هل عجزت حرائر الجزائر تحضير صحن من الكرنطيطة

[الحر2012]

القارىء للعنوان ربما يعتبره نكتة او مزحة ولكنها في الحقيقة الم اعتصرني بعدا لاحظت ظاهرة غريبة في المجتمع منتشرة عند النسوة الماكثات في البيت نساء يحملن صحونا فارغة او حقائب يتوجهن عند بائع الكرنطيطة البطاطا المقلية فكثيرات منهن يملأن الصحون كرنطيطة وبعضهن يتوزعن بين الفريت ونسوة اخريات يملأن الحقائب بالبيتزا وما اغاضني كثيرا انهن نسوة ماكثات في البيت وقلت في نفسي اعجزت هؤلاء النسوة عن خلط رطل من الحمص المرحي بالماء ووضع قرص من الملح ووضعه في طابق حديدي ووضع الطابق في الفرن 'الكوشا ' ثم طلي الوجه بقليل من الزيت والبيض وانتظار مدة 10دقائق لتصبح الكرنطيطة جاهزة ورطل من الكرنطيطة يأكل منه 7 افراد ثم اكملت الحوار النفسي بأن مجتمعنا اصبح مجتمع كسول خامل رجاله يتسولون قطرة البترول ونساؤوه يعجزن عن تحضير صحن من الكرنطيطة.

[chouchou w]

عندك الحق خويا موضوع جيد هذي ضاهرة كثرت فلبلاد ربي يهديهم

[moubtadi]

أصبت ورب الكعبة

[oum anas 69]

ماتلومش أخي ماعندهمش الوقت ... الفاااايسبوووك و ماا أدرااااك مافايسبوووك
سبحان الله هذا الجيل جا خايب .. لامود .. النت .. و دعاوي الشر سواء إمرأة أو رجل حاشى لي مايستاهلش
أنا راني في الغربة و جامي شريت ماكلة طايبة ــ جبت كلشي من البلاد الطواجن تاع الكسرة بأنواعها .. المهراس .. الطابونة ... القصع تاع الطين .. تاع اللوح .. جبت حتى مخاضة اللبن
و الحمد لله على كل حال

[الحر2012]

تبارك الله في الحرائر اللواتي يأكلن مما خبزت وعجنتع وحضرت ايديهن

[الصديق قروف]

بارك الله فيك
لو تسئلهم لماذا لاعطونا اسباب كثيرا
ومنها شعب تعنا مرفه يحب يصرف ويقعد معلم ‏
حنا عندنا الواحد يدخل شويا دراهم يحبس يجيب خدام و هوا يروح يحوس
اما الاجانب فهم يحسبو لدورو ويشغل عامل لضرورة فقط


البترول قريب يفض
لازم نخممو في بلادنا و ولادنا ‏‎ ‎

[جمعي البشاري]

عندك الحق خويا موضوع جيد هذي ضاهرة كثرت فلبلاد ربي يهديهم

[optimism]

السلام عليكم
بأن مجتمعنا اصبح مجتمع كسول خامل رجاله يتسولون قطرة البترول ونساؤوه يعجزن عن تحضير صحن من الكرنطيطة.,,,,,,معادلة صحيحة ,,,,رجال ونساء
شكرا على وصفة كرانتيكا
سلام

[الحر2012]

السلام عليكم
بأن مجتمعنا اصبح مجتمع كسول خامل رجاله يتسولون قطرة البترول ونساؤوه يعجزن عن تحضير صحن من الكرنطيطة.,,,,,,معادلة صحيحة ,,,,رجال ونساء
شكرا على وصفة كرانتيكا
سلام

لا شكر على واجب فقد كنت احضر الكرنطيطة وابيعها عندما كان سني 20سنة وكانت تلاقي اعجابا خاصة عندما تضيف اليها الكمون في الاخير وجي محروقة الوجه من البيض والزيت

[الحزين المبتسم]

هي حقيقة مرة

بارك الله فيك أخي

[BAROUD]

يعني موضوعك يمكن ان نقبله علئ انه حقيقة جزئية


لكن :


