غسالة ملابس كوندور او سامسونج

[أم شاهين]

السلام عليكم ورحمة الله وبركاته
حبيت نشري غسالة ملابس وحبيت نشريها في لبلاستيك ما عرفتش الماركة لمليحة قالولي سامسونج هايلة وكاين لي مجربة كوندور تعيشو لي مجربة تنصحني بواش عندها وبشحال شراتها ربي يستركم

[نور الملاك]

اختى احنا عندنا كوندور 12 كلغ هايلة مساعدتنا تخرج القش يشعل عندها عام ضرك الحمد لله شريناها 1400 مليون وربعمئة وبالقارونتي نتمنى نكون عاونتك دعوة خير اختى يكملي ربي حملي راني تعبانة بزاف

[أم شاهين]

بارك الله فيك اختي نور الملاك ربي يكمللك حملك بخير ويعطيك وقفة ساهلة ان شاء الله وتشوفي رضيعك بين احضانك يااااا رب
قلتيلي نتاع 12 كلغ هادي فيها روبيني واحد ولا زوج واسكو تدير الحس بزاف ولا لا خاطش خوفوني من الكوندور غير في الحس بزاف

[نور الملاك]

شوفي اختى كي تكوني تغسلي فيها عادي مكانش الحس الجيهة لي تنشف هي لي فيها الحس باسكو كاين فيها واحد الغطاء هكدا كي شغل يزير القش هو لي يدير الحس تقدري تنحيه كيما احنا شفناه يدير الحس بزاف نحيناه ولات عادي تخدمي بيها بكل راحة متخافيش منها راني نقولك هكدا من خلال تجربتي لوكان مجربتهاش مننصحكش بيها والروبيني فيها واحد برك يعطيك الصحة على الدعوة اختى وبصحتك الغسالة مسبقا

[أم شاهين]

الله يسلمك اختي وبارك الله فيك على النصيحة بصح انا لي حبيتها اوتوماتيك يعني تدير كلش وحدها ماشي نتاع زوج جوايه يعطيك الصحة لاهتمامك

[imanaz]

:dj_17::dj_17:
شريت غسالة كوندور وما نبدلهاش هايلة
ترفد 07 كغ و فيها زوج روبيني بصح راني نستعمل غير واحد خاطرش لانستالاسيون اللي عندي تاع روبيني واحد
شريتها ب 18.000دج ننصحك بيها و ما تديرش الحس روعة :mh31::mh31::mh31:

[أم شاهين]

يعطيك الصحة اختي ربي يهنيك وبارك الله فيك شحال عندك ملي شريتيها

[imanaz]

06 اشهر و نغسل بيها يوميا :19::19::19::19:

[الصبر الجميل]

حبيت نسال على الماشينة نتاع كوندور اللاوتوماتكية نتاع البلاستيك لازمها روبيني و لا تقري تحطيلها الماء وحدك على خاطر عجوزتي جابت وحدة و ما عندهاش الانستالسيو نتاع الماء ربي يجازيكم كل خير

[أم شاهين]

وعليكم السلام ورحمة الله وبركاته
تقدري تحطيلها الماء اختي بلا انستالاسيون بصح هي بالانستالاسيون خير ما تتعبيش وهي ما تتقاسش بالما بزاف وهكا تبقا صحيحة دايما
انا في الاول كي شريتها كنت نحطلها الماء وحدي من بعد فكرتلها عفسة في بلاسة الانستالاسيون نوصللها الانبوب من الحنفية ونحطلها الخرطوم لي يخرج الماء منها في لافابو كي تسحق الماء نفتح الحنفية وكي تدي حاجتها من الماء وحدها تحبس نتي اغلقيها وخلاص
بالصحة ولهنا عليها ان شاء الله

[هبه إبراهيم]

حاجه كويسه جداً

[ام ضياء01]

غسالة كوندور بلاستيك هي المخيرة وأما اذا كنت تحوسي حديد اوتوماتيك او الكترونيك فالأفضل سامسونغ اوlg
و الان كاينة كوندور جديدة تغسل و تعصر وحدها و فيها جيهة وحدة فقط نصف اتوماتيك

[أم عمار السطايفية]

انا شريت سامسونغ تاع البلاستيك نصف اتوماتيكية لكن مشكلتي ماتخرجش القش مليح مع اني نستعمل افضل المنضفات

[biboziani]

اريد شراء غسالة ملابس
machine a laver séchant condor 10.5/séchant 7klg
ممكن لي مجربها يقولي مليحة ولا لا

[خوخة02]

سلام عليكم
انا عندي غسالة كوندور بلاستيك هايلة تغسل روووعة