مشكلتي

[مشكلتي]

السلام عليكم
تحية طيبة و بعد / اخوتي اخواتي ، لم اجد سوى هذا المنبر لكي اطرح المشكلة و التي تتمثل في جارة سوء ، جارة ماذا عساني ان اقول عنها (حشاكم دا....) الناس الكل يعرفوها و اعمالها الفاحشة و فوق هذا هي مسترجلة و العياذ بالله.
المهم استاجرت بالقرب من منزمنذ ان سكنت ونحن نتحاشاها، تفاديا لاي تعامل معها ، لكن بالرغم من ذلك لم نسلم من شرها حيث انها تستمع ما وراءالباب ( تتوقب) و تخبر الناس عما يدور في البيت ، و نحن لم نكن نعلم بذلك و ذات مرة اخبرنا احد الجيران انها تتحدث عنا في الغيب و تضرنا بكلامها ، فتجنبناها نهائيا ( لا سلام لا كلام ) .
خبطوها لجنون كي ولينا ما نهدروش معاها نهائيا و بدات تستفزنا بدءا بالصغار و صولا الى الوالد و الوالدة المعروفان بسيؤتهم الحسنة في المنطقة . تشتشم ليلا و نهارا ، ولم تجد من يرد عليها .
وصل بها الامر الى من تجده تقول له اننا نتحدث عليه عنها .....الى غير ذلك .....المهم تهدر فينا عند الناس الكل بلي حنا الي رانا نسبو فيها و نعتديو عليها . و ربي راهو شاهد لكان ردينا عليها حتى و لو بكلمة ، و فوق هذا تتوعدنا بالقتل ،حيث اعتدت على افراد الاسرة .
المهم نحن نعيش في جحيم معها .......... مراة شرانية ...
اناا قصدتكم باه تعاونونا بالدعاء . ان يرفع علينا الله شرها و يبعد علينا بلاءها بعد السماء عن الارض و يزلزلها الله و يجعل كيدها في نحرها .، و يرحلها من جوارنا ، فمهما هدرت على فعايلها ما تصدقونيش . ارجو ان تعاونونا بالدعاء ، اذا هي عندها الظهر تدير في الشر و ما تخافش حنا عندنا ربي نتكلو عليه و دعواتكم جزاكم الله خيرا ....

[رميسة الجزائرية]

هادي اسمها الغيرة
ربي يكون معاكم وياحليل الي يظلم الجار اكيد رح يوريلها ربي شطارتها
مستحيل ربي يقبل بهكا وكلي ربي وتشوفي واش يدير فيهاااا
كوني خير منها ومتسمعيش واش تقول خليها تتبلى يجي يوم وتسلك اصبري برك راهو ربي موجود

[خوخة02]

ان الله يمهل ولا يهمل سياتيها يوم تندم على كل مافات
قولي حسبنا الله ونعما الوكيل

[.kiki]

أسأل الله أن يكفيكم شرها و شر كل من أراد بمومن سوءا
باعد الله بينها و بينكم و أشغلها عنكم بما يصلحها ان شاء الله
ربي يهديها و يصبّركم عليها وش رايحين ديرو ابتلاء لازم تصبرو
حاولو تشوفو واحد من الجيران يهدر معاها بالعقل يقولها خطيك من الشي لي راكي ديري فيه بالاك يهديها ربي على يدّو و تحشم على روحها

[youyou19]

ربي ينجيكم من شرها

[tayeb@@@@@]

الله يحفظكم ويحميكم منها . المهم لازم تلازموا قراءة القرآن وخصوصا سورة البقرة . وأوراد الصباح والمساء . والدعاء في الصلاة

[ماريـام]

حصني نفسك و اولادك و دارك

الاحسن تتكلمو مع من كرالها البيت و تخبروه باش ميزيدش يكريلها

و ربي يفرج عليكم امين

[- بصمة خير -]

دعاء من خاف قوم
اللهم إنا نجعلك في نحورهم ونعوذ بك من شرورهم

[mrmilano1984]

ماعلاباليش علاش النسا ولاو يديرو المشاكل مع بعضاهم غيرة مفرطة وحسد ووحدة ماتحب وحدة تنجح لو راجل عمرو ماراح يستفز امراة بالطريقة هادي هادي اعمال بعض نساء وليس الكل طبعا كحلات القلب وسيئات النفس

[خالد عنابي2]

تسما انتم ساكنين في الحي وقدم فيه وهذه العاهرة المسترجلة جات جديدة وبدات تعمل فالمشاكل ؟

ساهلة شكوى لمصالح الامن الحضري والتدعيم بشهادات الناس الذين تتحدث فيكم بالسوء لهم

المفروض انكم عشرة قديمة ولن يقفوا مع عاهرة ضدكم خاصة لو علموا بافعالها الشريرة

[ام عبدو و ملاك]

