مشكلة الفاظ

[مشكلتي]

السلام عليكم ورحمة الله تعالى وبركاته

قبل الدخول في مشكلتي ادعو الله ان يفرج كرب كل مهموم

لااعلم كيف ابدأ ومن اين غير انني فتاة ابلغ من العمر 30 سنة،جامعية ،من عائلة محافظة جدا والحمد لله
ا
حلم ككل فتاة بان يهبني الرزاق الزوج الصالح -اللي يخاف ربي -

عمري ما جاو خطبوني بالرغم اني ماعنديش مشكل في الشكل والاخلاق والعائلة -يعني مواصفات يحلم بيها كل واحد

.والحمد لله تعرفت مؤخرا على واحد كان قاصد الخير بالصح انا قلتلو اصبر ايامات حتى يروّح خويا بحكم خدمتو البعيدة على

الدار وانا بصراحة واعدة روحي ما ندير حتى حاجة حتى يكون خويا حاضر.هو وافق .الحد الان كل شيئ عادى

المشكل ان هذا الانسان نحسو ماشي من مستوايا .كاين فرق كبير بيناتنا ماشي في المستوى الدراسي فقط لكن الكارثة في

المستوى الاخلاقي -مشكلة الفاظ الشارع- اللى كل مرة ما نتفاهموش فيها يبدا بالفاظو.

اول ما عرفتو قلتلو لازمك تنحي هذه الالفاظ تاع الشارع راني ما نحبهاش وما تربيتش عليها .قالي لازم تصبري معايا شويا

بالفعل صبرت وكل مرة كان ينقص منها وكل مرة يغلط بلفظ من الفاظ الشارع كان يطلب السماح

راح تقولو علاش مكملة معاه ؟نقولكم حبيت نفرح امي اللى كل ما نقعد معاها تقلي انها امنية حياتها انها تفرح بيا واللى في

عمري الكل في دارهم والحقيقة انا نحس عمري بدا يفوت بسرعة كبيرة .وكل مرة نقول درك يتبدل

لحد الساعة ما تبدلش كيما حابة انا .

اليوم قلتلو انها وصلت للنهاية بيناتنا ما بقاتش فيها عيشة .ماعاباليش اسكو عملت الصح والا اتسرعت

كل مرة كنت نقول فيها لروحي هذا درك كيماهاك وكيما نتزوجو لحكاية كيفاه تولي

ومرة اخرى نقول درك يتبدل .لازم شويا صبر

ادعولي ربي يفرج همي ويفك كربتي

[الصديق قروف]

ﺭﺑﻲ ﻳﻔﺮﺝ ﻫﻤك ﻭﻳﻔﻚ ﻛﺮﺑﺘك

[سجل أنا جزائري]

الأخلاق الرجل مهممة بزاف ما قلتناش هل يصلي أم لا ؟ يصلي في الوقت دائما ؟ علاقتو مع الناس ؟ سمعتو ؟ هيئته ؟

هذا كامل تشوفه و تحكمي عليه هل يصلح ام لا للزواج و ان كان بحكم اني رجل و اعرف عقليتهم جدا

اذا وصل لدرجة انو يهدر دائما هدرة مش مليحة قدام اللي راه تكون زوجتو ( اذا كان ناوس صح طبعا) لأانو كاين صح يطحيو مع صحابهم بصح قدام عائلتو و خاصة مرتو ما يغلطش هذا تقدر تسقميه أما هذا انسان ما شكتيش فيه الخير و مش تعك هذا تع وحدة كيفو ام كاين بنات يطيحو ثاني يجيو على بعضاهم ....

[NIGHTINGALE]

السلام عليكم
إليك رأي العالمين بأمور الدين منقولا :



الحمد لله والصلاة والسلام على رسول الله وعلى آله وصحبه أما بعد:

فمن اعتاد البذاءة وشتم الناس، ففعله هذا فسوق، لما رواه الشيخان عن ابن مسعود عن النبي صلى الله عليه وسلم أنه قال:

"سباب المسلم فسوق وقتاله كفر".

ومثل هذا السلوك ينافي كمال إيمان صاحبه، لما أخرجه أحمد والترمذي عن ابن مسعود أن رسول الله صلى الله عليه وسلم قال:

" ليس المؤمن بالطعان ولا اللعان ولا الفاحش ولا البذيء".

وهو مما يعرض صاحبه لبغض الله له، ففي الترمذي عن أبي الدرداء عن النبي صلى الله عليه وسلم أنه قال:

"ما شيء أثقل في ميزان المؤمن يوم القيامة من خلق حسن، وإن الله ليبغض الفاحش البذيء".

وعند أبي داود عن عائشة رضي الله عنها عن النبي صلى الله عليه وسلم أنه قال:

"يا عائشة إن الله لا يحب الفاحش المتفحش".

