سبب المشاكل بين الكنة والعجوز

[كاميلا]

السلام عليكم
لطالما شد انتباهي حكاية الكنة والعجوز ولطالما تسائلت لماذا كل هذا ؟ ربما لان المراأة عدوة المرأة بطبيعة الحال او لربما هو حب التملك سواء من الاولى او الثانية وفي الاخير لاحظت العديد من الزيجات واستخلصت لنتيجة لربما هي العامل الاساسي في ذلك
ففي ملاحظتي ايقنت ان العديد من الزيجات العجوزة والشيخ حياتهم ليست مستقرة سواء بسبب اخطاء الماصي سواء بسبب عوالق اخرى كالضرب المعاملة السيئة الخ هاد النوع من الاباء دائما في حالة زواج اولادهم يوجد مشاكل مع الوافدين الجدد من الكناين او النسيب والاغلبية الكناين يعني بطبيعة الحال لاحظت انه معظم العجايز اللي ماعاشوش مليح مع رجالهم وبيناتهم فجوة عايشين مع بعض ولكن كل واحد في غرفة منعزل يجمعهم المأكل والمشرب وتبادل العبارات وخشانة الراس كامل مدايرين المنكر في العرايس
يعني الوالدين معاشوش مليح تجي الكنة تخلصها مليح وهكذا دواليك حلقة مفرغة الواجب ان تنتهي لولازم كل واحد يقوي شخصيته مش اللي حدثله يعاود يديروا في الناس هذا ضعف شخصية
وفي شق اخر المشكل الحقيقي للعجوزة انها تريد الزواج مرة اخرى خاصة التي توفى زوجها فتجد الكاين التسلية الوحيدة لها بحكم انه مجتمع ظالم يحرم عليها اعادة الزواج فالمخلوقة تكتم في نفسها وتسكت ويخرج كل هذا في العرايس
فما رأيكم ؟ انتظر الاجابات والاراء

[لمسة ابداع]

و الله االعظيم هدا المشكل يعاني منو براسك كامل الجزائرييين
انا ماما سوفرات في العايلة تاع شيخها الله يرحمو و مناه قاسات بزاااااف حلفت و قالت و الله مانخلي عرروسة من عرايسي تعاني كيفي و
الحمد الله درك عندها 4 كناين كل وحدة من نهارها مدايرتلها داارها و متدخلش فيهم خلاص
بصح للاسف الشديد كي متطيحيش في بنات الاصل لابغا ديريلهم جنة مكايش مليحة
المهم اي عجوزة و عروس تليقايهم ميتقابضوش اعرفي بلي الدرك جاي على واحد فيهم

[سحابة مسافرة]

صح كلامك صحيح بدرجة كبيرة و تحب لي دارو فيها الشيخ بكري لازم ولدها يردو في بنت الناس و تاني بالنسبة للنسيب لي مدي بنتها تلقاي مهما يدير ماشي مليح و السب من موراه و العكس صحيح كي تلقاي العجوزة متفاهمة مع الشيخها تلقايها مادابيها يكونو مرتاحين و مهنيين بسكو هي عاشت مهنية

[جازية كرم]

الله يهدينا كامل ، و المثل يقول أحلفي يا عجوزة ما كنت كنة ؟؟؟؟؟؟؟؟؟؟؟؟؟؟؟
المفروض كل وحدة و زهرها لكن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لازم العروسة (الكنة) تعيش مقهورة كيما تقهرت العجوزة ، و المشكل في بعض الحالات لازم تتقهر كيما تتقهر اللوسة أي إذا زهر البنت معوج لازم زهر الكنة يتعوج ؟؟؟؟؟؟؟ ما فهمتش علاه .............................

