تنظيم وقت دراسة

[lili2]

مع دخول مدرسي ومعرفة برنامج كل واحد يمد برنامج لي يبدا يفرا بيه وننصحوا بعضانا من خلال تنظيم الوقت

[نهاد 34**]

فكرة هايلة ربي يوفقك

[rahima17]

شكرا على طرحك هذا الموضوع
انت اي شعبة

[lili2]

انا شعبة علوم تجربية

[سلمى سلومة]

فكرة :19: كيفاه رايح انت تنظم وقتك
انا حتى نشوف التوقيت الأسبوعي تاع الليسي ونقرر لكن رايحة نركز على الفيزياء لأني شوي ضعيفة فيها

[نهاد 34**]

لا تغلطي وتركزي على مادة واحد فالكل مهم

[lili2]

كي ندخلوا نقراو نكتب برنامج لي درت
وننصحك فيزياء متركزيش عليها وتمديلها كامل الوقت لان فيزياء ورياضيات نقاط فبه غبر مضمونة
نمدلك على طريقة ادا جربتها تقدري تدي نقاط مليح في اي مادة هدي طريقة قريتها في كتاب تطوير قدرات الذاتية وعلم نفس
اول حبي المادة افهمي اي درس مشي تحفضيه ونخيليه كيفاش يعمل كل ماتبقاي وحدك قولي انا نحب فيزياء فيزياء سهل انا ذكيا في
فيزياء اول وحدة التفاعلات الكيمائية تخيلي وش راه يحدث في التجربة كيفاش تحول شوفي تجارب لي يديرها أستاذ
ادا طبقتها منحتاجيش تحلي بزاف تمارين وتجيك قرايا مسليا بزاف وتدي نقاط بأقل تعب وأكثر ذكاء
ملاحظة في محور اول متخافيش من معادلات و ماتحفظيهاش اعرف طريقة حل واتخيلي تجربة

[sindi]

مرسيييييييييي ليلي عجبتني الطريقة بزاف

[cirinne]

ان شاء اله ربي كون في عوننا
انا تاني علوم تجريبية
وكيما قالوا الاخوات
نشوفوا برنامج الدراسي وجدول التوقيت وممبعد نتفاهموا

[lili2]

كيفاش كان ليوم اول من بداية سنة دراسية

[lili2]

حنا قالولنا باكلوريا يجوا بعد العيد

[walid chaachoua]

ربي يوفقنا انشاء الله

[lili2]

انا بديت ندير في يرنامج على حسب توزيع السنوي لدروس
انا مزال معرفت برنامج الدراسي للانني مازال مدخلت نقرا وليسي لي نقرا فيه مكاين حتى تلاميذ باكلوريا يجوا يفراو وادراة قالت لكل تلاميذ غبر متعبوش روحكم اروحوا بعد العيد

[lili2]

لي شاف برنامج دراسي يقول على توقيت

[lili2]

برنامج لي درت يبدا من يوم الاربعاء

[technologic-14]

vous saviez que nous allions avoir cours de 8h du matin jusqu'à 17h wallah ghir bezzaf 3lina

[lili2]

صح عيدكم وان شاء الله نعيدوا بصح وعافية
ربي يوفقنا وننجحوا في باكلوريا

[lili2]

اسمحولي انا كنت شويا لهيا مكانش عندي وقت بزاف به نكتب لكم توقيت

هدي اهم شي يجب ان تعرفوه يجب عدم الضغط من بداية وزيادة الوقت بتدريج لان دروس الاخير تكون هي مهم وقبيثب صعب لذاك عند الوصول اليها تكون تعبت ومتقدرش تركز مليح وتكون الدراسة كل يوم نزيد شويا وقت
الاربعاء 23 سبتمبر 2009

الوقت .18.30 مساء الى 20
علوم الوحدة تركيب البروتين
مراجعة الدرس وحل انشطة الكتاب المدرسي
من 22 الى 23 تحضير دروس ادبية وقبل النوم قراءت درس التاريخ
الخميس 24 سبتمبر 2009
رياضيات مرجعة جدول النهايات والاستمرارية وحل امثلة
22 الى 23 مثل اليوم الاربعاء
قبل النوم قراءة درس الجغرافيا
الجمعة 18.30 مساء الى 20
فيزياء مراجعة التجارب وحل الامثلة
هذا اليوم يكون عطلة يكون فيه دروس الخصوصية هو يوم السبت والثلاثاء
عند انتهاء من دن الدرس خصوصي راحة نص ساعة ثم مراجعة في ذالك اليوم
انا وضعت لي برنامج شهر ينتهي في اكتوبر اذا اعجبتكم طريقة لا تبخلوني في دعاء لنا بنجاح في باكلوريا
وساكتب لكم بقيت الايام مع الوقت وعلى نوع الدرس صعب ام سهل