تخيل ياتي يوم ما و تذهب العائلات باكملها الئ محلات الكرانطيطا و تشبع هناك و ترجع للبيت للمبيت فقط




تضحكووووش عليا من غير خبرتي في سلق بيضة

[fethallahmbarki]

بارك الله فيكم اخي و جزاك الله خيرا

[(( هبة الرحمن ))]

لم أعجز بعد .....مازالني على ديداني :1:
الحمد لله أحضر الكرانتيكا في البيت ولا أحب التي تباع لأنها الأكلة الشعبية الأكثر عرضة للأوساخ وأغلب البائعين يستعملون الفول والخبز المطحون بدل الحمص
حتى لا تقول كل النساء ( قلت نبين لك راني شاركت بطبق الكرانتيكا في المنتدى ) .......هاهي :
ما رأيك ؟؟:rolleyes:
http://www.up.djelfa.info/uploads/142875435182961.jpg
http://www.up.djelfa.info/uploads/14287543518432.jpg

رابط الموضوع هكذا النساء يحضرنها في البت :

http://djelfa.info/vb/showthread.php?t=1787442 (http://djelfa.info/vb/showthread.php?t=1787442)

[optimism]

السلام عليكم
ياهبة الرحمن ,,,,,,اي مزية لي شعلتي عليها من فوق ورجعت حمرا ,,,,,,,,هو قال نطليها بزيت وبيض باش جي محروقة
كيف لرجل يعرف تفصيل مثل هذا ولاينتقد نساء اليوم ,,,,,,حقا مشكل للنساء لو اصبحوا يعرفون هذه التفاصيل في الطبخ
شكرا على الرد ,,,,,,,,,,جمعة مباركة

[(( هبة الرحمن ))]

السلام عليكم
ياهبة الرحمن ,,,,,,اي مزية لي شعلتي عليها من فوق ورجعت حمرا ,,,,,,,,هو قال نطليها بزيت وبيض باش جي محروقة
كيف لرجل يعرف تفصيل مثل هذا ولاينتقد نساء اليوم ,,,,,,حقا مشكل للنساء لو اصبحوا يعرفون هذه التفاصيل في الطبخ
شكرا على الرد ,,,,,,,,,,جمعة مباركة

وعليكم السلام ورحمة الله وبركاته

جمعتك أطيب أختي أوبتي

هو يحب الكرانتيكا المحروقة :1: لأنها جذابة :rolleyes:
الله غالب أنا في البيت عندي أخي أي أكلة تميل للاحتراق ويرجع لونها أسود لا يأكلها ....عنده فوبيا ...يقولي الأكل إذا تفحم رجع مسرطن ربي يعافينا .....ما علابالي إذا معلومة صحيحة ولا .. لا...راكي عارفة احنا الأخوات نساعفوا برك....
بالنسبة للأخ الحر 2012 لن ألومه ومعه حق ..ضرب لنا مثالا على أبسط أكلة والنساء يشترينها ...بهدلونا النسا تع هذا الوقت ....معجزات وفنيانات ....فتحولهم قناة سميرة حتى المطلوع تعلمه كيفاش يعجنوه .... وماتعلموش ...يحبن المسلسلات التركية ...والقيل والقال .
-
-
-
أرى العيب في الرجل ...كيف يكون سبعا على أمه وأخواته قبل الزواج ...ويعلق على الأكل ويتشرط ..وكي يتزوج تحكمه لالاه من الوذنين وجرّه......اللي يقبل بالأكل خارج المنزل يستاهل واش يصرا فيه.

[Mohammed_Amine]

راجلها يخدم البيتزا وهي تخدم شوفور

[mouhaned]

أصبت ورب الكعبة

[ام نهوله]

راجلها يخدم البيتزا وهي تخدم شوفور

رحم الله الرحم الذي حملك
موضوع يبهدل

[*سندوسة*]

نتا لي حكيت عليهم ماشي حراير وانما فنيانات ولقات الدابة لي يخليها تجيب الاكل من البرا هنا المشكل فاين راه فالمراة ولا في زوجها الدابة

[سميرة10]

السلام عليكم
الدنيا مازال فيها نساء فحلات واكثر من فحلات لا تعممو
وتلك النسوة الذين يذهن عند بائع الكارنتيكا يليقلهم طريحة هما والرجال نتاعهم