[أم عروة]

السلام عليكم ورحمة الله وبركاته

فعلا اختي قد يحمل موضوعك جانبا من الصحة

كاين لي تقول لعروستها انا تاع وجهي كنت نخرج ولا كنت نقل لزجي يمدلي دراهم نقضي وووووو
لابنتها تقولها نستعرف بيك اخرجي هاكداك نحي على خاطرك وتحرظها دير دارها وحدها وتزيد تقولك مسكينة بنتي مغبونة
ولعروسة تسكن معاها وتزيد تقولها مشي مرا لي ما ترفدش عجوزتها وتخرج بدارها وحدها ووووووو
اهذه هي النية والعدل في المعاملة ربي يهدينا

كاين لي كانو عايشين لاباس بيهم اقصد مع ازواجهم وتنفحلهم يديرو فالعروس
واحيانا لوكان غير في كامل لعرايس قال المصيبة اذا عمت خفت
ولكن في عروسة واحدة واتلاخريات يديرو وش يحبو والله المستعان

انت اسكتي واصبري واحتسبي الاجر ربي سبحانه ما يخليكش
بصح تسكتي مع العجوز الشيخ لانهم في مقام والديك
ولكن الاخريات اياك والسكوت على حقك لانك ستندمين اشد الندم

[رندة نهاد]

غريب امر المراة الجزائرية:sdf::sdf::sdf::sdf: تقول لابنتها الف واحد يتمناك:rolleyes::rolleyes::rolleyes: وابنها اذا خير وحدة تقول شكون هاد المزعوقة :D:D:Dالي تديلي وليدي ؟ تسعى لتزويج ابنها البطال وترفضه ان كان حال من خطب ابنتها :D:D:D وتقو ل لابنتها نمدك لسيد الرجال ولازم يكون عندو وعندو:confused::confused::confused: تكره كنتها :1::1::1: وتحب ابنها اليس منالمفروض تحب الي يجبها ابنها :rolleyes::rolleyes::rolleyes: اتذكر في الصدد قصة انه واحد جاب فتيات لامه وقالها امي خيريلي وحدة فيهم خيرتلو الطفلة الي باغيها قالها كيف عرفتي هدي هي الي نحوس عليها بالدات قالتلو ما حبيتهاش :1::1::1::1::D:D:D:D دمتم بالف خير وربي يحبب الحماة في الكنة مع انه اذا حصل هذا ابليس يدخل للجنة ربي يهنينا ويهنيكم شكرا لصاحبة الموضوع

[optimism]

السلام عليكم
نظرا لكثرة المشاكل بين الكنة والعجوز ,,,,,,دائما نتساءل ,,,,,,لما كل ذلك المشاكل ؟؟؟
الاختلاف في الراي او طريقة عمل او اسلوب حياة,,,,لايقتصر على الكنة والعجوز ,,,,,وانما نجد حتى بين الام والبنت,,,,,,,وهذا الاخير لايحدث فيه الخلاف ,,,,,انما بين الكنة والعجوز يحدث .....الى درجة عدم التوافق والوصول لاي نتيجة
لان العجوز مملكتها ولن تقبل تغيير اي شيء ,,,,,,,,والكنة صعب ان تتاقلم وتتنازل ,,,,,خاصة من لها راي وطريقة عمل واسلوب حياة,,,,,والتي تحلم ان تكون لها مملكتها الخاصة
لذلك الاختلاف ادى الى الخلاف
ربي يهنيك ويصبرك

[sarl02]

باختصار الله غالب انتم النساء هكذا دايرين سواء كنتم عجائز او كنات وربي بلانا بيكم ليوم الدين .

[optimism]

السلام عليكم
اذا النساء هن
ﺍﻟﻨِّﺴـﺎﺀُ ﻫﻦَّ ﺍﻟﺪﻭﺍﻫِـﻲَ ﻭﺍﻟﺪﻭﺍ ﻫُﻦَّ
ﻻ ﻃﻴْﺐَ ﻟﻠﻌﻴْﺶِ ﺑِﻼﻫُﻦَّ ﻭﺍﻟﺒَﻼ ﻫُﻦّ
باختصار ,,,,,,,,,,,,,,فالرجال هم
ﻭﺍﻟﺮﺟﺎﻝ ﻫﻢ ﺍﻟﻤﺮﻫﻢ ﻭﺍﻟﻤﺮ ﻫﻢ
ﻻ ﻃﻴﺐ ﻟﻠﻌﻴﺶ ﺑﻼﻫﻢ ﻭﺍﻟﺒﻼ ﻫﻢ
سلام

[ام النجمين]

باختصار الله غالب انتم النساء هكذا دايرين سواء كنتم عجائز او كنات وربي بلانا بيكم ليوم الدين .

