الخطبة السرية بين العائلتين فقط . لماذا

[master.mohammed]

السلام عليكم و رحمة الله تعالي و بركاته
لدي صديق مقرب مني و اعتبره أعز أصدقائي طرح لي مشكلته فلم أعرف كيف أجيبه فرأيت أن أطرحه هنا لكي أطرح عليه بخبراتكم و تجاربكم

صديقي موظف بشركة اقتصادية وطنية برتبة أطار سامي و هوا متحصل على شهادة الماجستير و من ناحية أخلاقه فلا أزكي على الله أحد اعتبره قدوة في الخلق و الطيبة و المعاملة و من اصحاب المسجد و مشهود له في مجتمعه و ايضا من اصحاب أعمال الخيرية عمره تقريبا 28 سنة

تقدم إلى خطبة فتاة ذات عائلة محترمة صاحبة أصل و نسب و بنت أيضا معروفة بأخلاقها العالية هذه الفتاة تدرس سنة أولى جامعي تخصص استاذة ثانوي . المهم انه يفكر في فسخ علاقته مع العائلة بسبب شبهة في تفكيره لم أعرف كيف أنزعها منه بحيث أنه عائلة الفتاة و الفتاة ايضا ارادو ان تكون الأمور سرية بينهم فقط لا خطبة لا كلمة و لا تخرج عن عائلتين الصغيرتين يعني و لا أحد خارجهم يجب ان يعرف و ايضا قالو له الخطبة مازال حتا تتخرج البنت و بعدها الزواج مباشرة يعني يبقى كل شيء في سر إلى مدة 4 سنوات فخاف من أن عندما تكون الأمور سرية فإنه البنت من الممكن أن يتقدم إليها عدة أشخاص سواء على مستوى العائلة أو مباشر إلى البنت في الجامعة و في هاذ الحالة من الممكن ان تضعف البنت و تغير رأيها عليه و تكون في هاذه حالة سهلة للأنه الأمور سريه بينهم فخاف ان يعلق سنتين او ثلاث او اربع ثم يقولو والولا اسمحنا و صعيبة كي تكون من أجل خطيب أخر يعني شغل خاف انهم قبلو بيه ك احتياط في حالة لم يتقدم إلى فتاة خطيب اخر .

بصراحة انا في بلاصتو نشك كيما هوا علاه عائلة البنت حابين أمور سرية نورمالمو عائلة كي يجيها خطيب كيما هوا يقبلو بيه و يزاهو كيما ناس علاش يسرو فيها .

المهم اطلب منكم انكم تنصحوه بتجاربكم و خبراتكم في الحياة كيف يتعامل في هاذ الموقف و ماهي الخطوات لي من أفضل يديرها

و بارك الله فيكم

[جمعي البشاري]

انصحه اخي الكريم ان الفترة طويلة ويسال جيدا عن الفتاة والعائلة
وقولوا كاين خير فقط عليه البحث

[master.mohammed]

انصحه اخي الكريم ان الفترة طويلة ويسال جيدا عن الفتاة والعائلة
وقولوا كاين خير فقط عليه البحث

بارك الله فيك اخي
بالنسبة للمدة قتلو راها بزاف مي هوا عندو قطعة ارض راه يبني فيها قالي نوجد دار على ربع سنين يعني راها داير في حسابو زواج بعد ما يكمل دار و بالنسبة للفتاة قالي لقيت بنت حلال محبيتش نطلقها هوا مشكلتو في سريه العلاقة لي بين العائلتين

[الصديق قروف]

لو كنت مكانه اتصرف مثله
الافضل يروح يحكي معاهم قال معجبليش الحال راح نبطل الا اذا تمت الخطبة مثل اناس
هاذي جديدة علينا
المفروض اراجل هوا الي مد الكلمة لاهل اطفلة وهيا تستناه

[optimism]

السلام عليكم
احيانا نقول ,,,,,اذا استغربت المشكل ولم استوعبها ,,,,,,,,كيف اجد حل للمشكل
ومنكم نستفيد,,,,,,,,بالتوفيق
جمعة مباركة

[master.mohammed]

[quote=الصديق قروف;3993379455]لو كنت مكانه اتصرف مثله
الافضل يروح يحكي معاهم قال معجبليش الحال راح نبطل الا اذا تمت الخطبة مثل اناس
هاذي جديدة علينا
المفروض اراجل هوا الي مد الكلمة لاهل اطفلة وهيا تستناه[/quote

