واش رايكم ...

[مشكلتي]

السلام عليكم ورحمة الله تعالى وبركاته
مانيش حنطول بزاف عندي مرت خالي ماتت في 17 افريل الماضي اليوم 11 ماي 2015 دارت 24 يوم ولادها في اربعة بنتها لكبيرة 16 سنة والصغيرة 4 سنوات ونصف مزالوا يبكيو وماصبروا عليها
وفي 11 ماي خالي فاجاهم وراح خطب ابنة عمه وناوي اجيبها للدار في جوان بعد ما تجتاز وحدة من بناته السنة الخامسة
والله حنا اثروا فينا بالبزاف هو راح يخطب وولاده راحوا يبكيو على قبر امهم لي مزالت في بال كل واحد يعرفها فما ادراك ولادها



واش رايكم في باباهم وادعولهم ربي الان ان شاء الله تكون زوجة الاب هذه مليحة معاهم وماتزيدش الجرح كثر لي عليه

[.kiki]

رحمها الله و أسكنها فسيح جنانه
أسأل الله أن يملأ قلوب أبنائها سكينة و رضا
صحيح أنه لا يوجد ما يعوّض حنان الأم.. لكن عسى أن يجعل الله في قلب زوجة أبيهم الرأفة و الرحمة
في الحقيقة أنا استغربت من هكذا رجل... ألم يؤثّر فيه فقدان شريكة حياته مطلقا؟ سامحيني لصراحتي و لكنّها ... عشرة عمر...

لا علينا.. هو حقه.. و ربّما أراد ان يجد امّا بديلة لأبنائه في أسرع وقت
وفّقه الله لما فيه الخير و الصلاح

أوصيك و اهلك بالاهتمام بالأبناء و تذكيرهم بأن الله تعالى مع الصابرين و أن أمّهم ما كانت لترضى اذا علمت بحزنهم الدائم... الفقدان ليس سهلا أعلم.. و لكن حاولوا أن لا تتركوهم وحدهم... و الله خير حافظا..

[youyou19]

قلبي تطع ربي يصبرهم و ان شاءالله تكون زوجة الاب حنينة وترعاهم مليح

[tayeb@@@@@]

الله يجيب ما فيه الخير

[ماريـام]

و عليكم السلام

اختي الكريمة ربي يعوضكم و يصبركم على فراق و يصبر ابناءها

اختي لازم نخممو بوعي و صراحة

صح مشهد مبكي لكن لا نعلم هاذا الرجل ووضعو اكيد متأثر جداا بوفات الزوجة ام اولادو و كل رب اسرة و تصوررو للوضع و اختيارو للحلول

وماشي دايما زوجة الاب شريرة انا شفت حالات كانت حنينة و عطوفة و عوضتهم و ممكن اختيارو لابنت العم كام بهاذا سبب رعاية الاولاد

الاولاد صغار و يحتاجو رعاية و الاب ايضا يحتاج من يقف معاه و ينسيه الالم كونو عطوفين و فكرو بوعي هاذا رجل يحتاج زوجة توقف بجانبو

الطفلة مولات 4 سنين تبقى محتاجة رعاية و سهرة الخ
الزوجة الجديدة راح يكون عندها وضع و ضروف صعبة جداا و مسؤوالة ان شاء الله يختار من تقوم برعاية الاولاد احسن رعاية

اتمنى تتفهمي وجهة نظري و بالتوفيق

[NIGHTINGALE]

الرجل إذا ماتت زوجته يمكنه أن يتزوج من أخرى مباشرة بعد انقضاء مراسيم الدفن فالشرع لم يفرض عليه عدة كما فرضها على المرأة التي تترمل
ولا يعني ذلك أن فعله فيه خيانة لذكرى زوجته أو ما شابه
وانما هو محاولة لإعادة التوازن داخل العائلة بحيث لا يترك المجال لتراكم المسؤوليات التي كانت تتحملها زوجته المتوفاة
والله أعلم

[mounia 85]

سبحان الله هاد القلب لي عندو....على الاقل يخلي الجرح يبرا شويا ومنبعد يخطب

[0ibtissam]

الله يرحمها ربي يصبركم مي هدي سنة الحياة لو مراءة مات زوجها تقعد طول عمرها مي الرجل ميقدرش يصبر ممكن هو حب يزوج قبل رمضان ومقدرش يتحمل المسؤلية وحدوو ان شاء الله تكون زوجتة اب حنونة عليهم تنسهم ولو قليلا فرق الام

[rose de sable s]

ربي يرحمها و يصبرهم
من مفروض انه حاول بطريقة اخري تعويضهم علي امهم بهذه طريقة سيجعلهم يكرهون زوجة الاب
و هو مصدق راح خطب??????????
يحاول يبعثهم في عطلة عند اهل عندما يغيرون مكان شوية يريحو خاصة في عطلة و يتريث في زواج يشوف هذع لمرا تقدر تتوالم مع اولاد ام لالا
ام انه يريد زوجة فقط

[sunshine2013]

