سؤال لمحترفي السياقة

[فخورة بنقابي]

السلام عليكم ورحمة الله وبركاته
حبيت نسقسيكم شوية أسئلة نتمنى لو أنكم أجوبوني عليها
أديت البارمي عندي 3 أشهر بصح إلى يومنا هذا مازال ما سقتش مع أنه عندي سيارة
المشكل راني خايفة وزيد ما نعرفش مليح وما لقيتش شكون يعلمني
أول سؤال عندي هو السيارة ديالي راهي مقارية كيما هذه في الباركينج
http://im63.gulfup.com/8bhrLL.jpg (http://www.gulfup.com/?ywrPAe)
كيفاش نخرجها مع العلم أنه لازم ندور لليمين
هل ندور المقود كامل لليمين ونخرج
السؤال الثاني: هل لازم نخلي رجلي على لومبرياج والا نستعملها غير باش نبدل الفيتاس ونحبس

وإذا نحيت رجلي من فوق لكسيليراتور واش يصرى
وزيد كي نفريني برك بلا اومبرياج هل تنقص السرعة ديالي
وسؤال حبيت نسقسيه كيفاش نمشي بلعقل كيما يقولو على حبة بيض خاصة في circulation
نتمنى اجاوبوني وشكرا وبارك الله فيكم

[فخورة بنقابي]

http://s17.postimg.org/dnzmmx7vj/oie_302053453_vwzh_bq_r.gif

يمكنك دائما الحصول على دروس إضافية في مدرسة السياقة,, لا حرج في التعلم


شوماخار و كالا شحال من خطرة

شكرا على الاجابة
المشكل ماكاش امرأة تعلمك ومدارس تعليم السياقة ما يقبلوش محرم معاك وزيد هو يسوق في بلاصتك
ما يخليكش تسوق وحدك

[ghecham mohamed]

السلام عليكم أختي الفاضلة
سأحاول اجابتك و افادتك ان شاء الله
أولا وقبل كل شيء لازم تنحي الخلعة و الهيبة هذيك تاع السياقة شيء مهم جدا لأن السيارة أو السياقة ماهيش غول كيما نقولوا
أما بالنسبة لأسئلتك
" كيفاش نخرجها مع العلم أنه لازم ندور لليمين"
هل ندور المقود كامل لليمين ونخرج "
الجواب : في هذي الحالة مادوريش المقود أخرجي بخط مستقيم حتى تصبح حافة الباب الاخير بمستوى السيارة التي بجانبك ثم دوري المقود غير بالشوي جهة اليمين
حتى تخرجي .
" السؤال الثاني: هل لازم نخلي رجلي على لومبرياج والا نستعملها غير باش نبدل الفيتاس ونحبس "
الجواب : لومبرياج تستعملينه في حالة راح تبدلي الفيتاس و في حالة الديماراج مثال : دوسي على لامبرياج تحطي بريميار ثم تحطي رجلك على لاكسيراتور غير بشوي وترفعي رجلك الاخرى على لامبرياج حبة حبة حتى تبدى السيارة تمشي هي تسرح في المشي عاودي دوسي لامبرياج و حطي دوزيام ثم نحي رجلك مباشرة من لامبرياج و كسيريلي و هكذا .
" وإذا نحيت رجلي من فوق لكسيليراتور واش يصرى " بطبيعة الحال لما تنحي رجلك من لاكسيراتور السيارة ماتمشيش تحبس السرعة نتاعها .
" وزيد كي نفريني برك بلا اومبرياج هل تنقص السرعة ديالي " أكيد لفرنات تنقص السرعة لكن عندما تلاحظين أن السيارة بدأت في التوقف بشكل كلي لازم دوسي على لامبرياج باش ماتكاليش السيارة .
" وسؤال حبيت نسقسيه كيفاش نمشي بلعقل كيما يقولو على حبة بيض خاصة في circulation " في هذي الحالة تتطلب الثبات في العقل و الثبات في السرعة فكل ما عليك هنا هو أنك تحطي فيتاس بريميار و تبقاي دايسة على لامبرياج نوعا ما وليس بكش كلي و دوسي في نفس الوقت على لاكسيراتور لكن بشويش كيما يقول المصري هههههه
و تبدا السيارة تمشي وكل ما كانت مسافة بينك و بين سيارة أخرى وقفي بالضغط على لامبرياج و لفرنات .
هذا كل مافي الامر أختي الكريمة و لكن مهما قرأتي عن السياقة لا ينجح بشكل كلي لازملم براتيك ( تطبيق) لأن السياقة فن .
أتمنى أن أكون قد أفدتك ولو بالشيء اليسير بالتوفيق أختي

[3ab2ou]

