كآرثة

[mounia5]

سلام

أنا البارح جربت تحلية بعصير رامي برتقال و قطع من الموز بصح ما نجحتليش جات حامضة و الأولاد قالولي فيها الريحة تع الدواء تع البانان
النتيجة ما شربنا العصير ما كلينا التحلية و زيد خسرنا البانان
:1::1::1::1::1::1::1::1:

[hadjer english]

الله يعييينك هههههههههههههههه بالاك ماكترتييش السكر أنا بصراحة خفت نجربها خااط ساكنة مع ناسيي خفت نتبهدل ههههه
سلامت راااااسك

[TOFNINE]

هههههههههههههههههههههههههه انا ثاني يوم درت كريمة الليمون وموالفة نديرها ديما بنينة واليوم حلفت الى شدت روحها بقات جارية ربما المايزينة مش مليحة والمهم طابو رجليا في الكوزينةو من بعد النتيجة 000000000000
لكن في سبيل الله

[mounia5]

تبهديلة أو خسارة في نفس الوقت
لولاد كانو ساخفين على كاس عصير و قلتلهم أستناو نديرلكم حاجة مليحة مع الآخر قالولي بآاع فيه ريحت الدواء
أو زيد راجلي قاللى ماتزيديش تديريلنا التحليات

[oum nardjes]

انا تاني جربتها نهار جا لينا خطيبي وخرجت اعععععععععع ماشي غير تبهديله لي ياكل مغرف يحطها وما يعاودش يرفدها

[choroukguid]

هههههههههههههههه هادي هي ساعات الحاجة تصلح من المرة الاولى وساعات لا

[شمس بريكة]

ههههههههه مارانيش وحدي مالا كيكة الدانيت هبطتلي في لوسط بصح كلاوها وقلب اللوز جاني ناشف حجرة طيشتو نعمت ربي واش راح نديرو لازم نتعلمو و العائلة هوما فئران التجارب هههههه انا كي ندير حاجة جديدة نجربها في عايلتي اذا صلحت نعرض خطيبي عليها خخخخخخ

[mounia5]

سلام
بالنسبة للخطيب خرجي معروف كي ماهربش
غير وصيه ما يحكيش لحكاية لدارهم والله تقعدلك مارة للأبد
أناراجلي قعد يخزر فيا مليح ومبعد قنبلني كي قال ماتزيديش تديريلنا التحليات

[lamia zina]

تاخدي راي العصير المعلب فيه مواد كميائية و كي تزيدي تسخنيها على النار تزيد تتفاعل مزية ما كلاوهاش اذا حابة ديري التحلية ديريها بالعصير الطبيعي تع البرتقال احسن