وكيف يصنع من سلوكه هذا، والمسلمون لم يأمنوا شره، ولم يسلموا من لسانه،

بما روى البخاري عن عبد الله بن عمر أن رسول الله صلى الله عليه وسلم قال:

"المسلم من سلم المسلمون من لسانه ويده"

فعلى المسلم أن يتوب إلى الله من هذا السلوك الذي يبعده من ربه، ويبغضه إلى المسلمين،

ويؤدي به إلى نار الجحيم، ففي الترمذي وأحمد وابن ماجه عن معاذ في حديث طويل وقد ذكر له النبي صلى الله عليه وسلم ما يقربه إلى الجنة ويباعده من النار، فقال له بعد ذلك:

"ألا أخبرك بملاك ذلك كله؟

قلت: بلى يا نبي الله،

فأخذ بلسانه و قال: كف عليك هذا.

فقلت: يا نبي الله وإنا لمؤاخذون بما نتكلم به؟.

فقال: ثكلتك أمك يا معاذ، وهل يكب الناس في النار على وجوههم إلا حصائد ألسنتهم"

[مانقراش]

:dj_17: هادا الانسان لي مايعرفش يهدر غادي ايهبلك moralement
اخطيك منه :mh92:
و ادا كنت عارفة روحك تقدري تبدليه و تحكمي فيه هاديك حاجة واحدا اخرى:1:

:rolleyes:





















و لا نقولك ، اخطيك ، انت قارية و مثقفة نورمالمو تدي واحد كيما انت و لا خير منك ،:19::D

[zahra viva]

يماك تفرح بيك كي تتزوجي برجل ترضون في دينه و خلقه
اكي فاهمة ؟

[مسمار جحا 19]

ربي يفرج كربتك وهمك
نظن انو علاقتك بيه اولا كانت محظورة كيفاش عرفتي بلي راه يغلط بزاف ؟وهو مزال متقدملكش
استغرفي مولاك واستخيري لربك بالتوفيق

[خالد عنابي2]

كل مرة كنت نقول فيها لروحي هذا درك كيماهاك وكيما نتزوجو لحكاية كيفاه تولي

ايوااااااااااااااااااااه هذا هو الصح

[mrmilano1984]

علاه المشكل في شكلك رانا شفناهم زعما شابات ووو مي القلب 0 والعقلية 00 واش نعمل بيها هادي المرا

[فتيحة تفاحة]

كالعاده كل وحدا تجي تشكر روحها و محافظه و تزيد تحمد ربي انها تعرفت عليها

و انت تهدري معاه في الحرام نورمال ما فهمتش وين راهي الحشمه و التربيه

باه يكون في علمك انت تشوفي فيه مش من مستواك لانو قاعد يسب و الرجال كفكيف قاعدين يشوفو فيك مش من مستواهم لانك تهدري مع الرجال و هوما يحوسو على بنت فاميليا
شكرا اخي كلام في الصميم هذه العلاقة حرام في الحرام لازام يخطبك ويعقد عليك به تتكلمي معهكلمة محافظة لها معنى اخر الحشمة والحياءووووووو

[بنت فاميليا]

السلام عليكم ورحمة الله تعالى وبركاته

من عائلة محافظة جدا والحمد لله
ا
......’؟؟؟؟؟؟؟؟؟؟؟؟؟؟؟

.والحمد لله تعرفت مؤخرا على واحد ؟؟؟؟؟
غريب أنك تحمدين الله على معصية وفعل حرام ؟؟؟؟؟؟؟؟؟؟؟
وباش تفرحي أمك لازم ديري الحرام باش تتزوجي ؟؟؟؟؟؟
تحاسبي في الشاب على ألفاظه من باب أولى حاسبي نفسك على فعلتك
يا أختي من يتق الله يجعل له مخرجا ويرزقه من حيث لا يحتسب فاتركي عنك هذا الحرام ربي يفتح عليك ويرزقك من بابه الوااااااااااسع

["" عماد الدين ""]

ﺭﺑﻲ ﻳﻔﺮﺝ ﻫﻤك

[غير هام]

السلام عليكم

ما تخميش انك تتزوجي وتفرحي امك وخلاص لازم تخمي في ولادك كيفاش راح يطلعو مع واحد كيما هكداك

الله يرزقك بولد الحلال

[جمعي البشاري]

كالعاده كل وحدا تجي تشكر روحها و محافظه و تزيد تحمد ربي انها تعرفت عليها

و انت تهدري معاه في الحرام نورمال ما فهمتش وين راهي الحشمه و التربيه

باه يكون في علمك انت تشوفي فيه مش من مستواك لانو قاعد يسب و الرجال كفكيف قاعدين يشوفو فيك مش من مستواهم لانك تهدري مع الرجال و هوما يحوسو على بنت فاميليا

صحيت بارك الله فيك
وجدت الجرح ويجب معالجته في اقرب وقت ممكن

[خالد عنابي2]