اجابك الاخ ghecham mohamed.
و نعلم السياقة من الافضل يكون وحدك بعد ان تكوني ديتي البرمي يعني قدام الدار و اتعلمي,بالنسبة ليا بعد ان اخدت البرمي لم اكن اعرف حتى احرك السيارة و كنت اتعلم مع الاب تاعي و لكن مع الخوف رجلك يولي يرعش كيديريه على لومبرياج,مبعد كنت نخلي الاب حتى يروح لكاش بلاصة و نخرج الطوموبيل قدام الدار و نتعلم بالشوية غير بروميار و دوزيام كتعلميهم البقية سهلة جدا;

[khaledboute8]

ههه لا زم يعمك شخص يركب معاك ووجهك كلنا تعلمنا هاكذا شوفي كاش اخت تعلمك مافيها والوا لا انصحك بسياقة وحدة في الظروف الي راكي فيها وانت لا تعرفيت حتى كيفية اخراج السيارة من البركينق لا تغامري اختي

[فخورة بنقابي]

السلام عليكم أختي الفاضلة
سأحاول اجابتك و افادتك ان شاء الله
أولا وقبل كل شيء لازم تنحي الخلعة و الهيبة هذيك تاع السياقة شيء مهم جدا لأن السيارة أو السياقة ماهيش غول كيما نقولوا
أما بالنسبة لأسئلتك
" كيفاش نخرجها مع العلم أنه لازم ندور لليمين"
هل ندور المقود كامل لليمين ونخرج "
الجواب : في هذي الحالة مادوريش المقود أخرجي بخط مستقيم حتى تصبح حافة الباب الاخير بمستوى السيارة التي بجانبك ثم دوري المقود غير بالشوي جهة اليمين
حتى تخرجي .
" السؤال الثاني: هل لازم نخلي رجلي على لومبرياج والا نستعملها غير باش نبدل الفيتاس ونحبس "
الجواب : لومبرياج تستعملينه في حالة راح تبدلي الفيتاس و في حالة الديماراج مثال : دوسي على لامبرياج تحطي بريميار ثم تحطي رجلك على لاكسيراتور غير بشوي وترفعي رجلك الاخرى على لامبرياج حبة حبة حتى تبدى السيارة تمشي هي تسرح في المشي عاودي دوسي لامبرياج و حطي دوزيام ثم نحي رجلك مباشرة من لامبرياج و كسيريلي و هكذا .
" وإذا نحيت رجلي من فوق لكسيليراتور واش يصرى " بطبيعة الحال لما تنحي رجلك من لاكسيراتور السيارة ماتمشيش تحبس السرعة نتاعها .
" وزيد كي نفريني برك بلا اومبرياج هل تنقص السرعة ديالي " أكيد لفرنات تنقص السرعة لكن عندما تلاحظين أن السيارة بدأت في التوقف بشكل كلي لازم دوسي على لامبرياج باش ماتكاليش السيارة .
" وسؤال حبيت نسقسيه كيفاش نمشي بلعقل كيما يقولو على حبة بيض خاصة في circulation " في هذي الحالة تتطلب الثبات في العقل و الثبات في السرعة فكل ما عليك هنا هو أنك تحطي فيتاس بريميار و تبقاي دايسة على لامبرياج نوعا ما وليس بكش كلي و دوسي في نفس الوقت على لاكسيراتور لكن بشويش كيما يقول المصري هههههه
و تبدا السيارة تمشي وكل ما كانت مسافة بينك و بين سيارة أخرى وقفي بالضغط على لامبرياج و لفرنات .
هذا كل مافي الامر أختي الكريمة و لكن مهما قرأتي عن السياقة لا ينجح بشكل كلي لازملم براتيك ( تطبيق) لأن السياقة فن .
أتمنى أن أكون قد أفدتك ولو بالشيء اليسير بالتوفيق أختي

شكرا أخي بارك الله فيك على الاجابة
لقد أفدتني كثيرا
جعلها الله في ميزان حسناتك

[فخورة بنقابي]

اجابك الاخ ghecham mohamed.
و نعلم السياقة من الافضل يكون وحدك بعد ان تكوني ديتي البرمي يعني قدام الدار و اتعلمي,بالنسبة ليا بعد ان اخدت البرمي لم اكن اعرف حتى احرك السيارة و كنت اتعلم مع الاب تاعي و لكن مع الخوف رجلك يولي يرعش كيديريه على لومبرياج,مبعد كنت نخلي الاب حتى يروح لكاش بلاصة و نخرج الطوموبيل قدام الدار و نتعلم بالشوية غير بروميار و دوزيام كتعلميهم البقية سهلة جدا;

صح عندك الحق
كي تكون مع واحد تتفرش كامل
ماكاش كيما تكون وحدك وتتعلم
بارك الله فيك

[فخورة بنقابي]

ههه لا زم يعمك شخص يركب معاك ووجهك كلنا تعلمنا هاكذا شوفي كاش اخت تعلمك مافيها والوا لا انصحك بسياقة وحدة في الظروف الي راكي فيها وانت لا تعرفيت حتى كيفية اخراج السيارة من البركينق لا تغامري اختي