قصدك لازم يدير موقف معا دارهم و يشوف واش يصرا

[master.mohammed]

السلام عليكم
احيانا نقول ,,,,,اذا استغربت المشكل ولم استوعبها ,,,,,,,,كيف اجد حل للمشكل
ومنكم نستفيد,,,,,,,,بالتوفيق
جمعة مباركة

أين أستغراب أخي أذا لم تفهم المشكل سأعيد طرحه بصيغة أخرى

[*باسم*]

أنا أعرف واحد خطب قريبته وكانت الخطبة السرية والسبب لأنو تكثر القرضة بزاف حتى يمكن يقنعو اب البنت باه يرفض يمكن يكون نفس السبب والله أعلم

[master.mohammed]

والله مافهمت كلمة القرضة خويا ممكن نفهمها من فضلك

[عبد الله 22]

السلام عليكم في الاصل تسر الخطبة ويعلن الزواج

[الحزين المبتسم]

السلام عليكم

الأصل في مثل هذه الأمور اشهارها خاصة أنها حلال ولله الحمد .. فلا يمكن اخفاء مثل هكذا أخبار سعيدة عن أقرب الناس خاصة

ربما المبرر في كتمان الخطبة والله أعلم هو الخوف من المغرضين والحاسدين وهذا الصنف للأسف موجود فعند سماعهم بهذه الأخبار تجدهم ينشرون الأكاذيب والاشاعات بغرض ارضاء نفوسهم المريضة .. لحاجة أو غير حاجة

والله أعلم

[master.mohammed]

[quote=عبد الله 22;3993385542]السلام عليكم في الاصل تسر الخطبة ويعلن الزواج[/quote

على العكس الخطبة تعلن إلى العلن حتى يعرف الناس بأنا بنت فلان مخطوبة من شخص فلان فلا يتقدم إليهم أحد وهاذي هيا ربما الغرض من الخطبة بعد الوعد من الزواج

[master.mohammed]

السلام عليكم

الأصل في مثل هذه الأمور اشهارها خاصة أنها حلال ولله الحمد .. فلا يمكن اخفاء مثل هكذا أخبار سعيدة عن أقرب الناس خاصة

ربما المبرر في كتمان الخطبة والله أعلم هو الخوف من المغرضين والحاسدين وهذا الصنف للأسف موجود فعند سماعهم بهذه الأخبار تجدهم ينشرون الأكاذيب والاشاعات بغرض ارضاء نفوسهم المريضة .. لحاجة أو غير حاجة

والله أعلم

مادامت العائلتان متراضيتان فلا يمكن لكلام الناس أن يؤثر على العلاقة بينهم فصديقي خائف من انه يدير النية فيهم و منبعد ينقلبو عليه معا أنو حلف بالله أنه لا يقطع معهم إلا في حالة الشرف . حبيت نتأكد هل فيه بنات يخممو بهاذ التفكير .

[الحزين المبتسم]

مادامت العائلتان متراضيتان فلا يمكن لكلام الناس أن يؤثر على العلاقة بينهم فصديقي خائف من انه يدير النية فيهم و منبعد ينقلبو عليه معا أنو حلف بالله أنه لا يقطع معهم إلا في حالة الشرف . حبيت نتأكد هل فيه بنات يخممو بهاذ التفكير .

الوقت هذا قد يخفي الكثير من السيناريوهات

والرأي الذي أدليت به أخي هو انطلاقا من حادثة لصديقي خطب فتاة وعلامات الرضي بين العائلتين إلى أن تدخل بعض الأطراف بالوشايات وبالفعل تم فسخ الخطبة .... ليظهر فيما بعد أن هؤلاء الأشخاص يريدون خطبة الفتاة هذه لابنهم

ربي يهدي ان شاء الله

[tez max]

لماذا لا يسأل أهل الفتاة عن سبب طلبهم هذا ..........وكما يقال ذا عرف السبب بطل العجب

[ماريـام]

اخي راح نقلك السبب الي خلا العائلة البنت تكتم خبر الخطبة

لانو مجتمعنا لا يرحم البنت

يقولو مخطوبة 4 سنين و تتعلق بالخطيب راك فاهمني منبعد يقولو مندناوش ليها في حالت الخطيب بعيد الشر توفى او فسخ الخطبة لذلك تركوها في السر

اتمنى يتفهم طلبهم الناس لا ترحم

نعطيك مثال حصل لي انا شخصيا

خطبني شخص و طلب العرس يكون بعد سنتين ابي قال انو لا نعتبرك خطيب لكن لو تقدم خاطب اخر نتصل بيك للتراضي