الاخوة الخبراء والشرعيين واصحاب الحكمة المقطرة المعلقين والمعنفين لصاحبة المشكلة هل قرئتم جيدا ؟

لااعلم كيف ابدأ ومن اين غير انني فتاة ابلغ من العمر 30 سنة،جامعية ،من عائلة محافظة جدا والحمد لله
ا
حلم ككل فتاة بان يهبني الرزاق الزوج الصالح -اللي يخاف ربي -

عمري ما جاو خطبوني بالرغم اني ماعنديش مشكل في الشكل والاخلاق والعائلة -يعني مواصفات يحلم بيها كل واحد

.والحمد لله تعرفت مؤخرا على واحد كان قاصد الخير بالصح انا قلتلو اصبر ايامات حتى يروّح خويا بحكم خدمتو البعيدة على

الدار وانا بصراحة واعدة روحي ما ندير حتى حاجة حتى يكون خويا حاضر.هو وافق .الحد الان كل شيئ عادى

لماذا تتغافلون عن هذه وترون فقط الجانب السيئ ؟

هي لم تقل ان كانت تخرج معه ام ان الكلام عبر الهاتف لماذا مباشرة افترضتم انها تخرج معه ؟

وزيد لي تقول حرام و "تديري فالحرام" مصطلح الحرام هناك يشير الى اشياء اخرى ايتها العفيفة الطاهرة التي لم يعرفها الفيسبوك ولا يتجول رقمها في هواتف الصعاليك

[naamane3]

ربي يفرج كربتك وهمك
نظن انو علاقتك بيه اولا كانت محظورة كيفاش عرفتي بلي راه يغلط بزاف ؟وهو مزال متقدملكش
استغرفي مولاك واستخيري لربك بالتوفيق

انا أأيدك
كيفاش تقولي ما عنديش علاقات
وتقولي خويا مازال ماروحش
وقولي في كل مرة ينقص من الفاضو
رعتكيفي طريق غلط
اقطعي هاذ العلاقة واستغفرير ربك كثيرا
عسى ان يغفر لك ويرزقك من حيث لا تحتسبين

[naamane3]

ربي يفرج كربتك وهمك
نظن انو علاقتك بيه اولا كانت محظورة كيفاش عرفتي بلي راه يغلط بزاف ؟وهو مزال متقدملكش
استغرفي مولاك واستخيري لربك بالتوفيق

انا أأيدك
كيفاش تقولي ما عنديش علاقات
وتقولي خويا مازال ماروّحش
وتقولي في كل مرة ينقص من الفاض الشارع
راكي في طريق غلط
اقطعي هاذ العلاقة واستغفري ربك كثيرا
عسى ان يغفر لك ويرزقك من حيث لا تحتسبين

[فراح فرفوشة]

حسبي الله و نعم الوكيل
وين راهي الكلمة الطيبة والنصيحة بالحسنى
الاحكام القاسية الهجوم على الناس و الردود الجارحة
اختي اصبري واتقالله يجعل لك مخرج
والتكافؤ في الاخلاق ضروري جدا في الزواج ليك و لولادك

[imi02i]

كالعاده كل وحدا تجي تشكر روحها و محافظه و تزيد تحمد ربي انها تعرفت عليها

و انت تهدري معاه في الحرام نورمال ما فهمتش وين راهي الحشمه و التربيه

باه يكون في علمك انت تشوفي فيه مش من مستواك لانو قاعد يسب و الرجال كفكيف قاعدين يشوفو فيك مش من مستواهم لانك تهدري مع الرجال و هوما يحوسو على بنت فاميليا

ليكن أسلوبك لبقا بعض الشيء ... راعي مشاعر الآخرين

[عبد الله 22]

السلام عليكم الانسان السوقي والفاحش في كلامه من الصعب العيش والتأقلم معه حتى من طرف بني جنسه ولا يتعايش معه لإ من هم مثله، وليس أسوء أخلاقا من رجل بذئ اللسان، لا تفكري بمنظور العمر ولوانه يشكل ضغط عليك لأن المشكلة ليس في تأخر الزواج بقدر ماهي في الشخص الذي سيكون زوجك ، إن شاء الله تلتقي برجل صالح يكرمك لسانه رطب بذكر الله

[رميسة الجزائرية]

الاستخارة اسمى الحلول فما خاب من استشار== هدا ان كان خطيبك \\
بما انه يحاول التغيير وكل مرة ينقص شيئا فشيئا حتى يصبح تقيا فمادا لوكنتي سببا في هدايتيه وارشاده وتقربه من الرحمان اليس افضل
انظري للجانب المشرق له فهو يحاول التغير فساعديه بالحسنى كل يوم يتعلم خلقا جديدا حتى يكون الافضل
صحيح انك ستتعبين لكن في الراءي ان تعديريه حتى يتخلق
اما ان رايت انه مستحيل بل من سابع المستحيلات ان يتصلح فتركيه