مشكلة إنسان

[مشكلتي]

سلام عليكم ورحمة الله وبركاته

أنا شاب في28 من عمري بصح نحس بروحي أكبر بعشرسنواتمن عمريالحقيقي لأني تحملت مسؤولية كيكان عمري 16 أبي مريض منذ سنوات وأن حبست قريتي في تاسعة أساسي خدمت في حوايجبزاف خدمت فالحانوت وخدمت كمساعد بناء فيحوايج بزاف باه برك نتهلى في عيلتنا ضحيت بحالي علجالهمورميت طفولتي وشبابي ماندمتش ﻷانه هذا قدري بالحياة وأنا مؤمن بقضاء والقدر مهما كان . نجحت وزوجت خواتاتي البنات لكبار مني ونجحت ثاني فيإخواني ذكور لصغار مني ودخلتهم للجامعة كنت مثل الاب صارم بالنسبة لهم ومخممتش نهتم لروحي حتى أنتقلوا واحد العيلة كجيران لنا جدد وكان عندهم واحد طفلة شابة بزاف تقرا فالليسي عجبتني بزاف ووليت نخزر فيها وهي بدلتني الخزرة وشوية شوية تطورت علاقتنا بصح كانت المشاكل متفارقنيش عينها كانت زايغة وماتحشمش مني ولا تحترمني والو وكنت نقول بلاك كي عادت صغيرة 17 سنة برك راح نصبر عليها
وكنت نعسها ونراقبها ديما حتى ماتغلطش مع اي واحد لحتى واحد المرة شفتها خ جت مع واحد زعفت عليها وهددتها نخبر اهلها بصح هي والو مخفتش مني وانا بطبعي منضربش ومرانيش عنيف مع نساء بصح هددتها بالهدرة برك ورحت لهداك شاب وين تعفرنا علجالها وشكى بيا ودخلت للحبس 3 اشهر علجالها وكي خرجت لقيتها تخرج معاه قدام كامل ناس وثارت ثائرتي رحت عندها بزعاف وكنت حاب نقلتها بهديك لقطة بصح فجأتني بهدرتها بانها هي تحبه وانا لا اعني لها شيئا ي وهو ومصدقتش عينيا هديك طفلة البريئة تدير هداك شي لدخلت علجالها الحبس نحب نحافظ عليها كيماا اي بنت شريفة بصح هي معجبهاش الحال ومحبتش تكون شريفة وتوسخت على يد هداك ليتلاعب بيها . واش نديرنخاف نهبل وندير حاجة نندم عليهاوهي تديرلي زكارة وتجيبه قدامي باه نشوفهم وانا قلبي يقولي قتلهاورتح منها ومعليش ندخل الحبس وعقلي يقولي بلاك ترمي حياتك فالحبس علجالها ماتستهلش وهي تستهله هو
ارجوكم ساعدوني كيفاه ننساها

[sec 88]

الغلطة تاعك صديقي ...... ماتخلط في النخالة ماينقبك الجاج

[فتيحة تفاحة]

ياخي انعل ابليس ماك خطيبها ولا عاقد عليها هذا شيئ لراك ادير فيه حرام في حرام نحيها من راسك روح شوف وحدة بنت حلال موفق ان شاء الله

[نورسين.داية]

تقتلها .............؟؟؟؟
و بأي حق ..............؟؟؟
يا لو كان عاقد عليها ............طلقها و السلام ..........

28 سنة و تقول أنك أكبر من سنك بكل صراحة يظهر لي انك مراهق

[eBusiness]

أخي أنت من جهة قلت لنا أنك تحس روحك كبير في السن لكن تصرفك هذا يبين أنك مراهق، سامحني أخي على هذا الكلمة فأنا أحدثك كأخ، فيق لعمرك يا رجل !!! بالله عليك كيف تسمح لنفسك بأن تقع في حب فتاة طائشة خسيسة تخرج مع شخص اخر !!! والأعوص مع ذلك دخلت السجن من أجل سلحفاة !!! والان تريد أن تضيع حياتك من أجل السحلية نفسها !!! أخي بالله عليك حكم عقلك يا رجل ولا تدع الحب الخاطئ يعمي قلبك ويحطم مستقبلك... إنساها تماما ولا تهتم لأمرها فالجمال جمال الأخلاق وليس جمال الوجه... حينما تمر أمامك مع عشيقها لا تعرهما إهتمامك وإمضي في شؤونك وكأنك لا تعفرهما أصلا وإهتم بمستقبلك... أظن أن إنشغالك بالسهر على راحة العائلة أنساك أمور القلب فوقعت في أول إمتحان لهذا لا تجعل أمور القلب كل همك لأن الحياة فيها أمور أخرى أكثر أهمية وإن شاء الله رب يرزقك زوجة جميلة صالحة وطيبة القلب معا يوما ما والسلام عليكم.

