكم طلعولي شوي المورال مادابيا نظم داري ونجوز فيه شهر رمضان المبارك مرتاحة انا وزوجي ووليداتي ربي يخليكم اريد نصايحكم

[أم عاكف ( الأم المعلمة )]

استعيني بالله ولا تياسي فقط عليك بالارادة القوية وابدئي على بركة الله

[.ام زكرياء.]

وعلاش انا شحال من دار ندخلها البنيان شباب والقش والو مي نقية واحد النقا والله نرتاح فيها وندخل عند ناس واشم القش واشم البنيان مي الحالة معفونة قلبي ينقبض اختي راجلك كي يشوفك فرحانة وراضية والله يفرح وتوليلو الحيوية شحال من دار فيها كلش مي ماشي قانعين المهم انتي راكي مستورة في دار انا صالون اتاعي كان فارغ فيه غير زربية وثلاث مطارح برك والله استقبلت فيه مواليا وفرحانة ونورمال كل واحد والمستطاع اتاعو ودوك عمرتو مي الحمدلله المهم راني وحدي في داري

[mariamalak]

السلام عليكم

استعيذى من الشيطان و قولى باسم الله و نوضى افطنى مع روحك و قولى الححححمد لله على نعمة الصحة و الاولاد و الزوج
على بالى بيك فحلة و شاطرة و ماكيش راضية على روحك .لازم تدى موقف و تقولى بينك و بين نفسك بيتى مملكتى و حاولى تكونى ذكية فى طريقة الترتيب و التخمال من ابسط الاشياء تقدرى ديري حاجة حتى يفتح ربي
اهم حاجة النظااافة و التخمال باش يرتاح زوجك فى بيتو و تزفريلو جو مليح
اوعدينى تقومى بدارك و اولادك و ما نزيدش نسمعك تقوليلي كرهت ههه
ياك تفاهمنا
ربي يهنيك حنونة

[imane mina]

وعلاش انا شحال من دار ندخلها البنيان شباب والقش والو مي نقية واحد النقا والله نرتاح فيها وندخل عند ناس واشم القش واشم البنيان مي الحالة معفونة قلبي ينقبض اختي راجلك كي يشوفك فرحانة وراضية والله يفرح وتوليلو الحيوية شحال من دار فيها كلش مي ماشي قانعين المهم انتي راكي مستورة في دار انا صالون اتاعي كان فارغ فيه غير زربية وثلاث مطارح برك والله استقبلت فيه مواليا وفرحانة ونورمال كل واحد والمستطاع اتاعو ودوك عمرتو مي الحمدلله المهم راني وحدي في داري

يعطيك الصحة على نصيحتك وبارك الله فيك
مي كيما قلتي انت دارك وحدك وانا لا لا ويدخلو بالصبابط بصح عندهم حق لاني اقل حاجة مامتوفراش لاخزانة تاع الصبابط ولا ثابي المهم يعطيك الصحة وماتبخليش علي بتجاربك

[imane mina]

السلام عليكم

استعيذى من الشيطان و قولى باسم الله و نوضى افطنى مع روحك و قولى الححححمد لله على نعمة الصحة و الاولاد و الزوج
على بالى بيك فحلة و شاطرة و ماكيش راضية على روحك .لازم تدى موقف و تقولى بينك و بين نفسك بيتى مملكتى و حاولى تكونى ذكية فى طريقة الترتيب و التخمال من ابسط الاشياء تقدرى ديري حاجة حتى يفتح ربي
اهم حاجة النظااافة و التخمال باش يرتاح زوجك فى بيتو و تزفريلو جو مليح
اوعدينى تقومى بدارك و اولادك و ما نزيدش نسمعك تقوليلي كرهت ههه
ياك تفاهمنا
ربي يهنيك حنونة

تعيشي فرحتيني ربي يفرحك وخليتيني نتبسم والله ماني قادرة مانكدبش عليك فشلانة وانت تقولك تعرفيني والله مامن طبعي الفوضى بصح المرة هادي تكاسلت بزاااف راجلي حار فيا واولادي هملتهم بزااااف والله راحة نهبل راني مشوكية من روحي تعيشي ماتخلينيش نضيع بهدليني انا اختك

[imane mina]

استعيني بالله ولا تياسي فقط عليك بالارادة القوية وابدئي على بركة الله

بارك الله فيك انشاء الله نحاول نبدا نوعدك

[Queen of myself]

حوسي مليح تلقاي اثاث مستعمل وادا شفتي بانه حياتك قاعدة تظيع منك بسبب الشي هدا وانه تفسيتك راح تبقى تعبانة ادا ماعمرتيش راسك وانه مش راح تستعيدي نشاطك الا ادا درتي وش متمنية ننصحك ادا عندك ذهب بيعي منو شويا قيس مايعمرلك دارك.عمري دراك كيما متمنية واستعيدي نشاطك وراجعي كيما كنتي والذهب يتعوض اصلا هو ماعندو حتى معنى ادا امراة لابسة قطعة ذهب في يدها وهي محتاجة