يعني قابلين بيك لكن مدة سنيتين خطبة مدة طويلة بالنسبة للاب تاعي لانو كانو جاوني خطابا بزاف الحمد لله

المهم في العيد نلتقي مع ناس من عائلتي يقولولي مبروك الخطبة و انا لم اقل لاي شخص بعد الحاح تبين انهم نشرو الخبر في كل انحاء المكان فقط باش ميجي حتى واحد يخطبني و حتى كذبو وقالو لبسولي الخاتم و الفاتحة قريبة

انا تكلمت مع ابي وفسخت كلش
تصور واش قالي الخاطب انتي درك شكون راح يجي يخطبك !!!!! بعدها امي بدات تقول للناس الي يسقسوها في الجامع اني مانيش مخطوبة بعدما نشر الخبر هو و اهلو و الحمد لله جاو خطبوني اكثر من شخص في يوم بعدما اكدتلهم امي بالخبر الكذب

اتمنى صديقك يتفهم سبب الي خلا الاسرة تكتم خبر الخطبة
و الله اعلم

لانو البنت في مجتمعنا ماشي كيما الراجل الراجل اذا فسخت يخطب عادي لكن هي لو صرالو حاجة او فسخ الناس تقول 4 سنين مخطوبة يعتبروها مرت راجل وواحد ميدنالها او تنقص حضوضها
و ميكون غير الخير اخي توكل على ربي اذا راهي مكتوبك واحد مينحيهالك و 4 سنين راهي بلخف تفوت

[master.mohammed]

اخي راح نقلك السبب الي خلا العائلة البنت تكتم خبر الخطبة

لانو مجتمعنا لا يرحم البنت

يقولو مخطوبة 4 سنين و تتعلق بالخطيب راك فاهمني منبعد يقولو مندناوش ليها في حالت الخطيب بعيد الشر توفى او فسخ الخطبة لذلك تركوها في السر

اتمنى يتفهم طلبهم الناس لا ترحم

نعطيك مثال حصل لي انا شخصيا

خطبني شخص و طلب العرس يكون بعد سنتين ابي قال انو لا نعتبرك خطيب لكن لو تقدم خاطب اخر نتصل بيك للتراضي

يعني قابلين بيك لكن مدة سنيتين خطبة مدة طويلة بالنسبة للاب تاعي لانو كانو جاوني خطابا بزاف الحمد لله

المهم في العيد نلتقي مع ناس من عائلتي يقولولي مبروك الخطبة و انا لم اقل لاي شخص بعد الحاح تبين انهم نشرو الخبر في كل انحاء المكان فقط باش ميجي حتى واحد يخطبني و حتى كذبو وقالو لبسولي الخاتم و الفاتحة قريبة

انا تكلمت مع ابي وفسخت كلش
تصور واش قالي الخاطب انتي درك شكون راح يجي يخطبك !!!!! بعدها امي بدات تقول للناس الي يسقسوها في الجامع اني مانيش مخطوبة بعدما نشر الخبر هو و اهلو و الحمد لله جاو خطبوني اكثر من شخص في يوم بعدما اكدتلهم امي بالخبر الكذب

اتمنى صديقك يتفهم سبب الي خلا الاسرة تكتم خبر الخطبة
و الله اعلم

لانو البنت في مجتمعنا ماشي كيما الراجل الراجل اذا فسخت يخطب عادي لكن هي لو صرالو حاجة او فسخ الناس تقول 4 سنين مخطوبة يعتبروها مرت راجل وواحد ميدنالها او تنقص حضوضها
و ميكون غير الخير اخي توكل على ربي اذا راهي مكتوبك واحد مينحيهالك و 4 سنين راهي بلخف تفوت

كلام مقنع مئة في مئة عندك الحق و من حقهم هاذ الشئ و لكن نفترض الخطبة قعدة سرية بيناتهم من المؤكد يجو خطاب لبنتهم واش يكون في هاذ الحال موقف نتاعهم و لا واش لازم يكون موقف نتاعهم

[ماريـام]

كلام مقنع مئة في مئة عندك الحق و من حقهم هاذ الشئ و لكن نفترض الخطبة قعدة سرية بيناتهم من المؤكد يجو خطاب لبنتهم واش يكون في هاذ الحال موقف نتاعهم و لا واش لازم يكون موقف نتاعهم