[lachiche]

يا اخي انت تحبها و هي تحب الطفل الآخر مشكل
يا خويا ننصحك أخطيك منها و كمل حياتك عادي و مع مرور الوقت تنساها
يا اخي انا بالنسبة ليا مكانش وحدة لي تستاهل ندخل عليها للحبس
كاين الكرامة اغلى من الحب لا أقصد الاهانة ولكن الحقيقة

[ام رضوان]

اخي كاين مثل يقول
اللي يبببببببببببعك بالفول بيييييعو بقشورو
الله الله يا عمري لكان نخسر دنيتي واخرتي على واحدة ما تستهلش وقاعدة دير في لحرام
دير عقلك في راسك تعرف خلاصك
ربي يهديك ويصلح بالك امين

[adam1990]

28 سنة و بعد كل الذي تحملته في الحياة تأتي طفلة صغيرة لخرب حياتك اخي اتق الله و دعك من هذه التصرفات انا اعرف ان عقلك اكبر من هذه التصرفات بنات 17 سنة اليوم يحبون الدنيا وزينتها يحبون الكلام الجميل واشباه الرجال اخي لتنسها عليك بالتعلق بحب الله ودين الله فلا يصرف هذه المشاعر الدنيوية الا حب الله

[نورالهدى بيولوجيست]

يعجبوني رجال ذا الوقت يجرو مورا بنت ال17 و ال18 الضايعة الطايشة اللي تنسيهم في كرامتهم و رجولتهم و مبعد يجي يكتب فالمنتدى مالقيتش بنت الصيل و بنات الفاميليا انقرضوا!!!!!!!!!!!!!!!!!!!!!

عجبي منكم فعلا انا المرأة الشيئ لي يمس كرامتي ننساه في دقيقة من دون اسف و انت الراجل حاير؟؟؟؟؟؟؟؟؟؟؟

الله يهديكم فعلااااااااااا و ربي يفكك من ذي الطفلة و ينورلك بصيرتك

اسمحلي على القسوة فالكلام بالصح عييتونا :(

[adam1990]

يعجبوني رجال ذا الوقت يجرو مورا بنت ال17 و ال18 الضايعة الطايشة اللي تنسيهم في كرامتهم و رجولتهم و مبعد يجي يكتب فالمنتدى مالقيتش بنت الصيل و بنات الفاميليا انقرضوا!!!!!!!!!!!!!!!!!!!!!

عجبي منكم فعلا انا المرأة الشيئ لي يمس كرامتي ننساه في دقيقة من دون اسف و انت الراجل حاير؟؟؟؟؟؟؟؟؟؟؟

الله يهديكم فعلااااااااااا و ربي يفكك من ذي الطفلة و ينورلك بصيرتك

اسمحلي على القسوة فالكلام بالصح عييتونا :(

اختي كثير من الرجال يفكرون ان بنت 25 و اكثر كانوا طايشات في صغرهن لذا يفكرون في بنات اصغر سنا على اساس يربوهم على يديهم لكن هيهات الذي لا يدخل البيوت من ابوابها لن ينجح ابدا

[رميسة الجزائرية]

ماخطبك يا اخي
اتجري وراء عديمة شرف واخلاق
اتقع في حب فتاة طائشة وتقوم بافعال دنيئة
لاتجري وراء قلبك حكم عقلك
كيف تقبل بفتاة مثلك تمشي امام الملاء مع شاب ليس بخطيبها بل عشيقها
لو انها تابت ورتدعت عن هدا لقلت لك ادهب وخطبها ولتكن زوجتك لكنها لاتزال وراء الفواحش كيف ستلقى ربها
المهم ابتعد عنها نهائيا وانا ااكد لك انك لاتستحقها ابدا
اقول لك شيئا اضفر بدات الدين تربت يداك
والله نحير فيكم تحبو البنات لخفاف والبنات لمتربيات والوو والله واحد مايحوس عليهم سبحان الله زعما هادي لوكان تديها رح تعيش معاها سعيد محال العكس كلما شفتها تشوف صحبها

[أم همام 2015]

تقتلها و تضيع دنياك و آخرتك
تجاهلها و صديقها تماما
فالأصل تحمد ربي ليل نهار الي أنقذك من وحدة فاسقة و عديمة الحياء و الأخلاق مثلها
شد في ربي و أكثر الدعاء و الاستغفار و الصلاة
هكذا أكيد ترتاح
وربي يفتح عليك

[الحزين المبتسم]

السلام عليكم

أخي الفاضل

ذكرت أنك أُعجبت بهذه الفتاة بمجرد النظر اليها وكونها فتاة جميلة ..