منيش مالفة نرد على الرجال بصح نطقتني ربي بلاك بامك خمم مليح وبلاك بنوتة تعيطلك بابا بلا ما نذكر لمرا بصح تبالي كون جيت مجرب حنان الام والبنت لباباها متهدرش هكا سيرتو لي يجيب ويرزقو ربي بطفلة تعودلو خير من الدنيا وسقسي

[السي محمد]

هنا اريد ان اقدم شهادة امام الله و الناس

انه لا توجد اي مشاكل بين امي و كناتها مع ان عندها 3

2 ساكنين معها وواحدة مستقلة

و هي تدافع عنهن دائما و كم مرة تقف في وجه اولادها للدفاع عن كناتها

و مرة قالت لاخي لما اراد ان يعيد الزاوج ... لن اوافق و لن اقبل بزواج و إذا تزوجت ماكش وليدي وإذا طلقت مرتك ما تربحش


ههه فتوقف عن مشروعه


الحمد لله

[sonia32]

اعتقد يا اختي الكريمة ان هذه الحالة التي تطرقت لها هي نسبية ولا تقاس على الاغلبية اعتقد ان الكثير من الاسباب التي تجعل العجوزة تتسلط على الكنة فهي في اعتقادها انها هي التي انجبت وربت وتعبت وتاتي في الاخير امراة اخرى تاخذه منها جاهزا فعليها دائما ان تكون مسيطرة على الكنة حتى لا تاخذ مكانها

[*ام عبد الكريم*]

بكلمة واحدة الغيرة و فقط الغيرة
راني نشوف كي تروح الكنة لبيت باباها و لو بعد مدة طويلة لم تزورهم ترفض لعجوز و تقوللها راكي غير كيما كنت عندهم ..و كي طول بنتها شوية تعيطلها في الهاتف و تقوللها علاه ما جيتيش تفاكري فينا ...
كي يمرضو بناتها تقلب الدنيا و كي تمرض الكنة راهي تتعلل و تكذب مهيش مريضة .....
و الخدمة انتاع بناتها تبان انها هزو جبال و كنتها تقولها واش ديرتي هذيك خدمة ؟؟؟
المهم امثيلة كثيرة و كثيرة
ربي يهدينا و يديهم

[محمد...عبد النور]

السلام عليكم أختي الكريمة كاميلا
موضوع أزلي لن ينتهي ابدا
فقط لان ...كل من الكنة و العجوز .....تكيلان بمكيالين ...فالكنة تحب امها و تكره ام زوجها..و العكس ....العجوز تحب بنتها وتكره كنتها.....و الزوج ...للكنة....او الابن للعجوز......ان كان ذكيا ...فبامكانه الموازنة في حل هاته المعادلة الصعبة و ان كان ضعيفا ....مال الى طرف على حساب الاخر ...و محصلة الامور ....ان نار العداوة تستشري بين المرأتين
و في الغالب..... فالعلاقة بين الكنة و العجوز هي العداوة و نادرا ما نجد العكس....... و في اغلب الاحيان .....و بطول الامد يكون تعايش مع بعض التصادمات بين الفينة و الاخرى
بارك الله فيك اختي كاميلا و اقر الله عينيك بما تحبين
ســـــــــــــــــــــــــــلام

[ahlem2013]

machi daymen hadha lmochkel ykoune .... kayen 3jouza tkoune mli7a m3a 3aletha bessah takrah 3rossetha ana banetli hadhi ghira kidatelha weldha le3ziz 3liha ... w kayen lidir kenetha kibentha w lkenna mdayra le3jouza ki mamaha koul wahda w zharha

[سيرين 5]

بكلمة واحدة الغيرة و فقط الغيرة
راني نشوف كي تروح الكنة لبيت باباها و لو بعد مدة طويلة لم تزورهم ترفض لعجوز و تقوللها راكي غير كيما كنت عندهم ..و كي طول بنتها شوية تعيطلها في الهاتف و تقوللها علاه ما جيتيش تفاكري فينا ...
كي يمرضو بناتها تقلب الدنيا و كي تمرض الكنة راهي تتعلل و تكذب مهيش مريضة .....
و الخدمة انتاع بناتها تبان انها هزو جبال و كنتها تقولها واش ديرتي هذيك خدمة ؟؟؟
المهم امثيلة كثيرة و كثيرة
ربي يهدينا و يديهم