[sunshine2013]

شكرا على الوصفة و صحيح و الله عيب خاصة اللي قاعدة في الدار

[Mohammed_Amine]

رحم الله الرحم الذي حملك
موضوع يبهدل

الله يرحمنا اجمعين

[زينب 83]

بارك الله فيك اخي على طرح الموضوع ، و الله حقيقة مرة و الامر انه ام ترضى لاسرتها و خاصة أطفالها بأكل اطباق مجهزة بدون مراقبة و بأدنى شروط النظافة ، و انا شخصيا لا اقبل هذا الامر و لا استوعبه سواء للماكثة في البيت او العاملة ، لان أمي كانت عاملة و عمرنا لا كلينا اكل من برى ربي يحفظها يا رب

اما عني الحمد لله ولادي كل شيء يتباع برى نخدمو في الدار حتى المعلبات و أوقات الجبنة و الياوورت و الايسكريم و الباتيسري و المربى و كل حاجة يسخفوا عليها ،

الحمد لله اخي مازال كاين حراير و يأكلوا من تعب يديهم و ماشاء الله طباخات المنتدى خير دليل

لكني حقاً أوجه نداء لجميع النساء و الله اكل الشارع كله امراض و ميكروبات و أوساخ و البائع لا يهمه الا الربح السريع ، يا اختي انت راعية في بيتك و مسؤولة عن رعيتك لذا كوني بقدر المسؤولية و احتسبي الاجر عند الله


بارك الله فيك اخي الكريم

[الحر2012]

بارك الله في كل من مر واعطى تعليقا ولعلمكم الظاهرة التي ذكرتها هي ظاهرة خطيرة ويجب على النسوة اللواتي يقمن بها الامتناع عنها ام بالنسبة للوجه المحروق لكرنطيطة فلا يشكل اي خطر لان اي اكل كلما زاد نظجه احترقت الميكروبات الموجودة فيها

[(( هبة الرحمن ))]

بارك الله في كل من مر واعطى تعليقا ولعلمكم الظاهرة التي ذكرتها هي ظاهرة خطيرة ويجب على النسوة اللواتي يقمن بها الامتناع عنها ام بالنسبة للوجه المحروق لكرنطيطة فلا يشكل اي خطر لان اي اكل كلما زاد نضجه احترقت الميكروبات الموجودة فيها

:D:D:D:D

واش داخلة في الوصفة هاذي ثاني ؟؟؟
يعني المرأة لا تجيد الطبخ ولما تتعلم..... تطبخ الميكروبات.....:rolleyes:

[first first]

كنت اتمنى لو اعرف الكرنطيطة معرفة شخصية لافهم لما خرجن النسوة لشرائها ولم اعبتن عليهن ذلك؟؟؟؟؟؟؟
للاسف في دوارنا لانطبخ الكرنطيطة ولاتباع خارجا ولم اكلها يوما ................لكن في نيتي تجريبها قريبا.

جميل ان صاحب الموضوع وضع الوصفة ........يعني طفل صغير يمكنه صنعها .....لاتكلف لامجهود ولاتفنن ولاحتى اواني كثيرة ................لكنت قلت انهن يتجنبن غسل اواني التحضير........يعني عن اسباب عد م طبخها في البيت بكل نظافة واتقان وشرائها من الخارج لم اجد مبرر وجيه ؟؟ اللهم ان كن لايملكن فرن؟ او الفرن تعطل .....هنا للناس ضرووووووووووووووووووووووف؟
في النهاية لم ينزل في كتاب الله ان من تشتري البيترا المعفنة او الكرنطيطة المغبرة لن نتشم ر يح الجنة؟.................فانا دائما مع اختي المراة (مالم تظلم احدا) خليوها تشري شوية كرنطيطة وشوية بيتزا.............ارحمو من في الارض يرحمكم من في السماء:1:

[(( هبة الرحمن ))]

كنت اتمنى لو اعرف الكرنطيطة معرفة شخصية لافهم لما خرجن النسوة لشرائها ولم اعبتن عليهن ذلك؟؟؟؟؟؟؟
للاسف في دوارنا لانطبخ الكرنطيطة ولاتباع خارجا ولم اكلها يوما ................لكن في نيتي تجريبها قريبا.