[فرحة العمر]

استعيذي من الشيطان الرجيم وشغلي القرآن
وديري قواعد لنفسك ولأهل بيتك وكوني صارمة أوقفي مع نفسك وحاربي شيطاني بالإستعانة بالله
ومشكل الصبابط أعزكم الله عندو حل خليهم ينحيوهم عند الباب واباي موراهم حتى يتعودو أنا داري شومبة وكوزينة والدخلة طول لكوزينة بصح عودت زوجي وعجوزتي الأحذية تبقى برة
أحمدي ربي عندك دار وحاولي تحافظي عليها هذي نعمة دايمة خمي كي تروح واش ديري
أعملي تحاليل وشغلي الرقية وبالتوفيق

[imy 26]

استعيذي من الشيطان الرجيم وشغلي القرآن اعملي رقية

[أم شاهين]

اختي الكريمة حبيت نفهم حاجة برك نتي في دارك وحدك ولا مع دار شيخك
سمي بسم الله واستعيذي من الشيطان وتديري القلب وقولي لازم اليوم ندير هكا وهكا وهكا ولا احكمي ورقة وقلم واكتبي كل نهار وش تخملي ابداي بالحاجة بالغرفة ومن تم روحي للثانية ولا ابداي قولي بلحوايج نخمل نتاع الشتا بجهة ونغسل الكوفيرطات وهكا ولا ابداي بلمواعن تغسلي الكوزينة والسلة نتاع لمواعن ونتاع الخضرة وهكا شوفي نتي شحال الوقت لي تقدري تبقاي مستمرة ونتي تديري في الشغل مثلا زوج سوايع متواصلين ولا ثلاثة وعلى حسب الوقت هذا نظمي دارك
اياكي اياكي اياكي تهملي دارك اكثر كوني شاطرة وفحلة وديري القلب ملييييييح ولازم ما يجيكش النوم في الليل حتى تكملي التخمال نتاع الدار كااااااااامل من بعد تديري برنامج يومي للتنظيف يخرج علىك ويساعدك مثلا اليوم نمسح الدار ونغسل لي تابي وغدوة ان شاء الله تغسلي لحوايج وتحددديهم بعدو تطيبي قاطو ولا حاجة يفطرو بيها بلا الشي لي باين نتاع كل يوم
ربي يعينك اختي وطمنينا عليك وش درتي فيها وربي يوفقك ويحفظلك دارك يا رب

[ام مؤمن]

الاخوات راهم كفاو و وفاو

انا ننصحك تدخلي لهذا الموضوع و اذا عندك وقت اقرائيه كله رايحة تستفيدي بزاف و شاركي الاخوات مارايحينش يبخلوا عليك

دورة فراشات تزهو بالألوان بيوتهن قمة في النظافة و التنظيم و التدبير و الاتقان

[ام مؤمن]

الاخوات راهم كفاو و وفاو

انا ننصحك تدخلي لهذا الموضوع و اذا عندك وقت اقرائيه كله رايحة تستفيدي بزاف و شاركي الاخوات مارايحينش يبخلوا عليك

دورة فراشات تزهو بالألوان بيوتهن قمة في النظافة و التنظيم و التدبير و الاتقان

هذا رابط الموضوع

http://www.djelfa.info/vb/showthread.php?t=1764625

[نهلةن]

اختى اول حاجة رقي نفسك بنفسك وشغلي سورة البقرة كل ثلاث ايام والله يا اختي كان تشوفي الدار الي كنت نسكن فيها مافيها والو البرد يقتلني في الشتاء والمطر يدخل دايما والصيف السخانة و16 سنة وانا على هاذ الحال وبصح والله قانعة والحمد لله ونضف الدار ونضحك وندعي ربي بالفرج اولادي 3 ولدتهم في هذيك الدار وضركا فتح ربي ورحلت عندي 5 اشهر والحمد لله وداري فارغة والله الصالة فيها زربية و زوج مطارح وتلفاز في الحيط معلق الاولاد يرقدو في مطارح في الارض ونورمال كل شي المهم الصحة والهناء ونزيد نقولك والله راني فرحانة وحامدة ربي خاصة بعد ما ضهر عندي الارنب ديسكال ونهار 4 جوان اخر تقرير من عند الطبيب اذا ندير عملية ولالا صدقيني نحمد ربي وراني نشكر فيه عطاني القوة خاتر راضية بمكتوبي وقايمة بواجباتي اهمها الدينية صلي الفجر في وقتو حاولي دايما انك تكثري من الاستغفار وخاصة الورد اليومي في المصحف والاذكار انفضي على روحك الكسل المورال يطلع بذكر الله هذا ااشيطان وسوسلك وانت خلتيه دار رايو في دارك افطني اختي لا يمل زوجك ويبحث على الراحة برا وتندمي واولادك لازم تفيقيلهم راهم امانة لين يديك ناس بزاف محرومين منها ودايما شوفي الي اقل منك ماتشوفيش الي اكثر منك ربي يكون معاك اختي راكي والله غضتيني راني نكتب للا ما نشوف ومن قلبي ندعيلك