صح أنا كي نروح لدارنا تبقى تشنف و كل ما تصحلها فرصة تقولي نورمالمون ما تروحيش لداركم يشتاقوك باش تروحي و أنت ظلي رايحة جاية ؟؟؟؟
مع العلم أنو بناتها و بنات بناتها عايشين عندها اتخيلو دارها فيها غير البنات كل وحدة تحرش و تنشع من جهة مرات العجوزة تبانلي مليحة حتى نلقاها تقلبت عليا ، ما نفهم والو ؟؟؟ :confused:

[hadjer english]

بصراحة كاين عرايس يديرولهم الجنة ومايرضاوش
وكاين عجايز بنتهم وماتحملهمش
انا مشكلتي الوحيدة ان كل عائلة زوجي تقارنني بحياة حماتي كيف كانت هي وكيف اعيش انا الان
وفي كل مناسبة تدكرني كيف كان يعاملها زوجها بقسوة وكيف يعاملني زوجي الان بحنان
وتفكرني لوكان جات في مكاني لوكان راهي تاكل في المخبط
بصح نوورمال انا دايما نقوللهم كل وقت ووقتو ونقوللها علاه بناتك رام ينضربو ؟؟؟
بصح الحمد لله ماعندنا حتى مشكل اااخر

[أريج لرجام]

باختصار الله غالب انتم النساء هكذا دايرين سواء كنتم عجائز او كنات وربي بلانا بيكم ليوم الدين .
أستعرف بك إنك رجل

[كاميلا]

أستعرف بك إنك رجل

كي راكي تنفاعلي للرجولة وتستعرفي مع العضويات الذكورية ياك علابالك الراجل ميحبش المرا اللي تخدم في الزقاق نهار كامل وهي دور برا دارها ؟؟؟؟؟؟؟؟؟؟؟؟؟؟ظ :1:

[أريج لرجام]

كي راكي تنفاعلي للرجولة وتستعرفي مع العضويات الذكورية ياك علابالك الراجل ميحبش المرا اللي تخدم في الزقاق نهار كامل وهي دور برا دارها ؟؟؟؟؟؟؟؟؟؟؟؟؟؟ظ :1:
خسارة عليك مانيش نتاع زقاق كما قلتي راني نأدي في واجب وهي تعليم أجيال المستقبل وتربيتهم هذه مهنة شريفة أختي يحبوني الرجال ولا يكرهوني المهم ربي يرضى عليا وربي هو الرازق والعالم بكل شيئ المهم الله يهدينا قبل ما يدينا

[كاميلا]

خسارة عليك مانيش نتاع زقاق كما قلتي راني نأدي في واجب وهي تعليم أجيال المستقبل وتربيتهم هذه مهنة شريفة أختي يحبوني الرجال ولا يكرهوني المهم ربي يرضى عليا وربي هو الرازق والعالم بكل شيئ المهم الله يهدينا قبل ما يدينا

هو قاعد يطيح بينا كامل وانت تستعرفي بيه كون جيتي صح مرا تخزيه وتحطيه في الثقيل ديما ضحكو علينا الرجال في المنتدى هوما ديما يضربوا مع بعضاهم وانتوما تعكسوا

[el majrouha]

انا امي تحب كناينها اكثر منا احنا بناتها و دائما تمدح وتشكر فيهم على العلم احنا بناتها لقايمين بيها
كاين عجائز والله ديري معهم المستحيل وتعامليهم احسن معاملة وما يعجبهمش العجب همهم بناتهم فقط كانهم خلقوا من كوكب اخر الريح مايهبش عليهم وبنات ناس يتمرمدوا ولازم ما ينطقوش ولا كلمة

[كاميلا]

انا امي تحب كناينها اكثر منا احنا بناتها و دائما تمدح وتشكر فيهم على العلم احنا بناتها لقايمين بيها
كاين عجائز والله ديري معهم المستحيل وتعامليهم احسن معاملة وما يعجبهمش العجب همهم بناتهم فقط كانهم خلقوا من كوكب اخر الريح مايهبش عليهم وبنات ناس يتمرمدوا ولازم ما ينطقوش ولا كلمة