جميل ان صاحب الموضوع وضع الوصفة ........يعني طفل صغير يمكنه صنعها .....لاتكلف لامجهود ولاتفنن ولاحتى اواني كثيرة ................لكنت قلت انهن يتجنبن غسل اواني التحضير........يعني عن اسباب عد م طبخها في البيت بكل نظافة واتقان وشرائها من الخارج لم اجد مبرر وجيه ؟؟ اللهم ان كن لايملكن فرن؟ او الفرن تعطل .....هنا للناس ضرووووووووووووووووووووووف؟
في النهاية لم ينزل في كتاب الله ان من تشتري البيترا المعفنة او الكرنطيطة المغبرة لن نتشم ر يح الجنة؟.................فانا دائما مع اختي المراة (مالم تظلم احدا) خليوها تشري شوية كرنطيطة وشوية بيتزا.............ارحمو من في الارض يرحمكم من في السماء:1:

:dj_17:
من خلال الوصفة يظهر لك أنها سهلة لكنها لا تنجح مع الجميع المشكل في طريقة الطهي وأحيانا نوع الحمص

[first first]

:dj_17:
من خلال الوصفة يظهر لك أنها سهلة لكنها لا تنجح مع الجميع المشكل في طريقة الطهي وأحيانا نوع الحمص

شكرا هبة الرحمن

انا اصلا كما قلت عمري تذوقتها او رايتها يعني لو اجربها ماش راح نفيقلها صلحت ام لا ؟؟؟

وبما انك قلت لاتصلح للجميع ............فهن اذن معذورات.:1:

[(( هبة الرحمن ))]

شكرا هبة الرحمن

انا اصلا كما قلت عمري تذوقتها او رايتها يعني لو اجربها ماش راح نفيقلها صلحت ام لا ؟؟؟

وبما انك قلت لاتصلح للجميع ............فهن اذن معذورات.:1:
هي بالذات :1:

[الحر2012]

في الحقيقة اننا اصبحنا مجتمع كسول لا يعمل ويميل الى الاتكال على غيره ولاينتج ما ياكله بيده حتى ابسط الاشياء تنتج في الصين وتركيا ونحن نشتري فقط وليس المشكل في الكرطيطة او شرائها ولكن المشكل في الكسل

[first first]

في الحقيقة اننا اصبحنا مجتمع كسول لا يعمل ويميل الى الاتكال على غيره ولاينتج ما ياكله بيده حتى ابسط الاشياء تنتج في الصين وتركيا ونحن نشتري فقط وليس المشكل في الكرطيطة او شرائها ولكن المشكل في الكسل

صدقا اخي قصة الكرنطيطة تدل على اشياء اخرى............موضوع هاذف وذكي مصاغ بطريقة جميلة.............نحن الكرنطيطة تغلبنا وتعيينا رغم سهولتها وفرضا لاتصلح للجميع ..........الهذه الدرجة اصبحنا مجتمع لايحاول؟؟؟؟؟ لو جات في الكرنطيطة وحسب لسكتنا ................لكن مجتمع لايريد ان يبذل جهد ........هو مجتمع لايريد التقدم للامام .


من جهة اخرى ..........امراة تدعي انها قوية .............وتصلح لجميع المجالات ................لما تعجز امام الكرنطيطة؟؟؟؟؟؟؟؟؟؟؟؟؟؟


وعلى ذكر الكسل والاتكالية الممزوجة بالغباء والمعطرة بسوء التدبير والتخطيط وعقم في التفكير
اتسال ................لما تستورد الجزائر عود الثقاب من الصين؟؟؟؟؟؟؟ عيب من طراز خاص جدا. ....كون جات بريكي والله نعقبوها ..........لكن عود ثقاب؟؟؟؟؟؟؟؟؟؟ الهذه الدرجة نحن مجتمع لايخجل؟

[الحر2012]

لذا نرجوا ان الرسالة قد وصلت الى كل مراة ورجل ليعتمدوا على سواعدهم ويشمروا على الاذرعة لياكلوا مما انتجوا

