اجمل موقف من حياتك

[خيرية لحلوة]

السلام عليكم
كل عضو يدخل هنا
يقول ماهو اجمل موقف صار معه
وادا قلتولي راح نقللكم ...
انا انتضر ردودكم

[خيرية لحلوة]

يخي وينكم.

[*سندوسة*]

السلام عليكم

نتفكر ونجي نقولك اوكي

[*سندوسة*]

راني حوست ومالقيتش هههه كل موقفي جي يكون اجمل لكن يصاحبة امر مزعج او شيئ من هذا القبيل
ان شاء الله فالمستقبل القريب تكون مواقف جميلة في حياتي بدون مايصاحبها منغصات

[Queen of myself]

اجمل موقف صرالي في حياتي
اول موقف ونهار اكتشفت المرض تاعي في فرنسا بعد مدة 20 سنة يعني من نهار خلقت وانا مريضة وانا نداوي ومالقيتش المرض كي رحت لفرنسا رحت فاقدة اﻻمل بعد مادرت سكانار جا الطبيب قالي :شعور مليح انه الانسان يرتاح من مرض عاش بيه حياتو كاملة ويعيش حياة طبيعية؟ قتلو انا اكيد قالي خلاص مالا حنا اكتشفنا المرض تاعك راح تديري عملية وتعيشي حياة طبيعية كان معي ابي هو لي داني لفرنسا مسكين ولا يقلو والدمعة في عينو ماقدرت نقلك والو غير انه 20 سنة وانا نداوي فيها واليوم قلتيلي بنتك راح ترتاح وسكت وانا بقيت ساكتة لمدة ربع ساعة ولا اكثر لاني كون نطقت حرف واحد راح ننوض نبكي وابي معايا وعايلتي لي فرنسا كاملة فرحانة وعيطلت لماما ولات تبكي مسكينة من الفرحة
موقف عمري ماننساه
ومازالو 2 مواقف ملاح في حياتي اذا تحبو تعرفوهم نحكيلكم

[وجدان الخواطر~]

أجمل موقف في حياتي يوم نجاحي في شهادة التعليم المتوسط بامتياز و كنت أول الناجحين في مدينتنا و حققت ذاتي و بينت للجميع شكون هي أنا و فرحت والديا ... ان شاء الله تنعاد هذي اللحظة في شهادة البكالورياآ..

[وجدان الخواطر~]

اجمل موقف صرالي في حياتي
اول موقف ونهار اكتشفت المرض تاعي في فرنسا بعد مدة 20 سنة يعني من نهار خلقت وانا مريضة وانا نداوي ومالقيتش المرض كي رحت لفرنسا رحت فاقدة اﻻمل بعد مادرت سكانار جا الطبيب قالي :شعور مليح انه الانسان يرتاح من مرض عاش بيه حياتو كاملة ويعيش حياة طبيعية؟ قتلو انا اكيد قالي خلاص مالا حنا اكتشفنا المرض تاعك راح تديري عملية وتعيشي حياة طبيعية كان معي ابي هو لي داني لفرنسا مسكين ولا يقلو والدمعة في عينو ماقدرت نقلك والو غير انه 20 سنة وانا نداوي فيها واليوم قلتيلي بنتك راح ترتاح وسكت وانا بقيت ساكتة لمدة ربع ساعة ولا اكثر لاني كون نطقت حرف واحد راح ننوض نبكي وابي معايا وعايلتي لي فرنسا كاملة فرحانة وعيطلت لماما ولات تبكي مسكينة من الفرحة
موقف عمري ماننساه
ومازالو 2 مواقف ملاح في حياتي اذا تحبو تعرفوهم نحكيلكم

أكيـــــد نحبو نعرفو ، خبرينا

[Queen of myself]