انا تاني امي كيما الوالدة تاعك اللي في قلبه الخير يبقى فيه الخير واللي فيه الشر يزيد يتمادى ميخافش من ربي

[أريج لرجام]

هو قاعد يطيح بينا كامل وانت تستعرفي بيه كون جيتي صح مرا تخزيه وتحطيه في الثقيل ديما ضحكو علينا الرجال في المنتدى هوما ديما يضربوا مع بعضاهم وانتوما تعكسوا
يا شاطرة وعلاش ما ردتيش عليه انت

[oum imane83]

والسبب الاساسي في اعتقادي غياب الوازع الديني بالدرجة الاولى لانه لو كانت مجرد غيرة كان بالامكان التحكم فيها لكن كي يكون الانسان ضعيف الشيطان ربي يخزيه ويلعنه يسيطر عليه ..

[mrmilano1984]

يا شاطرة وعلاش ما ردتيش عليه انت
الله يهديكم يابنات هدا واش نقولو واش بيكم مجرد عالم افتراضي وتضاربو علي جال الرجال ربي يهديكم

[كاميلا]

يا شاطرة وعلاش ما ردتيش عليه انت

منردش عليهم اللي ميعجبنيش واش قال نديرله مشاركة سيئة منكسرش راسي مع الفارغين شغل كيفهم يا الفايقة

[كاميلا]

الله يهديكم يابنات هدا واش نقولو واش بيكم مجرد عالم افتراضي وتضاربو علي جال الرجال ربي يهديكم


يختي هو يطيح بالنسا وهي تقوله نستعرف بيك حابة تستعرف بيه تروح بعيد على موضوعي وتستعرف

[كاميلا]

والسبب الاساسي في اعتقادي غياب الوازع الديني بالدرجة الاولى لانه لو كانت مجرد غيرة كان بالامكان التحكم فيها لكن كي يكون الانسان ضعيف الشيطان ربي يخزيه ويلعنه يسيطر عليه ..

والله يا اختي هذا من الاسابا الرئيسية واظافتك قيمة :mh92:

[كاميلا]

بصراحة كاين عرايس يديرولهم الجنة ومايرضاوش
وكاين عجايز بنتهم وماتحملهمش
انا مشكلتي الوحيدة ان كل عائلة زوجي تقارنني بحياة حماتي كيف كانت هي وكيف اعيش انا الان
وفي كل مناسبة تدكرني كيف كان يعاملها زوجها بقسوة وكيف يعاملني زوجي الان بحنان
وتفكرني لوكان جات في مكاني لوكان راهي تاكل في المخبط
بصح نوورمال انا دايما نقوللهم كل وقت ووقتو ونقوللها علاه بناتك رام ينضربو ؟؟؟
بصح الحمد لله ماعندنا حتى مشكل اااخر

انا كي تشوفني تقارن روحا بكري بيا انا درك قاتلك كنت نلبس الميني وندير الماكياج مش كيفك :mad:

[كاميلا]

صح أنا كي نروح لدارنا تبقى تشنف و كل ما تصحلها فرصة تقولي نورمالمون ما تروحيش لداركم يشتاقوك باش تروحي و أنت ظلي رايحة جاية ؟؟؟؟
مع العلم أنو بناتها و بنات بناتها عايشين عندها اتخيلو دارها فيها غير البنات كل وحدة تحرش و تنشع من جهة مرات العجوزة تبانلي مليحة حتى نلقاها تقلبت عليا ، ما نفهم والو ؟؟؟ :confused:

تعرفي المثل اللي يقول حلال عليا حرام عليك

[aminaibra]

هذه مشكلة أبدية و لا يمكن ربطها بسبب معين أو موجه ولكن يبقى من النادر أن تجد التفاهم بين العجوز وكنتها وكأنه قانون أبدي وربما أساسه الغيرة المتأصلة لدى النساء

[corinna]