[جزائرــــية]

السلام عليكم ورحمة الله وبركاته:
بصراحة تنظيم وقت الدراسة أمر صعب جدا مع التوقيت الزمني الجديد
الدروس تبتدئ من 8:30 حتى 17:30
ناهيك أن آذان المغرب في الفصل الممطر يؤذن على 18:00، وخاصة أنني لا أدرس في المنطقة التي أعيش فيها

أسأل الله الإعانة والتوفيق لي ولكل المقبلين على امتحان البكالوريا

المهم اللي عنده أي برنامج فلا يبخل علينا

[lili2]

اختي عزيز المسلمة انا قريت رد لي درتيه ولقيت انوا فيه حزن وياس بلاكي من ذرك مدخليش تغير الوقت في بالك من درك دري في بالك انك تنجحي ورايح تنجي ان شاء الله مكانش حاجة تهبطلك مورال الهاي بقرايتك برك
اد مفيش مشكل تكتبيلي توقيت الدراس نتاعك لي في المدرسة مع المواد لي تقرايها ةانا اد قدرت نكتب لكي توفيت ربما يناسكي اد حبيتي
نوصيك بلاكي من ياس وان توقيت لي كتبتوا يساعدني انا على حسب الدراسة في ليسي موعد العشاء

[lili2]

وين راكم ياطلاب وين وعودكم في كتابة التوقيت الدراسي بعد الدخول المدرسي .............................؟

[miad.fcs]

طريقة لتنظيم الوقت:
1 يجب التركيز داخل القسم وعلى كل المواد سواء كانت علمية او ادبية
2 تقسيم الوقت كالتالي:
-3سا مراجعة وتحضير الدروس الموالية يوميا
-ممارسة الرياضة 1سا كل يومين
-النوم جيدا

أنصح بالاهتمام بالمواد الادبية لأنها هي التي ترفع المعدل

حظ وفير للجميع

[سلمى سلومة]

أنا نقرا ف النهار 3 ساعات
الأحد و الاثنين و الأربعاء و الجمعة :علوم و فيزياء
الثلاثاء و الخميس :رياضات
السبت :دروس خصوصية و نرتاح
الجمعة :مواد أدبية
الثلاثاء مساء:تحضير الدروس بالنسبة للمواد الأدبية
انتظر ردودكم:19:

[نورالدين27]

من كانت بدايته محرقة كانت نهايته مشرقة
من رام العلم جملة ذهب عنه جملة

[sindi]

احنا لحد الان مازال مابنش جدول التوقيت على حسابو يقدر الواحد ينضم وقتوا وشكرا بزاف بزاف على الموضوع

[lili2]

اختي سلمى اسمحلي بصح ادا كنت تقراي 3 ساعات متواصلة تتعبي بزاف لازم ترتاحي اقراي ساعة ونص وريحي ومن بعد كملي
واد قريت علوم من بعد فيزياء صراحة هذوا في زوج مواد علمية ومعاملات مرتفعة متحقريش علوم معامل 6 من الاحسن كل مادة في يوم
واد قدرتي تشري كتاب احمد امين خليفة هو كتاب رائع في علوم فيه 50 تمرين في وحدة اول 84 تمرين في مناعة 34 تمرين في الانزيمات
كتاب رائع تحلي تمارين وانساي حاجة اسمها سجيات في علوم تمارين قمة شوفبها وانتي احكمي
وادعيلي بنجاح في باكلوريا ان شاء الله يكون عندكم هدا كتاب وادعولي برك

[سلمى سلومة]

شكرا لك أخت ليلي على ملاحظتك وتوجيهاتك ساخدها بعين الأعتبارو ربي ينجحك ان شاء الله
سلام:)

[lili2]