اوكي
ثاني اجمل موقف نهار درت العملية ومن الالام لي كانت حاكمتني وكلش نسيت انا علاه درت العملية هههههه
بعد يومين قالي ابي المفروض انت اليوم ارتحتي خلاصبالمناسبة انا درت العملية علة الكلى كان عندي فيهم مشكلة ماقدرتش نعيش حياة طبيعية المهم بعدها عرفت بلي انا صح ارتحت خلاص كي يعيطولي الناس مش مصدقين يقولولي خلاص ارتحتي نقلهك خلاص انا ارتحت مش مصدقة واحد الموقف عمري ماننساه حياتي كاملة درك قاعدة نكتب والدمعة في عيني
ثالث موقف نهار تلاقيت انا والشخص لي هو خطيبي الان(خطيبي نهار عرفني كان عابالو بيا مريضة وكان راجل معايا صح ماخلانيش ولا لحظة وانا كنت ديما مريضة ولحد الان مازلت مريضة بمرض اخر مازلت ماعرفتوش هو ايظا لحد الان )المهم حنا ماكناش راح نتلاقاو لاني انا بعد العملية كنت مريضة وفي حالة ههه ماكنتش قادرة نتلاقاه خلاه واصلا في حياتي كاملة شفتو مرة واحد نهار هداك عيطلي قالي انا قريب للجامعة تاعك قتلو ارواح وحنا ماكناش متفاهمين مبعد جا وشفتو وانا عندي الوقت 9 اشهر ماشفتوش وشفتو في حياتي مرة وحدة لمدة نص ساعة طبعا كانت فرحة عارمة كي تعرفنا على بعضانا مليح لاننا نعرفو بعضانا عند بعد عن طريق الفايس بوك برك ان شاء الله ربي يجعنا في اقرب فرصة مع بعضانا

[*سندوسة*]

اوكي
ثاني اجمل موقف نهار درت العملية ومن الالام لي كانت حاكمتني وكلش نسيت انا علاه درت العملية هههههه
بعد يومين قالي ابي المفروض انت اليوم ارتحتي خلاصبالمناسبة انا درت العملية علة الكلى كان عندي فيهم مشكلة ماقدرتش نعيش حياة طبيعية المهم بعدها عرفت بلي انا صح ارتحت خلاص كي يعيطولي الناس مش مصدقين يقولولي خلاص ارتحتي نقلهك خلاص انا ارتحت مش مصدقة واحد الموقف عمري ماننساه حياتي كاملة درك قاعدة نكتب والدمعة في عيني
ثالث موقف نهار تلاقيت انا والشخص لي هو خطيبي الان(خطيبي نهار عرفني كان عابالو بيا مريضة وكان راجل معايا صح ماخلانيش ولا لحظة وانا كنت ديما مريضة ولحد الان مازلت مريضة بمرض اخر مازلت ماعرفتوش هو ايظا لحد الان )المهم حنا ماكناش راح نتلاقاو لاني انا بعد العملية كنت مريضة وفي حالة ههه ماكنتش قادرة نتلاقاه خلاه واصلا في حياتي كاملة شفتو مرة واحد نهار هداك عيطلي قالي انا قريب للجامعة تاعك قتلو ارواح وحنا ماكناش متفاهمين مبعد جا وشفتو وانا عندي الوقت 9 اشهر ماشفتوش وشفتو في حياتي مرة وحدة لمدة نص ساعة طبعا كانت فرحة عارمة كي تعرفنا على بعضانا مليح لاننا نعرفو بعضانا عند بعد عن طريق الفايس بوك برك ان شاء الله ربي يجعنا في اقرب فرصة مع بعضانا

ربي يشفيك ويعطيك ماراكي متمنية كي قريت المواقف نتاعك راجعت حساباتي وراني نقول الحمد لله:mh31::)

[رندة نهاد]

يوم نجحت ماستر لحد الان هذا هو اجمل موقف

[" أبو عبود"]

أجمل موقف كان يوم الاربعاء 08 جويلية 2008 على الساعه التاسعة و12 دقية صباحا حيث اتصلت بي حماتي سابقا واخبرتني اني رزقت ولدا. ولم تكن زوجتي تعاني الام الولادة في اللية التي سبقتها. والاهم من كل هذا اني لم اكن في العيادة ساعة ولادتها أقيس طول الرواق جيئة وذهابا هههه