[beldjilali.guellil]

اعملي بوصية الرسول صلى الله عليه و سلم لفاطمة رضي الله عنها

حديث علي رضي الله عنه: (أن فاطمة عليها السلام شكت ما تلقى في يدها من الرحى فأتت النبي صلى الله عليه وسلم تسأله خادماً، فلم تجده فذكرت ذلك لـعائشة فلما جاء أخبرته قال: فجاءنا وقد أخذنا مضاجعنا فذهبت أقوم فقال: مكانك، فجلس بيننا حتى وجدت برد قدميه على صدري، فقال: ألا أدلكم على ما هو خير لكما من خادم؟ إذا أويتما إلى فراشكما أو أخذتما مضاجعكما فكبرا أربعاً وثلاثين، وسبحا ثلاثاً وثلاثين، واحمدا ثلاثاً وثلاثين فهذا خير لكما من خادم). وهذا الحديث رواه الإمام البخاري رحمه الله تعالى

[ايمان23]

اختي العزيزة اافرحي بدارك وفرحي زوجك واولادك المراة هي أساس كل شيء
قوي ارادتك وارفعي عنك الهموم وعيشي كل لحظة وانت سعيدة وراضية
انا شخصيا ما نحبش الأثاث كثير في البيت يضايق ويقلق بالشوي برك وربي معاك

[ترانيم مطر]

السلام عليكم ورحمة الله وبركاته
اولا انصحك ان ترددى هذا الدعاء فى كل وقت
اللهم انى اعوذ بك من الهم والحزن واعوذ بك من العجز والكسل واعوذ بك من الجبن والبخل
واعوذ بك من غلبة الدين وقهر الرجال وكذالك لاحول ولا قوة الا بالله مرارا
وانصحك ان تنظري الى من هو اقل منك لترضى على ما عندك
وكما نصحتك الاخوات ارقى نفسك وبيتك ..وكل شيء متوفر فى النت عن الرقية
شغلى سورة البقرة اثناء قيامك بالاشغالك المنزلية وابتعدى عن الاغانى
وحدثي نفسك اننى املك الان بيت واسع وجميل وسيرزقنى ربي الاثاث الجميل
والدعاء ثم الدعاء ولا تملى ابدا لانه هو مفتاح الرزق
بارك الله لك فى بيتك وزوجك واولادك ورزقك من حيث لاتحتسبين

[Nadiamanal]

استعد بالله كل شيئ في اوانه

[nassimoufi]

اختي الكريمة القناعة كنز لا يفنى ،ان الله هو الرزاق فأكثري من الدعاء ولا تياسي من رحمة الله

[mariana1]

أولا كل واحد يمد رجليه قد فراشو
ثانيا أعطاك ربي نعم ماتكفريش بيها غيرك ما لقهاش
النعمة الاولى الزوج نساء بزاف مش متزوجين
النعمة الثانية الاولاد ناس بزاف ديارهم عامرين بالاثاث لكن فارغين من الاولاد
النعمة الثالثة الصحة فأنت ملكة ولا تدرين تخيلي لو بيتك معمر أثاث و أنت مريضة وناس زمان يقولو الكفاف والعفاف وتذكري أثاث بيت رسول الله عليه أفضل الصلاة و أزكى التسليم فهو قدوتنا فلما اليكاء على دنيا فانية والباقيات الصالحات خير و أبقى
واش تقولي نأثث لك بيتك كيما تحبي وتعطيني ولادك ؟

[رقية الناجحة]

بسم الله ما شاء الله مالقيت ما نقول الاخوات كفاو ووفاو اعملي بالنصيحة وربي يفرج

[lylia86]

rebi ye3inek

[جنة نور الايمان]

اختي استعيذي بالله من الشيطان الرجيم
ونذكر في سياق القناعه بعض القصص المؤثرة

أُهْدِيَتْ إلى السيدة عائشة -رضي الله عنها- سلالا من عنب، فأخذت تتصدق بها على الفقراء والمساكين،

وكانت جاريتها قد أخذت سلة من هذه السلال وأخفتها عنها، وفي المساء أحضرتها، فقالت لها السيدة عائشة -رضي الله عنها-

: ما هذا؟ فأجابت الجارية: ادخرتُه لنأكله. فقالت السيدة عائشة -رضي الله عنها-: أما يكفي عنقود أو عنقودان؟




انظر كيف هي قناعه ام المومنين الا يكفينا عنقود او عنقودين انظر كم من الاجر كسبت

من خلال قناعتها فقط ادت ماعليها من صدقة تطهر بها نفسها

نعم هي القناعه تجعل الانسان يهتدي الى طريق الخير وجعله محبوب وتجعل الانسان يادي صدقات

والكثير من الاشياء التي تجعله يؤمن بالله ويتشبث بحبل الله تعالى

[جنة نور الايمان]

ربي يرزقك من حيث لا تحتسبين