هل تعتقد أن هذا الأمر كا في حتى تقرر أن تتخذها زوجه ؟ أكيد لا خاصة قد رأيت منها ما لا يسرك

فاظفر بذات الدين تربت يداك

[NIGHTINGALE]

أخي الكريم اعلم أن أمر نسيانها ممكن غير أنه قد يستغرق وقتا
لذلك عليك أن تتحلى بالعزيمة والصبر حتى تطوي صفحتها من حياتك نهائيا
ونصيحتي إليك أن تملأ قلبك بمحبة غيرها وأولى من في الوجود بالمحبة الله سبحانه وتعالى
فلو دخلت قلبك محبة المولى عز وجل أحبك الناس واحترموك وقدروك كما تود أن يقدروك
لذلك اجعل دائما محبة الخالق فوق محبة العبد
فما تريده في هذه الحياة تجده بين يدي الله جل شأنه
فلا ترهق نفسك بالركض وراء الناس تتسول منهم حاجتك فتذوق الذل والهوان
بل عش عزيز النفس كريم الروح لا تسأل غير صاحب نعمتك الذي لا تنفد خزائنه
موفق إن شاء الله

[first first]

هي يااخي فتاة طائشة عمرها 17 سنة
انت شاب 28 سنة .......نورمالمو الطيش ودعتو وودعك؟.....حط عقلك في راسك وخمم بالعقل .
3اشهر سجن علاه؟؟؟؟؟؟؟؟ اخطيك منها ومن لي معاها يعومو بحرهم......................خليهم يكيلو الطرق.

ببساطة لن تتحكم في طيشها .............ولاتهدر وقتك لفعل ذلك ...........وهي اصلا لاتستحق ذلك...................ولاتوهم نفسك بانه عمل نبيل..................والحل ان تتحكم في نفسك وفي قلبك وفي اعصابك.

[bravo1]

السلام عليكم اخي
فكر بعقلك لا بقلبك فيق من هده الغيبوبة مع هده الفتاه
و ابتعد عنها اخي نصيحة ليك

[خالد عنابي2]

تتعارك معاه ومعاها وتهددهم ؟ وباي حق ؟ شاريها بدراهمك ؟ ماكش عاقد عليها ما تسالهاش وماعندك ما دخلك

بدل هده الحركات الصبيانية روح حوس على بنت الحلال ويزيك بلا تمسخير

حتى انت كي تصيب وحدة ديرلها المكرة وخلاص

ورد بالك تحوس تلعب ببنت ناس فقط باش تنتقهم من الاولى

[وفاء الصحراوية]

اخي الكريم اخطيك من هذ الذر ياو راهي صوفة طايرة راني حرت كيفاه تفوت الحبس 3 شهور على جال كتكوتة ماهيش عارفة مصلحتها والله لوكان جات قدامي نعطيها طريحة تنوض جديدة وتكبر 10 سنين يخي عقلية وانت اخي الكريم نحيها خلاص من راسك وهني روحك لخاطر راهي ماتستاهلش وماتردش روحك ليها تكبر عليها وماعادش تشوف فيها خلاص خلاص
ربي يرزقك الزوجة الصالحة الي تفرحك وتهنيك

[غير هام]

السلام عليكم

انت على حساب كلامك راجل ونصف وتتحمل المسؤولية شوف بصح مشي خدمة درتها ودخلت عليها الحبس من المفروض تتعلم م الدرس لي ديته المرة الاولى

وتخطيها وشوفلك بنت الحلال تستاهلك وتستاهل رجوليتك مشي وحدة ما عندها لا اصل لا فصل باغية على روحا تتبهدل

[abdellah36]

باين بلي راك مكبد عليها ,,,,,,,,كون ملول رحت خطبتها من عند ماليها و خلاص ,,,,,,,,,

دك هي راهي قاتلك تحب وحداخر ، انا ننصحك حوس على وحداخرا ,,,,,,,,,,,تنجم تلقى خير منها ,,,,,,,,,,في الزين و في العقلية ,,,,,,,,,,,,,,

[beldjilali.guellil]

يكفيها من السوء انك دخلت السجن بسببها

كيف لك ان تعاشر مخلوق كهذه

اشغل نفسك بما يفيدك