[Queen of myself]

ربي يشفيك ويعطيك ماراكي متمنية كي قريت المواقف نتاعك راجعت حساباتي وراني نقول الحمد لله:mh31::)
قولي الحمد لله في كل وقت لاني انا درك عندي عاك ونص مريضة بمرض ماعاباليش وش السبب تاعو عدت مانقدرش نوكل نسخف على الاكل ونسخف نمشي ونسخف نتحرك كيما الناس مانقدرش بمجرد ناكل ولا نبدل جهد يضيق التنفس تاعي ادركت اني كنت في نعمة كبيرة قبل مانمرض ننصحكم ديما احمدو ربي لانكم تتنغسو مليح وتاكلو مليح وتمشيو كيما تحبو ووو والحمد لله انو ربي سبحانه ديما بعد الشقا يخليني نغيش مواقف ملاح في حياتي كيما لي كتبتهم

[خيرية لحلوة]

جزم الله كل الخير
انا اجمل موقف في حياتي
هوا يوم بعد الاختبرات
قالولي اني ماجبت المعدل مرتين يقولولي
امالا كي جيت لدار بكييييييت حرت في روحي كيفاش مانجيبش
وتوكلت على الله
وبعد ايامات كان غدا باش يمدولنا الورق نتاع المعدل
قبل مانروح انا نضم في الشغل نتاع البيت بقيا غير نقول
لا اله الا انت سبحانك اني كنت من الضالمين 100 مرة
والاستغفار كذالك ودعيت قلت ياربي يكونوا غالطين
امالا كي جات اختي قاتلي يلا باش نروحو للمدرسة
باش نجيب الورقة نتاعي كي رحت نلقا الاساتذة
كاينة ستاذة هيا اللي تعطي لوراق وتقول على المعدل
كي قلتلها على اسمي ولقبي وكم رقم قسمي
قاتلي راكي جايبة المعدل 11.36
واللهي باش انطير من الفرحة قلت بصح قالولي ماجبتش المعدل
حررررررت وممباعد اتفركت اني دعيت ربي وسجدت له بدعاء للنجاح
وقلت اوليس لله على كل شيئ قدير
سبحان الله

[ام سيرينة]

اجمل موقف في حياتي يوم كملت قرايتي وفرحت والديا . هذاك اليوم حسيت انني رجعتلهم ولو الجزء القليلل من تعبهم و معاناتهم في تربيتي

[هاجر سوسو]

اجمل ايام حياتي لم يحن وان شاء الله في الشهر المقبل كي نجيب البوام ان شاء الله ارجوا من كل واحد يقرى الرد انتاعي بدعيلي نجيبو قولو امييييين

[جمال الدين 16]

حتى الآن لا يوجد ،غدا أجمل بإذن الله

[الجسم في غربة والروح في وطن]

اجمل يوم في حياتي يوم اجتمعت مع زوجي في بيت واحد ربي اخليهولي ان شاء الله و الاجمل كي رزقنا ربي بنور عيني بنتي الي زادت قربت بيناتنا اكثر الحمد لله

[bonbon]

اجمل يوم في حياتي هو ولادة ابني حبيبي و رؤيته بعد ايام صعبة عشتها

[سائلة عفو ربها]

أجمل شيء يوم ارتديت الجلباب الشرعي قبل 11سنة والحمد لله

وأيضا يوم بدأت تحفيظ القرآن للبنات كان شعورا رائعا لأني تركت مهنة الاختلاط وعوضتها
بتعليم القرآن

[chouchou w]

اجمل موقف هو نهاركي حملت بابني التالت سبحان الله مع انو عندي طفلة وطفل من قبل فرحت فرحة لاتوصف ومن بعد عرفت علاه ربي سبحانو خلاني انحس بهذاك الاحساس لانو الطبا قاللي هذا ه لخر بعد ماكتاشفو بلي عندي مرض مهوش مليح ربي يحفضكم منو

[halouma92]

اجمل موقفين هما نهار اللي ديت الباك و نهار 1 جانفي 2015 اللي جات فيه بنت اختي لهاذ الدنيا ربي يحفظها ان شاء الله

