خاص بالبنات bac sport

[sara_h]

السلام عليكم ورحمة الله وبركاته

اريد ان اسالكم بخصوص BAC sport لمن اجتازوه

هل يجب ان انزع الحجاب فالكل يقول ذالك

انا لا اريد ذالك

لاني ثلاث سنوات لم انزعه ثم ليوم واحد افسد كل شيئ

لمن اجتازوه هل يجب علينا نزعه ام يمكن لبس السيرفات من تحت برك ؟؟

ارجوا اجابتي اليوم لانه غدوة نجوزوا

وشكرا

[Just.Girl~]

مرحبا
تنحي الخيمار قصدك ولا الحجاب كامل ؟

[اكرام.]

اولاا :: مانوع الحجااب الدي ترتديه ؟؟

هل تودين الجري بتنورة طويلة اختي؟؟

قالولناا ايه .. تنحووه .. مع الاسف

[wardouna]

للاسف ملزوم تنحي الحجاب

[chawiya 04]

السلام عليكم اختي
انا فوتوا اليوم وكاينين بنات دارو بحجاب كامل نقصد ب الجيب و القندورة و لابسين التحت السيرفات وكاين حتى لي ملبسش الحذاء الرياضي
راهم يقدروا الظروف ربي يعينك

[دينا11]

ختي على حساب ليبروف ليراح يجوزولكم مي الاغلبية نوغمال تلبسي الحجاب و تلعبي بيه مش محتم تنحيه

[وجدان الخواطر~]

السلام عليكم
أنا مزال ما فوتش و دايرا تاني حجاب طويل ، لكني فكرت نلبس طابلية طويلة للركبة و نلعب بيها لأنهم مايسمحوش عندنا ، حتى لمولات الجلباب

[sara_h]

انا دايرة حجاب كمبلي

انا كل طفلة واش تقلي وحدة لازم ووحدة نورمال

ومنعرفوش لي بروف شكونهم

[Amira Mimita]

ماش لازم تنحيه حنا معانا بنات داروا بالحجاب و اللي دايرين جلباب ينحوه ثاني ؟؟؟
لا عادي كيما تحبي حنا داروا بالجلباب

[دمعة الامل]

حنا درناه وواحدة ما نحات الخمار تاعها

ربي يوفقك اختي

[Nour Sine]

انا جوزت بالحجاب حليتو وبينتلهم السروال والحذاء

[maroua maroucha]

عزيــزتي شووفي كــىش ليكات تكون طويــلة وعريـضة او طابــلية طويـــــلة البسيهم واذا كانو يسمحو بالحجااب البسييييه هوو .

مووووفققققققة

[شمۋځ أنٹـے »]

حنآ كي فوتنآ مآقآلوش خلآص على آللبسة بيسكـ علآبآلهم بلي كآين بنآت مآيقدروش يلبسو سيرفآت
وآنآ مش موآلفة نلبس سرآول لكن لقيت بلي سيرفآت آفضل تكوني برآحتكـ
تقدري تلبسسي سيرفآت تحت وتبينيهآلهم...*

[رميسة الجزائرية]

ادا تقصدي الجلابية ايه تنحيها وانا نحيتها بالسيف عليا الله غالب
قالك لازم السيرفات موش الجلابية
ماعندك ماديري نحيها دقيقة وكي تخلصي البسيها وروحي
وادا تقصدي الخمار رانا في بلاد الاسلام واحد ماينجم ينحيهولك موحال
انا نهار باك سبور نحيت الجلابيا وخليت الخمار الطويل ههه تشوفو حالتي زي الطلابة هههه
من الفوق سلافيا ومن التحت سيرفات ههههه

[شمۋځ أنٹـے »]

آيه رميسهة عندهآ حقّ عآدي آلبسي سيرفآت يآكـ سآعة ولآ زوج تكمّلي
آلله غآلب محتمّهة..."آذآ قآلولكم لآزم تلبسو"
وآذآ مآقآلوش ....{تهنّيتي }

[..DJOUMANA..]

انا عقبتو و عندي صحبتي تلبس الحجات نحاتو في .... و لعبت نورمال و كبجات تروح عاودت لبساتو


و اذا قصدك على الخمار باينة مش راح تنحيه

[..DJOUMANA..]

البسي السسييرفات و فوقها الجيب و كيتوصلي نحيه ****راكي مع لبنات برك ******

ههههههههههههههههههههههههو لا كيما بنات اخرين دارو عبايا نحاوها كي دخلو و كي كملو .....

[أحلام أمّة]

انا لبست حجابي نورمال و كي رحت لليسي بدلت و لبست سيرفات
ما تنحيش حجابك

[khadidjahiroi]

سبحان الله ناس تحوس تعقب الباك سبورتيف بالحجاب و ناس جات بالفيزو و ديباردور تعقب تحيري في البنات لي يقراو معانا كيفاه هبلو
يا اختي انا دايرة حجاب طويل بصح نحيتو لبست سيرفات عريضة و تريكو تاع باسكات تاع خويا يعني طويل بصح جامي شفت وحدة تجري بالحجاب الطويل يعني ماجاتنيش الفككرة هاذي طوول

[sara_h]

هههههههههههههههههههههههههههههه

حنا معدناش الفيزوات عدنا السيرفات برك والله المديرة تحاوزهم لوكان يجو بديباردور ولا بالفيزو

وانا جامي لا نحيت الحجاب ملي درتو

ومرانيش حابة نحيه وقالولي بلي لازم تنحيه عليها راني نسقسي

[ميرا97]

لالا اختي كاينة وحدة عقبت معايا الصباح مدايرا جلباب
لبستو وتحتو السيرفات عادي جدا

[تفـღـآؤل ツ وردٍ✿]

السّلآمُ عليكممْ ورحمةُ الله وبركـآـته *

الأمرُ كله يتعلّق بالأسـآتذة ، أختِي توكّلي على الله - خذي معكِ السيرفآتْ احتيآطًـآا - ، والبسي حجآبكِ واجرِي ..

بإذن الله لآ أحدَ سيكلّمكِ ~

موفّقةة

[~فَصَبْرٌ جَمِيلٌ~]

السلام عليكم
اختي اياك ثم اياك نزع الحجاب انا حجابي طويل وخماري ايضا لعبت بهما
الحمد لله الاساتذة زادوا من احترامي والله لما راوني هكذا قالوا على لباسك تستحقين العلامة الكاملة
لانو ربي يهديهم لبنات فضحونا البارح
كيفاش تحبو ربي يوفق الانسان وهو يعصيه النقطة من عند ربي وما العبد الا وسيلة
البسيه برك عريض باش ما طيحيش

[minamouna]

يمكنك عدم نزعه معانا بنات لابسين حجاب شرعي ووحدين برقع ولعبو بيه نورمال


والله اعلم