طالما اعتبروه خاطب شرعا لا يجوز الخطبة على الخطبة و بالتالي يتحججو باي حجة باش ميبتقبلوش خطاب جدد مثلا يقولو انو هادرين عليها او يقولو انو تكمل دراستها الاول او ميقبلوش اصلا الاستقبال

و اذا مكانوش راح يوفو بوعدهم هنا صديقك تهنى من عائلة لا تحترم الدين و العهود

لكن منعتقدش صديقة اكيد اختار عائلة محترمة فقط يصبر يكمل شغالو و يوجد روحو

صراحة اخي انا ضد الخطبة الي طول ماشي مليح ليها و ليه و للعائلتين

من رايي يعاود يكلم الاب و يقولو انو يوقف معاها حتى تكمل دراستها كاين بزاف عائلات مدت بناتها و كملو دراستهم و عادي جداا و بنات درسو معايا متزوجات و مشات امورهم عادي جداا

هنا يبقي الخطبة سنة سراا و السنة الي بعدها يفتح عقد شرعي و اكيد ينشر الخبر

و يجيبها عروسة بعد شهور و تكمل دراستها لانو السنوات الاخيرة لا تتطلب الحضور الدائم

و الله اعلم

[ايلول20]

السلام عليكم
نقولك حاجة عادي جدا قال الرسول صلى الله عليه وسلم اقضوا حوائجكم في السر والكتمان"
ولكن كل موقف وكيفاه
مثلا انا صراتلي جاو خطبوني بصح درنا الخطبة والعقد غير في السر غير العائلة والاعمام قريبين منا جدا يسكنوا معانا
السبب : قبلي تزوجو 2 خواتاتي بصح واش صرا بعد العرس كارثة حلت علينا مرضوا خواتاتي للزوج حتى بدأنا بالرقية مرضوا لدرجة منقلكش على هداك اللي درنا كلش في الصدر بصح انا ماخبرتش مولا بيتي وعلاش درنا كلش في السر لاني ما نقدرش نحكيلوا على خواتاتي وهو تقبل الامر عادي مع العايلة تاعه
نقولك توكل على ربي واللي فيها الخير يجيبها ربي
الله يرزقك بنت الحلال

[النجمة القطبية]

يا اخى الكريم بالنسبة للسرية فلا اراها مشكلة كبيرة بالعكس هي وصية الرسول عليه الصلاة والسلام ان تقضى الحوائج بالكتمان
فالسرية تمنح الخطيبين مساحة اكبر للتفكير واتخاذ القرار دون تدخل افراد الاسرة الكبيرة
واسال اصحاب التجارب عندما تعلن الخطبة قبل ان تتم الامور قد يتدخل هذا وذاك فهذا لم يعجبه العريس والاخر لم يعجبه المهر وهكذا حتى يفسدو الامر
المشكل في طول مدة الخطبة اربع سنوات :confused: كثيير جدااا
انا افضل يتزوجها وهي تدرس احسن له ولها او على الاقل يعلن الخطبة بعد مدة يحددانها معا ثم الزواج بعد سنة او اثنين
طول مدة الخطبة امر لا احبذه هموما بالتوفيق

[staifia]

سلام
كاين لي يحب يخبي ويكتم خوفا من العين او السحر مثلا
وكاين لي عندو نو رمال و كاين لي نيتو مش صافية والله اعلم


شكرا

[*ام عبد الكريم*]

هذا راهو غالط كان لازم عليه يستفسر عن السبب عند اهل البنت
و اذا اعطاوه سبب مقنع و وجيه فلا مشكلة اما اذا كان العكس فهذا شئ محير
ربي يفرج همه

[رة بنت الاحرار]

السلام عليكم انا نشوف بان كلا الطرفين راهو على حق ,انا تاني مين جاو يخطبوني اهله هما اللي طلبو باش تكون الامور سرية لانهم يخافون من العين والحسد والسحر ....

[rose de sable s]

ممكن خاف من الحسد لكب ليس بهذه درجة
انت قلت نشوف رلي بنلت علي عكس بنات يحبون ان يعرف ناس انهم انخطبو اولا لاجل فخر و لكي لا يتحرش بهم احد اخر
نتمني يسال علي سبب مقنع

[gammamoh]

جزاك الله خيرا

[biti]

3andhom asah

4 snin mal ahsan tab9a alomour f sir
kayan alghira w l hsad w hadra trouh w tji
w en plus ida la samaha alah w tfar9o albant rah thdar bazaf lakan ga3 nass 3labalhom bali kanat lkhtouba