[RIMA19]

اوكي
ثاني اجمل موقف نهار درت العملية ومن الالام لي كانت حاكمتني وكلش نسيت انا علاه درت العملية هههههه
بعد يومين قالي ابي المفروض انت اليوم ارتحتي خلاصبالمناسبة انا درت العملية علة الكلى كان عندي فيهم مشكلة ماقدرتش نعيش حياة طبيعية المهم بعدها عرفت بلي انا صح ارتحت خلاص كي يعيطولي الناس مش مصدقين يقولولي خلاص ارتحتي نقلهك خلاص انا ارتحت مش مصدقة واحد الموقف عمري ماننساه حياتي كاملة درك قاعدة نكتب والدمعة في عيني
ثالث موقف نهار تلاقيت انا والشخص لي هو خطيبي الان(خطيبي نهار عرفني كان عابالو بيا مريضة وكان راجل معايا صح ماخلانيش ولا لحظة وانا كنت ديما مريضة ولحد الان مازلت مريضة بمرض اخر مازلت ماعرفتوش هو ايظا لحد الان )المهم حنا ماكناش راح نتلاقاو لاني انا بعد العملية كنت مريضة وفي حالة ههه ماكنتش قادرة نتلاقاه خلاه واصلا في حياتي كاملة شفتو مرة واحد نهار هداك عيطلي قالي انا قريب للجامعة تاعك قتلو ارواح وحنا ماكناش متفاهمين مبعد جا وشفتو وانا عندي الوقت 9 اشهر ماشفتوش وشفتو في حياتي مرة وحدة لمدة نص ساعة طبعا كانت فرحة عارمة كي تعرفنا على بعضانا مليح لاننا نعرفو بعضانا عند بعد عن طريق الفايس بوك برك ان شاء الله ربي يجعنا في اقرب فرصة مع بعضانا

سلام حنونة
و أنا ندور في المنتدى صادفت حكايتك
و الله قاستني بزاف بزاف نقرى فيها بابتسامة و الدمعة فعيني بالرغم أنو ما نعرفكش مي و الله حسيت بيك و كأنك قريبة من قلبي بزاف بزاف
ربي يشافيك ان شاء الله ننصحك بحاجة روحي ترقي عند راقي شرعي بكلام الله القران الكريم و ان شاء الله ترتاحي و ما تفقديش الأمل اصبري هدا امتحان من عند الله و الحمد لله على كل شيء تهلاي فروحك و بشفاء ان شاء الله

[RIMA19]

ايه كاين بزاف مواقف اخرها ايه كاين بزاف مواقف ... التالي فيهم يوم انضمامي لجمعية خيرية بسببها قدرت نمسح دمعة يتيم و نفرح حزين نعاون المحتاج و نزور المريض .... و الحمد لله قدرت نخلي بصمة في حياتي و ان شاء الله سيكون موقف نجاحي في الباك أجمل موقف ...

[صفاء الروح]

ajmal maw9f srali nhar t7asalt 3la chahadt lbaccalorya
ana nbki wmama tbki t7salt 3liha b3da mou3anat mina ta3ab

[صفاء الروح]

ajmal maw9f srali nhar t7asalt 3la chahadt lbaccalorya
ana nbki wmama tbki t7salt 3liha b3da mou3anat mina ta3ab

[غير هام]

السلام عليكم

اجمل موقف كان يوم زرت بيت ربي

[..بسمة أمل ..]

لحد الان مكانش موقف ابهرني مازلت ننتظر

في مواقف المستقبل ان شاء الله

[medou medou]

اجمل موقف كان يوم زرت بيت الله الحرام

[nabila200]

يوم ربحت الباك

[ايمان نور الجزائر]

اجمل موقف في حياتي هويوم ترسيمي في عملي
يو لا ينسى وفرحة لا توصف

[yousrayousra77]

ان شاء الله سيكون موقف نجاحي في الباك أجمل موقف ...bac **ad3IWLI

[sarab.sarab]

kan ki gali wldi klmt mama