ادعيلها ربي يهديها ماكانش قد الهداية و ربي يخلصكم من بلاها

[mrmilano1984]

بارك الله فيك اخي العنابي انت انسان تاع عقل كاين لي حابسين مازالهم بعقلية تاع العنف والقوة لي تجيبلك الا المشاكل والمصايب يعني نتا تعنف راح تولي مشكلة مزدوجة وووو ساهلة اعملو كما لقور تغلط نروح نشتكي بيك يجو الامن يرفدوها وراح يعاقبوها بلا مزيتها اوك يعني لازم الانسان يستعمل الطرق القانونية باه يربي الغير لا قوة ولا هم يحزنون كما يداعاو جابسين الراس خصوصا مع واحد كي يكبر يستعمل الدكاء وليس القوة لانها تجيب الا المشاكل والحبس وووو

[mrmilano1984]

يااختي ماكا ني دعوة ني هداية ماهيش حبة تفهم اوك يعني كل الطرق نفدت الحل ادن في توديع شكوي هناك راح تولي تحلل وتخاف والا ماخافتش الحبس ياكولها والشرع كاين

[غير هام]

السلام عليكم


الله يبعد عليكم شرها

[مُحمد رازي]

السلام عليكم


عندما تعانى من أذية جارتكى ومن سوء عشرتها وقلة احترامها لحق الجيرة
و إذا لم ينفع معها التناصح والارشاد ولا حتى التخاصم والشقاق و لا مقابلة الإساءة بإحسان
فاعلمي بأنك قد ابتليتى بمن لا يصلح معها الا الصبر
أحتسبي واستعيني بالله و ادعيه بأن يكفيك شرّها و ادعي لها أيضا بالهداية
حتى لاتخسرى دينك ودنياك وتخالفى وصايا الرسول صلى الله عليه وسلم كما فعلت جارتكى
و لن تخسري شيئا إذا هي قالت عليكم شيء و أنت تعلمين كذب ما تقول و الله يعلم حقيقة أمركم
وثقي بان الله سيجعل لك من بعد ضيقك فرجا ومن بعد عسرك يسرا

[خالد عنابي2]

بارك الله فيك اخي العنابي انت انسان تاع عقل كاين لي حابسين مازالهم بعقلية تاع العنف والقوة لي تجيبلك الا المشاكل والمصايب يعني نتا تعنف راح تولي مشكلة مزدوجة وووو ساهلة اعملو كما لقور تغلط نروح نشتكي بيك يجو الامن يرفدوها وراح يعاقبوها بلا مزيتها اوك يعني لازم الانسان يستعمل الطرق القانونية باه يربي الغير لا قوة ولا هم يحزنون كما يداعاو جابسين الراس خصوصا مع واحد كي يكبر يستعمل الدكاء وليس القوة لانها تجيب الا المشاكل والحبس وووو

بالفعل اخي :)
نحن لا نعيش في غابة ويجب اللجوء الى الطرق القانونية حتى لو كان الانسان غير مقتنع بفعاليتها وذلك من باب سد الذرائع وحتى لو اقدم لاحقا على فعل ما اضطراريا لا يقول له المدعي العام في المحكمة انه مذنب لانه لم يلتجأ للسلطات واستعمل قانون الغابة
ويجب على الانسان كذلك ان يسعى لتدعيم موقفه وتقوية حججه بالبعد عن الشبهات وحسن الاخلاق والمحافظة على علاقات طيبة مع الجيران وتبادل المعلومات حول المشاكل الطارئة حتى لا يتعرض لمقلب كبير ويضيع حقه ويزيد يجيبها فالحباس

واكيد ايضا انه يوجد طرق نفسية للتعامل مع هذه المراة وامتصاص شرها واخماده من خلال فهم دوافعها واشباعها فرعيا باش تبرد ;)

[naamane3]

اذكار الصباح والمساء تبقى شرها بعيدا عنكم

[natacha-sousou]

Rabi m 3akoum ya rab w Rabi ynsarkoum

[sanax]

ربي يهدي اذا كانت كارية لازم تهدروا مع لي كرالها

[مانقراش]

شوفي :dj_17: ماتروحي تشكي ماوالو ، غير ماكالاه ما تكبريها
هاذي راهي غايرة منك و حاسداتك ...
عندك راجل و خدام + اولاد الله يبارك + الهناء
سي نورمال المغبونة تكره حياتها ;) :D
انت ثاني حسني عونها
و meilleur solution باه طفيلها نارها هي انك تخدميلها شوية ڨاطو
تعرضيها في فطور ، :mh92::19:
و لا تحكي معاها شوية ،

[mounyabiskra]

نفس المشكلة تقريبا بصح حنا ماشي لهاذ الدرجة، حنا سمطناها هدرت هدرت حتى عيات ( القافلة تسير و الكلاب تنبح)