[صبرينة لوتس]

السلام عليكم
الحقيقة ما هكذا تناقش المواضيع الفكرية أرجو رفع المستوى ،فواحدة تقدم لنا الطبق جاهزا ، وآخر يستفسر عن طريقة التحضير ،أرجوكم نحن في منتدى ولسنا
على صفحات الفيس بوك .
أما رأيي في الموضوع فالمرأة الجزائرية أريد لها ذلك ، وأجيب على تسائلك بسؤال آخر وهل انعدمت الرحمة في قلوب الجزائريين حتى يباع الماء الشروب في علب صغيرة الحجم ثمن الواحدة منها 5 دج .
وشكرا

[أريج لرجام]

سبحان الله كل شيء يشروه من برا ويقولوا الدارهم ماهمش يقومونا وما بقاتش البركة ما هذا

[شمس بريكة]

مش قضية انو ما يعرفوش يكونو كرهو من الطياب والدار راهي مسؤولية كبيرة مش حاجة صغيرة نورمالمو تفهموهم وتقولو معليش خليوهم يرتاحو ليوم من تعب وروتين الدار وكاين الخدامات الي ديارهم بعاد ما يقدروش يروحو لديارهم ويطيبو وياكلو تتلقاهم يشريو من برا اعذرو الناس كل واحد وضروفو

[شمس بريكة]

صدقا اخي قصة الكرنطيطة تدل على اشياء اخرى............موضوع هاذف وذكي مصاغ بطريقة جميلة.............نحن الكرنطيطة تغلبنا وتعيينا رغم سهولتها وفرضا لاتصلح للجميع ..........الهذه الدرجة اصبحنا مجتمع لايحاول؟؟؟؟؟ لو جات في الكرنطيطة وحسب لسكتنا ................لكن مجتمع لايريد ان يبذل جهد ........هو مجتمع لايريد التقدم للامام .


من جهة اخرى ..........امراة تدعي انها قوية .............وتصلح لجميع المجالات ................لما تعجز امام الكرنطيطة؟؟؟؟؟؟؟؟؟؟؟؟؟؟


وعلى ذكر الكسل والاتكالية الممزوجة بالغباء والمعطرة بسوء التدبير والتخطيط وعقم في التفكير
اتسال ................لما تستورد الجزائر عود الثقاب من الصين؟؟؟؟؟؟؟ عيب من طراز خاص جدا. ....كون جات بريكي والله نعقبوها ..........لكن عود ثقاب؟؟؟؟؟؟؟؟؟؟ الهذه الدرجة نحن مجتمع لايخجل؟

عندك حق نحن مجتمع لا يخجل حقا الام تتعب و تربي وتكبر وكي تسخف على كرانطيطة تاع برا ولينا لا نخجللاننا ما نققدروش تعب الام والعاملة لا نخجل لانو ممكن يكونو ماعندهمش مصروف في الدار وراحت تشري باش تسد جوعها لا نخجل لانها خدامة ودارها بعيدة ما لقاتش ويت تاكل لا نخجل لانها تعبت من قضيان الدار وحبت ديفولي وتريح روحها من الطياب لا نخجل لانو ما نقدروش تعب الاخر خاصة المراة وكي تخرج تاكل برا ولات عيب وعار ارتقو بتفكيركم

[الحر2012]

عندك حق نحن مجتمع لا يخجل حقا الام تتعب و تربي وتكبر وكي تسخف على كرانطيطة تاع برا ولينا لا نخجللاننا ما نققدروش تعب الام والعاملة لا نخجل لانو ممكن يكونو ماعندهمش مصروف في الدار وراحت تشري باش تسد جوعها لا نخجل لانها خدامة ودارها بعيدة ما لقاتش ويت تاكل لا نخجل لانها تعبت من قضيان الدار وحبت ديفولي وتريح روحها من الطياب لا نخجل لانو ما نقدروش تعب الاخر خاصة المراة وكي تخرج تاكل برا ولات عيب وعار ارتقو بتفكيركم