كابن بزاف يقولوا شكون هدي لتنظملي وقتي كل يعرف كيفاش ينضم وقتوا
انا هوايتي فراءت كتب خاصتا كتب نطوير الذات لكابن بزاف منها تحسين قدرات الفردية .وغيرها
لقيت انوا مفتاح نجاح اي شيء في الدنيا تخطبط وتنظيم الوقت
ادا خططة ونظمت وقتك وكان عندك طموح كبير نوصل وين تحب

[ماليل]

ليلي ملي كنتي صغبر وانتي منظم بزاف ودرك راكي تنظم لينا الوقت انا راني خايف بزاف مدلي طريقة ثانية بش نبدا نقرا عليها

[سلمى سلومة]

يا أخت ليلي لقد بحثت في معظم ولايات الشرق ولم أجد أثرا لكتاب أحمد أمين خليفة وقال لي معظم الباعة أنه لم يطبع كتاب حسب النظام الجديد

[lili2]

والله غير انا نقر بيه عام لي فات خرج في نهاية افريل عندي شريتوا والدار لي تنشر كتاب اسمها منشورات المداد
ادا تعرفي اي واحد يسكن في الجزائر قليلوا يشريلك كتاب وادا حبيتي اعطيني لدغاس انتاعك وانا نبعثلك كتاب

[lili2]

استعد للباكلوريا بتفوق
احمد امين خليفة
علوم طبيعة والحياة
(تمارين محلولة )
وفق البرنامج الوزاري الجديد
علوم تجربية ورياضيات
الجزء الأول
منشورات المداد
وفي خلف
يحتوي الكتاب 167 تمرين بحولها الكاملة
تركيب البروتن 50 تمرين
العلاقة بين بنية ووظيفة البروتين
النشاط الانزيمي للبروتينات 33 تمرين
دور البروتينات في الدفاع عن الذات 84 تمرين
الجزء الثاني مزال مخرج فالو في جانفي
فبه دور البروتينات في الاتصال العصبي
تحويل الطاقة
التكتونية العامة

[lili2]

ربي يهدي مكاتب لي روحتيلهم

[سلمى سلومة]

شكرا جزيلا سأواصل البحث وان لم أجده الله غالب

[zahradz]

السلام عليكم و رحمة الله تعالى و بركاته
من فضلكم أنا راني ما لقيت بيها وان ما لقيت كيفاش نقرا نروح لدار غلبانة و نزيد نعاون ماما شوية هي مريضة تولي هكداك 8 نقرى قل من ساعة نغلب و جربت نوض الصباح و ماقدرتش غير مدولي توقيت نقرا عليه
و ما زاد الطين بلة أني ندير دروس خصوصية في رياضياتو فيزياء و علوم خاصة و أني ما نفهمش عند الأساتذة تاعنا في ليسي
ادعيولي بالهداية و التوفيق و السداد اخوتي
السلام عليكم

[خليدة عليوي]

ربي يوفقنا انشاء الله

[lili2]

السلام عليكم و رحمة الله تعالى و بركاته
من فضلكم أنا راني ما لقيت بيها وان ما لقيت كيفاش نقرا نروح لدار غلبانة و نزيد نعاون ماما شوية هي مريضة تولي هكداك 8 نقرى قل من ساعة نغلب و جربت نوض الصباح و ماقدرتش غير مدولي توقيت نقرا عليه
و ما زاد الطين بلة أني ندير دروس خصوصية في رياضياتو فيزياء و علوم خاصة و أني ما نفهمش عند الأساتذة تاعنا في ليسي
ادعيولي بالهداية و التوفيق و السداد اخوتي
السلام عليكم
اول حاجة ديري في بالك يلي تقدري تنجحي وعندك جميع الامكانيات باش تنجحي
اما بنسبة لوقت معليش ابداي من8 كي تكملي عشاك ابداي كل يوم مادة علمية
مثال السبيت رياضيات
الأحد علوم
الاثنين فيزياء
اقراي من ساعة ونص الى ساعتين ومن بعد زيدي بتدريج باش متكرهيش وتعودي عقلك على خدمة
المواد الادبية علوم الاسلامية الاجتماعيات
يوم نضي صباح على 5 وغدوا متنوضيش نهار بعد نهار احفظي فيهم
الانجليزية وفرنسيا انا صراحه مزال مابديت نحضرهم لكن انتي ابداي في اسبوع مرتين اقرايهم لمدة ساعة
انا راني نقرا كيما هاك ومن بعد ساعتين نزيد نص ساعة وفي الفصل الثاني تولي 3 ساعات