مشكلتي مع خطيبي

[مشكلتي]

السلام عليكم و رحمة الله تعالى و بركاته
مشكلتي مع خطيبي - زوجي المستقبلي باذن الله عاقد عليا مدنيا و شرعا- تكمن في صمته المفاجىء وتغيره الجذري في التعامل معي
اصبح كتوم جدا بعدما عهدته يتحدت في كل المواضيع يناقش و يعظ و الان اصبح اذا تحدث معايا يتحدت بشكل ثقيل جدا يعني من فوق نيفو كيما نقولو
الحالة هاذي راهي في مدة مايقارب شهرين و هو عليها
فالاول حاولت نصبر و قلت نخليه في صمتو بلاك عندو مشاكل بالاك ماحبش يحكيلي و يفرغلي قلبو ومع الوقت يرجع كيما كان -لانو مذاري معايا هاكذا لكن هاذ المرة طولت الحالة بزاف
حاولت مؤخرا نحكي بالتي هي احسن و نبهو للتغير نتاعو اتجاهي و معاملته لي بجفاء لكني تفاجات بقوله انو يحكي على حساب gوستويا و باني راني ندلل عليه هه لاحول و لا قوة الا بالله
لحد الساعة راني مكبرة عقلي و موسعة خاطري و ايماني بربي سبحانه و تعالى قوي جدا لكن الحالة اصبحت تؤرقني و اريد النصح منكم و جزاكم الله خير

[رميسة الجزائرية]

اختي هكدا الحكايات المستمرة اليومية في الهاتف تصنع مللا في العلاقة حاولي الابتعاد عن الهاتف وعدم الكلام معه لمدة اسبوع مثلا بحجة وسترينا الفرق بادن الله وصبرا جميلا اختاه فالصبر مفتاح الفرج وسايريه حتى النهاية فلعل في قلبه شيء ولعله مهموم من امر فكون انيسته لا متعسته
وان لم تريدي الابتعاد عن الهاتف فحاولي ان تخلقي انت جوااا ملائما للحديث وغيري فكره وكل مرة فكرة جديدة حكاية جديدة حتى يعود كما كان
لاتنسي الدعاء ثم الدعاء ثم الدعاء فربنا قريب مجيب الدعاء
تقبلي مروري

[sec 88]

بالاك عندو الحق . راكي تدللي عليه

[youyou19]

اصبري ياختي نتي لا عندك شهرين على هذه الحالة انا راني في 6 شهر مع الاول كنت نتقلق ونتوسوس وبعدا وليت عادي توالفي

[loubna 91]

اختي اولا الراجل ما يحبش المره الي تواصل معاه بزاف يحس روحو مقيد و زيد راكم حكيتو على حسابك على كلش واش خليتو لبعد الزواج بعدي عليه شويه خليكم تصدرو شويه هدره تقلي روحك تلقايه هو لي يعود يحوس عليك و ربي يسهلك

[NIGHTINGALE]

أعتقد والله أعلم أنه أصبح يحذر منك لشيء ما رآه منك ولم يطمئن له
فكثرة الكلام في البداية دليل على أنه كان يفتح لك قلبه على مصراعيه وأنه كان يطمئن لك ولا يخشى أن تطلعي على مواطن ضعفه
فالقلب المفتوح دليل على الائتمان لأن الواحد لما يفتح قلبه يسمح للآخرين أن يرو ما بداخله من أسرار ومن أمور شخصية
أما القلب المغلق فهو دليل على الحيطة والحذر، ودليله كثرة الصمت وقلة إظهار التجاوب أو إبداء الموافقة
حاولي مراجعة نفسك لعلك تصلين إلى الأمر الذي جعله يتغير ويفقد طمأنينته عند الحديث إليك
قد يكون أمرا بسيطا لم تعيريه اهتمامك
ولكنه بالنسبة له مهم !
ثم لا تنسي أن بعض التصرفات التي هي عادية بين النساء يحملها الرجال فيما بينهم على معنى آخر قد يكون سلبيا
فكري مليا حتى تضعي يدك على السبب الذي جعله يتغير
فإذا عرفته يمكنك الاعتذار إن تطلب الأمر ذلك أو توضيح الأمور بكل بساطة

[seridz]

انظن راه زعفان منك يمكن صدر منك كاش تصرف انتي هو معجبوش و في نفس الوقت مقلكش عليه و خلاها في خاطره انا لو تساعفيني اطرحي عليه سؤال و قوليلو مراكش زعفان مني اذا غلطت نبهني و قولي و قوليله راني حاسة بلي راك زعفان مني أتأكدي راح لسانو ينطلق لانك هنا حسستيه بلي راكي تهتمي بكل كبيرة و صغيرة حتى انك متحبيش تزعفيه . و نصيحة لوجه الله نقصو شوية من الهاتف لانو شحال ما كثرت الهدرة تكثر الهفوات . الله يتاوي عشرتكم اختي

[tayeb@@@@@]

أتركي الأفكار السيئة والهموم . فنحن الرجال قلوبنا مثل فصول السنة . أنا كنت مثلكي مع خطيبتي في أول الأمر لم نكن نترك الهاتف . والآن مضى عام وكأننا لم نكن نعرف بعضنا . من دون سبب ولست أعرف السبب

[كلنا راحلون]

عارف صلاحو معاك ونصيحة اخ خطيكم من هاتف احسن

[mounyabiskra]

