استفسار بخصوص ملف تأشيرة تركيا

[sirinatchikita]

:sdf:
السلام عليكم إخوتي أريد الإستفسار عن الملف المطلوب في تأشيرة تركيا أرجوكم يجب علي تقديم الملف غدا لمن لديه معلومة يتكرم
شكرا مسبقا لكم

[om assil]

الفيزا العادية التي تخرج من السفارة لازم شهادة ميلاد و صورتين حجم 5×5
و الفيزا الالكترونية ما يطابوا حتى ملف

[xpuser2014]

ملف الفيزا لتركيا
ـ جواز السفر
- صورتان بيومتريتان مقاس 5/5
ـ استمارة يمكن تحميلها من موقع السفارة او تشتريها من المحل المجاور للمقهى هناك او تنظر حتى الساععة التاسعة ليسلمها لك شرطي
ـ مبلغ 5300 دج
انصحك ان تأتي باكرا او توصي شخص ما ليسجل اسمك في القائمة. استقبال الملفات يبدأ على الساعة التاسعة اما استلام جوازك به الفيزا فسيكون اليوم الموالي بين الساعة الرابعة و الرابعة و النصف
كان بودي مساعدتك و لو بتسجيل اسمك بالقائمة صباحا على الساعة السادسة صباحا

[mrmilano1984]

الصورة تقصد هل هي الخاصة كما تاع شنعن مثلا لانها خلفي بيضاء ووجه قريب جدا اي تكبير الوجه لي حطيت انا يعني تاع تركيا هل هي نفسها تاع امريكا مقاس 5*5 يعني الوجه كيف يكون لانو تاع شنغن هي مقاس 3.5*4.5

[xpuser2014]

الصورة بيومترية بمقاس 5/5 اي محل تصوير يمكنه اخراجها

[sirinatchikita]

ملف الفيزا لتركيا
ـ جواز السفر
- صورتان بيومتريتان مقاس 5/5
ـ استمارة يمكن تحميلها من موقع السفارة او تشتريها من المحل المجاور للمقهى هناك او تنظر حتى الساععة التاسعة ليسلمها لك شرطي
ـ مبلغ 5300 دج
انصحك ان تأتي باكرا او توصي شخص ما ليسجل اسمك في القائمة. استقبال الملفات يبدأ على الساعة التاسعة اما استلام جوازك به الفيزا فسيكون اليوم الموالي بين الساعة الرابعة و الرابعة و النصف
كان بودي مساعدتك و لو بتسجيل اسمك بالقائمة صباحا على الساعة السادسة صباحا

يا أخي تعمل فيا مزية راك قريب للأبيار؟؟؟ لأنو أنا من الببليدة وبالاك نوصل متأخرة و هذي المرة الأولى ما نعرفش نعطيك الإسم تسجلي؟
و عندي سؤال بالنسبة للباسبور عندي من النوع القديم ماشي البييومتري يموت في 24 نوفمبر 2015 و أنا راني خارجة في ال 20 ماي و نرجع فال 30 يعني 10 أيام فقط ، زعما يقبلوه ؟؟؟

[sirinatchikita]

بالنسبة للملف الحمد لله راهم واجدين الصور و المبلغ باقي الإستمارة غدوة نشري وحدة ويلا عندكم الرابط مين نقدر نخرجها مدوهولي عندي طابعة في الدار

[mrmilano1984]

http://www.m5zn.com/d/?15814338
شوفي هدا الرابط طلعت الاستمارة شوفي فقط الا هي اوك وطبعيها للعلم انا جامي خدمت فيزا تاع تركيا

[mrmilano1984]

مفروض انك نوجدي كل شيء في الوقت ماتخليش اخر لحضة

[sirinatchikita]

مفروض انك نوجدي كل شيء في الوقت ماتخليش اخر لحضة

الله غالب كلشي جاء على غفلة يا خويا واش ندير على العموم شكرا لك للمساعدة، راني خايفة بالنسبة للتسجيل كيما قال الأخ لازم على 6 تاع الصباح وانا حسبالي نروح نوصل على 9 نحطهم و نجي ، ماكانش علابالي يللي لازم لاشان تاني

[mrmilano1984]

المهم هل حملتي الاستمارة لي عطتهالك المشكل مش لثم مشكل في الوقت لازم تسجلي بكري انا جامي خدمتها ومانعرف بلي لازم بكري تسجلي لول بزاف مفروض علي 9 يدخلو الناس علاه هادي تركيا مش كندا او امريكا

[sirinatchikita]

و بالنسبة للجواز ما علاباليش إذا يقبلوه

[mrmilano1984]

ماعليش نتي ماكي خاسرة والو والله في سفارة ترميا لااعلم متي يكون الجواز صالح اسكو لازم يكون علي الاقل 6 اشهر قبل نهايته او 3 اشهر نتي خلاص لازم تروحي الغد ماتقدريش تروحي بعد غدوجدي روحك كامل وروحي مش شرط الغد

[sirinatchikita]

و الله ما علابالي كيفاه ندير

[mrmilano1984]

ياو ساهلة علاش تعقديها مش اجباري تروحي عدا في عجلة من امرك اصبري نعاونوك باش نعطوك كل شيء انا والعضو هدا ودي كل شيء واجد اوك وزد قالك نحكملك موعد باش يسجلك حسن ليك

[sirinatchikita]

وي ماذا بيا راني نستنا فيه يرد والو تقدر تبعتلوا ميساج لأنو أنا عندي 70 مشاركة برك ما يكفونيش، راه كلشي واجد سحقيت واحد يسجلي صباح بكري برك

[mrmilano1984]

اوك مش مشكل راح نبعثلو واش نقلو بلي يسجلك غدوة بصح اسمك ولقبك وووو كفاش نعطلو

[أم عبير]

ليس هناك اشكال اختى روحي و اتكلي على الله ليس كل من راح سجل بكري عادي انتى بكري و حطي الملف فقط ربي يسهلك ان شاء الله

[sirinatchikita]

اوك مش مشكل راح نبعثلو واش نقلو بلي يسجلك غدوة بصح اسمك ولقبك وووو كفاش نعطلو

راني رايحة نبعثلك في لفيسبوك الإسم و اللقب

[sirinatchikita]

ليس هناك اشكال اختى روحي و اتكلي على الله ليس كل من راح سجل بكري عادي انتى بكري و حطي الملف فقط ربي يسهلك ان شاء الله

شكرا لكي أختي ان شاء الله فيها خير

[mrmilano1984]

عندك الفايس تاعي

[sirinatchikita]

عندك الفايس تاعي

وي راني بعثتلك شوف شوف

[xpuser2014]

وي راني بعثتلك شوف شوف

عذرا اختى انا قلت كان بودي مساعدتك...
لكنني والله بعيد عن اﻻبيار. المهم يمكنك الذهاب على الساعة الثامنة صباحا للتسجيل ستجدين الكثير من النساء و ﻻ مشكل انشاء الله

[sirinatchikita]

عذرا اختى انا قلت كان بودي مساعدتك...
لكنني والله بعيد عن اﻻبيار. المهم يمكنك الذهاب على الساعة الثامنة صباحا للتسجيل ستجدين الكثير من النساء و ﻻ مشكل انشاء الله

شكرا أخي خلاص راهي فرات وصلت تمكا على 9 تاع الصباح وكان رقمي 134 بصح فتنا بلخف حوالي ساعة و نصف لحقت دالتنا شكرا لك

[loganess]

بالتوفيقققق للجميع