السلام عليكم خواتاتي في الله
قريت كااامل ليكومونتار تاعكم و الله غير واش هدرتو كامل صح واكبر دليل هو انا
انا عندي عامين زواج و عندي طفلة عمرها تسعة اشهر و ساكنة مع عجوزتي و لوستي المطلقة. من يوم عرسيي ليومنا هذا و هوما يهدرو فيا
على اساس انا منعرف نطيب و منعرف نسيق ومنعرف نقضي شغل الدار. هوما برك اللي يعرفو, و العكس انا تماما لخاطر انا دايما نشبه روحي لسندريلا و الشغل اللي نديرو ميعلم بيه غير ربي سبحانو. و الشي هذا كامل و لوستي مادير والو غير انا برك و ميخليو ميبقيو بالتمنشير. وانا نسكت و نخليهم و ندير روحي مانيش نسمع وكيلهم ربي مع العلم اناالكنة الوحيدة مزال متزوجوش لخرين
زعما واش رايكم ؟ تقدرو تقولولي كاش كلمة تخفف عليا؟

[كاميلا]

السلام عليكم خواتاتي في الله
قريت كااامل ليكومونتار تاعكم و الله غير واش هدرتو كامل صح واكبر دليل هو انا
انا عندي عامين زواج و عندي طفلة عمرها تسعة اشهر و ساكنة مع عجوزتي و لوستي المطلقة. من يوم عرسيي ليومنا هذا و هوما يهدرو فيا
على اساس انا منعرف نطيب و منعرف نسيق ومنعرف نقضي شغل الدار. هوما برك اللي يعرفو, و العكس انا تماما لخاطر انا دايما نشبه روحي لسندريلا و الشغل اللي نديرو ميعلم بيه غير ربي سبحانو. و الشي هذا كامل و لوستي مادير والو غير انا برك و ميخليو ميبقيو بالتمنشير. وانا نسكت و نخليهم و ندير روحي مانيش نسمع وكيلهم ربي مع العلم اناالكنة الوحيدة مزال متزوجوش لخرين
زعما واش رايكم ؟ تقدرو تقولولي كاش كلمة تخفف عليا؟

اختي والله العظيم الشيء هذا كامل نابع عن نقص العقل علاش فارغين شغل
بضح يا اختي ضمطيهم حطيهم في الثقيل خليهم يمرضوا بالهدرة انت كل ميهدرولك هدرة تسم البدن اتخيليهم كوميك يشطح والله العظيم كيما نقولك واضحكي هنا كون تضحكي اقسم بالله يغلبوا انا عجوزتي وبنتها حاولوا بزاف معايا بضح مش في الشغل مانيش ساكنة معاها في ايام الاولى للزواج كان يديني بزاف عندها شبعتني يا اختي ساعة تسب عليا صحا صحا مع فاملتهم تقولها مش بنت فاميلية اللي تخرج دارها وحدها مرباوهاش والديها ههههههه انا كون مجيتش نخاف ربي كون قتلها مالا بنتك تاني شوفي الاستفزاز هذا مثال والله العظيم شبعتها ضحك وحد المرة تنارفات حسيتها رح تجي ليا تضربني صار تستفزوا الكنة وكي تلقاوها مطولة بالها ومقدرتوش تزعزعوها تغيضكم روحكم امالا منين يحكيو نضحك منين يحكيو نموت بالضحك حتى تعقدوا والله العظيم ومنزيد كلمة ميخافوش ربي داروا فيا اللي ميندارش كذب فتن مقالب بلا مانحكي التفاصيل انت امشي بواش قتلك ومتحكيش لراجلك راه مع الوقت يكره منك خليهم هوما يشتكيو منك انت عامليهم كي الروبو مترديش الكلام واحتسبي الاجر على وجه راجلك برك

[aboumeriem1992]

wallah howa do3f el iman bi daraja owla fi lihada yahtaqir ahd el akhar wa el ananiya khasatan ida kan el walad el motazawij laho dawr fi osra qabla zawaj mina nahiya el maliyaa fa hada sayalqa sou3ouba kabira wallah el mota3an

[rahma nour]