يعني شد مد ، الراجل يخمم في نفسو قبل أي شيء و هذا ليس بجديد، ربي يصبرهم و يعوضهم خيرا إن شاء الله

[خالد عنابي2]

الرجل إذا ماتت زوجته يمكنه أن يتزوج من أخرى مباشرة بعد انقضاء مراسيم الدفن فالشرع لم يفرض عليه عدة كما فرضها على المرأة التي تترمل
ولا يعني ذلك أن فعله فيه خيانة لذكرى زوجته أو ما شابه
وانما هو محاولة لإعادة التوازن داخل العائلة بحيث لا يترك المجال لتراكم المسؤوليات التي كانت تتحملها زوجته المتوفاة
والله أعلم

ماشاء الله الاخت العلامة السلفية :sdf:

اسال الله ان يتزوج زوجكي عليكي لكي نرى ان كنتي ستتقبلين ذلك بصدر رحب :19:

نعم الاسلام لم يجعل للرجل عدة ولكن ليس كل ما لم يرد فيه نص بالمنع فهو بالضرورة مباح ولا حرج فيه !!!

ماهي الصورة التي سوف ياخذها الاولاد عن ابيهم الذي لم يصبر ولم يحترم حتى مشاعر ابنائه وذهب للزواج بعد اقل من شهر عن وفاة زوجته وام اولاده ؟ اي انسان هذا واي قلب يملك ؟

لو كان ابي فعلها لكرهته وحقدت عليه وسعيت لاهانته طوال حياتي

[غير هام]

السلام عليكم

ان شاء الله تكون زوجة حلالية ما تغبنش الدراري ونتوما ولاده صبروهم وما تزيدوش معاهم قلولهم من حق ايوكم يتزوج وتكون عنده مرا

[رميسة الجزائرية]

اكيد راهو خمم في ولادوو وقال لوكان نخليهم يضيعو 100ب100 كان هكا يخمم
ربي يرحمها والله ولادها صغار بصح هادا مكتوب ربي
ربي يصبرهم ربي يصبرهم
ان لله وان اليه راجعون

[mounyabiskra]

ربي يصبرهم و ان شاء الله تكون مليحة معاهم مازالهم صغار و الله قلبي تقطع بصح لوكان صبر شوية برك.......

[zineb 2015]

Wallah rabi ykoun maahoum w ysabarhoum 3la mimethoum

[sunshine2013]

واحد الإنسان شوية كبير و ولادو كبار، ماتت مرتو، مبعد 40 يوم قالولو ولادو لازم تتزوج، قالهم لالا و كيفاش جامي خممت في هاد الشي و يماكم غير كيما ماتت، قالولو و الله ما تقعد وحدك و لازم وحدة تقوميك و لازم نزوجوك، هبط راسو من الحشمة زعمة و قالهم شوفولي هاديك اللي كانت تعاون فيكم و كانت تغسل في الشلاظة :confused:

[رميساء خولة]

ربي يصبر هذو الاولاد ولا حول ولا قوة الا بالله

[oumhana]

ربي يرحم المخلوقة و يصبركم ويدير التاويل لهذوك الدراري هما يكبرو وينساو يا حليلها هي لمدت خدها لتراب٠

[نور الرحمة]

الله المستعان امره محير يارب اصبر اولادو

[اخت امين]

الله يرحم ام الاولاد ويصبر اولادها عليها
هكذا هم الرجال ما إن يفارق الزوجة الاولى بالموت مباشرة يفكر في اخرى ( بعض الرجال) لم يراعي حتى مشاعر ابناءه في فراق امهم يا اخي انتظر تريث خذ الوقت المناسب صارح ابناءك هيئهم نفسيا الا يعلم انه في هذه الحالة سيخلق مشاكل كبيرة في اسرته لان الابناء يرفضون في هذه اللحظة ان تأخذ اخرى مكان امهم نحن نعلم ان له الحق كل الحق ولكن بالعقل والحكمة لكي لا يزيد الطين بلة وعوض ان يستقر باسرته يحصل ما لا يحمد عقباه

الله المستعان

[اخت امين]

واحد الإنسان شوية كبير و ولادو كبار، ماتت مرتو، مبعد 40 يوم قالولو ولادو لازم تتزوج، قالهم لالا و كيفاش جامي خممت في هاد الشي و يماكم غير كيما ماتت، قالولو و الله ما تقعد وحدك و لازم وحدة تقوميك و لازم نزوجوك، هبط راسو من الحشمة زعمة و قالهم شوفولي هاديك اللي كانت تعاون فيكم و كانت تغسل في الشلاظة :confused:



هههههههههه شاتي البن ومدرق الطاس

[natacha-sousou]

واش راح تديرو هدي هي سنة الحياة ، هو طول ولا قصر راح يزوج راح يزوج ،لازم تبلو الامر الواقع ،ما تدي ممكن هو خمم على الاولاد ...ممكن لقا هدي هيالوسيل باه يونسهم و الله ما تدي ، واش راح نقولك ربي يرحمها و وسع عليها و هوما ربي يصبرهم ، و ربي يهنيهم هدا ما نقدر نقولك ....ربي يجيب الخير