تعرفين ما اخرنا نحن الجزائريين اخرنا الكسل وحب الديفولاج ليس بالاتكال على سواعدنا ولكن بقطرة البترول انا معك فيما قلت ولكن بعد العمل وليس كسل بعد الكسل وشكرا على المرور

[first first]

عندك حق نحن مجتمع لا يخجل حقا الام تتعب و تربي وتكبر وكي تسخف على كرانطيطة تاع برا ولينا لا نخجللاننا ما نققدروش تعب الام والعاملة لا نخجل لانو ممكن يكونو ماعندهمش مصروف في الدار وراحت تشري باش تسد جوعها لا نخجل لانها خدامة ودارها بعيدة ما لقاتش ويت تاكل لا نخجل لانها تعبت من قضيان الدار وحبت ديفولي وتريح روحها من الطياب لا نخجل لانو ما نقدروش تعب الاخر خاصة المراة وكي تخرج تاكل برا ولات عيب وعار ارتقو بتفكيركم

اضنك لم تقرئي ردي السابق



كنت اتمنى لو اعرف الكرنطيطة معرفة شخصية لافهم لما خرجن النسوة لشرائها ولم اعبتن عليهن ذلك؟؟؟؟؟؟؟
للاسف في دوارنا لانطبخ الكرنطيطة ولاتباع خارجا ولم اكلها يوما ................لكن في نيتي تجريبها قريبا.

جميل ان صاحب الموضوع وضع الوصفة ........يعني طفل صغير يمكنه صنعها .....لاتكلف لامجهود ولاتفنن ولاحتى اواني كثيرة ................لكنت قلت انهن يتجنبن غسل اواني التحضير........يعني عن اسباب عد م طبخها في البيت بكل نظافة واتقان وشرائها من الخارج لم اجد مبرر وجيه ؟؟ اللهم ان كن لايملكن فرن؟ او الفرن تعطل .....هنا للناس ضرووووووووووووووووووووووف؟
في النهاية لم ينزل في كتاب الله ان من تشتري البيترا المعفنة او الكرنطيطة المغبرة لن نتشم ر يح الجنة؟.................فانا دائما مع اختي المراة (مالم تظلم احدا) خليوها تشري شوية كرنطيطة وشوية بيتزا.............ارحمو من في الارض يرحمكم من في السماء:1:

بالطبع يحق لها ان تشتري ماتشاء ..............لكن يبقى للموضوع بعد اخر ...........لايقتصر على شراء قطع كرنطيطة وحسب؟؟؟؟

[العبد الابق]

بارك الله فيك اخي على الموضوع القيم

[ميرة34]

اللي تخدم تلقاها تدير كل الاعمال و تتفنن في الطبخ و غيره اما الماكثة في البيت فقد اخذت الاعفاء في كل شيء

[صدفات]

السلام عليكم
أصبت يا أخي و الله غير حشومة و عيب في حق الأم الجزائرية و لكن ماذا نقول البيوت أسرار ربما هو الكسل او المرض
عافانا الله و إياكم او ربما هو تقشف :confused::confused:
و لكن المدهش حقا هو وقوف هِولاء النسوة في طوابير المخبزات يو العيد هل عجزن على خبزة في الفرن أو الطاجين :confused::confused:
ربي يهدينا و يهديهم

[OpeyXD]

بارك الله فيكم اخي و جزاك الله خيرا

[لينة نور]

لذا نرجوا ان الرسالة قد وصلت الى كل مراة ورجل ليعتمدوا على سواعدهم ويشمروا على الاذرعة لياكلوا مما انتجوا

السلام عليكم

وصلت الرسالة أخي http://www.djelfa.info/vb/images/icons/icon4.gif

https://encrypted-tbn1.gstatic.com/images?q=tbn:ANd9GcS8-_5mkNanhiIruBve4pX3SmqZTBBFEdT9yOgiAXwuHy0WYCt9

هذا المسكين من دون شك أخرجه العوز لساحة العمل وغيره كثيروووون من رجال الى نساء الى شيوخ

كونو أذكياء ولا تتركوهم للشمس تشوي جلودهم اعاذكم الله من نار جهنم ، اشترو بضاعتهم قبل أن يشتد الحر ...