راني درت كوراج وخرجتها من الباركينغ ودرت وجيت لباب الدار
كاليت خمسة خطرات واقيل بصح المهم ما خفتش ومشيت

[khaledboute8]

راني درت كوراج وخرجتها من الباركينغ ودرت وجيت لباب الدار
كاليت خمسة خطرات واقيل بصح المهم ما خفتش ومشيت

هه هذا جيد غير بشويا وتتعلمي وربي معاك وربي يسهلك ان شاء لله

[derski]

السلام عليكم
النقطة الأولى على حساب كلامك ماراكيش 00 فقط راكي لا علاقة.اسمحلي على كلامي لكن هده الحقيقة مي ماشي هدا عيب
النقطة الثانية متقدريش تسوقي وحدك و تخرجيها وحدك مام نقولك واش اديري التطبيق شيئ اخرتقيسي السيارات اللي بجنبك وهدا احتمال كبير.النقطة الثالثة و المهمة لازم تتعلمي مع شخص صبور في مكان خالي باه متقيسيش السيارات الأخرى.ولكان ملقيتيش نظن كاين مدراس السياقة قادرة تجيبيهم و يعلموك بالدراهم هدا أكيد
نصيحتي الصبر ثم الصبر رانا قاع تعلمنا بصعوبة .مي كي عندك سيارتك رايحة تتعلمي بالخف و نظن 20 يوم رايحة تولي تسوقي عادي جدا انشاءالله والله هو الموفق

[sunshine2013]

السﻻم عليكم
أختي نمدلك طريقتي كيفاش تعلمت
تقدري تقولي شهر تعلمت و كنت في نهاية الأسبوع برك و الحمد لله
أوﻻ بديت مع أخي علمني الأساسيات في السيارة يعني واش هو لومبرياج الفرانات ...الخ يعني النظري و فتنا للتطبيقي مباشرة بعد الشرح تعلمت كيفاش ندير كونتاكت و نديماري برونيار كنت ديماري و نحبس و نعاود نديماري و نحبس بﻻ ما نطفي كيما في السيركيﻻصيو و مبعد كيفاش نفوت ليفيتاس و المارشاريار و كي يكون قدامي حاجز أو obstacle و مبعد الديماراج اونكوت
المهم بزاف صوالح و نصائح مع شوية تطبيق في الملعب و الأسبوع الموالي بديت نخرج مع أخي برا شوية يعني طريق بعيد على الغاشي و مافيهش بزاف السيارات مرة على مرة تفوت وحدة و الحمد لله سلكتها كنت نحكم اليمين نتاعي دون مشكل و تاني ورالي كيفاش نستاسيوني هدي لحد الآن مازال ما نجحتش فيها مليح
المهم بعد 3 أسابيع شافني خفيفة في الفهامة و تحكمت بسرعة في الأساسيات، إدن دخلنا لمركز المدينة كنت خايفة بصح فاتت على خير و بديت نفهم و قالي خويا ما نعيا نفهمك بصح كي تسوقي وحدك تفهمي أكثر عﻻخطرش صدعتلو راسو بالأسئلة مثﻻ كنت نقولو الطلعة شحال ﻻزم السرعة يقولي كل طلعة و كيفاه ما نقدرش نقولك و تاني قالي مع الوقت تتعودي على صوت المحرك و صح كيما كان الحالو كي راحلي الخوف وليت نخرج وحدي تحسنت بعدما كمل الشهر و شوية عطاني خويا نسوق في الطريق السريع والحمد لله سلكت راسي
و دوك راني مليحة شوية نقائص بصح تحسن كبير جدا و نكي نتفكر ضحك على روحي كيفاش بديت نددش ههههه
نتي ﻻزم يكون معاك واحد يعرف لأنو السياقة ماهيش لعب راهي حياتك و حياة الناس في خطر كيما خالتي كي كانت تتعلم تقلقت و خرجت وحدها و هي مازال مش متحكمة في المبدئيات ضربت طفل راكب دراجة مزية كانت السرعة قليلة و ماكاش حاجة خطيرة
موفقة

[youcefpc]

اختي العزيزة بهذه الطريقة لايمكنك أن تتعلمي جيدا لازم الميدان
شوفي واحد فاميلتك يعلمك وهو جالس بجنبك لكي يرا أخطاءك ويصصحها مباشرة
ولتفادي أي مشكل لا قدر الله
نوصيك على 2 حوايج
خذي حذرك عند تقاطع الطرقات مثل هذه الصورة :
http://www.palsharing.com/i/00031/u4va8jemwofm.jpg
الشعب اللي رانا عايشيين معاه ما يحتارمش اشارات المرور إلا ما رحم ربك
وزيد كي يشوف مرأة تقود سيارة يحقرها بالعين
2 نوصيك على الأطفال تهالاي فيهم ما يعرفوش طريقة قطع الطرقات ماناش كيما الغرب نقرو ولادنا على كل صغيرة وكبيرة
والله ولي التوفيق