ياختي الهدرة بزاف تجيب الزعاف، نقصو شوية اهدرو مرة في السمانة و اهدرو فمواضيع فيها الفايدة متدلليش عليه

[TOFNINE]

اخطيك منه فهو ممل وابحثي عن ما يملا فراغك بعيدا عنه

[فارس وجواد]

اخطيك منه فهو ممل وابحثي عن ما يملا فراغك بعيدا عنه
يـــــا أخي الكريم إتق ربك , الناس تجمع و أنت تحوس تفرق .
-
-
أختي صاحبة المشكلة هذه سلبية من سلبيات كثرة الحديث بين الخطيبين سواء علنا أو في الهاتف ,
و هذا الأمر صار شائعا , و مثلما قالت إحدى الأخوات ماذا تركتما لبعد الزواج ’ لأنه الأكيد أنكما إستنفذتما كل المواضيع و الكلام ,
فمن الطبيعي يحدث صمت بين الطرفين , لذا من الأحسن التعجيل في موعد الزواج , و إدخار بعض المواضيع و الكلام .

[رميسة الجزائرية]

اخطيك منه فهو ممل وابحثي عن ما يملا فراغك بعيدا عنه
ايجوز هدااااااااااااااااااااااااا ا
لاانصحك بهدا
تشبثي بيه حتى اخر لحظة من عمرك

[kawo]

ما تقلقيش روحك راكي بعيدة عليه نهار تروحي عندو يتبدل اصبري و ربي يفرج عليك

[ba3ziz]

الرجل لا يغير من تصرفاته بهذه الطريقة الا اذا وجد ان عفويته اصبحت محل سخرية او استغلال من الطرف الاخر.خاصة اذا كان حساسا
ا

[الدكتور شهاب الدين]

عليه بالرُقيه [ يُرقي نفسه بنفسه ]

[hadjer english]

انا في رايي ومن تجربتي الخاصة ههههههههه انه الرجل كي يحسك طايحة عليييييه ومهتمة بييه فوق اللازم يولي يدير هاكاا نتي ماتعيطيلووش أأأأأببببببببداااااااااا ادا كان يحبك أكيييد يعيطلك هو وكي يقوللك ماعيطتيليش قوليلو نورمال قلت بالاك مشغول ولا قوليلو ماكنتش قاعدة وماتبينيلوش بلي تموتي بلا بيه عادي يعني مانيش نقوللك اهملييه بصح صدقيني كل ماتقلتي روحك كلما حبك اكثررر
وماتبقايش تقوليلو راك تبدلت خاطر يكره ويتبدل اكثر قوليلو غيير الايجابيات للي فيه وادا بقا يتثاقل علييك في الهاتف ديري بروحك مريضة وحابة ترقدي خييييير مايطلعلك الضغط بالمعاملة تاعووو

[seridz]

انا في رايي ومن تجربتي الخاصة ههههههههه انه الرجل كي يحسك طايحة عليييييه ومهتمة بييه فوق اللازم يولي يدير هاكاا نتي ماتعيطيلووش أأأأأببببببببداااااااااا ادا كان يحبك أكيييد يعيطلك هو وكي يقوللك ماعيطتيليش قوليلو نورمال قلت بالاك مشغول ولا قوليلو ماكنتش قاعدة وماتبينيلوش بلي تموتي بلا بيه عادي يعني مانيش نقوللك اهملييه بصح صدقيني كل ماتقلتي روحك كلما حبك اكثررر
وماتبقايش تقوليلو راك تبدلت خاطر يكره ويتبدل اكثر قوليلو غيير الايجابيات للي فيه وادا بقا يتثاقل علييك في الهاتف ديري بروحك مريضة وحابة ترقدي خييييير مايطلعلك الضغط بالمعاملة تاعووو
----------------------
لا أنصحها بأن تفعل ذلك اذا اردتي ان تفهمي الرجل فعليك ان تفكري مثله و هذا مستحيل الرجل كي يكون زعفان و هاز كاش حاجة يميل الى الصمت و حتى اللامبالات الحل هو محاولة معرفة الشي اللي راه مزعفه او راه مخليه ساكت و ذلك باختيار الاوقات المناسبة و انتقاء الكلمات اايدك في عدم القول له انه تغير لانه سيدافع عن نفسه لانها ستحرجه بهذا السؤال لكن اذا قالت المرأة للرجل : راك زعفان مني اذا درت كاش حاجة قولي نبهني هنا سيتعاطف معاها و سيتكلم من تلقاء نفسه لكن اذا بقات تتاقل عليه سيظن انها بدأت تتكبر أو تتعجرف و هذا ليس في صالحها

[بنت الحاج 19]

الافضل انت ثاني تنقص الكلام معاه في الهاااتف لانه ما عنده حتى معنى خاصة انكم عاقدين يعني تعديتو مرحلة التعارف

[kalli]

الله يهدي ما خلق سبحان الله و لاحول و لاقوة إلا بالله

[sunshine2013]

أختي من حقك تهدري معاه و تعرفي واش كاين و لوكان نتي اللي تبدلتي غير هاك رايح يتقلق أكيد
شوفي أوﻻ راجعي نفسك إدا ماكيش غالطة في كاش حاجة وﻻ شفتي روحك كتري بكاش طلبات و ضغطتي عليه إدا صح تغير فجأة عيطيلو و هدري معاه بحزم و قوليلو واش كاين إدا هدر صح إدا ﻻ قوليلو أوكي براحتك و خليه ما تعيطي ما تضغطي عليه حتى ربي يفرج