يوميات درصوفة

[دورصاف جوجو]

السلام عليكم ورحمة الله وبركاته
صباح لخير حبابي وحباباتي نتمنى تكونو صبحتو بخير
انا هذ الصبحة نضت كي لفحلة بكري درت لغدا للام نتاعي ربي يحفظها
وسيقت الدنيا من لفووووق للتحت وقريت شويا الباك قرب
وذرك دخلت للجلفة نتفقدكم ونتوما واش مدايرين فيها الصبحة هذي

[مريم الصابرة]

السلام عليكم اختي
راكي شاطرة ماشاء الله
ختك مريم بايتة قاعدة مريضة مازال ما رقدتش واليوم راه العشا اليوم الثالث نتاع خالي وانا ما نقدرش نروح الصباح لانو مريضة ما نقدرش نرقد فدار الناس ووين الغاشي والحس واصلا نبقى واقفة بزاف نطيح عليها راني فالدار نرتاح والعشية نروح
والو راني دخلت نطل عليكم شوي ونحاول نرقد
هذي هي الصبحة ككل صبحة
شكرا لك وربي يحفظلك امك ويخليك ليها

[دورصاف جوجو]

يا عمري اصبري برك راكي حبيبة ربي خاطر ربي كي يحب عبد يبليه ريحي روحك برك وارقدي شويا المنتدى
ميش راح يهرب رانا كامل هنا وبخير ولعشيا كي تروحي متغلبيش روحك وتهلاي فامك برك
وكيما قتلك كي تحتاجي حاجا قوليلي برك

[مريم الصابرة]

يا عمري اصبري برك راكي حبيبة ربي خاطر ربي كي يحب عبد يبليه ريحي روحك برك وارقدي شويا المنتدى
ميش راح يهرب رانا كامل هنا وبخير ولعشيا كي تروحي متغلبيش روحك وتهلاي فامك برك
وكيما قتلك كي تحتاجي حاجا قوليلي برك
اهلا جوجو
ربي يخليك اختي ويهنيك يا رب
المنتدى لازم نطل عليه راه إدمان وتوحشت نكتب مواضيع ونتفاعل معاكم ونشارك لكن الله غالب نظل فالسبيطارت الله غالب امر فوق يدي
شكرا العشية نروح برك شوي ونرجع للدار لانو عيب ولازم نروح لكنهم عارفين كلهم اني مريضة وما نقدرش
بارك الله فيك والله ينجحك نحتاجو تقراي مليح وتجيبي الباك إن شاء الله يا رب راج ندعيلك في كل صلاة
شكرا لك وجزاك الله كل خير

[دورصاف جوجو]

واحد ما راح يلوم عليك طلي برك وروحي ماتحمليش روحك فوق طاقتك وماتنسايش دواك
قوليلهم يديرولك حل ماتسكتيش نتي ثاني لازم تتعالجي

[مريم الصابرة]

واحد ما راح يلوم عليك طلي برك وروحي ماتحمليش روحك فوق طاقتك وماتنسايش دواك
قوليلهم يديرولك حل ماتسكتيش نتي ثاني لازم تتعالجي
اهلا
اكيد والدوا نمشي بيه وساعة ساعة ختك مريم تجي متكسلة فالارض نفيق بروحي فالسبيطار برك
بالنسبة للعلاج اغلبكم مشس فاهمين واش ندير شوفي نروح للسبيطار يهبطولي الحمى ينظفولي رجلي وساعات يقوا السطر عليا يديرولي دوا يرقد نرقد ونرجع للدار ماكانش حل وين روح وكيفاه نعالج وتخيلي تكوني وحدك امي مرات تروح تحوس خدمة هاكا بالساعة او نصف يوم قيس المصروف وانا نروح وحدي للسبيطار وللطبيب شكن يجري بيا او نحوس على طبيب يعرف والمشكل وين نروح نفس الكلام ما عندناش التقنيات لوضعك وتبقاي هاكا كرهت من البلاد هذي ومن الاطباء والمسؤولين اللي فيها
واش نديرو امر الله والحمد لله
شكرا لك بارك الله فيك

[دورصاف جوجو]

بصح حتا كي تبقاي هك ماهوش حل كون على الاقل جيتي قريبة نديرولك الحل والله ماتصلح تبقاي هك
او يفرج ربي من عندوا ماتقلقيش روحك

[*سندوسة*]

راكي تقصدي يوميات الاعضاء ماشي دودو هههه

المهم انا درت لفطور ومسحت الغبرة وراني قاعدة فلاشومبغ نتاعي

تعرفي كي نكون نخدم شغل يد فالشغل ويد فالميكرو

[دورصاف جوجو]

كي ختك يد فالغبرة ويد فتابلات انا لمكرو يعيد عليا

[مانقراش]

اممم نضتي بكري باه ديري الغداء ، باينة حطيتيلهم الفطور بارد
صحا واش زعما طيبتيلهم فطور ؟؟؟؟
هادي نتع نضتي بكري باينة فطور شباب
ڨولي الصح
نضتي بكري ههه محلفة على الغداء

[مانقراش]

اممم نضتي بكري باه ديري الغداء ، باينة حطيتيلهم الفطور بارد
صحا واش زعما طيبتيلهم فطور ؟؟؟؟
هادي نتع نضتي بكري باينة فطور شباب
ڨولي الصح
نضتي بكري ههه محلفة على الغداء

[~ دروب الخير ~]

فحلة الله يبارك
ربي يعاونك

[ranissa18]

:mh31: .............

[دورصاف جوجو]

اممم نضتي بكري باه ديري الغداء ، باينة حطيتيلهم الفطور بارد
صحا واش زعما طيبتيلهم فطور ؟؟؟؟
هادي نتع نضتي بكري باينة فطور شباب
ڨولي الصح
نضتي بكري ههه محلفة على الغداء

هههههههه والله شي غاظتني الام مسكينة تظال متمرمدة وليت هزيت عليها شوي سيقت
ودرتلهم جلبانة مانكذبش عليك بصح جات بنييييينة (حوحو يشكر روحو هههه )

[david2011]

بوركت اخي الكريم

[دورصاف جوجو]

فتاة وليس ذكر شكرا

[CouY]

السلام عليكم
بداية أسأل الله أن يشفي مريم و يحفظ الجميع
لدي إستفسار للأخت شفاها الله و أرجو أن ترد هي أو تصلونا بها
و جزاكم الله كل خير