يا اختي ماشي كل العجايز كيما راكم تحكيوا انا مرت خويا دايرا فينا حالة الكذب و الفتن ساكنة معانا و متحملينها على جال خويا كي تشري حاجة تقاطعك و ما تهدرش معاك علاواه ماعلاباليش تغير من اتفه حاجة و من برة الناس تبانلهم بلي حنا حاقرينها بصح ربي اللي يعلم لو كانت العجايز يعرفو ا يكتبوا مشاكلهم في المنتدى راهم يحكيوا كل وحدة و قصتها و انت ما تقيسيش على حياتك مع عجوزتك و تبني بلي العجايز الغلطة فيهم كل وحدة و كيفاه و ربي يهدي الجميع

[dahmane42]

بارك الله فيك على هذا الموضوع ما قلتيه صح أو كاين منو
لعحايز غيورين

[ناني29]

انا شخصيا لديا عجوزتي و لكن كل تصرفاته النار تحت التبن
كمثال عندما كنت حامل بابنتي و لا مرة اهتمت بي
عندما ولدت لم تباركلي لحد الان
لا تحب ان يزورني احد و هذا ما حدث مع خالته بالطبع
مع العلم انني لست من الولاية نفسها و هذا الشيئ جعلها تمارس عليا الضغط كي اكره و اعود الى اهلي و هذا لانها كانت تود ان تزوجه من ديرته
و ايضا تتدخل في امور لا تعنيها ابدا.حتى انني اصبحت لا اذهب الى عائلة زوجي كي اتحاشاها و لا التقي بها و لا اسمع بعض التعليقات و الكلام لي ما ليه حتى لازمة
و كي نحكي لزوجي و طلبت منه ان يطلب من امه ان لا تتدخل في حياتنا و تتركنا نعيش في سلام لم يستجب لي و قال لي ان المشكل فيا انا و ليس فيها هي و هذا كامل او راني ساكنة وحدي يعني ربي عالم لوكان راني معاها واش صرالي
كررررررررررررررررررررررررررررررررررررررهت

[كاميلا]

wallah howa do3f el iman bi daraja owla fi lihada yahtaqir ahd el akhar wa el ananiya khasatan ida kan el walad el motazawij laho dawr fi osra qabla zawaj mina nahiya el maliyaa fa hada sayalqa sou3ouba kabira wallah el mota3an

والله ضغف الايمان هو اساس كل مشاكل الناس يا اخي فعلا

[كاميلا]

يا اختي ماشي كل العجايز كيما راكم تحكيوا انا مرت خويا دايرا فينا حالة الكذب و الفتن ساكنة معانا و متحملينها على جال خويا كي تشري حاجة تقاطعك و ما تهدرش معاك علاواه ماعلاباليش تغير من اتفه حاجة و من برة الناس تبانلهم بلي حنا حاقرينها بصح ربي اللي يعلم لو كانت العجايز يعرفو ا يكتبوا مشاكلهم في المنتدى راهم يحكيوا كل وحدة و قصتها و انت ما تقيسيش على حياتك مع عجوزتك و تبني بلي العجايز الغلطة فيهم كل وحدة و كيفاه و ربي يهدي الجميع

وعلاش تهدريلي على اللي ملاح انا نهدر على اللي مش ملاح ومعممتش خلاص لازم نعترفوا بوجود عجايز شريرات ميخافوش ربي وهادي مرت خوك مش رح تكبر وتولي عجوزة راهي سلسلة رانا ناقشوا في فئة الشريرات بالنسبة لموضوع العروسة عروستنا راهي في دارها الوالدة تاعي ماش سامعة بيها خلاص لا وش دارت لا وش كلات لا وش حوست الحمد لله امي معندهاش فراغ تملئه بكنتها

[كاميلا]

بارك الله فيك على هذا الموضوع ما قلتيه صح أو كاين منو
لعحايز غيورين

يا سيدي هادي كنتها والا ضرتها والله عجب العجاب علاش تغير على ولدها ومتقدرش تتحكم في غيرتها وتقولك تعبت عليه وفي نفس الوقت بنتها متزوجة متغير عليها متسمع بيها متعبتش عليها مثلا ام هي التفرقة والانانية وتناقض الفكر والاهواء

[hibaterrahmene]

الله يهدينا والله مالقينا حل لهد المشاكل بصح من تجربتي علة النساء الغيرة وهي سبب هده المشاكل...

[sarab.sarab]

thanitt mn machakl mli sknt wahdi